إلحقونا إحنا مخطوفين 🏃😅

رحلة العودة١

بعد شوية كريم فاق لقى نفسه مربوط على الشجرة والكل حواليه بيتكلموا على الكرتونة اللى هو فتحها وشرب منها
وفاء:يعنى هو يا ليلى فتح الكرتونة دى وشرب منها.
ليلى:أيوة يا طنط
سارة:واضح أوى إنها كحول يعنى المفروض يسكر بس بس اللى حصل معاه ده غريب أوى
نجلاء:فعلا ده تحسى إن عقله راح خالص
عمر ممسكا بالقارورة:دى أكيد فيها مكونات تانية غير الكحول يا جماعة
كريم بتوهان:دى فيها ف...فيها حبوب هلوسة كمان على ال...الكحول.
جروا كلهم بسرعة عليه
ريم:انت فوقت
كريم ممثلا الإغماء:لا مفوقتش أنا لسه مغمى عليا أهو
شذا ضاربة إياه فى رأسه:بطل استعباط بقه
كريم متوجعا:اه فى إيه ليه العنف ده يا شيخة.
مى:أنا نفسي أعرف حاجة واحدة
كريم:طب ما تفكونى الاول وبعدين قولوا اللى انتوا عاوزينه.
مى:لأ
كريم:يوووه فكونى الأول.
لينا:الله ما قالتلك لأ.
كريم:وأنا بقى مش قايل حاجة غير فى وجود المحامى بتاعى.
ماجدة:إيه.
كريم بزهق:قصدى يعنى غير لما تفكونى.
ماجدة:مفيش الكلام ده انسى.
مى:أيوة أما تجاوب الاول على سؤال.
كريم:متقرفنيش اسألى.
لينا ضاربة إياه فى معدته:اتكلم كويس يا معلم.
كريم: حاضر يا عم أبو دومة.
مى:ركز معايا كده أول حاجة عرفت منين إن ده كحول وعليه حبوب هلوسة.
كريم:ما هو حضرتك لو أخدتى بالك أنا دكتور مش جزار
مى مفكرة:اه صح
فريدة ضاربة إياه فى معدته مرة أخرى:واما انت عارف إن فيها زفت بتشربه ليه يا منيل على عينك.
كريم متوجعا:اه... بطلوا بقى أنا استويت من كتر الضرب.
مى متجاهلة إياه:وده كان سؤالى التانى رد يا معلم.
كريم بغباء:على إيه.
نجلاء بنفاذ صبر:على السؤال
كريم:سؤال إيه.
ماجدة:يا ابنى متغلبناش بقى
كريم:طيب هرد بس جيبولى حلويات من اللى هناك دى.
ريم: انسى حلوياتى لأ.
كريم: ثانية واحدة كده هى مش دى الحلويات اللى جبت منها في شنطتى بتاعة الرحلة.
ليلى:رحلة إيه لمؤاخذة.
كريم مفكرا:يوووه قصدى الخطف بنسى
ريم:أيوة هى وأنا سرقتهم ليك شوق فى حاجة يا وحش.
كريم بخضة:يما مين دى.
ليلى:انجز بقى ورد على السؤال.
كريم بغباء:سؤال إيه.
نجلاء:ييييه مش هنخلص فى سنتنا
عمر مقتربا منه وممسكا إياه من رقبته: قسما بالله يا كريم لو ما اتعدلت ونطقت لأنا مفرغ المسدسات بتاعتنا كلها في دماغك سامع.
كريم بخوف مضحك:سمعت يا أخويا خلاص متبقاش حمقى كده.
شذا:ها انطق إيه اللى خلاك تشرب الزفت ده وانت عارف اللى فيه.
كريم:طب خلوا عمر يبعد شوية الأول متوتر ومش عارف أجاوب.
ريم:هو انت فى الامتحان متنجز يا ابنى.
كريم:دا أنا لو فى امتحان الآخرة مش هيحصل فيا كل ده.
وفاء: يا ولا هجيب كرشك فى إيدى.
كريم: خلاص أنا شربته عشان كنت حابب أجرب بس.
لينا:لا والله بالبساطة دى.
كريم:أيوة أنا مش عارف أصلا انتوا عاملين ساسبينس من ساعتها ليه.
