الحفلة ماشية ووصل لعشا وين تلمو كل جماعة في طابلة ولي سارفور يحطو فالعشا بيناتهم
كانو مقبلات خفيفة مع انواع عصائر باين مراحش يديرلهم المثوم والكسكسي
فات لعشا بسلاسة وين تشوف تلقا تبسيمات رضا على وجوه الحاضرين
دارو طاولة كبيرة لعايلة اصحاب الحفلة اللي هوما الجماعة التالية:ماهر,مازن,دانييل,جان,ايلين سيليا,بشرى,نور,لينار.كانو كامل مجمعين ويحكيو ويضحكو فيما بيناتهم وكل واحد مهووس بحبيبة قلبو مازن يشوف لسيليا برضا بعدما خذات رايو وبدلت كيما طلب منها بلا اي اعتراض تعجبو بزاف كي تخبي غرورها وتمشيلو فالخط غير باه ترضيه هو علابالو باللي راسها مزنجر وكي تحط شي فبالها عزرين ميخليهاش تنحيه مي علاجالو تتنازل وتمشي برايو...كل مرة زيد يعشقها كثر وكثر
جان و نور قاتلين رواحهم بالتخنزير فبعضاهم وايلين وماهر مستاميين ماهر حاكم يد ايلين ويشعرلها
ماهر:فتنة وكل مرة تفتنيني كثر
ايلين تبسمت بحشمة:هههه مرسي ماهر عمرااانييي
ماهر:ههههه ماهر عمراني كلو تاعك احبي
ايلين:وايلين كلها ليك يا ماهر
ماهر:انا علابالي بالشي هدا مي الناس كامل لازم تعرف الشي هدا
ايلين:همم؟؟
ماهر باس يدها وهز كاستو مخاطب الجماعة اللي راهي معاه:سمحولي دقيقة تعطوني انتباهكم هنا
شافو فيه كامل
جان:خير اولد عمراني؟
ماهر:ههههه خير خيير نسيبي
مازن:ازرع ينبت بروو
ماهر:ههه وي....اححمم(حكم يد ايلين مرة اخرى)..قررت ليوم نعلن عن زواجي انا وايلين قدام كامل الحضور وباللي هي تاعي وليا وحدي
سيليا وجهها تبدل:اوو الحفلة مخلطة والصحافة حاضرة ماهر يعني الكل راح يسمع بيكم و.و..علاقتكم ضك..
جان:رايي من راي سيليا اولد عمراني حنا مزلنا محكمناش البوص بيسك مزال هارب ومتخبي والشي هدا فيه ريسك عليكم مزلنا مش عارفين علاه جايبينها وراكم؟؟
ماهر::علابالي خممت فالشي هدا مليح مي هو راهو فايطاليا كيما قلتو واذا حاول يهبط للبلاد راح يتحكم وليوم خاصة الحالة راهي محروسة مليح واذا حاول يظهر منا وجاي فحياتنا راح يخلصها غالية
ايلين:انا مع ماهر...حاليا كل ما يهمني بنتي واللي يخمم يبعدني عليها راح نقتلو بلا اي رحمة(زيرت على يد ماهر كثر)راح نبقى معاه للخر ومراحش نخاف نكشف على علاقتنا لأنو حبي ليه اقوى من كلشي وواجدة نموت علاجالو
نور وبشرى غير يشوفو وحايرين وش راهم يهدرو هادو؟؟..وشمن بوص وايطاليا والخلا؟؟
دانييل :شريكي قرارك على قد ما راح يبين قوة علاقتكم على قد مراح يخليها تكون فالخطر ونتا دبراسك
YOU ARE READING
"اسيرة_لعبة_الماضي "باللهجة الجزائرية
Romanceاول كرو ليا بقلمي وافكاري وتعبي ممنوع النقل الا باذني "الدنيا خيبات...تعطيك الأرخص وتأخذ منك الأغلى ......تجعلك تثق وتخونك ......تجعل جميع الظروف جامعة لك بما ستحب وتتعلق ....لتتأكد من شدة المك عندما تاخذه منك ويصبح الماضي هاجسا بينك وبين ال...
