إلحقونا إحنا مخطوفين 🏃😅

خناق لا ينتهى 🙄😅🔪

فى صالون بيت ليلى:
عمر كان قاعد مع آسر وكريم وسارة وليلى وعلى والكل نازل خناق فى بعضه ليلى على آخرها من آسر وسارة عمالة تهديها وكريم بيتخانق مع على كالعادة على أى حاجة وكل حاجة وعمر حاطط إيديه الاتنين على وشه وقريب كده هيجيله إنهيار عصبي من اللى بيحصل 😂😂
آسر:هو أنا قولت أنا عاوز منك حاجة أنا عاوز بنت عمك هعوز منك إيه انتى.
ليلى بصوت عالى:أفندم قصدك إنى ماليش لازمة ولا إيه.
آسر بعصبية:أيوة قصدى إيه رأيك بقى.
ليلى:انت واحد متخلف وبطريقتك دى عمرك ما هتوصل لحاجة أبدا.
آسر:ملكيش دعوة بيا ولا بطريقتى وبعدين محدش متخلف هنا غيرك.....لا مؤاخذة يا عمر.
عمر ضاحكا:لامؤاخذتك معاك
ليلى:انت واحد معندكش زوق وجبلة وشكلك كده عمرك ما اتعاملت مع بنات
آسر بصوت عالى:وهما فين البنات دول يا شاطرة.
ليلى بعصبية:ما انت أصلك أعمى ومبتشوفش.
آسر:لا يا أختى شايف واحدة بضفاير ولابسة سبونج بوب
ليلى:أهو سبونج بوب ده أحسن منك مليون مرة
آسر:إيه أحسن منى دا بيجيب تخلف للأطفال
ليلى:أهو على الأقل بيعمل حاجه مش زيك عديم النفع وعديم النظر وعديم كل حاجة.
آسر:أنا مغلطش لما قولت إن لسانك طويل طوله ٢٠متر على الاقل عاوز قطعه.
ليلى: أنا....مترد يا عمر دا انت حتى أخويا يعنى
عمر: بصراحة عنده حق
ليلى: طبعا ما انت وهو رجالة هتقوله إيه طبعا قلة الأدب وعدم النظر بيجروا فى دمكم.
آسر:حتى أخوكى من لحمك ودمك مش طايقك.
ليلى لعمر:حسابك معايا بعدين يا عمر بعد ما الكائن ده يمشى من هنا
آسر:إيه كائن دى ما تلمى لسانك يا بت انتى.
ليلى:بت أما تبتك وقرد لما يبقى ينططك.
آسر:دى ألفاظ واحدة مهندسة وكانت عايشة فى هولندا كمان.
ليلى:اه عندك مانع
آسر:اه عندى هتعملى إيه يعنى
ليلى:وأنا عندي مانع على وجودك انت شخصيا فى بيتى.
آسر:انتى بتطردينى......شوف أختك يا عمر.
عمر:عيب يا ليلى خلاص بقى
آسر: لا أنا همشى لو مكنش عاجب الأستاذة
عمر:متترزع بقى...وانتى اسكتى خلينا نحل المشكلة اللى شذا عملاها.
ليلى بغضب:سكتنا أما نشوف أخرتها إيه
آسر بضيق:أيوة أما نشوف.
سارة: الحمدلله يا رب هنعد ونتكلم زى الخلق.
كريم:دا أنا كنت فقدت الامل خلاص
على طلع أغنية والله وعملوها الرجالة وقعد يرقص عليها.
سارة:اقعد يا أهبل فضحتنا ههههههههه 😂
على:استنى أما اسجد شكر لله
كريم:اسجد يا أخويا هو الموضوع فعلا يستاهل 😂
على سجد وخلص والكل فطسان على عمايله 😂
على:هو فين التويلت عندكم يا عمر عشان أتوضى وأصلى ركعتين شكر لله
عمر:هو انت جاى تتوب هنا ولا إيه 😂
كريم:أعذره يا عمر أصل الخناقة كانت صعبة أوى 😂
آسر:ولسه
ليلى:متخلف
آسر:غبية
عمر:لا أبوس على راسكم انتوا الاتنين إحنا ما صدقنا.
سارة: خلاص يا لولو بقى علشان خاطري أنا
ليلى: عشان خاطرك بس يا سارة والله.
سارة: قلبى يا ناس أيوة إهدى كده ومالكيش دعوة بآسر خالص
آسر:إيه يا سارة قوام كده وقفتى في صفها ما تشوف يا عم على.
سارة:إحنا بنات زى بعضينا لازم أقف في صفها طبعا وبعدين على ماله بالحوار.
على:إحم إحم احترمينى شوية
سارة:انت قليل الأدب هحترمك ليه.
كريم:يووووه هنخلص من آسر وليلى يطلعلنا سارة وعلى.
عمر:أنا هقوم أكلم نور خطيبتى عما تخلصه خناق بقى 😂
على:استنى يا عمر معلش.....وانتم حد ينطق ويقوله إحنا جايين ليه.
كريم:بقى سلامة فى خير
عمر:وخير فى سلامة
كريم:واللى أوله شرط
عمر:أخره نور
كريم:وإن كبر ابنك
عمر:خاويه
كريم:باااس جميل الكلام كده
على:هو إيه اللى جميل هو دا كلام بنى آدمين أصلا.
