قاعد فبيت مليانة حواسيب بشاشات كبااار المعلومات تمشي وحدها والحواسيب شغالة من كل جيهة كان متكي على كرسيه حتى جابتو الفيقة تخطف من النووم ملسووع يشوف فالشي اللي صاري قدامي والمعلومات اللي راهي تتهز زرب هز تلفونو
تعشاو في جو ضحك وهبال كي العادة الهدف من الرحلة يفرغو بالهم من همومهم اليومية وسيرتو العملية
جان كان قاعد حتى صونا تلفونو وقف بعد عليهم وهز
جان:وي.
....:جاان كاين حركة غريبة فملفات الشركة اللي راك فيها ويظهرلي بياناتها تم اخترااقهم
جان:وشنووو؟ كييفاه هدا ؟وضك تخبرنييي؟؟
....:سمحلي غفات عيني مع العشية وهدا وين فقت
جان:عطيييتك خدمة وحدة تعس البياانات كيفاه هادي تتسرق ميهمنييش ضك تسيي تحبس الاخترااق وتعطي نظام أمن جديد لبيانات الشركة
....:حااضر
كوبا التلفون ومسح على وجهو بفدة:اووف عرفتهااا ...شكون اللي راه يلعب معاانا ؟
دور راسو على يدها اللي على كتفو
ايلين:جان لباس؟
جان:اييه لباس تلفون برك من صحبي
ايلين:اممم
جان:هيا نرجعو (جا يمشي حبستو يدها)
ايلين:حبيت نحكي معاااك
جان:ايه احكي
ايلين بلعت ريقها ونطقت:.....رين!
جان عقد حواجبو:وش فكرك فيها؟؟
ايلين:جان انا نعرفك من بكري وكنت نعرف حبك نتا ورين كيفاه ومبعد أنا كي بعدت وعاودت رجعت كان هامني غير الانتقام اللي قربنالو يعني مام نتا طفل وعندك حق تشوف حياتك وكي شفتك كيفاه تتعامل مع نور من الأول ونهار سهيت فيها تشوكيت وين راه حب جان ورين لكبيير؟؟
جان:ايلين رين كانت نقطة تحول فحياتي صح منقدرش نقولك نسيتها مي مبقاتش عندها نفس البلاصة وحب جان ورين اللي كان يتضرب مثل لكل العشاق فجامعتنا هي عفستو وخلاتني وراحت
ايلين:رين نعرفها من شحال يعنيي...منقدرش نأمن خلاتك بلا سبة؟؟
جان:أمني أمني خلاتني بيسك قالت أنا وهي منتوالموش وبلي حبنا كان غير هبال تصيغير وبلي باباها يزوجها ولدو صحبو اللي ديجا شافها وقريب جاتني بالخاتم وتقولي لعب ولااد
ايلين شافتو كيفاه تقلق مسحت على خدو:خلاص جااانو خلااص ..علابالي تستاهل أحسن ورايح تلقاها
جان تبسملها وصاي
رجعو عند الجماعة وين ماهر قريب كلا ايلين بعينيه طول القعدة كي شافها مسحت بيدها على خدو
YOU ARE READING
"اسيرة_لعبة_الماضي "باللهجة الجزائرية
Romanceاول كرو ليا بقلمي وافكاري وتعبي ممنوع النقل الا باذني "الدنيا خيبات...تعطيك الأرخص وتأخذ منك الأغلى ......تجعلك تثق وتخونك ......تجعل جميع الظروف جامعة لك بما ستحب وتتعلق ....لتتأكد من شدة المك عندما تاخذه منك ويصبح الماضي هاجسا بينك وبين ال...
