إلحقونا إحنا مخطوفين 🏃😅

ورجعنا كله يرقص😂😂❤️

لو فاكرين إن كده الرواية انتهت تبقوا غلطانين ده كله كوم والرجوع ده كوم لوحده😂.
فى الباص كلهم ركبوا وكله قعد فى مكانه إلا واحد بس كان واقف ومصمم ميقعدش ومين غيره متعب يعنى كريم طبعا😂😂😂
كان واقف فى النص بين الكراسى ومشغل أغانى مهرجانات وبيرقص بلدى والكل فطسان عليه من الضحك والمشكلة إنه عمال ينزل ويطلع ويعمل حركات غريبة ببقه وإيديه😂
كريم هاززا أكتافه:فرتكة فرتكة ولولولولولولىلىلىلى 😂😂
عمر: ههههههههه اقعد يا ست فيفى عبده بقى كفاية يا حبيبي كده.
كريم بحركة غيظ:أبدا أبدا ههههههههه 😂 إنا ما صدقت رجعنا
عمر ضاحكا: ههههههههه 😂 ارقص يا أخويا وأنا هقدر عليك ههههههههه 😂😂😂
ريم من بعيد: ههههههههه أخوك إيه بعد الرقص ده ده كده أختك😂😂😂
كريم بلوى فمه:حقودة متغاظ عارفك يالا مننا متغاظ
ريم بغضب:اطفى يا على الكاست ده أما نشوف مين متغاظ من مين.
أحمد:بت انكتمى بقى وإلا هطلقك.
ريم:عاجبك كده يا سى زفت أهو هطلق بسببك.
كريم:عنده حق.....أحمد انت الكسبان.
ريم ممسكة كريم من قفاه:انت بتقلب جوزى قرة عيني عليا.
أحمد:اسكتى بقى مش هطلقك اتهدى.
ريم دافعة أحمد:ملكش دعوة انت.
كريم:بت انتى سيبينى انا مزاجى حلو مش عاوز أعكره.
على:ده إيه شغل الضراير ده.
ريم حادفة حذائها فى وجه على:ملكش دعوة انت كمان.
أحمد رافعا يديه الاثنين للدعاء:يا رب فك الديقة......يا رب تخلعنى من نفسها بدل ما أطلقها.
شذا ضاحكة بصخب: ههههههههه 😂 احنا مش هنخلص من هبلك ده يا ريم انتى وكريم انت مش هتعقلوا بقى.
عمر ناظرا لها:قولى لنفسك واعقلى انتى الأول.
شذا: نااااعااااام يا سى عمر وانت شايفنى مجنونة زيك ولا بشد في شعرى ولا يكونش برفص وأنا نايمة زيك يا كلب انت
عمر:لا ده انتى زودتيها أو..... ثانية واحدة انتى عرفتى منين إنى برفص وأنا نائم.
شذا بارتباك:ها...
ريم مدخلة رأسها بينهما:أيوة عرفتى منين قولى قولى.
شذا:ها...هكون عرفت منين يعنى...ل....ليلى قالتلى.
ليلى بتفاجأ:أنا.
شذا بغمزة:اه افتكرى لما قولتيلى.
ليلى مسايرة لها:اه اه أنا كنت قولتلها.
عمر بشك:ماشى هنعديها....ثانية هنا انت قولتى عليا كلب.
شذا بهجوم:لا لا ده الكلب أحسن منك شوية.
عمر شاددا إياها من يديها فجأة فاقتربت جدا منه:لمى الدور علشان مقلبش عليكى.
شذا بسرحان:ها....
عمر مبتسما من تأثيره عليها:بقولك لمى نفسك.
شذا ساحبة يديها بسرعة عندما رأت ابتسامته:ها...قليل الأدب لم نفسك انت الأول....أنا قايمة هروح كرسى تانى.
عمر ينظر إليها وهى تقوم:ليه بس كنت خليكى قاعدة شوية.
آسر من ورائه بابتسامة:عندها حق ده انت كلمة قليل الأدب دى قليلة عليك.
ليلى من جانب آسر:أيوة لم نفسك دى بنت عمك يعنى زى أختك.
عمر بعصبية خفيفة:أختك انتى يا أختى.
ليلى بابتسامة: ههههههههه 😂 ماشى أما نشوف أخرتها إيه.
ريم تاركة كريم ومتوجهة لهم:بتقولوا إيه ها...بتقولوا إيه.
ليلى:وانتى مالك إيه الهم ده.
ريم:أيوة يا ستى من لقى أحبابه نسى أصحابه.
ليلى بخجل:بت انتى روحى لجوزك أحسن.
ريم بضيق:يوووه هو محدش طايقنى ليه أرمى نفسى من الباص ده.
الكل فى نفس واحد:يا ريت.
ريم شاهقة:يالهوى....انتوا مستغنيين عنى للدرجادى.
أيمن:أنا معرفتش أربى.
ماجدة:ولا أنا والله دى
ريم بضيق:هو انتوا كل ما تغلبوا تقولوا معرفناش نربى طب ما هى مى ولينا أهم مركزين معايا بقى ليه.
ماجدة ممسكة إياها من أذنها:يعنى شوفتيهم مسحوبين من لسانهم زيك.
ريم بتوجع:اه أى أى ودنى يا مامى.