كريم:إيه يا على خير الكلام ما قل ودل يا سيدى.
على:دا لما يكون كلام دا انت كده قاعد ومدلدل رجليك في الترعة.
كريم:ولا انت بتعصبنى يالا هو انا قولت حاجة غلط.
آسر:هو انت قولت حاجة أصلا.
ليلى لآسر:ما تنجز انت يا ياللى عاملنا فيها اللواء أركان حرب وتقول فيه إيه.
آسر: والله لولا أخوكى قاعد كنت فصلت راسك عن جسمك
ليلى:لا دا انت كده زودتها أوى الحق عليا كنت مفكراك بتفهم طلعت زى الاتنين اللى هناك دول (على وكريم)
على لكريم:هى قصدها علينا إحنا.
كريم:اه باين كده
ساره ضاحكة: باين إيه دا ناقص بس يعلقوا يفط فى الشارع عليها أساميكوا ههههههههه 😂
عمر بصوت عالى:بس كله يكتم مسمعش صوت حد فيكم كفاية بقى أنا تعبت والله.
على ببراءة مصطنعة:انت ظالمنى على فكرة😅
عمر: والله لولا آسر وسارة كان فاتك انت والكائن اللى جمبك ده وليلى أختى كمان برا فى الشارع.
ليلى:كده يا عمر
عمر:وأكتر من كده كمان....قول يا آسر بقى
آسر وهو ينظر لليلى بعصبية:بص يا عمر إحنا أولا آسفين على الطريقة اللى دخلنا بيها
عمر:ولا يهمك يا معلم انتوا شكلكوا ناس محترمين ومش بتوع مشاكل وأنا مقدر اللى انتوا فيه لما حكتلى بره على المشكلة باختصار.
آسر:شكرا يا حبيبي دا من زوقك والله
عمر:العفو يا معلم خش بقى فى التفاصيل
آسر مبتسما:نخش بقى فى التفاصيل دلوقتى إحنا عندنا أحمد أخو سارة وسامى أخو على ومعاهم سيف كمان مخطوفين هما وعرايسهم التلاتة ومنعرفش مكانهم ولا مين اللى خاطفهم لحد دلوقتي بس كل اللى قدرنا نوصله إن شذا فى الفترة الأخيرة كل تصرافاتها وبدون الدخول في تفاصيل كلها بتأكد إن ليها علاقة بالموضوع وليها علاقة بواحد أعرفه اسمه ماهر أنا متأكد برده إنه هو بقى اللى ليه يد فى خطفهم وعشان كده إحنا طالبين منها المساعدة.
سارة:صدقنى يا عمر إحنا مش هنضرها فى حاجة إحنا بس عاوزين نعرف منها شوية معلومات يمكن نعرف نوصل للولاد.
عمر:أنا متأكد يا سارة إنكوا مش عاوزين تضروها أنا عارف....أنا نفسى جاى من هولندا عشان عارف إنها كانت عايشة غلط وكنت متأكد إنها متورطة في حاجة.
شذا ظاهرة من العدم:وأنا بقى قررت أصلح كل حاجة غلط عملتها.
الكل طبعا اتفاجأ من وجودها خصوصا عمر وليلى اللى عارفين طبعها وإنها عنيدة ودماغها ناشفة ودى آخر حاجة كانت تيجى فى دماغهم إن شذا تعتذر وتبقى عاوزة تصلح غلطها.
ليلى:براڤو عليكى يا شذا أنا كنت متأكدة إنك لسه كويسة من جواكى وإن كل دى مجرد ظروف مش أكتر
سارة:أيوة كلنا لينا غلطات يا شذا بس الأهم من الغلط إننا منتماداش فيه ونصلحه زى ما انتى بتعملى دلوقتى كده.
شذا بندم:عندك حق يا ساره وأنا غلطت كتير فى حقكوا كلكوا وكان لازم أصلح غلطى.
كريم:ولا يهمك يا شذا.
شذا:تسمحولى أقول حاجة.
على:أكيد اتفضلى
شذا لآسر الساكت من البداية:آسر أنا آسفة بجد على كل حاجة عارفة انى وجعتك كتير وأفقدتك الثقة في كل البنات وعارفة إنى كنت مقرفة وبستغلك وانت ليك حق والله ما تسامحنى لكن أنا بطلب منك السماح قدامهم كلهم وأنا مستعدة أعمل أى حاجة عشان تسامحنى وعشان تسامحونى كلكم.
آسر بابتسامة:ولا يهمك يا شذا انتى مش محتاجه تقولى كل الكلام ده أنا سامحتك انتى أختى وزيك زى سارة وأحمد والبقية بالنسبالى.
عمر:طيب الحمدلله كلنا اتصافينا كده عشان نبدأ مع بعض صفحة جديدة.
شذا لعمر: صفحة جديدة مع نفسك أنا معدية النص يا بابا
على:يييييه امسك خناقة تانية.
عمر:سيبوها يا جماعة دى واحدة مخها ضارب
شذا:اسم الله عليك يعنى انت اللى مخك سليم دا انت ضارب من كل حتة ياض.
ليلى:عندك حق زيه زي الكائن اللى قاعد هناك ده (مشاورة على آسر)
كريم:لو سمحتى يا ليلى أنا كائن زى ما عمر قال عليا أول ما شافنى لكن آسر إحنا بنقول عليه هولاكو متخلطيش فى الألقاب لو سمحتى.
