اول كرو ليا بقلمي وافكاري وتعبي ممنوع النقل الا باذني
"الدنيا خيبات...تعطيك الأرخص وتأخذ منك الأغلى ......تجعلك تثق وتخونك ......تجعل جميع الظروف جامعة لك بما ستحب وتتعلق ....لتتأكد من شدة المك عندما تاخذه منك ويصبح الماضي هاجسا بينك وبين ال...
بعد أربع أيام جا صباح جديد خرجت من الدوش دايرة منشفة على شعرها ولابسة صورتي دبان شافت لسريرها لقاتو فارغ يسما ناضت بنتها وخرجت ...سير مع سيليا وجان رجعو نهار كامل مقابلين الطفلة والبيسي ليهم رايحين يهبلوها, قربت لخزانتها لبست شغل سالوبات جيب فالرمادي مخطط بالنوار حد ركبتها مع سبتات خشان طالعين من خصرها لكتفها ويرجعو يهبطو لنص ظهرها مع كول غولي ابيض حطت سنسلتها اللي تعشقها وشيحت شعرها خلاتو مفرود كيرلي وفي النص قلب راهي تتأنق ليوم بيسك راجلها حبيبها جاي من سفرتو ولازم تروح تلاقيه توحشتو بزااف كملت مكياجها الجريء بالغوج البوردو اللي حطتو مطت شفافها وتبسمت برضا على منظرها فالمراية ووقفت خارجة
Oops! This image does not follow our content guidelines. To continue publishing, please remove it or upload a different image.
Oops! This image does not follow our content guidelines. To continue publishing, please remove it or upload a different image.
مشات من شومبرتها لشومبرة جان كي سمعت صواتهم باين راهم لثم كي العادة دارت يدها على الباص وتنهدت مليح تسيي تكبت غضبها على اعمال الشغب اللي راهي قايمة داخل هاد الشومبر ومتنفعلش فوق الحق كي حست روحها واجدة فتحت الباب ودخلت وكيما توقعت لينار قاعدة فوق البيرو ومقابلها البيسي وجان واقف قدامها وسيليا قاعدة على الكرسي مقابلتها ويهدرو ويورولها وش لازم تدير ,فوتت يدها على راسها بغش ونطقت بعياط
ايلين:نتومااا مراحش تتسقموووو؟؟؟؟؟
لينار تخلعت سوطات لحجر سيليا متخبية لثم وجان وقف بكل هدوء يشوف فايلين
جان:واش الووون
سيليا بقات غير تشوف تحت عينيها
ايلين:جان اقسم بالله غير كاش نهار نكسركم نتوما في ثلاثة
جان:علاه ختي الزينة وش درنالك
ايلين رمقتو بنظرة موت كن جاو عينيها نار راهم حرقوه:نتا راك قريب تتزوج وتبردلي قلبي فيك غير دراما كوين اللي عطاهالك ربي مي القطة اللي من ثم بلعت لسانها ثاني؟؟(قربت لعند سيليا ولينار جبدت بيها الكرسي وهزت بنتها ووقفت سيليا من يدها وقفتها قدام جان وجات مقابلتهم)