أيمن:خليكى ماسكاها كده يا ماجدة لحد أما نروح.
ريم: أحمد حوش عنى.
أحمد:أبدا مش هيحصل.....خليكى ماسكاها كده يا طنط.
مى: ههههههههه 😂 فرحانة فيكى أوى.
لينا:مش انتى لوحدك يا ميوش
ريم:أومال مين مش فرحان فيا.
سيف: ههههههههه 😂 مفيش حد ههههههههه 😂
ريم:مامى خلاص معدتش هتكلم من هنا لغاية أما نوصل.
ماجدة:أضمن منين
ريم:أمضى ورقة يعنى.
ماجدة:بطلى لماضة بقى يعنى حتى وانتى ممسوكة من ودانك مفيش فايدة.
ريم بضحك:فايدة ولا عايدة ههههههههه 😂
بتبص لقت الباص كله ساكت
ريم بضيق:إيه مش بتضحكوا ليه.
أحمد لنجلاء:ها أطلقها الوقتى.
أيمن:لا استنى أما نوصل.
ريم:يعنى هو ده كل اللى حايشه طب طلقنى أنا عاوزة أطلق
أحمد ببرود:مش بطلق اخلعينى لو حابة.
ماجدة شاددة على أذنها أكثر:عاوزة تطلقى وتيجى تقعدى معايا تانى لأ أنا ما صدقت خلصت منك.
سامى:ياااه أنا عمرى ما شوفت حد محبوب ولا الناس بتموت فيه زيك كده يا ريم.
ريم:وإيه يا أخويا الانشكاح اللى فى الأملاح اللى انت فيه ده.
سامى ضاحكا: ههههههههه 😂 خليكى ماسكاها كده يا طنط ثم أخرج لها لسانه.
ريم:طب حوش عنى يا كريم
كريم متدخلا:تدينى كام.
ريم:اه يا كلب يا أجرب يا مستغل المواقف.
كريم:ها انجزى.
ريم لماجدة:طب سيبينى شوية يا مامى عشان أتفاهم مع المستغل ده.
ماجدة بعند:لأ.
ريم:يا باى....انت يا زفت يا كريم عاوز إيه.
كريم:٣ كيلو كفتة و٣ كباب و٦ شاورما كبير و٢ لتر بيبسى بس يكون دايت.
سارة:لا والله دايت.
كريم:أيوة عشان الريجيم.
سارة:يا أخويا ده أعوذ بالله من الشيطان الرجيم منك ومن كرشك.
كريم لريم:ها سيبك منها يا ريم هتجيبيلى.
سيف:طب ما أنا عندى اقتراح بدل ما تجبلك كفتة وكباب وشاورما وكده متجيبلك البقرة كلها تحت رجلك أحسن ههههههههه 😂
كريم مفكرا: والله اقتراح مش بطال.
ريم:ولا انت هتهزر وتعوم على عوم العرسة اللى هناك ده.
سيف:أنا عرسة.
مى:متسكوتلهاش
سيف:لولا إنى هدخل فى دى السجن على الفاضى كنت شنقتها وارتحنا كلنا.
كريم:ركزى معايا قولتى إيه فى طلباتى.
ريم بضيق:ماشى ماشى بس قول لمامى تسيبنى.
كريم:طب معلش سيبيها يا طنط عشان خاطرى.
صلاح من الامام:ملقتيش إلا كريم يا ريم ده عشان خاطره ماجدة ممكن تعلقك.
ريم:طب قولها انت يا أونكل أهو على الأقل مكلفش عشان خاطر الكائن اللى اسمه كريم ده.
كريم بضيق:أوف
صلاح: ههههههههه 😂 سيبيها يا ماجدة خلاص عشان خاطرى.
ماجدة تاركة إياها: خلاص أهو عشان خاطرك بس يا صلاح.
ريم ممسكة أذنها: موشكرين يا أونكل.
صلاح: موشكرين....يا ريتنى ما قولتلها تسيبك.
أحمد مقتربا من ريم:تعالى...تعالى هنا يا فضحانى اقعدى جمبى كفاية كده
ريم ببراءة:وهتجبلى بيتزا لما نروح؟
أحمد:هجبلك هعمل ايه يعنى شايفة قدامى حل تانى.
ريم ببراءة:لأ.
أحمد: ههههههههه 😂 والله هتشل...قدامى يا أختى.
وراح واخد ربم وقعدوا على كرسى فى آخر الباص شوية عشان يرحم الباقى من زنها ما هو كفاية عليهم كريم 😂😂
كريم فجأة وهو يقف في منتصف الباص:طب الله الله الله الله الله الواد ده مين الواد ده مين الواد ده مين ده 😂
سيف:أيوة عاوز إيه يعنى نجيبلك صاجات ولا إيه.
كريم:يا ريت يا أخويا.
سيف باندهاش:نعم.
كريم:إيه...أقصد يعنى يخربيت النكد متشغالولنا حاجة كده تشهيصنا.
توفيق:يا ابنى هو احنا راجعين من حنة احنا كنا مخطوفين.. مخطوفين سامع ولا اطرشت.
كريم: يا ساتر يا رب سامع سامع بس خلاص بقى يا عمو ما احنا رجعنا أهو ومحصلش حاجة عاوزين بقى نفرفش كده و لولولولولولولىىىىىىىىىى 🥳🥳
توفيق:أهو يا رب أهو مجبتش حاجة من عندى
فريدة من بعيد:واد يا كريم تعالى ياض.
