"الحياة هي مواقف نعيشوها ونتعلمو منها...مي مرات كاين مواقف تصير تبقى راسخة فبالنا وتقلب كل حياتنا..تبدلنا وتبدللنا نظرتنا للحياة وطريقة تفكيرنا وكلشي فينا..."
مشاو بالطوموبيلات وسط الغابة ووصلو لمنطقة ريفية فيها ديار متفرقين وشبه مهجورة من البعد اللي بين الديار اللي فيها
حبسو عند حظيرة تاع دجاج تبان مهجورة ونزلو رجال مازن البوص مزالو دايخ ودخلوه وماهر وليكيب بقاو براا
سيليا:ماهر..وش ناوي تدير ضك؟؟
ماهر واقف وداير في جيوبو ويشوف لهاديك الحظيرة نطق بصوت ثابت:راح نحرقو كيما خمم يحرق بنتي
سيليا:بصح ايلين كيفاه راح تقولها باللي نتا حرقت باباها؟
ماهر شاف ليها ودار يدو على كتفها بأخوية:هدا مش باباها...وهو مات فنظرها بيسك هدا اللي رانا نشوفو فيه شيطان ياسيليا...اللي يخمم يقرب لبنتي ومرتي منا وجاي هكا راح تكون آخرتو
مازن قرب وجبدها ليه:هاا اعرف قدرك ياخو
ماهر تبسم ودانييل قرب دار يدو على كتف ماهر قريب يموت بالضحك يحكي
دانييل:ههههه الاسم مازن عمراااني المهنة حماية سيليا من خاوتها..ههه المشكل مش هنا المشكل سيليا هادي تحكمو تطبزوو هو وعشرة معاه ههههه
مازن وسيليا مكانوش معاهم ومع ضحكتهم طايحين في سحر عينين بعض مازن كان مقابلها وحاكمها من كتافها وهي دايرة يديها على صدرو ويتأملوو فعينين بعض مع تبسيمة على وجوهم..بريق الحب خارج من عينيهم....كل واحد منهم عينيه تعيط انا نعشقك اكثثثثثر...ههه الحب(انا ساعات نتأثر مع مازن وسيليا جيبولي راجل زي ماازن ههههه)
دانييل قرب وجبد مازن من ظهرو مبعدو على سيليا:اااي افطنو مكمش في عرسكم اصحاابي اوو شويا احترام للبايرين اللي معاكم مااالكم؟؟
ماهر:ههه متجمعش نتا الباير الوحيد
دانييل خنزر فماهر:زيد كمل على جدي نتا شغل معلاباليش...نعلبو الصحبة تاع هاد الوقت غاضتني روحي انا والله ههه
ماهر تبسم:هههه راح نزوجك متخاافش
دانييل:هيه نتاجي يتفاهمو يقولو نزوجو ولادنا ببعاضهم وانا يقولي نزوجك كن جات الدنيا دنيا راك تقولي نمد لينار لولدك بصح الله غالب الدنيا معطاتنيش هههه
ماهر تبسم وشاف لمازن اللي فهمو بعد وبدا يديرلو بيديه بلع بصح هو مستحيل يبلعها
ماهر:هههه علابالك ادانييل فكرتني فالمصون خويا قبل ميعرف نسيبتي الناس الصباح تقول صباح الخير وهو يقول ربي يرزقني بمرااا ههههههه ايماا على لياام هههه
سيليا بقات تضحك وتشوف لمازن وهو دار يدو على مؤخرة راسو برجولة
مازن:هههه يخي يقولك كي تحب حاجة تتحققلك ابقى تلح بالطلب والدعاء عليها من ربي باه يعطيهالك..هكاك درت انا بقيت نلح بالطلب والدعاء حتى رزقني ربي بأحلى وأروع من الشي اللي كنت متني نكسبو... عطاني احلى مرا فالدنيا وولادنا راح يكونو أروع ولاد فالدنيا هادي
YOU ARE READING
"اسيرة_لعبة_الماضي "باللهجة الجزائرية
Romanceاول كرو ليا بقلمي وافكاري وتعبي ممنوع النقل الا باذني "الدنيا خيبات...تعطيك الأرخص وتأخذ منك الأغلى ......تجعلك تثق وتخونك ......تجعل جميع الظروف جامعة لك بما ستحب وتتعلق ....لتتأكد من شدة المك عندما تاخذه منك ويصبح الماضي هاجسا بينك وبين ال...
