وبعد متعرفنا على الشخصيات يلا نبدأ الرواية بتاعتنا فى مطعم بيتزا تجلس فتاة تأكل بشراهة كأنها لم تأكل أبدا في حياتها وتلك كانت ريم مع خطيبها أحمد (اللى أصلا مخرجاه معاها بالعافية قبل فرحهم بيومين).
ريم: الله الأكل حلو أوى اطلبلى تانى يا أحمد.
أحمد بصلها بقرف:يا رب صبرنى دا بدل متعزمى عليادا انتى بتاكلى كإن عمرك مدوقتيها.
ريم بزعل:الله يا أحمد خسارة فيا
أحمد بامتعاض:لأ يا ختى خسارة ليا يا بنتى أنا جايبك أتكلم معاكى تقومى تسيبينى وتمسكى فى البيتزا
ريم بكل حب:سورى يا حبيبي أصل البيتزا دى الحب كله
أحمد:أفندم يا ماما أومال الدبلة دى أنا لابسها ليه
ريم:لابسها عشان انت خطيبى انت نسيت يا قلبى ولا إيه
وقامت بتتحسس جبهته وبعدين قالتله:طب ما انت مش سخن أهو أومال فيك إيه 😂
أحمد قام مسكها من قفاها وقالها:أنا لو قتلتك دلوقتى والله أبقى عملت ثواب فى البشرية كلها 😂
ريم: أبو حميد إهدى كده روق يا باشا عيل صغير وغلط 😅
أحمد: طب اسمعى بقه أنا عندى مشكلة كبيرة أوى فى الشغل.
طبعا ريم سابته ورجعت تاكل تانى مفيش فايده 😅
ريم وبقها مليان أكل :خير يا حبيبي مشكلة إيه
أحمد بص للسقف وبعدين رجع بصلها: استغفر الله العظيم 😅 المشكلة باختصار شديد إن فى تنظيم معين جه اتوطن فى مصر لسه منعرفش مكانهم هما بيجندوا الظباط علشان يشتغلوا ضد مصلحة البلد وأى حد مبيسمعش كلامهم بيضروه وبيضروا أعز الناس ليه.
ريم:طب وانت مالك ومال الموضوع ده.
أحمد:انت هتشيلينى والله.
ريم: خلاص خلاص فهمنا وانت هتعمل ايه فى المصيبة دى بقى.
أحمد: أيوة كده فتحى مخك معايا وأنا هروق عليكى.
ريم:طب اطلبلى كمان بيتزا وأنا هفتح مخى معاك
أحمد: انت يا بت معدتك دى إيه فيها عشيرة 😂
ريم خمست فى وشه: الله أكبر فى عينك الحلوة دى
أحمد:هحسدك على إيه على كرشك 😂
ريم:كمل مصيبتك يا ظريف
أحمد:اسمعى يا ستى بقية المصيبة لقيت النهاردة على الفون رسالة من برايڤت نامبر خلاصته إنهم الناس دى وعاوزين يجندونى ولو معملتش كده ممكن يخطفونى أو يقتلوا أعز الناس ليا.
ريم لطمت بإديها على صدرها :يالهوى خطف وقتل طب والفرح هنعمل فيه إيه عدم اللاموآخذة 🙂
أحمد برق: هو انتى عندك دم زينا عادى
ريم:اه والله بتسأل ليه 😂
أحمد قام سابها وأخد مفاتيحه ونضارته وطلع بره المطعم وهى بتجرى وراه وفجأة وقف راحت خبطة فيه
ريم:استنى أنا عملت إيه بس 😅
أحمد: بقى أنا بقولك هنموت تقوليلى الفرح أحب أطمنك يا بلوتى المصيبة مش فى كده وبس دا سامى وسيف اتبعتتلهم الرسالة يعنى كلنا روحنا فى داهية
ريم:ها
أحمد بابتسامة:ها إيه 😂
ريم بقلق: يعنى بجد إحنا فى خطر مش مشكلة بجد احنا نأجل الفرح وخلاص فداك أى حاجة.
أحمد بابتسامة حب 💗:لا مش هيتأجل إن شاءالله هيتعمل فى معاده وهيكون فى حراسات كتير وإحتمال نسافر بس هتأكد من كل المعلومات دى من الشغل وهكلم عمو وهخليه يبلغك.
ريم:يا رب عديها على خير وربنا يحفظك ليا
أحمد:ويخليكى ليا يا أحلى مصيبة فى حياتى.
ريم بغضب طفولى:تبا لرومانسيتك يا أخى
أحمد وهو ماسكها من قفاها:صدقى انتى خسارة فيكى الكلمة الحلوة يلا قدامى عشان أوصلك البيت.
ريم طب متزوقش 🙂
أحمد ركبها العربية ووصلها البيت المهم الحلوة بتاعتنا روحت البيت وهى قعدة تفكر في المصيبة دى محستش بنفسها إلا وهى بتخبط فى مامتها 😅
ريم:إيه ده مامى
ماجدة:مش تبصى قدامك يا بنت
ريم:سورى يا مامى بس هو أنا عملت إيه يعنى
ماجدة:دخلتى بالشوز بتاعك ووقعتى الشغالين على الأرض ورميتى شنطتك على الأرض انتى شاربة حاجة يا بت انتى
ريم: هههههههه لا والله أبدا
ماجدة ضربت كف على كف وسابتها ومشيت
ريم قالت تطلع تشوف مى ولينا بيعملوا ايه علشان تناقشهم فى الموضوع اللى أحمد قاللها عليه وحدث مالم يكن فى الحسبان........
أنت تقرأ
إلحقونا إحنا مخطوفين 🏃😅
Humorالخطف هو من أبشع الجرائم اللى ممكن تحصل لأى حد بس فى قصتنا هنا الدنيا مختلفة خالص علشان الأبطال بتوعنا مش زى أى أبطال 😂😂 أهلا بيكم في روايتى (إلحقونا إحنا مخطوفين) وادخلوا برجليكم اليمين 😂😂😂😂