كريم:أيوة يا طنط
فريدة:تعالى بس هقولك
كريم بفرحة:إيه هتديلى حاجة حلوة.
فريدة:أوى... دى حاجة حلوة أوى أوى تعالى بس
كريم راحلها راحت شداه من قميصة وقرصاه من دراعه وشداه من شعره وبعدين مسكته من ودنه زى ما ريم كانت ممسوكة كده ومكنتش راضية تسيبه😂
فريدة:بقى عاوز تشليلى الراجل اللى حيلتى
كريم متوجعا:اه...اه يا طنط هو أنا عملتيلوا إيه
فريدة:بقولك ايه تقعد ساكت منسمعش صوتك خالص تمام
كريم:مش عارف.
نجلاء:هو إيه اللى مش عارفه هو احنا عاملينلك امتحان كيميا.
كريم:سورى أصل الكيميا غدشااارة مكنتش فيها قد كدهوت.
نجلاء:كدهوت...لا كملى ضرب يا فيرى.
كريم:متخليكى محضر خير يا نوجة بقى.
وفاء:قصدك ايه إن نوجة محضر شر.
كريم:أنا مقولتش كده انتوا هتدبسونى فى كلام مقولتوش كمان ده انتوا عيلة مفترية.
وفاء:يالهوى وكمان بتغلط فى العيلة كلها.
كريم لاطما وجهه:يالااااهوى يا ستى والله ما فتحت بقى ليه كده بس.
وفاء:بصوا يا جماعة أهو بيغلط أهو اتصرفوا معاه بقى.
كريم:بقولك ايه متسيبينى يا فيرى وأنا هسكت خالص.
فريدة:ولو إنى مش مصدقاك بس ماشى.
كريم: لولولولولولولىىىىىىىىىى 🥳🎉 اشك اشك لولولولولولولىىىىىىىىىى 🥳
فريدة تاركة إياه:عوضنا على الله....هو ده دكتور العيلة الكوبارة المحترم.
كريم مقتربا من أذنها بسرعة:اشك اشك لولولولولولولىىىىىىىىىى 🥳
وبعدين طلع يجرى بسرعة قبل ما هى تمسكه.
فريدة:تعالى هنا يالا والله ما هسيبك
كريم: ههههههههه 😂 أبدا أبدا واللى يحصلنى يجنزرنى
محمد:إيه يجنزرنى دى لغة جديدة دى ولا إيه
لينا:متاخدش فى بالك يا عمو ده كريم هو حد هياخد على كلامه.
محمد:على رأيك يا بنتى😂😂
كريم مقتربا من على:شغلنا حاجة بقى
على منشغلا بالسواقة:ابعد عن خلقتى الوقتى أنا بسوق مش فايقلك.
كريم:أوف
سارة:بتقوله إيه يا كريم
كريم:مبقولوش يا أختي
سارة:لا أنا عارفاك أكيد بتقوله يخونى.
كريم:طب بزمتك انتى هو هيستانى أقوله
ساره مفكرة:لأ عندك حق مش هيستناك...أومال بتقوله إيه.
كريم:ملكيش دعوة اتبطى بقى واسكتى.
سامى:سيبه يا كريم يا حبيبي يركز في السواقة بدل ما يقلب بينا ولا حاجة.
لينا ضاربة إياه فى معدته:منك لله يا شيخ معدتش تفتح بقك ده خالص كفاية إننا اتخطفنا ورجعنا بأعجوبة مش كفاية
سامى متوجعا:اه...هو أنا يعنى اللى كنت خطفتكوا
شذا:جدعة يا لولو سكتيه لأحسن ده هو سبب المصايب كلها.
عمر:واد يا كيمو
كريم من جانب على:إيه يا حبيب قلبي
عمر:معاك لسه حبال فى الشنطة
كيمو:أيوة أحبيب قلبى بس ليه
عمر:هاتهم بس.
أيمن:هتعمل بيهم إيه يا عمر
عمر: حاجة مهمة جدا يا أونكل وهتريحنا كلنا
أيمن:يا ترى إيه
عمر غمز لأيمن وشاورله ناحية سامى.
أيمن:وهو كذلك يا حبيب قلبى
كريم جاب الحبل راح أيمن وعمر فى ثوانى مقربين على سامى ورابطينه فى الكرسى والكل فطسان على روحه من الضحك بس كانوا فرحانين فيه وخصوصا ريم 😂😂
سامى:ليه كده فكونى بس نتفاهم وأعرف أنا عملت إيه طيب.
مى:قول ما قولتش إيه ودانا فى داهية.
سامى:هو كل حاجة تلبسوها فيا مجاش فى بالكم مثلا إنكم نحس.
أحمد: طبعا احنا نحس عشان مخطوفين مع بومة زيك.
مى:بقولك ايه يا كريم مش معاك بلاستر نكتم بقه بيه.
سامى:طب ما تودونى عند كمال حبيبى يخطفنى تانى أحسن ده الراجل كان سكرة ميجيش جمبكم حاجة.
لينا ضاربة إياه فى معدته مرة أخرى:كمال حبيبك.....مش ده السبب في كل اللى احنا فيه فاكره اللى كان هيموتنا ده.
سامى:اه..اه ويعنى هو أنا كنت متفق معاه إيه القرف ده.
