صباح جديد واحداث جديدة
فاقو الصباح وتلمو كامل على الفطور يفطرو مع بعضاهم
القائد: يا ولاد وش رايكم تروحو معايا بطيارتي الخاصة؟
مازن:ايه مكانش مشكل نروحو هكاك...احسن صح جان؟
جان دهن فالمربى على الخبر:تقدر تروح مع القائد تاعك انا وختي وصحبي راح نروحو بطيارة عادية
القائد:لالا يا جان مكلاه تعاند الشي هدا لصلاحكم لوكان نتفرقو متدريش وش يصرا لازم نتلمو كامل وفي طيارة عسكرية محمية شي ميقيسنا
دانييل:رايي من راي القائد جان...حاليا البوص مزال متحكمش ويقدر يدير اي حاجة وحنا لازم نكونو حذرين منا وجاي
سيليا حطت الكاس تاع الجي على جيهة تشوف لدانييل
سيليا:كيفاه؟؟...البوص مزال متهزش؟؟
مازن:ايه مزال مي ميقدرش وصللنا متخميش وين يتحرك راح يحكموه
زيرت على كاسها قريب تكسرو فيدها حتى هدات على رجلو اللي ضربت رجلها بالشوي بحكم كانت مقابلتو على الطاولة جنب جان
هزت راسها فيه تبسملها بأمل يطمن فيها وهي ردتهالو وركحت مهيش خايفة خوها وحبيبها معاها وواحد ميقدر يقرب ليهم
بعد مدة كانو فالمطار واقفين فالممر اللي يدي للطائرة بعد فحص الأوراق وجواز السفر والتأكد أنو كلشي مليح...بعدما فات القائد وجان ودانييل ووقف مازن باه يسلم اوراقو دانييل واقف جنب جان اللي كان يستنا يلحق عليهم مازن وسيليا مي مازن غمز دانييل اللي حكم جان يكركر فيه
دانييل:اااي جاان ارواح تشوو هاديك مش الطيارة تاع بومدين؟؟؟
جان وهو مقابل الواجهة الزجاجية اللي تطل على مدرج الطائرات ويشوفو لطيارة زرقاء ومكتوب بالرمادي راجعة للامارات
جان:بركاك متريع وشمن بومدين السيد مات وشبع موت وهادي طائرة ايماراتية
دانييل دار وراه كي ملقاش مازن وسيليا تبسم و حكمو من كتفو:ياااه صح هههههه حبيت نتمهبل برك
جان:يخي مهبول(دار على وراه وعقد حواجبو كي ملقاش سيليا ومازن وراهم):وين راحو المصفارين هادوك؟؟
دانييل:فاتو للطيارة هاهمك
جان مدارش عليه ومشا فالممر يزرب باه يلحق عليهم
ميييي...
منا وفالجهة الثانية من المطار كانو المصفارين تاعنا هاربين مازن مقعد سيليا على الفاليزا ويجر بيها وهوما ينهجو وشابعين ضحك
مازن:ثقيلة بزاف اسييلياا
سيليا:بلعع هادو كامل خدايمك منين خرجت بفكرة نروحو وحدنا
YOU ARE READING
"اسيرة_لعبة_الماضي "باللهجة الجزائرية
Romanceاول كرو ليا بقلمي وافكاري وتعبي ممنوع النقل الا باذني "الدنيا خيبات...تعطيك الأرخص وتأخذ منك الأغلى ......تجعلك تثق وتخونك ......تجعل جميع الظروف جامعة لك بما ستحب وتتعلق ....لتتأكد من شدة المك عندما تاخذه منك ويصبح الماضي هاجسا بينك وبين ال...
