"اسيرة_لعبة_الماضي "باللهجة الجزائرية

الفصل58

مازن:سيييلياااا سيليا هادي هي هي راني متأكد

جانير:يعني هربت باه تتزوج مارك؟؟

مازن بقا يشوف للميكرو بغش تعاودت اللقطة كي باسها من رقبتها وهي مدارت والو مفاق لروحو غير وهور ضرب الميكرو للرض وفرع كامل الكراسا اللي كانو لثم

جانير يعيط يسيي يكالميه مي والو هو دخل روس فكلشي كان محطوط اضرب من افرع هادي كسر هاديك,مركح غير وقت خلص وش يكسر وقف ينهج ويدور فعينيه فالبيرو كشما يلقى يزيد يكسرو مي والو حبس شوفتو فجانير اللي واقف بعيد يستناه يركح مي تبسم شوي كي سمع جانير يهدر ويكالمي فيه بيديه

جانير:ياهاه امازن انا خوك منيش كرسي هنا تزيد تكسرني اتكاالما

مازن:بركاك متندب زي المطلقة اتعقبلي بلاصتهم...وانا راي نهدر مع القائد يعاوننا

جانير:اوك متنساش تعطيه حق وش كسرت هنا

رمقو مازن بشوفات باردة وخرج من ثم عقلو مش معاه وشداها هي لمارك وزيد مرتو وش قصدها من الحركة هادي رايح يهبل سير ..فاق من تخمامو وهو قدام البيرو تاع القائد دخل بلاما يطبطب

فالشركة كل واحد لاتي بخدمتو وعقلو فتخمام

جان قاعد فبيروه عينو على الكادر اللي قدامو فيه فوطوها هي نفسها الفوطو اللي صورتها نور فالرحلة من فوق المنطاد وحدها تنهد وكلماتها اللي خلاتهم ليه يتعاودو على مسامعو

#جان..خويا حبيبي,سندي اللي جامي تخيلت رايحة نكسبو فهاد الدنيا,الكتف والحضن اللي كي ضاقت بيا لبلايص كامل ترميت فيهم وبكيت عليهم...نتا اروع اخ فالعالم متفهم وحنون وتحل كلشي بالملاحة..جامي قسيت عليا من نهار عرفتك مالقري درت الف كارثة مي ديما تسكتلي وتهنيني باللي راك معايا ديما مهما درت..مي انا منيش الأخت اللي تستاهلها انا متمردة وعقلي وتصرفاتي خارجين من يدي ومنقدرش نتحكم فيهم...كان عندك حق في اول مرة تلاقينا وقت قلت لايلين" جان: اوااه ايلين لا خليتي هاذ البنت بدلالها مستحيل تنجحي فخطتك يظهرلي خرجيها بيسك باينة بنت الدلال اجري عند باباك مالا بلاصتك مش هنا يا دلولة "ههه والله كان عندك حق بلاصتي مكانتش لثم...حتى الخطة اللي تلمينا عليها انا خربتها وانا عرفت بلينار اللولة وخنتكم ومخبرتكمش..مي..تداركت خطأي فالوقت روطار شوي مي معليش ...هاني بعدت وديت هبالي وطيشي ليا وحدي من ليوم مراحش تكون سيليا معاكم وتخليكم تخافو عليها وتاكلو راسكم بالتخمام فمشاكلها...هي بعدت وبقات غير ذكرياتها...طلب صغير بليز اتهلى فايلين ولينار وبابا وخالتي عصماء وفروحك ونور رجاءا تهلا فيهم كامل وتهلاو فبعضاكم وعيشو حياتكم وامحيوني منها..سامحوني على الكية اللي خليتهالكم مي كون متأكد راني راضية على وش درت...نحبك وراح نبقى ديما نحبك يا سندي الغالي...$

شاف فالستيلو اللي كان مزيرو فيدو تماما كيما قلبو كان مزير من كلماتها ونطق وهو يشوف فصورتها:راح نلقاك ونجيبك ونخليك فالدار ونحبسك ثم ياختي الصغيرة نعتلك الراس اليابس تاعك والتصرف بلا شوار وش يكون ثمنو