ليلى:حد يشيل البغل ده من قدامى
كريم:هدى اخلاقك يا كوتش مش كده.
نجلاء: ربنا يهدك يا شيخ زى ما هدتنا.
سارة:طب بقولكم إيه بغض النظر عن كريم لازم نروح للبقية نشوفهم بيعملوا ايه.
ماجدة:أيوة وخصوصا بعد اللى احنا شوفناه فى الكاميرات.
لينا بقلق:هو إيه اللى حصل يا مامى
ماجدة:مش وقته دلوقتى يا حبيبتي المهم إنهم محتاجين مساعدتنا دلوقتى بأقصى سرعة.
عمر: علشان كده سامى وعلى مش معاكوا
فريدة:أيوة يا حبيبي.
مى:تمام يا جماعه طب كله يتأكد من الأسلحة اللى معاه ويجهز نفسه عشان نروح لهم.
كريم:طب يا أهل الله فى واحد مربوط هنا
ريم منشغلة:حد سمع صوت يا جماعة.
ليلى:سمعت صوت كده شبه البرص يا بت يا ريم.
كريم باستغراب:برص بقى دى أخرتها
شذا ضاربة كريم:ولا يهمكم أنا خلصت عليه.
كريم متوجعا:أيوة متشغلوش بالكم هى خلصت عليا.
عمر:طب إيه كله جهز.
سارة:تمام يا عمر.
كريم:مش تمام فكونى طيب.
عمر بإنشغال:أفكر.
كريم:فكنى إلهى يا رب العصابة تعذبك بس وميقتلوكش.
عمر:انت بتدعيلى ياض ولا بتدعى عليا.
كريم: خلاص إلهى تتجوز ونشوفك عريس.
ليلى بابتسامة:أعتقد كده إنه ممكن يفكك.
عمر ناظرا لشذا:هى مش بالظبط الدعوة اللى فى دماغى بس تمشى.
شذا بوجه أحمر من الكسوف:مش يلا بقى ننجز عشان الناس اللى بتموت دى.
عمر بابتسامة جذابة:اه اه طبعا
كريم بغمزة:طب إيه
عمر:طب إيه فى إيه
كريم:فكنى يا عم الرومانسى
مى:ومين جاب سيرة الرومانسية دلوقتى.
كريم:منتيش شايفاه عاوز يتجوز على نفسه وهو واقف.
شذا بغضب خفيف:اه شكله مستعجل خالص عشان العقربة بتاعته.
عمر بابتسامة:ملكيش دعوة عقربة عقربة.
ثم نظر فى عينيها وكأنه يقصدها:بحبها وبموت فيها وهتجوزها.
شذا بكسوف:ها....انت انت حر.
لينا بضحك: كفاية كده ده كده رضا الحمدلله ههههههههه 😂
شذا:قصدك ايه
لينا بارتباك:لا مقصديش
مى:واضح أوى إن عمر بيحب نور جدا جدا وواقع فيها لشوشته على الآخر
لينا:اه ده اللى أقصده.
شذا بغيرة خفيفة:ما يحبها مش خطيبته نعمله إيه يعنى.
عمر: محدش طلب منك حاجة أصلا عشان تعمليها نفسى أعرف حاشرة نفسك في موضوع واحد وخطيبته ليه.
شذا بغضب:لا حاشرة نفسى ولا حاجة إولع انت وهى فى ستين داهية
ثم ابتعدت شذا بغضب وبقى الجميع يضحكون على ردة فعلها.
ليلى:دى فيه ناس هنا غيرانة واخد بالك يا عمر.
سارة:كلنا واخدين بالنا ههههههههه 😂
عمر:بتهيقلكم بس.
كريم:هو لو انا قلت اللى عندى مش هيبقى بيتهيقلهم ولا حاجة.
نجلاء:وإيه هو اللى عندك يا سى كريم.
عمر:عارف لو نطقت هخليك تتشاهد على روحك.
كريم بتكبر: خلاص يبقى فكنى عشان نبقى حبايب ويبقى سرك في بير.
عمر مضطرا:حاضر.
ريم:حد فاهم حاجة يا جماعة.
سارة:كل ما أحس أني فهمت أرجع مش فاهمة حاجة خالص
لينا: والله وأنا كمان.
فريدة بابتسامة:مش وقته يا ولاد بكرة نفهم كل حاجة مش كده يا عمر
عمر بابتسامة:كده يا فيرى.
