فالطوموبيل سيليا تسوق كي العادة الفيتاس عندها لعب
مازن:اسمعي نتي قلتيلي مراحش نقتلك اني نشوف فالعكس نقصييي
سيليا شافت فيه متحشي فالكرسي ومزير على السانتير من نيتو طلعت حاجبها مع تبسيمة خفيفة
سيليا:من نيتك حبي مأمن انا نسمح فيك...ونقتلك ونخلي طبيبة وفرملية يتلمسو في رزقي؟؟
مازن شاف فيها شوفة خبيثة بينما هي بلعت ريقها من الفضيحة اللي دارتها دارت برك تشوف مع الطريق
مازن:هممم...كملييي..رزقك مالا؟؟
سيليا:مقلتش غاالط
مازن:ههههه كذابة شوفي كيفاه حمرتي
سيليا:مااازن اسكت عليا
ضحك وحط يدو على كتفها وقرب ليها كثر انفاسو فرقبتها
سيليا تلبكت منو:وشبيه جدك؟؟
مازن:مات المغبون بقيت انا فعشقك ذايب سقسي عليا وعلى حاااالييييي
سيليا:هههه
باسها من رقبتها وخلا ذقنو على كتفها غايس فتفاصيل وجهها وشعرها
مازن:قداه من مرة قتلك نعشقك؟؟
سيليا مستحلية قربو:هممم..بزاف مرات
مازن:ونتي واثقة باللي قلتهم من قلبي؟؟
سيليا:واثقة كثرمن ثقتي بمعرفة اسمي
مازن باسها من خدها:انا نعشقك..نعشقك ونموت فالهوا اللي تتنفسيه..نحبك ونحب ريحتك ..هبالك .ضحكتك..عينيك.شعرك...كلشي فيك يجذبني ويخليني مشتت ونخمم غير فيك...قلبي وكل حواسي مربوطة بيك
سيليا يديها تجمدو على الفولون من الاحساس اللي اجتاحها وانفاسو تضرب فيها ويديه اللي يتلمسو فكتفها ورقبتها والثانية محاوط بيها خصرها غمضت عينيها مش قادرة تركز على شي...
مفطنت غير وصوت الشاحنة تزمر جاية قاصدتهم
حلت عينيها لقات الكاميون فوجها راح يدخل فيهم مفاقتش لروحها كيفاه زربت جبدت اللوطو بيهم على جيهة وحبست تنهج وهو بعد عليها مخلوع شاف لحالتهم هي مزيرة على الفولون وترجفو هوما حابسين على جيهة الطريق قلبو كان يضرب فالألف صدق اللي قال كلمة عليها ملك و كلمة عليها شيطان لازم نعرفو وش تخرج افواهنا باه منطيحوش فشر كلامنا وتبهليلنا ..هوما ليوم قريب ماتو من هبالو واستهتارو
شاف فيها طلقت راسها على الفولون حسبها داخت
مازن:سيليا!!..سييليا(فوت يدو على ظهرها لقاها هزت راسها وضربتهالو)
سيليا:بعععد...كنا راح نموووتو..اووف...(لضت على صدرها متوجعة وقتلاتو بأنينها اللي معرفش سببو)
YOU ARE READING
"اسيرة_لعبة_الماضي "باللهجة الجزائرية
Romanceاول كرو ليا بقلمي وافكاري وتعبي ممنوع النقل الا باذني "الدنيا خيبات...تعطيك الأرخص وتأخذ منك الأغلى ......تجعلك تثق وتخونك ......تجعل جميع الظروف جامعة لك بما ستحب وتتعلق ....لتتأكد من شدة المك عندما تاخذه منك ويصبح الماضي هاجسا بينك وبين ال...