ليلى:أنا آسفة إنى غلطت في جنابه.
آسر:استغفر الله العظيم يا رب
على:هو كل البنات كده ولا ايه
سارة: والله قصدك ايه يا تنشك انت فى كرشك
على ضاحكا:أنشك فى كرشى
سارة: أيوة قصدك ايه بقى
على بعصبية:قصدى كلكوا كده لسانكم طويل وانا يعنى هخاف منك ولا إيه
سارة:أحسن من ما نبقى زيكم عندك انت مثلا معندكش دم و لا إحساس وقليل الأدب ومعدوم
على:البصر والبصيرة عارف مش لازم كل شوية تفكرينى
شذا:جدعة يا سرسور والله
كريم:يوووووه إنتوا مبتزهقوش من الخناق وبعدين انتوا التلاتة اتلميتوا على بعض كده امتى وحبيتوا بعض.
ليلى:ملكش دعوة يا كائن انت مش كده يا بنات
سارة:كده يا قلبى
شذا:كده يا لولو
عمر:بدام اتلموا على بعض يبقى مش هنخلص.
شذا:لا فى حاجات كتير هتخلص
عمر:زى إيه
شذا:روحك مثلا
آسر: طبعا ما انتى بنت عم ليلى هتبقى إيه يعنى
شذا:جرا إيه يا آسر هو عشان قولتلك سامحنى هتستغل الفرصة ولا إيه
آسر بيأس:أنا غلطان إنى جيت هنا أصلا.
ليلى:استنى عندك هنا هو إيه اللى اتلميتى على ليلى هى ليلى دى قتالة قتلة يعنى.
آسر:أمر والله دا انتى ناقص تطلعى موس من بوقك
عمر:ثانية واحدة كده اشمعنا كريم اللى مبيتهزقش
على:لا دا يا ولداه عنده اللى بتهزقه وبتحبه فى نفس الوقت بس فى البيت.
عمر ضاحكا:مراته ...انت متجوز
كريم: أيوة يا سيدى وعندى آسر كمان تلات سنين.
ليلى:لا دا احنا لازم نتعرف بالمودام بقى
كريم:اه علشان التشكيل العصابى يكتمل.
شذا:ونستنى لبعدين ليه اتصللنا عليها دلوقتى يا سارة عشان ينوبه من الحب جانب.
كريم:لا والنبى هو أنا ناقص وبعدين أنا أخدت الجرعة بتاعتى الصبح.
ليلى:صدقت صعبت عليا
آسر:أختك دى حنينة وبريئة أوى
على:اه وبتحب عمل الخير زى شذا وسارة بالظبط التلاتة ميتخيروش عن بعض.
سارة:خليك في حالك يا قليل الأدب انت.
على:الله ما أنا بقالى ساعة بالظبط مؤدب من ساعة ما جينا هنا.
سارة:صدق ظلمتك
على:شوفتى
سارة:شوفت فى عينك ليها حق ليلى تقول عليك متحرش برده
ليلى ضاحكة: ههههههههه متفكرنيش دا اول ما لقانى بصوت كان هيروح يرمى نفسه قدام أول عربية ههههههههه ههههههههه 😂
سارة:جدعة يا ليلو والله هو فعلا متحرش يدب فى عينه رصاصة.
على:عمر سكت أختك بالله عليك وانت يا أخ آسر سكت سارة بدل ما اتهور وأنا نفسى بصراحة
سارة صافعة إياه:قليل الأدب.
شذا: ههههههههه شكله مش أول قلم 😂
كريم:ولا آخر وحياتك دول هما كده على طول 😂
شذا:شكلنا هنتسلى يا بنات والله.😂
عمر:جه الوقت اللى البنات فيه هى اللى هتتسلى بالولاد.
شذا لعمر: اشمعنا انتوا يعنى ولا هو حلال ليكوا وحرام علينا .....يلا يا بنات عاوزاكوا فى حاجة وكمان عشان نروح نكلم رهف مرات كريم.
كريم:لا رهف لا
شذا:ابقى خلى عديم الاخلاق اللى جنبك ده ينفعك (عمر)هو وهولاكو وإيه كمان يا سارة؟
سارة:وقليل الأدب واللى معندوش دم يا حبي
شذا:اه المهم خليهم ينفعوك
ليلى ناظرة لآسر:يلا يا بنات على البلكونة نشم شوية هوا أصل الواحد جاب أخره ومش عاوز يمسك فى حد على المسا .
رحلت الفتيات وبقى كريم مع على وعمر وآسر.
كريم:عاجبكوا كده أهو هتشلوح بسببكم
عمر:يا عم احنا عملنا حاجة هما اللى بيحبوا عمل الخير.
كريم: يا سلام طب وعلى ده بقى نفسى أعرف هيحترم نفسه امتى أهو جالى الكلام بسببه
عمر بغمزة:هو صحيح فيه إيه يا على
على بارتباك: مفيش حاجه
آسر:متكذبش......بيحبها يا عمر.
عمر ضاحكا: ههههههههه 😂 والله كنت متأكد.
على:هو باين أوى كده
عمر:جدا 😂
آسر:قولتلك انت مفضوح مصدقتنيش.
