نرجعو لبيت لينار وين الحالة كانت كالم لينار قاعدة فحجر سيليا وتلعب وسيليا معاها يتعاندو ويضحكو وسليمة تشوف ليهم بنص عين حتى بسييف نطقت
سليمة:ونتي يابنتي؟
سيليا دارت ليها وعلى وجها علامات تعجب:وأنا واش؟؟
سليمة:وشبيك؟...اول مرة شفتك فيها كنت تبكي وتشكي كنتي منهارة كيما ايلين ضك..وش حكايتك حتى راكي هك؟؟
لينار بقات تشوف ليهم مهيش فاهمة وش يحكيو وسيليا بلعت ريقها ورجعت هبطت راسها تلعب بشعرات لينار
سيليا:اللي صرالي انو خسرت كلشي يعنيلي فحياتي..ناس غاليين ونفسي..وليت متهمنيش الناس ومشاعرهم او حتى القدر..لأنو يستاهلو...صح علابالي شوكيتكم بتصرفاتي بنتلكم منيش عاقلة ايي توو ..مييي..الصح اني عاقلة بزاف اما بمورالي وعلى حسب الظروف
سليمة مسحت بيدها على راسها:حنا للزوج علابالنا باللي نتي وولدي مازن طايحين فبعض..مالا راح تكوني كنتنا قريبا..مذابيا تكوني كيف ايلين وتعطيني بلاصة فقلبك وتخليني نكون كيما يماك نسمعلك ونعاونك يا بنتي
سيليا شافت لعينيها ولحنانة اللي فيهم وحظنتها تتبسم:مرسي..ربي يخليييك
لينار سوطات عليهم:انا ثاني حظنونييي
سليمة جبدتهم للزوج عندها وبقات تلعب بشعرهم كانت سيليا شعراتها كيف الليل ولينار شعراتها كيف الذهب وأشعة الشمس اما الكيمياء اللي بينها وبين لينار غريبة بزااف..سيليا صاحبت ام لينار واعتبرتها بنت اختها مي ليام وتعاملهم راهم يبينو كل يوم كثر كثر باللي هادو صحابات وتقول ام وبنتها مش خالة وبنت اختها
سليمة:نتوما الزوج تهبلو مع بعض..علاقتكم حلوة بزااف
لينار:ههه هيه مناه حنا حلواات بزاااف
سيليا:ههه أتفق عندها حق
سليمة:ههههه وش عليه صح
فات وقت مليح واحد الساعة هكاك صار وقت رقاد لدرجة لينار عيات والمرض مزال مفلشها طاحت على سريرها راقدة ومسلمة.... وقفت سليمة وهي تتبسم وتلعب بعينيها وتشوف لسيليا
سليمة:ايلين طولت واقيل راهم يحكيو بزاااف
سيليا:هههه ايه سير راهم يقولو حوايج كبييييرة بزااف
سليمة:بصح مسعناش عياطها بعد المدة هادي كامل او سايسها صفااا
سيليا:ههههههههههه ايه اني نشوف فنسيبي ناس ملاح
سليمة:هههه ايه
سليمة:ههه دوام الضحكة بنتي انا نوض
سيليا:تصبحي على خير خالتي
سليمة:ونتي من أهلو (مشات شوي وكي وصلت للباب دارت لسيليا اللي مسامية لينار على السرير):ونتي مكلاه تخممي المكلوب قلت الصح لباباك كي قلت راح نربطو لا يمشي على خطى خوه متسنايهش الليلة
YOU ARE READING
"اسيرة_لعبة_الماضي "باللهجة الجزائرية
Romanceاول كرو ليا بقلمي وافكاري وتعبي ممنوع النقل الا باذني "الدنيا خيبات...تعطيك الأرخص وتأخذ منك الأغلى ......تجعلك تثق وتخونك ......تجعل جميع الظروف جامعة لك بما ستحب وتتعلق ....لتتأكد من شدة المك عندما تاخذه منك ويصبح الماضي هاجسا بينك وبين ال...