لينا:قرف....طب هات البلاستر يا كريم.
سامى:يا ست انتى ارحمينى أنا مش من الأعداء والله.
لينا:أبدا هات البلاستر يا كريم.
كريم جاب البلاستر ولزقه على بق سامى وفجأة ريم راحت مزغرطة ومسقفة والكل قعد يضحك على عمايلها😂😂😂😂
على ناحية تانية عمر قام فجأة وراح يرزل على شذا هى كانت قاعده على الكرسى بتبص للطريق وسرحانة وده ساند جمبها على الكرسى وبيبصلها فجأة لقت اللى بينفخ على وشها وبيطيرلها شعرها
شذا بخضة:إيه ده عمر.
عمر برومانسية:شكلك حلو أوى وانتى سرحانة كده
شذا بارتباك:وانت...وانت يعنى سايب الدنيا كلها عشان تيجى تتفرج عليا وأنا سرحانة.
عمر مقتربا من وجهها:أصل بصراحة المنظر يشد
شذا ملتفتة للجانب الآخر بارتباك وخجل:عمر...ارج...ارجع مكانك تانى وبطل بقى الحركات دى.
عمر بابتسامة:ولو انى مش متعود منك على الرقة دى بس انتى تجننى فى كل حالاتك.
شذا بوجه أحمر:إحم...إحم مش كفاية كده.
عمر بغمزة:هو فعلا كفاية كده والله كده ما عاد ينفع.
شذا كانت قاعده على الكرسى اللى فى الطرف راحت داخلة تلقائيا من كتر الكسوف على الكرسى اللى جمب الشباك عشان تبعد عن عمر بعد كل الكلام ده بس هو بقى استغل الفرصة طبعا ودخل قعد جنبها😂😂
كريم طبعا فى الوقت ده كان لسه بيزن على على عشان يشغله الأغانى وعلى خلاص كان جاب أخره😂
على بزهق:يا ابنى خلاص بقى ابعد عن وشى بدل ما نقلب على الطريق.
كريم:فيه إيه يا ابنى هو أنا بقولك حطلى فلوس فى البنك ده أنا بقولك شغلنا حاجة كده تدلعنا.
ساره:سيبه بقى يا كريم كفاية وبعدين بص علينا كده هتلاقينا كلنا تعبانين وزهقانين وعاوزين ننام.
سيف:أيوة محناش فايقين للحنة اللى انت عاوز تعملها دى.
كريم بعند:ماليش فيه هرقص يعنى هرقص.
محمد:يا ابنى انت دكتور محترم ميصحش تتلوى كده.
كريم:هو الدكتور حرام يرقص ولا إيه ده أنا عليا هزة كتاف لولولولولولولىىىىىىىىىى 🥳🎉 حاجة كده تشرف.
ريم من بعيد:قصدك تقرف.
كريم:بغض النظر يا حقودة انتى هرقص يعنى هرقص.
توفيق:ييييه أنا هاين عليا نرميه فى أى كباريه واحنا ماشيين والله.
كريم بفرحة: بجد
توفيق:هتشل يا جماعة مش قادر.
فريدة ممسكة حذائها:بقولك ايه يا سارة عدى كده يا روحى
سارة:حاضر يا طنط.
سارة عدت راحت فريدة ضاربة كريم فى وشه بالشبشب كريم فضل واقف متنح والكل كانوا فرحانين فيه وبيضحكوا😂😂
فريدة:أنا قولت ده اللى هيشيليلى الراجل بعد الشر محدش صدقنى.
كريم:اه ينفع كدهوت يا فيرى وأنا بحبك.
فريدة:حبك تعبان ويكون أحول وبكرش مدلدل كمان.
أحمد: ثانية واحدة كده هو إيه اللى انت لابسه ده يا كريم.
كريم بفخر:أقل ما عندى.
نجلاء:هو مفيش أقل من كده أصلا ههههههههه 😂
ماجدة: والله عندك حق ده إيه التلوث البصرى اللى احنا شايفينه ده😂😂
كريم:معذورين إيش فهمكوا انتوا فى الموضة.
آسر:احنا اللى مش بنفهم برده
كريم:أيوة ده واضح جدا....عموما اللبس ده ليه قصة كفاح.
مى ضاحكة فجأة بصوت عالى: ههههههههه ههههههههه 😂 أيوة من حيث إنها قصة فهى قصة فعلا ههههههههه 😂 مش قادرة ههههههههه 😂😂😂
كريم:يا سلام إيه كل الضحك ده متضحكيهم معاكى طيب.
لينا برجاء:أيوة قوليلنا إيه اللى حصل هموت واعرف.
سامى بفمه المكتوم:هههممممم هممم
ليلى:ولا حد هيسأل عنك قولى يا مى بقى.
آسر مقتربا من أذنها:بموت فيكى وانتى شرسة كده.
ليلى بوجه أحمر:آسر كفاية بقى أنا بتكسف.
آسر بتسبيل:اتقلى لسه التقيل جاى ورا
ليلى:إحم...هو لسه فيه أكتر من كده
آسر قرب أكتر من وشها مبقاش فيه بينهم غير ٣ سم راحت هى زقاه بعيد عنها جامد مرة واحدة فقعد يضحك عليها.
آسر ضاحكا:طلعتى خوافة أوى.
