فتحت العين خلاتها تسيح وبقات هي دايرة يديها تحتها تتفكر كيفاه كلشي فات بالخف وفدقيقة
Flash bac
فالليامات اللخرة هادو وقبل 3ايام كانو يتغداو وفرحانين بسيليا اللي هبطت معاهم ليوم كي تحسنت شوي كانت الحالة فيها شوي هدرة مالقري سمير مزال متجاهل سيليا مي هدرة عصماء وايلين تغطي شوي على هداك الفراغ جان كان غير يدي ويجيب فمغرفتو وسط الصحن حتى توهتلو ايلين
ايلين:جان!!...وشبيك؟؟
جان هز راسو من صحنو لقاهم كامل يشوفو فيه لقاها فرصة يحط هدرتو اللي كان حاشم ينطقها عدل قعدتو وجمع نفس عميق ونطق بكل ثقة:رايح نخطب
عصماء وسمير بقاو يشوفو فبعضاهم وايلين تشوف فسيليا
جان:وشبيكم تشوكيتو ؟؟
سيليا:صح؟؟
جان:لالا نكذب
عصماء:اووف خلعتني علابالك حسبتك صح
جان حماار خلاص:يماا ني من صحي وشمن كذب ثاني
عصماء:وشكون هادي الطفلة
جان:وحدة وخلاص كي نروحو تعرفوها
سيليا:اووو وحدة هادي فيها ان وكن متعجبنيش؟؟
جان طلع حاجبو:وعلاه تعجبك نتي؟؟
سيليا:يا تعجبني يا متتزوجش هادي هي
جان:ياتسكتي يا نخليك بااايرة هنا فوجهي
سيليا:ايليييييين راه يحقر فيااا
ايلين:ههه ايا احبسو جان شكون هادي الطفلة نعرفوها؟
جان:امممم تعرفوها
عصماء:نديرو شوفة اذا نتا راضي ياولدي نزيدو نشوفو حنا وبعدو ساهل نديرو خطبة رسمية
جان:نشالله معنديش مشكل
سمير:والطفلة وباباها علابالهم؟؟
جان:ايه علابالهم هدرت معاه
سمير:ايه لازم الاب يعطينا اذنو باه ندخلو على بنتو
سيليا هبطت راسها مع صحنها ولا كلمة كأنو مش موجودة
لينار:جان وش نخبطو؟؟
جان:ههه نخطبو مش نخبطو
لينار:المهم ...وش معناها؟
جان:نروح نجيبو عروسة شابة ونجيو
لينار:يااه وااي نديرو عرس ونزهااااو يااااي
ايلين:هههههه نتي ثاني تعرفي للعراس؟؟
لينار:اييه كنت نروح مع بابا لعراس صحابو ومستنية عرس مازن هاو جان سبقو
جان شاف فسيليا يتبسم لازمو يردهالها:هممم مالا مازن ابنتي؟؟(حركتلو لينار راسها باه وسيليا تشوف فيه تاع ومبعد؟؟اما هو تبسم وكمل)مزال مطول عرس عمك حتى يتزوج خالك ويجيب زوج وليدات وبعدو نشالله ساهلة
YOU ARE READING
"اسيرة_لعبة_الماضي "باللهجة الجزائرية
Romanceاول كرو ليا بقلمي وافكاري وتعبي ممنوع النقل الا باذني "الدنيا خيبات...تعطيك الأرخص وتأخذ منك الأغلى ......تجعلك تثق وتخونك ......تجعل جميع الظروف جامعة لك بما ستحب وتتعلق ....لتتأكد من شدة المك عندما تاخذه منك ويصبح الماضي هاجسا بينك وبين ال...
