"اسيرة_لعبة_الماضي "باللهجة الجزائرية

الفصل 9

  بعدما ملت من القعدة وحدها لبوخرجت تشم شوي هواا

نازلة فالدروج وحاطة راسها حتى خبطت فيه كانت رايحة تطيح حكمها آخر لحظة

هزت راسها مخلوعة تشوف في روحها معلقة فالهوا محاوطها وخايفها لا تطيح يدين انسان مي غير شافت وجهو تصدمت

ايلين:نتا؟؟؟؟هناا؟؟

.....:هههه هيه انا وهنا وش متوحشتينيش؟؟

قاعدة فالطابلة مقبلات اشكال والوان قدامها تشوف فالناس توصل كامل بمظهر انيق وباينين من الطبقة البرجوازية من رجال اعمال ومشاهير كلهم حضرو هاذ الشي خلاها تتسائل شكون صاحب الحفلة ووش غايتو من هاذ الافتتاح حتى تعنكشت عند رجلها هبطت راسها شافتها تنهج وتتخبى

سيليا:وش بيك لينار علاش تنهجي

لينار:افف ...واخيرا لقيتك

سيليا:ههه وعلاه كنتي تحوسي عليا حابة باباك يبهدلني كيما قبيل

لينار:لالا مازن هكذا يشتي يضحك برك ومكانش قصدو كي توصل ليا ينسى كلشي وكنت نحوس عليك بش نطلب منك السماح فبلاصتو تبسمتلها ومدت يدها بلباقة :نتمنى تسامحيني وتسامحي مازن على قبيل

سيليا:حاجة تحركت داخلها حبت حتى هيا يكون عندها اب يحارب الكل على جالها ولكن الله غالب هيا معندهاش تبسمتلها مخبية الاسى والحيرة اللي قلبها وحطتها فحجرها :اشش نتي ماعندك حتى ذنب بش تطلبي السماح اوك؟؟لينووش

لينار:اوك وش رايك نولو صحاب عجبتيني

سيليا:ميي باباك الا عرف يتغشش

لينار:هههههه لالا بابا ميقول والو

سيليا:اييه شفناه قبيل كيفاه دار

لينار مخها مركا error وكتاه جا ماهر حتى راهي تهدر عليه هكذا ولكن ثم ثم فاقت :ااا اللي عيط عليك قبيل هذاك مش بابا هذاك مازن عمي

سيليا(الغش حارق قلبها تفكرت كل اقوالو من لقاءهم كملتها تحت لسانها العمى يعميه نشالله)

لينار:اا؟قلتي حاجة؟

سيليا:لالا حبيبة مقلت والو

ويهد عليهم زي الاعصار خبط فالطابلة بيدو

مازن:ليناار حالفة تهبليني فهاذ الليلة الكلبة ولا واش

سيليا:متعيطش عليها راها صغيرة ملازمش تعيط عليها هكذا(بيسك حتى هيا عانات فصغرها وصارت لما تشوف اي كبير يأنب في صغير تتوجع وكأنها اللي قاعدة تتبهدل )

مازن :وش دخلك وشاف فيها مكبشة فرجلو فهم روحو عدل وقفتو وحكا:اسمعي انا نحب لينار بيسك هيا من دمي واغلى حاجة فحياتي متجيش نتي تنعتيلي كيفاه نتعامل معاها

سيليا:اييه شفت التعامل كيفاه

ورجعو تشاحنو معا بعضاهم

لينار:افف شبيكم هكذا كلمتتلاقاو تتهاوشو ديجا منين تعرفو بعضاكم