ليلى ناظرة أمامها ومربعة يديها:خوافة خوافة ملكش دعوة.
فى الوقت اللى كان آسر فيه بيسبل لليلى كانت مى حكت نص الحكاية بتاعة كريم 😂
مى مكملة:بس كده وبعد ما شد مع الظابط دخل الحجز وطلع بالمنظر اللى انتوا شايفينه ده ههههههههه 😂
كريم:قصدها تقولكم الأناقة اللى أنا فيها دشى.
ليلى ضاحكة: ههههههههه طب والله تستاهل😂
كريم:طب شغلولى أغانى بقى
صلاح:طيب يا حبيبي....على وقف كده.
على:ليه يا بابا.
صلاح:وقف بس.
على:حاضر
صلاح وأيمن وتوفيق ومحمد نزلوا والكل مستغربين هما بيعملوا ايه قعدوا يتكلموا شوية وبعدين ندهوا على كريم فكريم نزلهم راح محمد وأيمن ماسكينه من دراعاته وصلاح نده على آسر.
صلاح:أسور
آسر:أيوة يا عمو
صلاح:طلع بقية الحبال من شنطة العفريت ده.
آسر ضاحكا:حاضر 😂
وفاء: لولولولولولولىىىىىىىىىى 🥳🎉 هيربطوا الواد كريم.
شذا دافعة عمر بجانبها:بجد يا طنط.
عمر فى سره:مجنونة.
وفاء:اه والله بصوا كده.
الكل جرى على الشبابيك فى الناحية اللى فيها كريم عشان يتفرجوا عليه وهو بيتربط😂
محمد وأيمن كانوا ماسكينه من دراعاته وآسر بيناول الحبال لصلاح وصلاح وتوفيق بيربطوه وهو عمال بيحرك رجليه فى الهوا 😂😂
بعد كده شالوه وربطوه فوق ضهر الباص ولبسوه كاب علشان الشمس 😂
محمد لعلى:يلا يا على كمل سواقة ولا أكن حصل حاجة
على:تمام يا حمايا العزيز
أحمد من بعيد بغضب:لسه مش حماك ياض أنا لسه هنظر فى موضوعك.
على:موضوع إيه مدورنى مكتب أحسن وتكدرنى.
أحمد: والله مش أنا هكدرك انت عارف كويس مين اللى هيكدرك.
على بخوف:اللهم اجعل كلامنا خفيف عليك يا عم هولاكو
آسر متدخلا فى الحوار:أيوة بالظبط كده كمل سواقة بقى يا حبيب قلبي
على:عنينا ليك يا عمنا.
آسر بجدية:نعم
على بارتباك:قصدى يا فندم
آسر:أيوة كده
محمد: والله أنا فرحان فيه أوى ههههههههه 😂
سارة:وأنا كمان والله يا بابى ههههههههه 😂
صلاح:معتقدش مفيش حد مش فرحان فيه.
وفاء:أيوة كده خليه يتربى ابن الجزمة بدل قلة أدبه.
على:بقولكم إيه يا جماعة هو أنا لقيط.
توفيق:لا.
على:أومال ليه المعاملة بتاعة الكلاب دى.
توفيق:لا متجبش سيرة الكلاب مش عاوزين نظلمها معانا بسببك.
على:يا باى كل......
أيمن ضاربا إياه على قفاه:انت هتعد ترغى وتحسب نفسك زينا ولا إيه كمل سواقة وانت ساكت.
نجلاء:أيوة والله بلاش غلبة
على باستسلام:طيب أمرى لله 😂
بعد شوية وهما ماشيين لقوا كريم عمال يضرب فى ضهر الباص من فوق.
لينا:وقف كده يا على
مى مستيقظة من على كتف سيف بنعاس:أيوة وقف كده إيه الصوت ده.
سيف لمى:ارجعى نامى يا حبيبتي ده أكيد كريم يعنى قلبة دماغ على الفاضى.
مى مكملة نعاسها:أيوة عندك حق.
شذا:طيب يلا يا جماعة مفيش داعى نوقف.
فريدة:يلا يا على اتكل على الله.
على: حاضر
بس كريم مبطلش ضرب فى السقف.
ليلى:لا وقف بقى يا على كده أما نشوف الأراجوز اللى فوق دماغنا ده.
آسر:حصل والله ده الأراجوز ميجيش جمبه حاجة 😂
سامى:ههمممم ههممممم
لينا:وانت عاوز إيه انت كمان.
سامى:ههههممممم
ريم مقتربة منه:أنا مش فاهمة منك حاجة.
سامى:هههممممم
ريم:أوف بتقول إيه يعنى.
سامى:هههههمممم ههههممممم
ريم:هو انت غبى يعنى إيه ههههمممم
لينا نازعة اللاصق بقوة من على فمه
سامى بصوت عالى وبغضب ناظرا لريم:انتى غبية يا بت انتى لا لا ده مفيش غباء كده أصلا ده انتى لازم يتفتحلك عنبر كامل لوحدك فى مستشفى المجانين.
ريم بضيق:ما انت اللى متخلف كل أما اسألك بتقول إيه تقولى هههمممههممم هو إيه أصله ده.
سامى:يا رب خدنى يا رب حد يرد عليها لحسن خلاص آخر أخرى جاب أخره.
