اول كرو ليا بقلمي وافكاري وتعبي ممنوع النقل الا باذني
"الدنيا خيبات...تعطيك الأرخص وتأخذ منك الأغلى ......تجعلك تثق وتخونك ......تجعل جميع الظروف جامعة لك بما ستحب وتتعلق ....لتتأكد من شدة المك عندما تاخذه منك ويصبح الماضي هاجسا بينك وبين ال...
خرجت وخليت قلبي عند ايلين حاسس بالعجز كلشي جا ورا بعضاه وغاضتني كي مقدرتش نبقى معاها فهاد الموقف الصعيب علابالي راهي مقلقة مني ولايمتني مي حكمتها فقلبها وعندها حق مي..منقدرش نفرط فتعبي بيسك راني وحدي حالة مازن وجان مستحيل تخليهم يخدمو يعني بقيت غير انا لازم نوقف على تعب السنين اللي فاتو منسيتش وجاعي على خسارة ايلين ودموع لينار اللي كنت نعيط عليها مين تجبدها كيفاه كنت نفرغو فالسهرة على بناء هاد الشركة وتوسيع أعمالها مي ضك وفي دقيقة وبسبة هبال ميرال المريضة المختلة وباباها التاافه كلشي رايح يطيح فالما جاتني لحظة ادراك انا لازم نكون اب مليح مع بنتي الدلال الزايد مش مليح الربيع بلاصة ميدي قرار كأب صالح راح عاند بنتو وعلمها الأنانية والشر وباللي لازم تدمر الناس باه توصل للي حابتو وهدا الشي اللي مستحيل نديرو مع لينار..الأنانية والكره والحقد ميجيبو والو ومستحيل نكون اب سيء يخلي كل من هب ودب يهدر فتربيتو
وصلت للشركة لقيت الموظفين جاو اللي نفوت عليه يسلم عليا ويحمدلي سلامتي وانا كنت فرحان بيهم وصلت للبيرو تاعي ودخلت طلقت روحي على الكرسي نتمعن فالحالة
ماهر:انا وصلت هنا بتعبي ومراحش نخلي غيري مفاهم فيها حبة يطيحني
Oops! This image does not follow our content guidelines. To continue publishing, please remove it or upload a different image.
سمعت الباب يدقدق ودخلت ريماس
ريماس:بونجور مسيو ماهر الحمد الله سلامتك الشركة ظلمة بلا بيك
ماهر:ههه مرسي
ريماس:اوك ..مسيو ماهر لبارح الايمايل تاعي بقا مفتوح ووصلوني فيه بزاف ايمايلات من المستثمرين اللي عندنا وطلبو يتلمو كامل ليوم في اجتماع ضك على الساعة ال10
ماهر زير على الستيلو اللي فيدو تقريبا علابالو الاجتماع هدا وش رايح يناقش ألوغ لازمو برك يقوي روحو ويحط دعامات على مخطاتو منا وجاي باه ميخسرش
ماهر:اوك راهي ال8لميلي الموظفين كامل نديرو اجتماع بيناتنا عاد نجتمع مع المستثمرين