على:طب فكركوا أعمل إيه...أنا خايف اتدبس زى صاحبنا.
كريم:انت مش قادر على خيبتك هتسف عليا.
آسر:عنده حق يا كيمو 😂
عمر: هى تدبيسة فعلا بس لو مع واحدة بتحبها هتبقى أحلى تدبيسة فى الدنيا.
كريم: سيدي يا سيدي على الناس اللى بتعرف تحب.
عمر:أحب إيه انت أهبل
آسر:مش انت خاطب يا ابنى انت هتجننا.
عمر:اه اه خاطب وبحبها طبعا بس أصلى بنسى.
على: ههههههههه لا والله 😂
كريم:أومال أما تتجوز بقى هتعمل ايه 😂
عمر:نسيتونى كنت عاوز أقول نصيحة للبغل ده.
على:قول يا زوق.
عمر:بطل تتنح لسارة وتسبلها عشان متدلكش كل شوية قلم يعدلك وتروح تطلبها من باباها زى الناس المحترمين.
آسر:قولتيلوا كتير والله ودا ودن من طين وودن من عجين.
على:إيه يا جدعان مش أما أقولها الأول إنى بتنيل بحبها
كريم:قدامك يومين تتنيل فيهم سامع
على:سامع حسبى الله فيكم هو أنا كنت ناقص.
عمر:انت ناقص فعلا.
آسر:يا ترى هما بيقولوا إيه كل ده ؟
عمر: والله ما قلقان إلا من شذا.
آسر:شايفك مركز معاها أوى ولا كإنك خاطب ولا حاجة.
عمر:بتهيقلك بس دى أختى يا جدع.
كريم:يا عينى على المستخبى ولا أنا شاكك فيك
عمر:لا متشكش.
على:طب قوم اندهلهم يا عمر أصل دول احتمال يكونوا بيخططوا لقلب نظام الحكم 😂
آسر: مش بعيد والله مش معاهم ليلى يبقى مش بعيد.
عمر:طي.........
فى نفس الوقت اللى عمر كان قايم يندهلهم فيه جم التلات بنات.
شذا:مراتك لذيذة أوى يا كريم
ليلى:لأ وعاقلة مش شبهه
كريم:أنا بتهان فى بيتك يا عمر.
عمر:لا دا العادى اومال لو عشت معاهم هما الاتنين تعمل ايه بقى
آسر:عندك حق ربنا يكون في عونك يا ابنى.
ليلى بعصبية:ليه شايفنا بسبع عيون ولا بتسع ديول.
آسر:لأ شايفك بلسانين.
ليلى: على أى حال أحسن منك.
سارة:كفاية خناق بقى 😂....اه وعلى فكرة كلمنا ماما وطنط ماجدة وطنط فريدة وطنط وفاء.
على:كمان استر يا رب.
آسر:على أى حال طولنا عليكوا النهاردة نقابلكوا إن شاءالله بكرة فى الڤيلا عند عمو أيمن عشان نتكلم شذا عارفة الطريق هتدلكم عليه عشان نتكلم فى التفاصيل.
عمر:تمام يا أسور...... والله نسيت أعزم عليكوا من كتر الشكل.
كريم:يا راجل انت لسه فاكر دا أنا هموت قدامك من الصبح طب كرشى ده مصعبش عليك.
عمر:أما آجى عندكم متبقاش تأكلنى إيه البلاوى دى.
كريم:بلاوى بلاوى دا من قدم شئ بيداه إلتقاه.
عمر:حتى كمان مش عارف تشحت عدل.
كريم:طب إيه رأيك بقى مش ماشى من هنا إلا لما آكل وأشرب وأحلى كمان.
عمر:يلا ياض من هنا
كريم:اعتبرها زكاة عن صحتك
عمر:المية قاطعة ومعندناش أكل النهاردة.
سارة قربت على آسر وعلى:شدوا البلوة ده إحنا اتفضحنا.
على:طيب إحنا هنمشى بقى مع السلامة يا على يلا يا كريم.
كريم:أبدا مش ماشى إلا لما اتغدى وأحلى
ليلى: ههههههههه ههههههههه 😂
سارة:ما قالك المية قاطعة ومعندهمش أكل غور بقى وخلى عندك دم.
عمر ضاحكا: ههههههههه 😂 هتمشى ولا أرن على رهف.
شذا:رن يا عمر رن 😂
كريم:أنا ماشى انا مشيت أصلا.
عمر بهدوء:أنا بهزر والله اتفضل واتفضلوا كلكم دا احنا اتشرفنا بيكم كلكم.
سارة: ربنا يعزك يا رب.
ليلى: باى يا سارة مبسوطه أوى إنى اتعرفت عليكى
شذا:وأنا كمان والله
سارة: حبايبى وهستناكوا بكرة إن شاءالله
عمر:مرة تانية اتشرفنا بيكم كلكم انتوا والكائن الجعان ده 😂
ليلى ناظرة لآسر:مش بيهم كلهم بصراحة
عمر:لمى نفسك بقى ....ولا كإنك سمعت حاجة يا آسر.
آسر:اه طبعا..ثم وضع يده على رقبته كعلامة الموت لها.
والكل واقف بيضحك عليهم 😂
بعد كده كل واحد روح لبيته عشان يصحوا تانى يوم ويشوفوا هيعملوا إيه.