ريم بغباء ناظرة لهم جميعا:هو زعلان من إيه أنا مش فاهمة.
كله كان باصص للأرض وحاطين إيديهم على وشهم من غبائها ومش عارفين ينطقوا.
شذا: ربنا يكون في عونك يا أحمد.
عمر: قلبى معاك يا ضنايا.
أحمد:الشدة على الله يا جماعة.
ماجدة: ربنا يعوض عليك يا ابنى
أحمد:قدر يا طنط
ريم بغباء أكبر: مالك يا أحمد يا حبيبي زعلان من إيه كده حد من الناس دى زعلك قول بس وأنا أجبلك حقك.
أحمد بعصبية مضحكة:ابعدى عنى دلوقتى حقى ربنا هيجبهولى.
ريم:واما حقك ربنا هيجبهولك بتتعصب عليا أنا ليه.
أحمد:إلحقونى دلوقتى بأسرع الطرق للانتحار.
ريم بغباء ناظرة لهم:فرحانين انتوا كده دلوقتى لما عصبتوه.
وفاء:بصوا يا جماعة احنا هنفك كريم ونربطها إيه رأيكم.
الكل:موافقين.
ريم:ليه وأنا عملت إيه بس.
كلهم نزلوا وسابوها بتكلم نفسها عشان يشوفوا كريم😂
وهى نزلت بعدهم وهى عمالة تكلم نفسها 😂
سيف بصوت عالى:عاوز إيه يا سى زفت.
كريم:نزلونى عاوز أسلم على عمو بتاع السوبر ماركت اللى على اول الشارع اللى احنا فيه ده
سيف:تسلم على مين يا أخويا.
كريم: على عمو بتاع السوبر ماركت يا عم....بص مى عارفاه.
أيمن:مين ده يا مى.
مى:ده واحد بتاع سوبر ماركت اشترينا منه حاجات وهو اللى دلنا على القسم بس أنا مش فاهمة كريم عاوز منه إيه.
آسر: ثانية واحدة كده هو انتوا اشتريتوا منه إزاى وانتوا مش معاكوا فلوس أصلا.
كريم:مراتك الهبلة يا سيف كانت عاوزة تديه الخاتم بتاعها.
سيف: صحيح يا مى.
مى بإحراج: كريم كان جعان خالص وكان هيقع منى.
سيف ناظرا لكريم: وبعدين كمل.
كريم:طيب نزلونى طيب.
سيف:لأ كمل المصيبة الأول.
كريم:أمرى لله.....بص أنا مرضتش واتخنقت معاها والراجل لما لاقانا بنتخانق عرف إن مش معانا فلوس وكان هيطلبلنا البوليس بس لما عرف إن معانا الخاتم وسمعنى وأنا بقولها إن مستحيل أسيبها تبيع الخاتم عشان الأكل استجدعنا وإدانا الحاجات ببلاش.
سيف:طب والله جدع يا كريم شوف انت متخلف وأهبل إزاى ومفكش حاجة صح تقريبا بس طلعت جدع وأنا هفكك.
مى مسكت دراع سيف فجأة:سيف انت مش زعلان منى.
سيف:مى انتى حبيبتى وأحلى حاجة حصلتلى فى حياتى مستحيل أزعل منك.
مى:شكرا يا سيف.
سيف مقبلا يديها: بحبك ♥️
مى:وأنا كمان.
كريم: بعد إذن الرومانسيه أنا دماغى اتقورت من الشمس هتفكونى ولا رجعتوا فى كلامكم.
سيف:عيل فصيل.
كريم:ليه مش كنت من شوية جدع والدمعة كانت هتفر من عينك.
سيف:أنا محققولك يا سيدى.....إيه القرف ده.
صلاح وتوفيق طلعوله وقعدوا يفكوه وهو نازل راح واقع من فوق على الأرض فى وسط التراب ومعتش وشه باين من الرمل اللى مغطيه😂
كريم:انتوا فين.....كح كح هموت من التراب عاوز سوكسوشين.
فريدة وهى بتنفضه وهو بيطلع تراب من كل حتة:عاوز إيه يا أخويا.
كريم وهو يسعل:كح كح..كح سوكسوشين يا فيرى.
ليلى:وده يطلع إيه ده.
كريم وهو واقف ينفض نفسه بتكبر:جهلة مش عارفين السوكسوشين.
أحمد:إيه ده يعنى نوع كلاب جديد.
كريم:كلاب إيه.
شذا:عنده حق يا أحمد كلاب إيه هو فيه كلاب هنا غيره.
عمر ضاحكا: ههههههههه ههههههههه 😂 عندك حق.
شذا:انت بتضحك على إيه هو أنا قولتلك اضحك.
عمر:ليه لهو انتى عاوزانى آخد إذن منك عشان أضحك ولا إيه.
شذا رامية رمل عليه:غبى ورخم ومعندكش إحساس ولا دم.
عمر بغضب:عبيطة وعيلة وملكيش لازمة.
شذا بغضب:أنا.....ده انا يعنى ماشى يا عمر ماشى لما نرجع بس.
عمر:لما نرجع مش عاوز أعرفك تانى.
شذا:ولا أنا كمان
وسابتهم شذا ورجعت تانى الباص عشان حرفيا معدتش طايقة تشوف وش عمر.
سارة:إيه يا ابنى اللى انت هببته ده.
