في لوطو تاع مازن يمشيو ولوطو تاع لابوليس قبلهم
ايلين من قدام مع مازن:علااش داوهم؟؟..يقدور يخرجو؟
سيليا:على حساب التهمة الحالة كبيرة وش صراا؟؟
مازن زير عالفولون:مراحش نخليهم يبقاو ليلة وحدة فالحبس ورايح نعرف وش صرا متخافوش
سيليا:مازن لازم نحطولهم محامي
مازن:حكم تلفونو عين على الطريق وعين على الكلافي يبعث فميساج
مازن لجانير في ميساج"جاانير شوف القائد تاع المركز يعطيك اذن توكل أشطر محامي عندنا في قضية شخصية ليا .وقولو مازن طلب مراحش يمانع نحتاجكم ف 20دقيقة تكون فالكوميساترية تاع المدينة "
ثم ثم وصلو الرد من جانير"حااضر يخي خير برك؟"
رد عليه ثم ثم مكاين والو مبعد ونهدرو وكمل يسوق
مازن:المحامي واجد متخافوش
ايلين ترجف:زعما يقدرو يحكمووهم؟؟
سيليا زيرت على كتفها من اللور متخافيش معندهم ميقضيولهم
نرجعو للوطو اللي كانت وراهم
رائد يسوق:ليكيب يادرى وش كاين راني خايف الصراحة
نور معاه من قدام:حاسة كاين حكاية كبيرة مراحش تتفك بالساهل
ريماس:متخافوش راهم واصلين وقادرين على شقاهم مشفتوش مسيو جان كيفاه ولا يهدد فيه تقولي نتا هدا معرف شكون
///:ايه اصلا مسيو جان ديما هكا هاز روحو ومتكبر سير عندو لخيوط
رائد:صراحة انا نحبو نحسو انسان مليح سيرتو مع مرتو واختها ديفوا نحسها ختو
نور تهمس:تحبك حية نتا ويااه لا عاد هداك بنادم يحبوه الناس
ريماس:بصح حبيبة مسيو ماهر مبانتش كاامل بلاك مزالها راقدة
///:لالا شفتها ركبت لوطو مي مكانتش معانا يعني مهيش راجعة لناس المخيم زعما طلبتها باه توصلها قبل مايصرا الشي هدا؟
نور:مهمكمش فيها ضك كل واحد يحكم دارو حتى يعيطولكم ترجعو تخدمو هاديك اومور تخصهم يسطفلو بيها
ريماس و/// شنفو وقعدو يوتوتو بيناتهم
رائد:ايه ربي يجيب الخير وصاي
بعد عشرين دقيقة وصلو للكوميسارية
في فيلا عايلة عمراني متلمين فالصالون سليمة ونسيمة وفاطمة لينار برا ف فالجاردان مع المرجوحة تاعها
مخليين التيفي خدام حتى يسمعو
صحفية:آخر الأخبار في سوق الأعمال الجزائرية اعتقال رجل الأعمال ماهر عمراني صاحب شركة
YOU ARE READING
"اسيرة_لعبة_الماضي "باللهجة الجزائرية
Romanceاول كرو ليا بقلمي وافكاري وتعبي ممنوع النقل الا باذني "الدنيا خيبات...تعطيك الأرخص وتأخذ منك الأغلى ......تجعلك تثق وتخونك ......تجعل جميع الظروف جامعة لك بما ستحب وتتعلق ....لتتأكد من شدة المك عندما تاخذه منك ويصبح الماضي هاجسا بينك وبين ال...