بعد كده كلهم اتوجهوا ناحية البوابة الرئيسية تانى بس المفاجأة هنا إنهم ملقوش الجاردات اللى واقفين على البوابة.
ريم:إيه ده هو التلات تيران بهيئة بنى آدمين اللى كانوا هنا راحوا فين.
سارة: والله ما أعرف.
ماجدة:أكيد فى حاجة غريبة هنا حصلت.
وفاء:أنا حاسة إننا اتكشفنا وكل تحركاتنا اتكشفت
نجلاء:ده احتمال كبير يا وفاء وإلا كان فاتهم لسه موجودين هنا.
ليلى: إحنا كده عاوزين تأمين خارجى.
سارة:ده ضرورى.
عمر:إنا من رأى حد يروح يستدعى البوليس.
شذا:ده الوقت الصح لإننا بالطريقة دى مش هينفع نكمل لوحدنا
مى:أنا من رأى كريم هو اللى يروح يطلب المساعدة.
كريم:احتفظى برأيك لنفسك
لينا:لأ هى عندها حق.
كريم:واشمعنا أنا بقى ولا هو عشان أنا الحيطة المايلة اللى فيكم وغلبان هتيجوا عليا.
عمر:أيوة احنا ظلمة وانت غلبان عشان كده هنيجى عليك عاجبك ولا تيجى تشتبك معانا جوه.
كريم: عاجبنى يا أخويا اشتباك إيه ماليش فيه.
ريم:أيوة كده انت كويس وبتسمع الكلام.
كريم:طب ما تسمعى انتى كمان الكلام وتبقى كويسة وشاطرة كده وتيجى معايا.
ريم:هو انت رايح القناطر عشان آجى معاك.
ماجدة: وبعدين أنا أخاف على بنتى.
كريم: يا سلام ومش خايفين عليا أنا
ريم:أيوة كده إديله يا مامى.
ماجدة:اخرسى انتى أنا قصدى مصلحتك يا كريم عشان لو ريم راحت معاك فى حتة قول على نفسك يا رحمن يا رحيم.
كريم: حبيبتي يا طنط ماجدة كل الشكر كل الشكر أنقذتينى من بلوة وكارثة محققة الوقوع.
ريم:أنا مش عارفه الوقتى أفرح إنى مش راحة معاه ولا أزعل إنى بتهزهق.
ماجدة:لا ده ولا ده انتى تقطمى خالص.
ريم بضيق:حاضر.
مى:أنا كمتطوعة هروح معاه عشان أضمن إننا هنروح بيتونا النهاردة إن شاءالله.
عمر:حل سليم أنا ذات نفسى موافق عليه.
مى:حد عنده اعتراض قبل ما نبدأ.
ماجدة:أنا ذات نفسى موافقة
الكل:واحنا كمان موافقين.
كريم:انا بقى معترض.
مى:معترض ليه يا منيل على عينك.
كريم:أهو كده أهو وخلاص انا كنت عاوز أروح لوحدى ها.
ريم:مش من شوية كنت عاوز مرافق معاك ومحسسنى إنك رايح رحلة القناطر.
كريم:مش عارف بقى.
سارة:جماعة أنا زهقت كريم اتهد بقى ربنا يهدك كفاية علينا ريم.
ريم لكريم:مبسوط كده وهما كل شوية بيهزقونا.
كريم:وحتى لو ما اتكلمناش خالص تفتكرى هيوقفوا تهزيق.
ريم بضحك: ههههههههه لأ 😂
كريم: خلاص يبقى it's ok 😂😂
شذا:طب يلا يا بابا ورينا جمال خطوتك
مى:أيوة يلا بينا يا كريم
كريم باستسلام:أيوة يلا بينا يا أختى أما نشوف أخرتها إيه
كريم ومى طلعوا بره واتجهوا لمكان تانى خالص فى حين لينا وسارة والباقى اتجهوا لجوا المريب بقى فى الموضوع إن كان فيه هدوء تام وفراغ وكإن مفيش حد موجود خالص.
ريم بخوف: بسم الله الرحمن الرحيم هو المكان بقى شكله عامل كده ليه.
مى بتوتر: تقريبا شكله ملبوس سلام قولا من رب رحيم.