...........................................................................................................
فى نفس الوقت اللى كان آسر وكريم وسارة وعلى قاعدين فيه فى بيت عمر كانت بتحصل فيه حاجات تانيه خالص فى القصر الكبير :
كان التلات بنات اللى جايبهم كمال والتلات رجالة ماسكين الأبطال بتوعنا وهما مربوطين وعمالين يقربوا عليهم بالسكاكين وأكياس الدم والفرش والحاجات الغربية اللى فى إيديهم دى.
سامى:هما خلاص هيدبحونا ولا إيه
لينا:منك لله يا وش المصايب أيوة شكلهم كده
سامى:طب مش كانوا يعذبونا الأول.
ريم:أكتر من العذاب اللى إحنا فيه ليه كفار قريش ولا حاجة.
أحمد:انتوا بتهزروا إحنا هندبح يا شوية عرر.
سيف:أتشاهد ولا لسه
ريم:بص جمبك كده على مى هتلاقيها ختمت القرآن مرتين.
مى:سيبونى فى حالى أشهد أن لا إله إلا الله وأشهد أن محمداً رسول الله منكوا لله دا كان يوم مطلعتلوش شمس يوم ما عرفتكوا
سيف:كده يا مى
مى:أيوة وانت أولهم سيبنى بقى أموت وانا راضية عنك حتى
سيف:لهو انتى كمان مش راضية عنى.
ريم:عندها حق دى كانت جوازاتنا كلها منيلة بنيلة من الاول على دماغتنا واحد واحد.
أحمد:أول مرة اتفق معاكى على حاجة.
لينا:طب اسكتوا بقى دول جايين علينا.
واحدة قربت من ريم بكيس دم وابتدت تفتحه ومعاها حاجات كده زى اللزق وسكينة وكذلك حدث معهم جميعا
ريم:عيال كنت عاوزة أقولكم حاجة
أحمد:قولى
ريم:حسبى الله ونعم الوكيل في معرفتكم الهباب.
سامى:هو ده اللي ربنا قدرك عليه.
ريم:أومال عاوزنى أقول إيه فى الموقف ده أنا بدبح يا حيوان
ريم محدثة الفتاة:وانتى يا أختى والنبى سمى الأول قبل ما تدبحى.
الفتاة: what
ريم:يا حزن الحزن وكمان أجنبية.
سيف:يعنى كمان هنموت على إيد كفار.
لينا:يا ولاد هما مش هيموتونا دى حاجة كده زى الفوتوشوب عشان الصور اللى هتبينا زى المدبوحين والمشلولين وكده فى الصور.
مى:اللى هيحرقوا بيها قلب أهالينا دى.
لينا: بالظبط 😂
سامى:يعنى مش هيدبحونا
أحمد: زعلان انت طبعا كان نفسك نبقى أشلاء دلوقتى.
سامي:دا يعتبر انتهاك لقانون الخطف الدولى
مى:لا يا شيخ
ريم:انا عن نفسي فى حقوق عمرى ما سمعت حاجة عن اللى بتقوله ده.
سامى:لا مهو ده قانون ألفته كده من وحى اللى بيحصلنا
أحمد:حد يسكت المتخلف ده......وانت يا عم ياللى بتدهن فى وشىwait انت مسروع على إيه.
سيف ضاحكا:ولا الراجل اللى بيشتغل في بطنى ده عمال يزغزغنى مش قادر ههههههههه ههههههههه 😂
مى:اشمعنا إحنا اللي بختنا مايل البت اللى شغالة فى رقبتى دى شوية كده وهتغزنى بجد.
لينا:بختنا مايل يا أختى فى كله...واخدة بالك يا ريم.
ريم:واخدة بالى يا لولو أنا وأنتى والبت مى دى أول ما نطلع من هنا هنطلع على محكمة الأسرة عدل
أحمد:الله وإحنا مالنا ما إحنا مخطوفين معاكم أهو.
ريم:ما هو لو مكناش اتجوزنا ظباط كان فاتنا هايصين دلوقتى وبناكل بيتزا.
سامى:دا كل اللى همك دلوقتى كرشك وبس.
ريم:وأنا ليه غيره
أحمد:واطية ثم واطية ثم حيوانة.
مى:عيال بقولكوا إيه شكلى حلو بالبتاع اللى البت دى بتعمله فى خلقتى.
سيف: انتى فى عالم موازى والله وأنا اللى كنت بقول عليكى عاقلة وطيبة.
مى:هو حد يتخطف مع دول ويبقى عاقل صلى على النبي فى قلبك يا جدع.
سيف:عندك حق والله.
مى:أيوة إيه رأيكم بقى.
سامى:ما شاء الله مدبوحة آخر شياكة.
سيف:عسل يا روح قلبى عقبال الغزة اللى فى البطن.
ريم:وأنا كمان يا أحمد قولى حاجة حلوة على اللى فى دماغى أنا كمان.
أحمد:حلوة يا حبيبتي عقبال ما تبقى بجد.
ريم:جرا إيه يا عم الحاج انت شكلك متغاظ وحقود على فكرة.
لينا:هيتغاظ على إيه على إن الفتحة اللى دماغك أكبر من الفتحة اللى عنده ارحمنى يارب مش كفاية عليا سامى.
