التصفيق والتصفار تعالا فالبلاصة والكل أيد الفكرة الانارة خفت واللحن تاع الأغنية مشا فانحاء الصالة رين قريب كلات سنيها من الوضع اللي حطها فيه جان ونور كانت العكس ميتة بالفرحة على الشي اللي دارو جان قصفها وقتلها بكل معنى الكلمة.
حط جان المايكروفون فيد رين يتبسم
جان: رييين مش نتي اللي برك اللي تعرفي تلعبي...لأنو انا الملك ديما خليها فبالك
رين حكمتو عليه:مش خصارة فيك جان هههه انت ملكي
شاف فيها باستصغار ودار لنور حكمها من خصرها نازلين للابيست
الحضور كامل دارو كوبل كوبل وقعدو يتمايلو على اوتار قلوبهم كل زوج متزوجين او خاطبين او كوبل راهم هنا يتمايلو
ومنهم أبطالنا
ماهر حاكم ايلين من وسطها وهي حاطة يديها على كتافو
ماهر:فرحان بزااااف بقربنا هدا
ايلين: وانا كثر
ماهر:علابالك تفكرت اول حفلة تلاقينا فيها كيما رجعتي شريرة املاكي
ايلين:ههه حسيت وجهك ذهبولو الالوان كامل هداك النهار
ماهر:مش غير...قريب بلعت لساني من الغش
ايلين فوتت يدها على خدو بحنانة:سامحني اذا قلقتك حبي
ماهر:السماح يافتنتي..اصلا نستاهل الشي اللي درتيه قليل مقارنة مع الشي اللي درتو
ايلين:هممم مالا لازم نطلب تعويض
ماهر:هههه اكيد
ايلين تبسمت بحنانة تايهة فعينيه:التعويض الوحيد اللي حابتو حاليا هو انو نكونو كيف كيف مع بنتنا لينار فرحانين وصاي..نخليو عايلتنا مستقرة وسعيدة ونحرصو على امان بنتنا وراحتها
(شافوللزوج ليها كانت مع بشرى في طاولتهم وتتفرج فيهم وتضحك تبسمولهاورجعو يشوفو لبعض)
ماهر:نوعدك منا وجاش كلشي يتصلح..مبقا قد اللي فات..حياتنا راح ترجع طبيعية واحسن الونة
ايلين:ان شاء الله يارب
الكوبل الثاني اللي كان قريب ليهم هوما جان ونور
جان حاكم نور من خصرها وهي دايرة يديها على صدرو
جان:مزلتي مغشة مني؟؟
نور:علاه؟
جان:من قبيل قالبة خليقتك..من كيما خليتك تبدلي...شوفي هادي اللبسة هاي تهبل ونتي محليتها علاه تغششتي؟
YOU ARE READING
"اسيرة_لعبة_الماضي "باللهجة الجزائرية
Romanceاول كرو ليا بقلمي وافكاري وتعبي ممنوع النقل الا باذني "الدنيا خيبات...تعطيك الأرخص وتأخذ منك الأغلى ......تجعلك تثق وتخونك ......تجعل جميع الظروف جامعة لك بما ستحب وتتعلق ....لتتأكد من شدة المك عندما تاخذه منك ويصبح الماضي هاجسا بينك وبين ال...