لينا بقوة:متخوتوناش انتى وهى مفيش حاجه.
عمر:بصوا كده.
مى بتوتر:إيه فى إيه تانى.
عمر:ده فيه آثار حريق على البوابة اللى بتطل على الجنينة دى.
وفاء:آثار حريق استر يا رب.
ماجدة:ده أكيد فى قنبلة انفجرت في المكان ده.
لينا:هى فعلا يا مامى شكلها كده زى ما تكون قنبلة.
ليلى:بس ليه مفيش صوت.
سارة:مش عارفه بصراحه الموضوع غريب أوى.
شذا:طيب تعالوا كده نشوف الناس اللى هنا راحوا فين.
كلهم قربوا براحة بيبصوا فى الجنينة لقوا فى آخرها راجلين اتنين متخدرين تقريبا والمكان كإن حصلتله حريقة.
وفاء: حقيقى نفسى أعرف حصل ايه هنا.
ليلى:أنا كنت مفكره إنى هاجى ألاقى هنا حرب حرفيا.
شذا:وأنا كمان
ريم:يكونش سيف وأحمد وآسر وعلى وسامى خلصوا على العصابة وهربوا وسابونا.
لينا:هو انتى فاكرة كل الناس واطيين زيك.
ريم:يووه بقى أومال راحوا فين يعنى.
على ظاهرا فجأة بنهجان: اح....احنا هنا...هنا أهو.
وفاء:خضتنى يا واد بسم الله الرحمن الرحيم.
على بتعب:وده وقته يا ماما أنا متبهدل قدامك أهو.
وفاء بلهفة:قولى بسرعة حصلك حاجة.
على:أنا كويس الحمدلله بس الباقى
فريدة بخضة:الباقى مالهم.
على:أنا هقولكم على اللى حصل
....................................................................................................
فى نفس الوقت ده كانت مى مع كريم بيحاولوا يوصلوا للبوليس عشان يساعدهم.
كريم مخبئا رأسه من الشمس:هو لسه كتير.
مى بزهق:يا ابنى دى المرة ال٣١٥ اللى تسألنى فيها ارحمنى بقى.
كريم:يوووه يا ستى دماغى ورمت من الشمس.
مى:ما أنا ماشية معاك أهو مفتحتش بقى اسكت خمس دقايق بقى.
كريم بتعب:أيوة يعنى هنوصل امتى.
مى: كريم احنا في نص صحرا يا بابا مش فى ناقصاك.
كريم:طب اضحكى عليا طيب وقوليلى هنوصل أهو بدل عمايلك دى.
مى:طيب هنوصل أهو.
كريم:مش مصدقك.
مى باستسلام:وأنا مش مصدقة إنى عملت فى نفسى كده ومشيت معاك المشوار المهبب ده.
كريم:ليه يا أختى بست عيون ولا أربع رجلين.
مى:لا ناقص مخ ومبهدلنى بغبائك.
كريم بفرحة فجأة: الحمدلله طلعنا على الطريق أشهد أن لا إله إلا الله وأشهد أن محمداً رسول الله.
مى:انت جاى تعلن إسلامك هنا ولا إيه.
كريم:وانتى مالك انتى أنا خلاص معتش هسأل فيكى بدام لقيت الطريق.
مى:محسسنى إنك لقيت مراتك ولا ابنك.
كريم:ده أحلى دلوقتى من مراتى وابنى
مى:ولا انت اتجننت ولا إيه مهو كده كده كنا هنطلع على الطريق.
كريم سابها وجرى على الطريق ووطى على الأرض وقعد يبوسها ومى واقفة متنحة من عمايله.
كريم:يا حبيبي يا طريق وحشتنى يا طريق بحبك أمواه أمواه
مى خابطة كف على كف:يا حول الله يا رب.
كريم:أنا كنت خلاص مش مصدق إنى هشوفه تانى.
مى:وأديك شوفته قوم بقى عشان نلاقى عربية توصلنا القسم عشان ننقذ الناس اللى هناك دول.
كريم:إيه نروحلهم تانى
مى:أيوة أومال سيادتك ناوى تهرب مثلا.
كريم:أبدا طبعا مش أخلاقى.
مى:أشك بصراحة
كريم:لا متشكيش أنا بس كنت بقول نكمل احنا على البيت ننام شوية ونريح وناكل ونبقى نرجعلهم تانى هما هيروحوا فين يعنى.
