خرجو من المركز ووقفو قدام سياراتهم
ماهر:لحباب نطلعو نتغداو ونهبطو نكملو نشاطاتنا وين نروحو ؟
سيليا/ايلين:المرة الجاية علينا هههه
ماهر:ههه خلاص مالا أوك
ركبو وطلعو للمخيم تاعهم فالطريق شراو الحوت وقررو يشويوهم
غير وصلو تلمو ليكيب لبنات والفو الراحة والذراري مع الحوت ينظفو فيه
مازن حاكم حوتة ويشكي::اووف ليكيب والله ماي خدمة مش على أساس الطياب خدمة النسا
جان مستصعبتلو مع الحوت اللي مفهمش راسو من رجليه:والله صح تفاهمت معاك فالشي هدا مازن عيب عليهم شوف كيفاه مجمعين ولا على بالهم
ماهر ضرب الحوتة اللي كانت قدامو:زيدي تشوكاي نتي فيا انا اللي نتشوكا فيك ولا نتي اللي تتشوكاي فيا صحيحة الوجه
رائد:سي ماهر لباس؟
ماهر:لباس ايه شوف انا حايرتلي كيفاه نديرلها وهي فاتحة فمها في وجهي وقاعدة
جانير::ههههههه سي ماهر هي مسكينة ميتة كيما حكمتها الصنارة بقات
ماهر:اممم وش عليه خلييي
لبنات مجمعين
نور:ههه لبنات غير شوفو الذراري كيفاه حاصلين مع الحوت
سيليا:ههه يستاهلو خليهم يتعذبو شوي
ايلين:ايه خلونا نتقلشو ونشمو هوا نظيف ههههه
ريماس:هههه مي غاضوني مساكن شوفوهم متعذبين الزين هدا ميليقش يخدم هاد الخدمة
كامل هزو عينيهم فيها تاع شحال غااملة
ريماس :هههه مادام ايلين نتي تعرفي ماهر من قبل؟
ايلين:وشنووو؟؟
ريماس:والو لبارح كي شفت خوفو عليك بعد جان وقعد هو معاك كان قريب يموت من خوفو عليك
....::يااا صح كامل شفناه كيفاه فالسما وقرب منطادو وسوطا عندك سبحان الله
///:ايه صح مام لبارح عرفك غير هو
سيليا:ايا بلعوو تشوو..وشبيكم ديتوها فرواحكم نسيتو هادي شكوون؟؟راهي الباترون تاعك ومرت شريك اللي راكم تحكيو عليه متحشموش تاكلو لحم سباب رزقكم صح الرزق على ربي مي الأسباب من عند الانسان
ريماس:ومبعد وكي عادت مرت الباترون بلاك تعرفو من قبل يعنيي....
سيليا:يعني واش كملي
ريماس:يعنيي غمزتها وحطت يدها على قلبها
ايلين تشوف مشوكية وصلتها للطوب :ههههه تغيضي علابالك؟
ريماس:علااه؟
ايلين:انا على الأقل متزوجة باللي نتي تباتي تنامي فيه وحكاية نعرف ماهر ولا منعرفوش تخصني أنا وواحد معندو الحق يدخل بيناتنا وفحكايات شخصية تخص غيرو تديري وش عليك وتبلعييي
YOU ARE READING
"اسيرة_لعبة_الماضي "باللهجة الجزائرية
Romanceاول كرو ليا بقلمي وافكاري وتعبي ممنوع النقل الا باذني "الدنيا خيبات...تعطيك الأرخص وتأخذ منك الأغلى ......تجعلك تثق وتخونك ......تجعل جميع الظروف جامعة لك بما ستحب وتتعلق ....لتتأكد من شدة المك عندما تاخذه منك ويصبح الماضي هاجسا بينك وبين ال...
