"اسيرة_لعبة_الماضي "باللهجة الجزائرية

الفصل19

  واقفين قدام دار فحي صغير وفيه غير ديار شابين وصغار وكامل بالجاردن تاعهم جان يطبطب وايلين واقفة وراه زعما متخبية

حتى سمع صوتها من ورا الباب

عصماء:شكوون؟

جان:يماا راني جان

عصماء مستناتش دقيقة فتحت الباب وعنقتو تبوس وتحضن :جاان ولدي حبيبي توحشتك ليا يومين مشفتكش وين كنت غايب عليا يا الغالي؟

جان باس راسها بمعزة:يخليك ليا يا يما االزينة مي معا المفاجئة للي جبتلك نظن رايحة تنسيني

عصماء:موحال ننسى حبيبي ووش هي هاذ المفاجأة؟...... بعد وبين وش كان موراه

غير شافتها دموعها هبطو, هبطو كي شافو دموعها اللي نزلو من حلاوة المنظر اللي شافتو توحشت امها وتمنات حتى هيا بنتها تكبر وتبقى معاها وتستقبلها كل يوم هكذا ديراكت تلاحت حضنتها تبوس وتعاود متوحشتها ليها شحال ماشافتها

عصماء:اييييلين بنتي (ومحضنتها وتسلم على راسها)

ايلين باست راسها:يا غالية يا خالتي توحشتك يا ريحة يماا

عصماء:وانا كثر هكذا يا بنتي من 5 سنين مسمعت خبارك وين كنتي يا روحي ؟

جان حضنهم للزوج :شبيكم درتو مناحة برا ادخلو وكملو التخنان تاعكم هذا هيا يما, ايلين الدار دارك فوتي

دخلو وطيبت عصماء قهوة وحطتهالهم وقعدو في صالون صغير وباهي مرتب ومفرش بأجود اثاث جان مبخلش ولا يوم على امو بأنو يصرف عليها ويمتعها

حتى نطقت عصماء اللي فرحانة بايلين ليها شحال ما شافتها :اييه يا بنتي وين كنت كامل هاذ الوقت ووش حكاية...زواجك؟

ايلين:والله يا خالتي المكتوب ياك تزوجت وبعد عام من زواجي جبت بنت (هربت دمعة خاينة من عينها) قصدي كنت بش نجيب بنت ميي.....

عصماء قربت ليها تمسح فدموعها اللي دارو طريق على خدها وقت تفكرو كامل الهم اللي فات عليهم :اييه يا حبيبة كملي

ايلين:مي راجلي وقت تزادت قتلها قتلها بيسك كان حاسبني طامعة فأملاكو... كلي ما عرف عقليتي مكان عارف وش نسوى

عصماء:كييييفاه ؟؟؟ جبدتها لحضنها باستها بقوة تحاول تعوض دفا صدر الام الحنين اللي غاب على هاذ البنت من سنين: ضك يابنتي غزالة كيفك تقاسي كامل هاااك ربي وكيلو كيفاه عطاه قلبو يقتل ملايكة يا ربي العزيز اهديه واهدي سرو

جان مدمر من شوفة اختو وصديقة طفولتو تبكي على القطعة اللي داوها من روحها ومزال يكملو عليها صح ملي عرف ماهر عر فو غير وهو مليح معاه مي ضك وهو دمر اختو كرهو صح وتمنى يشوفو مدمر ويفرح اختو وزاد اصرارو يكمل معاها خطتها ويعاونها لآخر لحظة