مى:أيوة صح هيروحوا فين دى فى عصابة بس خاطفاهم وهتموتهم.
كريم ببراءة:أيوة بس.
مى:بس فى عينك ده انت....انت....انت هتشلنى.
كريم:اهدى يا حجة هيجيلكsugar ومحدش هينفعك.
مى:يا رب أهو يا رب مجبتش حاجة من عندى يا تخده يا تخدنى وتريحنى.
كريم ببراءة:متدعيش على نفسك يا مى كده حرام.
مى:حرمت عليك عشتك يا هباب البرك قوم...قوم يلا قدامى خلينا نكمل يكش عصابة تانية تخطفك ونبقى خلصنا منك وساعتها محدش هييجى ينقذك.
كريم:يعنى أنا لو كنت مخطوف لوحدى محدش كان هييجى ينقذنى أصلا
مى:لأ طبعا ده احنا احتمال ندى العصابة فلوس عشان متسبكش أصلا.
كريم: للدرجادى بتحبونى
مى:جدا أكتر مما ممكن تتخيل
كريم: شكرا يا أختى حيث كده نكمل بقى
مى:يلا يا أخويا قدامى
.....................................................................................................
عند الباقى فى القصر:
على مكملا كلامه:بصوا كل اللى حصل إنى لما جريت أنا وسامى عشان نلحق أحمد وآسر وسيف هما كان وضعهم صعب جدا كان في حوالى ٩ بيضربوهم ده غير التلاتة أربعة اللى واقفين حواليهم سامى أول ما شاف المنظر ده مستناش ودخل هجم عليهم وضرب اتنين منهم لوحده بس طبعا فى الآخر مقدرش عليهم لإنهم كتير جدا أنا بقى فضلت واقف بعيد بفكر ومش عارف أتصرف وفجأة جه فى بالى فكرة أنا معايا قنبلة عادية وقنبلة غاز مسيل للدموع وإحنا كلنا لابسين واقى فمفيش فيها مشكلة وهى مش شديدة الانفجار أوى ودى أسلم حل عشان أفض الاشتباك ده لإن لو استنيت شوية كانوا ماتوا حرفيا.
عمر:طيب وهما فين.
على:المهم بعد الانفجار الكبير اللى انتوا شايفين آثاره ده كلهم اترموا زى الجثث على الأرض.
نجلاء بخضة:طب والولاد جرالهم إيه.
على:اهدى يا طنط.
ماجدة:كمل يا على احنا بقينا على أعصابنا.
على:طيب أنا كنت ببص ساعتها على سامى والباقى كانوا موجودين بس زى ما يكونوا دايخين شوية وباقى الحراس مرميين على الأرض قاطعين النفس فجأة زى ما يكون حد رمى قنبلة غاز هو كمان ببص ملقتش حد خالص كإن الأرض اتشقت وبلعتهم.
فريدة:يعنى إيه راحوا فين دول.
وفاء:أنا عاوزة ولادى ربنا يستر.
لينا:اهدى يا طنط عشان نعرف نتصرف.
شذا:طب واللى الاتنين دول يا على مالهم.
على:لا دول طلعولى فجأة معرفش منين برده فى وسط الغاز واتعاملت معاهم.
ماجدة: أنا خلاص هتجنن معتش قادرة أفكر.
سارة: والله أنا بفكر في حاجة كده بس هى مش معقولة.
عمر: حاجة إيه إلحقينا بيها بسرعة.
سارة:بس هى غريبة أوى مش عارفة هتنفع ولا لأ.
عمر: والله حسب اللى احنا شوفناه هنا مفيش حاجه غريبة ممكن كمال ده ميعملهاش.
لينا:أيوة قولى يا سارة.
ساره:بصوا مش على بيقول إنهم زى ما يكون الأرض اتشقت وبلعتهم.
لينا:أيوة.
ساره:اللى جه فى بالى فعلا إنها اتشقت وبلعتهم.
ليلى:يعنى إيه يا سارة تقصدى إيه بالظبط.
سارة:أقصد زى ما بنشوف فى الأفلام كده إن الراجل ده ممكن يكون عامل أنفاق فى الأرض عشان يهرب منها وقت اللزوم أو إن الجنينة دى متبقاش جنينة أصلا وبتوصل على حتة تانية أو اوض تانية أو حتة ممكن يهرب منها.