عمر بغضب:مش شايفاها عيلة وعبيطة وغبية وبتعلى صوتها عليا.
سارة:وانت مركز معاها طول الوقت وبتحاول تضايقها ليه.
عمر باستغراب:مركز معاها.
سارة:أيوة ومتنكرش عشان كلنا حاسين.
عمر:وهى للأسف مبتحسش يا سارة.
على:اسم الله عليك وانت يعنى بالطريقة دى هتخليها تفهم وتحس.
عمر:مش عارف بقى هو أنا كده وإن كان عاجبها.
لينا بابتسامة:ما المصيبة إنك كده عاجبها.
عمر:بجد.
لينا:اه والله بجد أنا بنت زيها وأعرف أكدلك ده كويس.
ريم:بس انت بغبائك ده ممكن تزهقها وتضيعها من إيدك.
أحمد:نصيحة منى يا روحى متتكلميش خالص على الغباء أوكى.
ريم:ليه يعنى
أيمن:قوليله أوكى وانتى ساكته.
ريم:حاضر...ارتحت.
أحمد:مش أوى بس تمشى 😂
نجلاء:طب احنا اتفاقنا على إيه يا عمر هتهدى وتمشى حالك ولا هتعمل ايه.
عمر:مش عارف والله يا طنط.
نجلاء:يييه
عمر:ما هو أصل فى حاجة منتوش واخدين بالكم منها.
وفاء:إيه يا فالح.
عمر:نور.
آسر:متستعبطش مش انت قايلى اللى فيها قبل كده
عمر:أيوة بس شذا متعرفش.
آسر:طب ما تعرفها مستنى إيه.
سيف:مستنى يشلنا باين ويشل البت الغلبانة معانا.
ليلى:هو انتوا بتكلموا بالألغاز كده ليه أنا مش فاهمة حاجة.
ماجدة:ولا أنا كمان والله يا بنتى.
عمر:بصى يا طنط أنا من الآخر كده بتنيل بحب المنيلة على عينها شذا.
فريدة:جتك نيلة يا موكوس كمل وبعدين.
عمر بابتسامة: وبعدين أنا كنت خاطب فنعمل إيه دلوقتى
محمد:أيوة هنعمل ايه
عمر: المفاجأة بقى يا عمو إن يوم ما سارة اتدبست فى على ربنا يعينها يارب
سارة:يا رب
عمر:انا فى اليوم ده كنت سبت نور أصلا.
صلاح:من ساعتها يا عمر.
عمر:أيوة يا عمو بس المفاجأة بقى إنى سبتها أصلا قبل ما أنزل مصر.
توفيق:المهم يا عمر إنك متكنش ظلمتها.
عمر:لا يا عمو أنا أصلا لو مكنتش سبتها كنت هبقى بظلمها لإنى بحب شذا ومكنتش من الأول حاسس بحاجة تجاه نور.
ليلى:يلا الحمدلله أنا مكنتش بطيقها أصلا.
آسر:يا ساتر يا رب
ليلى:فى حاجة يا آسر
آسر:لا يا أختى أصلك ما شاء الله طلعتى طيبة.
ليلى:أوى.
كريم:طب وهتقول للمتنيلة على عينها امتى إنك موكوس وبتحبها.
عمر:أما نرجع إن شاءالله.... وبعدين ثانيه كده هو أنا موكوس.
كريم:أيوة وأهبل كمان.
عمر: يلا يا بتاع السوكسوشين ده ولا مش عارف يطلع إيه ده أصلا.
كريم موجها كلامه للجميع:إوعوا تقولولى بجد إنكم مش عارفينه.
توفيق: استغفر الله العظيم يا رب إيه ده يعنى.
كريم:ده الغاز اللى فى الجو اللى هو هيدروجين وسوكسوشين وكده.
على:يكونش قصدك أوكسجين.
كريم:أيوااا هو ده اسم الله عليك.
ماجدة: يا حزن الحزن بقه ده دكتور.
كريم بابتسامة عريضة:أيوة وأكبر ضاااكتور فى الدنيا.
على:قصدك أكبر تور يا تور.
كريم: ربنا يسامحك أكيد طبعا متغاظ منى ومن شطارتى.
أيمن: يلا يا جماعة على الباص عاوزين نروح بصحتنا قبل ما ننجلط.
ماجدة:عندك حق يا أيمن....يلا يا ولاد.
كريم من ورائهم:استنوا ده أنا نسيت أسلم على عمو بتاع السوبر ماركت.
وفى اللحظة دى راح عمر شادد كريم من البلوفر بتاعه عشان يخلص من زنه كالعادة 😂
لما طلعوا الباص كان سامى يا حبة عينى تعب من كتر الربطة اللى هو فيها وصعب على لينا أوى(و والله ده صعب عليا أنا شخصيا 😂)
لينا:بابى ممكن نفكه.
سامى: دلوقتى يا أختى افتكرتى إن ليكى جوز ده أنا لو كنت جوز هند مكنتش ههون عليكى كده.
لينا:أوه خلاص يا سماسيمو بقى هنفكك....فكه يا بابى علشان خاطرى.
أيمن:هنفكه وأمرنا لله بس لو عمل دوشة تانى هربطكم إنتوا الاتنين بعد كده.
لينا:لا خلاص هو هيقعد ساكت ويبطل تشاؤم مش كده يا زوجي العزيز.
