"اسيرة_لعبة_الماضي "باللهجة الجزائرية

الفصل 10

ايلين تحكي:

بقيت نمشي جيهتو وهوا متفاجئ وحاير بحال اللي شاف جن قدامو ولكن انا محبيتش نركز فيه مليح بيسك هوا يقراني من عينيا وخفت يعرف اني نضعف قدامو بقيت ماشية ويدي في يد جان وساعة ساعة نلوح عيني نشوف فسيليا اللي فهمتني وطمنتني بعينيها اني قدها فهمت اني متوترة

بقيت نحكي معا روحي حتى وصلت لعندو

جان قرب لماهر وهوا حاكم يدي

جان:سيد ماهر نعرفك بمرتي ايلين

ودار ليا جان:ايلين مرتي الزينة نعرفك شريكي الجديد ماهر

تفاجئت من ردة فعلو كي عطاني يدو نصافحو حسيتو تجاوز الصدمة نطق بكل قوة بصوتو الرجولي اللي توحشتو وعمري خرجتو من راسي وقلبي ولكن ثم ثم تداركت الوضع ملازمش نخلي مشاعري تتحكم كل ما نتفكر الوجاع اللي حسيتو بخسارة بنتي وهدرتو نموت وما يبقالي حتى نفس للمقاومة ونغرق وسط احزاني تفكرت كامل وش فات عليا وقررت نبينلو اني مضعفتش ولازم يخاف من رجعتي لحياتو

تبسمت معاه ببرود ومديتلو يدي بكل قوة

ماهر:متشرفين أنسة ايلين

ايلين:الشرف ليا ميي مدام مش آنسة سيد ماهر راني هنا معا راجلي ولظيت على يد جان كثر

ماهر الغش عماه من هدرتها:ماهر اسمحيلي نسيت

ايلين:معليش كامل نغلطو... ميي لازم نصلحو الغلطة(اكدت على آخر كلمتين)

ماهر:اكيد وتبسملها ببرود ومشا وخلاها (في داخلو هارب من النار اللي لهبت وسط قلبو و حرمتو يتنفس)

سيليا غير شافتو بعد جرات عندها جبدتها من يدها وهبطتها هاربة بيها لبلاصة فارغة تفهم منها وش صرا

غير وصلو للصونسور تملصت منها

ايلين تماصي في يدها :افف يا بنتي شبيك طيرتيلي يدي

سيليا:وانا؟؟انا اللي طيرتيلي عقلي واش اا واااش وكتاه تزوجتي وشكون هذا لا وزيد ديتو اسمو من وكتاه كان اسمك ايلين كامل مش على اساس انا اختك وش صرا راسي راه رايح يطرطق

ايلين: بشوي على روحك يا بنتي والحكاية ملازمش نحكيوها هنا هيا نطلعو للبيت ونهدرو امشي

غير جات ماشية خبطت فيه

جان:اهلا شريكتي

ايلين:اشش ضك حتى الحيوط عندها وذنيها امشيو نطلعو

سيليا:وين مطلعتو معاك؟؟ وييين؟؟

جان سمعها:متخافيش مناكلش لعباد

سيليا:قلت بلاك

ايلين:اففف اطلعو واسكتو

طلعو فالصونسور وسيليا تنكش فيها هيا وجان يتخنزرو فبعض