شذا:بصى يا سارة خلينى صريحة معاكى هو الموضوع مش معقول شوية بس احنا مفيش قدامنا إلا كده فعلا.
ماجدة:عندك حق يا شذا مفيش قدامنا إلا كده فريدة:طيب يا ولاد يعنى احنا المطلوب مننا دلوقتى نعمل ايه بالظبط.
سارة:المطلوب يا طنط إننا ندور في الجنينة كلها على حاجة زى باب فى الأرض او زى زرار أو حتى البتاع اللى بيرش ماية ده نحركه يمكن مفتاح..... والله ما أعرف يا طنط بس هو ده اللى قدامنا.
وفاء:تمام يا حبيبتي....يلا ابدأوا يا ولاد
كلهم بدأوا يدوروا على حاجة غريبة بالأوصاف اللى سارة بتقول عليها لإنهم مفيش قدامهم إلا كده.
......................................................................................................
عند كريم ومى كانوا واقفين على الطريق فى الشمس عشان يلاقوا عربية توصلهم القسم:
كريم جالسا على الأرض:اه معتدش قادر أنا هستشهد خلاص.
مى بتعب:مين سمعك ولا أنا كمان عدت قادرة.
كريم مستربعا وواضعا يديه على رأسه:أنا فقدت الامل خلاص إن فى عربية تعدى من هنا.
مى:طب قوم بس كده نمشى قدام شوية يمكن نلاقى.
كريم:لا يا أختي أنا خلاص بتحاسب دلوقتى مش هينفع.
مى:قوم بقى يا كريم متزهقنيش كفاية اللى احنا فيه.
كريم:بقولك بتحاسب خلى عندك دم.
مى:قال يعنى هتخش الفردوس الاعلى قوم يا ابنى.
كريم: والله لو هخش النار بعربية فيراري مش قايم من مكانى.
مى: الدنيا شمس ونار قوم إلهى تتحرق فى نار جهنم بجد.
كريم:لأ يعنى لأ أنا تعبت كملى انتى.
مى:مش انت كان نفسك تشوف الطريق أديك شوفته أهو قوم عشان نكمل بقى ونجيب أكل وحلويات وحاجات حلوة.
كريم بنص عين:وكفتة
مى:وكفتة خلص بقى.
كريم: كده ممكن أقوم معاكى.
مى بصوت واطي:الكفتة دى هتبقى انت إن شاءالله اصبر عليا لما نرجع بس.
كريم:بتقولى حاجة يا مى.
مى:لأ مفيش بدعيلك
كريم بشك:ماشى.
..........................................................................................................
عودة للقصر:
كان كله بيدور زى ما سارة اقترحت بس مكنوش لاقيين حاجة.
شذا:أنا تعبت من التدوير.
لينا:باين كله على الفاضى أنا مش لاقية حاجة.
ليلى:ولا أنا كمان.
على بتعب جالسا بقوة على الأرض:أنا....ك....آآآآآههه
وفاء بخضة كبيرة:على...ابنى
على لما قعد على الأرض فى مكان معين كده فجأة زى ما يكون في بوابة اتفتحت وهو نزل فيها.
وفاء:على...الولد...الولد راح فين.
نجلاء بخضة:مش عارفه ومش عارفه أتصرف ومش عارفه أفكر.
عمر بترقب:أكيد فى حاجة هنا احنا مش شايفنها هو داس عليها.
ليلى:يعنى هنعمل ايه دلوقتي يا عمر.
عمر:هنشوف هو داس على إيه هنا ونعمل كده احنا كمان ونروح وراه.
ماجدة مسرعة:طب يلا.
فعلا كلهم دوروا ولاقوا زى زرار أحمر كده بس مستخبى فى العشب راحوا كلهم ضاغطين عليه وفجأة البوابة دى اتفتحت تانى ونزلوا فيها زى ما يكونوا نازلين فى نفق.
.....................................................................................................
عند كريم ومى:
كريم ومى فضلوا ماشيين شوية لغاية أما لاقوا ميكروباص بس كان مليان مفيهوش غير مكان لواحد بس.
كريم للسواق: عاوزين اتنين يا سطا فى مكان؟
السواق:لا يا نجم والله هو مكان واحد.
