شاف فيه دانييل لقاه تايه وعقلو مش معاه يعرف حالة صحبو هادي يعني راه يخمم وحاصل
دانييل:مكلاه تلصق فقشور مخك لأنك راح تغلط اذا تبعت عقلك المرة هادي...تبع قلبك جان..شفت شوفات نور ليك هي تحبك ومتقدرش بلا بيك اما رين..راهي فاتت ونسات هي تعالجت ضك..مي نتا قادر تخلي نور تفوت بصدمة متقدرش تتعالج منها؟....وش ذنبها هي فحكايتك مع رين؟؟...خمم مليح جان رد بالك تغلط..راني ننصح فيك بصيفتي خوك لكبير والشي اللي متمنتش يصرا لختي رين منيش متمني يصرا لنور ولا لأي طفلة أخرى
جان شاف فيه عينيه فارغين ضايعين كلشي فيه مقلب (ضرب دانييل لكتفو ضربة خفيفة ونزل مولاش للدار راح ديراكت لطوموبيلو ركب وقلع)
يسوق وتايه يديه مرة يزيرو على الفولون مرة يرخفو ساعة يخرج يد ساعة يفوتها على شعرو يديه وكلشي فيه تقلب حرق الطريق للشركة دخل لكاراج السيارات اللي جاي فالطابق تحت الأرضي وحبس..فتح الباب جيهتو ونزل رجل وقعد بعدما جبد علبة الدخان المخبية تحت كرسي سيارتو وشغل قارو وقعد ينفخ فيه
زمان وهو تايه فاللرض حتى شاف رجليها واقفين اونفاص ليه...هز راسو لقاها مقابلتو وتشوفلو بشفقة
جان:وشبيك؟؟
رين:وش وصلك هنا يا قلبي؟؟
جان تاه فيها وفكملتها وذكريات قصة عشقهم اللي عندها سنين رجعت تضرب فبالو
وهي استغلت تيهتو وقربت فوتت يدها على وجهو بحنانة وهبطتها مع كتفو حتى لحقت ليدو ونحاتلو القارو رماتو للرض
رين:نتا تتكيف غير كي تكون مقلق وواصلة بيك للطوب..وشبيك جان؟..علاه راك تايه؟
جان:علاه رجعتي؟
رين:علاجالك
جان:كذابة
رين حكمت يدو وحطتها جيهة قلبها:هدا وش راه يقول؟
جان سكت وبقا يشوف فيها اما هي تبسمت ونطقت
رين:ههه راه يقول نحبك جان..نعشق فيك
جان زير على يدها وركز عينيه فعينها:مزلتي تحبيني؟
رين تبسمت وقربت لعندو قاعدة فحجرو ولفت يديه على خصرها ورجليها على خصرو تلعب بلحيتو :فوق ماتتصور...توحشت كلشي فيك توحشتك جان كامل
طالع رجلو ثم ثم وغلق عليهم الباب هبط كرسيه للخر وين ولات متكية فوقو
جان:مالا علاه رحتي؟؟..علاه خليتيني؟
هبطت باستو لجبهتو
رين:كنت مجبورة..مرضت وراك وتهديت وطاقتي خلصت جان..قريب هبلت بيسك كنت بعيدة عليك
جان زير على خصرها بيد وخلا يدو الثانية تتمشى على انحنائتها:علاه مقلتيليش؟..متوثقيش فيا؟
YOU ARE READING
"اسيرة_لعبة_الماضي "باللهجة الجزائرية
Romanceاول كرو ليا بقلمي وافكاري وتعبي ممنوع النقل الا باذني "الدنيا خيبات...تعطيك الأرخص وتأخذ منك الأغلى ......تجعلك تثق وتخونك ......تجعل جميع الظروف جامعة لك بما ستحب وتتعلق ....لتتأكد من شدة المك عندما تاخذه منك ويصبح الماضي هاجسا بينك وبين ال...