سامى:هو كل حاجة سامى سامى هو أنا جربان ولا إيه.
مى: تستاهل أكتر من كده ما انت اللى كل ما تفتح بؤقك يحصلنا مصيبة شكل.
أحمد: والله مش بعيد يكون هو اللى قايلهم يخطفونا.
سيف:لا يا جماعة سامى ميطلعش منه الكلام ده
سامى:صح كده.
سيف:سامى يطلع منه أنقح من كده
سامى:غلط كده.
ريم للفتاة: ?what is your name
البنت مردتش بس بصتلها بسخرية
ريم:هى طارشة ولا إيه.....بت...انتى يا ولية بقولك اسم اللى خلفوكى إيه
أحمد:متعقلى بقى هو دا وقت حد يتعرف فيه على حد.
ريم:وانت مالك انت بسلى وقتى وأنا مخطوفة
لينا:يعنى انتى سايبة أوقات الدنيا كلها وكل كافيهات البلد وجاية تتعرفى على الناس وانتى مخطوفة.
ريم:أومال إيه أنشطة الخطف اللى هنعملها مش معقول هنقعد فاضيين كده.
مى:ما احنا بنتقطع أشلاء أهو عاوزة إيه أكتر من كده.
سيف:بصى اللى يفيدك في أنشطة الخطف دى سامى.
سامى:ليه هو حد قالكم إنى اتخطفت قبل كده.
أحمد:دا مش بعيد تكون اتقتلت تلاتة مرات وبتتحاسب دلوقتى.
لينا:عيال تفتكروا فى حد بيدور علينا.
مى: أكيد
لينا:اومال إيه اللى مأخرهم كده.
ريم:هو كريم أبو كرش قلبى حاسس.
أحمد: هو فعلا مفيش غيره تلاقيه مقضيها شكل مع على.
ريم للفتاة:بت......بت...بييييت
الفتاة بانزعاج: what
ريم بسماجة: nothing
سامى ضاحكا:شوف احنا في إيه والبت دى بتعمل ايه ههههههههه 😂
ريم:ما هو محدش أفدنى فى أنشطة وفعاليات الخطف فبسلى نفسى.
سامى:انا هقولك بصى يا ستى هما المفروض يعذبونا ويطفوا فينا السجاير ويسحلونا وإحنا نصوت ..وإحنا إيه
ريم بانتباه:بنصوت
سامى: وبعدين يقطعونا نساير نساير وبعدين
ريم:هقول أنا يرمونا لكلاب السكك مش كده.
سامى:شاطرة ونبيهة ما شاء الله.
ريم:أيوة خمسة وخميسة عليا وبعدين
سامى: وبعدين نصوت وكل شوية يعلقونا وأهم حاجة فقرة المية اللى بنبقلل فيها
ريم بفرحة:وإحنا نصوت مش كده.
مى:منك لله انت وهى
سيف:صوتوا عليكوا ساعة وسكتوا
لينا:انا عملت ايه بس يا ربى عشان يطلع عندى أخت متخلفة عقليا وجوز جوز الهند برقبته.
أحمد:اتجوزتى المتخلف ده هو ده السبب
سامى:يعنى انت يعنى اتجوزت واحدة عدلة
ريم:جرا إيه يا هباب البرك المائية والمستنقعات انت إشحال ما أنا قاعدة أطبلك من ساعتها
مى:أيوة وكل شوية نصوت نصوت
سيف:سيبيها والنبي فى حالها يا سامى هى هبلة خلقة مش عاوزين الحالة تتطور
ريم:إخص عليكوا طب انا بقى هتكلم مع السحلية اللى بتعملى الغرز دى هتبقى أحسن منكم.
أحمد: يبقى أحسن والله قال فعاليات الخطف قال فاكر نفسه في فعاليات مهرجان الجونة.
سامى:الحق عليا اللى بعلمها حاجة تنفعها
سيف:قول حاجة تفتح دماغها حاجة تموتها بعد الشر لكن تنفعها دى مصدقكش
لينا:عندهم حق والله هو انت هيجى من وراك إيه يعنى غير كده
فجأة وهما بيتكلموا الناس خلصوا وبقوا كلهم متربطين وشكلهم كإنهم متعورين ودماغهم مفتوحة ومضروبين فى وشهم واكتر من كده كمان وكإن الكلام ده بجد وجه واحد معاه كاميرا وعاوز يصورهم.
سيف:هما هيعملولنا سيشن ولا إيه
أحمد:أيوة عشان تبقى ذكرى حلوه نفتكرها دايما....انت بتهزر
سيف:أنا بسأل بس عشان نبقى ناخدلنا نسخة إحنا كمان
مى:يا راجل وهو فى حد هيبقى عاوز ياخد نسخة من القرف ده ليه.
سامي:يا جماعة النسخ دى عشان نبقى بيها عبرة اللى هيتخطفوا بعدنا.
لينا:اسم الله عليك وعلى نباهتك...اشكوا إليك
ريم:أنا مش عاوزة أتصور كده أنا عاوزة أتصور سيلفى مليش دعوة.
أحمد:دعوتك فرغت من الدنيا بحالها يا شيخة.
ريم: الله بتزعقلى ليه دلوقتى دا جزاتى عشان عاوزة الصورة تطلع حلوة
سيف:صور يا عم وخلصنا 😂
الراجل صورهم وبعدين أخدوهم تانى على المخزن ولما الصور جهزت الراجل وداها لكمال.