كريم لمى:طب هنعمل ايه دلوقتي
مى:معرفش مش انت الراجل اتصرف.
كريم:اتصرف يعنى أعمل إيه يعنى أخترع مكان جديد ولا أعمل إيه.
مى: معرفش بقى بس كل اللى أعرفه إننا على الأقل قدامنا ساعتين تلاتة كمان عما نلاقى عربية تانية.
كريم: يعنى خلاص مصممة على العربية دى
السواق فجأة:متنجز يا باشا ورانا أكل عيش.
كريم بضيق:طيب يا عم.
مى:بص أنا هركب فى المكان الفاضى وانت نتصرفلك فى أى مكان.
السواق:الآنسة بتقول كلام مظبوط.
كريم:كلام مظبوط إيه يا عم انت....اتكل على الله انت ربنا يسهلك طريقك.
مى جاذبة كريم من يده:لا يا عمو احنا هنركب معاك....يلا يا كريم
كريم ورائها:استنى يا ولية يا سعرانة انتى أنا هركب فين.
السواق:أنا هتصرف.
السواق ركب مى قدام فى المكان الفاضى وركب كريم أو زنقه بالمعنى الأصح فى الكنبة اللى فيها تلاتة ورا بس الكنبة دى كان فيها تلات ستات كبار
واحدة معاها فراخ وواحدة بتتكلم فى الفون وواحدة نايمة.
كريم:منك لله يا مى أشوفك قاعدة القاعدة دى يا رب.
مى سمعاه كل ده وبتضحك عليه.
كريم:انتى يا ست يا بتاعة الفراخ كفاية أكل الفراخ هيموتوا من كتر الأكل.
الست:وانت مالك كده ما تصلى على النبى انت هتحسدهم و لا إيه.
كريم وهو بيزقها:أحسدهم إيه دى أكبر واحدة فيهم قد كف إيدى.
ست:ما تاخدلك فرختين منهم.
كريم:يا رب يا كريم ارحمنى...معييش فلوس يا حاجة.
فجأة لقى اللى نايمة على كتفه وواحدة بترغى وهو نفسه مش سامع نفسه.
كريم بيهز الست اللى جمله:حجة....انتى يا ولية...يا حجة
الست بنوم:هممم خلاص بقى يا نوسه.
كريم:يا حزنى على بختى المايل بقيت نوسة كمان.
الست بنوم:قومى اطفى على الحلة يا نوسة.
كريم:قومى يا حجه....نوسة ولعت فى الحلة وولعت فى نفسها.
الست:هممممهممم
كريم:انتى يا ما ياللى بترغى فى الفون من ساعتها.
الست:فون....سلامة الشوف يا ابنى ده اسمه طلافون
كريم: معلش اعذرينى يا حجة أصلى جاهل فى التكنولوجيا.
الست:اه لا عادى يا ابنى بس هى اسمها طاكنالوچيا.
كريم:اه معلش أصلى فهمى على قدى شوية.
الست:أيوة باين عليك من أول ما شوفتك قولت عنك جاهل برده ومش بتفهم في الطلافونات.
كريم:أنا برده إللى جاهل.
الست: قصدك ايه يا جدع انت
كريم:مقصديش يا حاجة
الست:اه بحسب.
كريم:ما تروحى شوية يا ست بفراخك.
الست:لا خاللى فراخى تاخد راحتها.
كريم:اه طبعا دى أهم حاجة الفراخ تاخد راحتها......يا مى.
مى: أيوة يا كريم.
كريم:يلا احنا هننزل هنا وصلنا.
مى:لا استنى لسه موصلناش.
كريم:وانا بقولك وصلنا.
مى السواق:طيب معلش نزلنا هنا يا عمو.
مى وكريم نزلوا من العربية وكريم وهو نازل وقع على وشه على الطريق ولما قام والعربية خلاص هتقفل بابها راح شادد الست اللى نايمة من طرحتها وصحاها وعاضض الست بتاعة الفون فى ودنها أما بقى بتاعة الفراخ طلعلها مخصوص بعد ما السواق وقف وسيبلها كل الفراخ فى العربية وحطلها أكل من بتاع الفراخ فى بقها كل ده ومى قاعدة بتشده بالعافية😂😂😂
..............................................................................