سامى:كده يا أختى.
ريم:إيه ده يا ميوش مكنتش أعرف إنك بتحبى الواد سامى كده.
لينا:مش جوزى لازم أحبه طبعا.
ريم: جوزك مين ياما ده أنا كنت فاكراكى خطفاه.
لينا:امشى يا بت من قدامى بدل ما أشرحك.
ريم للكل:شايفين عاوزة تشرحنى يبقى خطفه الواد ده ولا مش خطفاه.
سامى:يا ستى متشكرين بس أنا مش مخطوف ولا حاجة 😂.
ريم:ايش عرفك انت انت مخطوف أنا بقولك.
سامى:يا ستى أنا سليم أهو وكويس.
ريم:لا بص شاور بس أو هز راسك أو أقولك طلع لسانك ٣مرات وانا هطلبلك الكراكون متخفش.
سامى:يادى النيلة بقولك أنا مش مخطوف أنا زى التور قدامك أهو 😂.
ريم:يلا أنا كان قصدى أعمل خير وأنقذك انت اللى ملكش نصيب.
أحمد:بت يا ولية يا هبلة انتى تعالى اترزعى هنا.
ريم:هى مين دى اللى ولية يا حبة عينى.
أحمد:ده إيه دور ريا وسكينة اللى رشقالنا فيه ده.
ريم:أقل حاجة عندى.
أحمد:وأنا أقل حاجة عندى هنزلك على أقرب كراكون زى ما بتقولى وأعمل فيكى محضر إزعاج سلطات وأسيبك ليهم يومين تلاته كده فى التخشيبة وصدقينى مفيش حد هيعترض.
ريم:لا طبعا كلهم بيحبونى هنا وميقدروش يستغنوا عنى مش كده يا جماعة.
صلاح:سيبكوا منها ويلا نفك سامى.
أيمن:أيوة يلا
على:وأنا هكمل سواقة.
ريم لأحمد: شايف بيموتوا فيا بقولك.
عمر مارا بجانبها:قصدك بيموتوا منك.
أحمد لريم:أهو جبتش حاجة من عندى.
ريم:أوف انا راحة أنام.
فريدة: لولولولولولولىىىىىىىىىى 🥳
شذا: الله أكبر الله أكبر
ليلى:بسم الله الله اكبر بسم الله بسم الله.
آسر مبتسما: الله أكبر بسم الله بسم الله
سارة:أذن وكبر بسم الله بسم الله
ريم:هو فيه إيه هى الحرب قامت تانى ولا إيه.
ماجدة:روحى نامى متضيعيش فرحتنا بقى.
ريم بضيق:طيب أما أرجع بس هوريكم.
وفاء واقفة بجانبها:تورى مين يا عجلة انتى.
ريم بخوف مضحك:ها...لا ولا حاجة يا فوفة ده أنا قصدى أما أرجع هكمل نوم فى البيت.
وفاء:اه بحسب.
ريم:لا متحسبش يا باشا ده أنا حتى نمت أهو
ريم فجأة غمضت عنيها وراحت فى سابع نومه على كتف أحمد
والكل قعد يضحك على تصرفاتها الطفولية اللى مستحيل تبطلها😂😂
وبعد يوم كامل تقريبا رجعوا البيت تانى ونزلوا كل واحد على بيته واتفقوا كلهم إنهم بعد أسبوعين بالظبظ هيتقابلوا على ما كل واحد يرتاح وعلى ما كل واحد من العرسان ياخد عروسته ويطلعوا شهر العسل اللى هو يدوبك أسبوع تقريبا مش شهر طبعا 😂 وجوه مصر أكيد علشان أمهاتهم كانوا خايفين عليهم جدا بعد اللى حصل ده كله
واتفقوا إنهم يتقابلوا عند أيمن بالليل فى الڤيلا وإنهم فى الوقت ده هيعملوا خطوبة سارة وعلى وليلى وآسر وهتكون حفلة صغيرة على قد العيلة بس بس عمر كان عاوز يعزم فيها صاحبه مازن عشان هو أقرب حد ليه.
ويوم الخطوبة:
سارة وليلى كانوا نازلين من على السلم وكل واحدة فيهم أحلى من القمر سارة بفستانها الفيروزى وشعرها الطويل والميكب الرقيق بتاعها وليلى بفستانها البينك وشعرها الأحمر اللى نازل لحد ضهرها.
كل واحد من العرسان كان متشيك وزى القمر وماسك بوكيه الورد وواقف يستقبل عروسته والجو كله مليان زغاريط ومباركات والكل بجد فرحان بيهم وفرحان إنهم كلهم كويسين ورجعوا بخير وإن كل واحد فيهم محظوظ إن بقى ليه عيلة كبيرة كده وبيحبهم وبيحبوه
وفي نهاية الحفلة اتفقوا كلهم إن الفرح بتاع ليلى وآسر بعد شهر لكن سارة بقى اشترطت على على الغلبان إنه يفضل كده عريس مع وقف التنفيذ لحد ما يتخرج السنة الجاية من الكلية😂
.............................................................................
لسه دى مش النهاية😂
لسه بارت صغتوت خالص 🥺😅
عشان مطولش عليكوا فى ده
جماعة الرواية مش راضية تخلص
بس وعد اللى جاى ده آخر حاجة إن شاءالله 🤭
Love you 🥰🥰