كمال وهو يمسكها بيده:كويس كده نبدأ الشغل اللى بجد.
......................................................................................................
تانى يوم كله اتجمع عند أيمن بعد ما شذا وليلى وعمر اتعرفوا على بقية العيلة وشذا قعدت تعتذرلهم كتير وهما طبعا قبلوا اعتذارها قعدوا كلهم برده حوالين نفس السفرة عشان يتفقوا هيعملوا إيه.
أيمن:ها يا شذا قوللنا على كل المعلومات اللى تعرفيها.
شذا:طيب يا أونكل بس ممكن بس الأول تصحوا كريم عشان نايم وبيعمل صوت ومش عارفه أركز منه.
آسر:سارة قومى اندهى لرهف بعد إذنك
سارة ضاحكة:من عنيا ههههههههه 😂
اقتربت رهف من أذن كريم: كرييييم
كريم بنعاس:أيوة
رهف:أنا الست عبلة...جايبالك الخروف اللى بتحبه.
كريم:بس انتى...ضحكتى عليا المرة اللى فاتت يا عبولة.
رهف: كده بقى مفيش غير اللى هعمله ده.
على:إيه هتعملى إيه
ليلى ضاحكة بصخب: ههههههههه ههههههههه 😂 هموت مش قادرة.
آسر فضل متنح مع ضحكتها لحد ما خدت بالها واتكسفت وبصت الناحية التانية.
رهف جت وجابت آسر الصغير وخلته يعض كريم من رقبته
كريم صارخا:اه...اه يا ابن الكلب....إيه مخلف مصاص دماء.
رهف:متقولش على ابنى كده...مش كفاية صحاك يا عم انت.
عمر:أنا شوفت كتير وقليل لكن عمرى ما شوفت ولا هشوف حد بيصحى بالطريقة دى ههههههههه 😂
على:لا اتعود على كده 😂
صلاح:طيب سكون بقى عشان شذا تكمل.
شذا:احم...أيوة بصوا أنا كنت بصراحة مفهمة ماهر إنى بحبه
عمر بغيرة:أفندم يا أختى
شذا:ما تحترم نفسك بقى بقولك فهمته كده يعنى مش حقيقة يا متخلف.
كريم بشك: وبعدين مالك بتولع كده ليه
عمر بغضب:لا طبعا أنا بس مش مستحمل الكلام.... عشان يعنى....هى بنت عمى وانت عارف.
كريم:اه اه أنا عارف.......مش انت برده عارف يا على انت وآسر.
آسر:اه كلنا عارفين طبعا وواخدين بالنا جدا.
ليلى:هو إيه اللى انت عارف وإحنا عارفين....كملى يا بنتى دول مش هيبطلوا رغى.
آسر: والله ما حد بيرغى وحشرى قدك.
ليلى:يخربيت تناحتك يا شيخ.
آسر:مفيش أتنح منك هنا
توفيق:بقولكوا إيه أنا قايم أنا محمد وصلاح وأيمن وأما تتفقوا قولولى....يلا يا جماعة.
ليلى:شايف الناس الكبار مشوا وسابونا محدش طايقنا عشان انت قاعد معانا.
آسر:لا والله دا أنا اشك إن الكرسى اللى انتى قاعدة عليه طايقك أصلا.
سارة: كفاية بقى كده بطلوا خناق وانتى كملى يا شوشو.
شذا بيأس:طيب بس لو سمعت صوت بنى آدم هنا مش هفتح بوقى
كريم: كملى بقى قبل ما أنام تانى منكم لله.
على: هروح جايبالك رهف وآسر تانى مش اشكال يعنى
كريم:يووووه
شذا:المهم بقى إنى فهمته إنى بحبه ودخلت معاه في مصلحة عشان أجيب منه فلوس والمصلحة دى كانت الخطف وبصراحة الانتقام كان عامينى ساعتها.....أنا آسفة والله جدا يا آسر.
آسر:معتيش تعتذرى يا شذا أنا قولتلك إنك زى أختى وأنا سامحتك
شذا بامتنان:شكرا ليك بجد........ المهم هو أخدهم مكان كده على طريق.....
كريم:مش ده اللى جمب سكة القطر
شذا:أيوة
آسر: علشان كده أحمد كان بيقول انه سمع صوت قطر جمبه
شذا:أيوة دى كانت اول مرة لما كانوا بيهددوكم بس لما عوروا أحمد بس بعد كده خطفوهم فى مخزن واحد اسمه رفيق ودا من رجالة ماهر
على:دا اللى لقينا فيه سلسلة مى مش كده يا آسر؟
آسر: أيوة
شذا:بعد كده نقلوهم قصر كبير كده بس مش هنا خالص
ليلى:أومال فين
شذا:فى رفح.
عمر:فين......رفح إيه دى فى آخر الدنيا
شذا:أيوة متستغربوش رفح بس عاوزة أفهمكم إن ماهر مش هو رئيس العصابة الحقيقى
عمر:أومال مين
شذا:هو واحد كده اسمه البوص محدش يعرف شكله ولا اسمه الحقيقى غير ماهر.
ليلى: طيب هو بيعمل كل ده ليه
شذا:الحقيقة أنا معرفش ومعتقدش ماهر هو كمان نفسه عارف.
آسر:طيب يا شذا انتى حاليا تعرفى توصلى لماهر.
شذا: الحقيقة هو آخر مرة دبيت خناقة معاه لرب السما وساعتها هو قاللى هنتقم منك وكلام كده بس أنا بقى هستغل نقطة كده هتعرف توصلنى ليه
سارة:وإيه هى
شذا:إنه ببساطة بيحبنى حب مرضى يخليه يعمل عشانى أى حاجة.
عمر واقفا بغضب: نعم يا أختى هو مين دا اللى بيحبك
شذا مبتعدة بعصبية:امسكوه يا جماعة
على وكريم مسكوا عمر: بقى بتقولى قدامى عادى كده إنه بيحبك يا هانم وحب مرضى كمان.
شذا:اثبت عندك يا عمر ومتتجننش
عمر:دا انا لو طولتك هقتلك
سارة:وانت مالك يا عمر متعصب كده ليه ها
عمر: عشان...عشانها بنت عمى يعنى وميصحش كده ولا ايه.
شذا:وانت مالك ومالى خليك في خطيبتك الحرباية ركز معاها وملكش دعوة بيا.
آسر لليلى:سكتى البت دى بدل ما هيقوم يشرب من دمها.
ليلى:انت بتأمرنى ولا إيه.
آسر:دا بنات العيلة الاتنين ضاربين
ليلى: والله ما حد ضارب غيرك.
سارة بصوت عالى: بس بقى حرام عليكوا.....اقعد يا عمر.
عمر:لأ يعنى لأ لما أشرب من دمها الأول.
سارة بغضب:أنا قولت اترزع
عمر:حاضر
سارة:وانتى يا شذا اتنيلى اقعدى.
شذا:قعدنا
سارة:وقسما بالله يا ليلى انتى وآسر لو سمعتكوا بتتكلموا كلمة واحدة مع بعض لأنا جايبة مسدس بابى ومفضياه فى دماغكوا.
على بنبرة لعوب:شرسة
سارة حدفت عليه جزمتها:حيوان
شذا:أكمل يعنى
سارة:كملى
شذا:زى ما قولتلكم كده انا بطريقتى هعرف أوصل لماهر وساعتها هحدد معاه معاد عشان نتقابل وانتوا طبعا هتيجوا معايا يعنى فى ظرف يومين كلنا هنجهز عشان هنروح رفح أنا بس قلقانة من حاجة واحدة.
آسر:إيه هى
شذا:إن يكون ماهر نقلهم حتة تانية.
ليلى:بس إحنا مفيش قدامنا حل إلا اننا نروحله برجلينا.
كريم:عندك حق
ماجدة قادمة من بعيد: كفاية كلام وخطط بقى يا ولاد قوموا علشان تتعشوا.
كريم:أنا جيت أهو يا طنط
ماجدة: اشمعنا انت اللى رديت.
كريم: عشان حاسس إنى خسيت اوى الأيام دى وأكلتى معدتش زى زمان.
على:حسدناك يا كيمو معلش.
كريم:حصل والله
على:غور من قدامى ياض
نجلاء من المطبخ:سارة
سارة:أيوة يا مامى
نجلاء:تعالى انتى والبنات ساعدونا نحط الأطباق فى الجنينة ورا
سارة: حاضر يا مامى......يلا يا بنات
بعد رحيل سارة
على:يالهوى عليها حتت دين واحدة يا مامى إيه عسل.
آسر:لم نفسك ياض بدل ما أعلقك
على:أقولك علقنى هو فيه حد يشوف الرقة والحلاوة دى كلها وميعكسهاش.
كريم: يا ابنى هنمد إيدينا عليك
عمر:مش هما قالولك يومين وتطلب إيديها فات يوم يعنى النهاردة قبل ما اليوم يخلص تقولها إنك بتتنيل بتحبها وبكرة تطلب إيديها
على:لا والله...أنا عن نفسي أول مرة أشوف حد معندوش وقت يحب إيه الهم ده.
عمر:هو دا النظام وإن كان عجبك.
على:عاجبنى.......بس الظاهر فيه ناس تانية عاجبها ناس ومش عاوزة تنطق.
آسر:قصدك مين
على:قصدى على عمر.
كريم:اه صحيح هو فيه حاجة بينك وبين شذا انت النهاردة كنت هطق كده ليه كل ما تيجي سيرة ماهر.
عمر بارتباك:لأ هطق إيه أنا بس عشان دمى حر وعشان هى.......
كريم:عرفنا بنت عمك وزى أختك شوفلك حجة غير دى.
عمر:انتوا ناسيين انى خاطب وبحب خطيبتى.
آسر:متقولش إنك بتحبها وبطل كدب
عمر:يعنى أنا مقفوش أوى كده.
على:أيوة
عمر: خلاص أمرى لله قربوا بقى عشان هقولكم كلام مهم مش عاوز حد يسمعه........
....................................................................................................
يا ترى إيه اللى هيحصل بعد كده فى الخطة ؟
وإيه يا ترى الكلام المهم اللى عمر عاوز يقوله ؟
وإيه هيكون رد فعل الأمهات على الصور ؟
طب على وسارة إيه اللى هيحصل معاهم ؟
يتبع........