إلحقونا إحنا مخطوفين 🏃😅

نتمنى لكم خطفا سعيدا ☺️😅😂

صباح جديد بيمر على أبطالنا والنهاردة جه يوم الحنة كله كان صاحى فرحان وكل البنات كانوا بيتحضروا للحنة والوقت الجميل اللي هيقضوه مع بعض وفى بيت التلات بنات ماجدة راحت تصحى بناتها ماجدة دخلت أوضة ريم الأول وفتحت الستاير علشان النور يخش ريم قعدت تغطى نفسها بالمخدة وتتقلب زى الاطفال علشان النور اللى داخل من الستاير
ماجدة:قومى يا ريم قومى يا عروسة
ريم:سبينى نايمة شوية يا مامى
ماجدة: قومى يا قلبى هو فيه عروسة بتنام لحد دلوقتي
ريم:أنا مش عروسة أنا هنام
ماجدة علت صوتها:انتى مش عروسة انتى جاموسه والله
ريم بنعاس :يوه بقى يا مامى اقولك حاجه خليه يتجوز واحدة غيرى
ماجدة:يا غلبك يا ماجدة
ريم:أو أقولك خليه يطلقنى أو أنا هخلعه بمعرفتى
ماجدة:يا مصيبتى السودة قومى يا بت قومى يا بنى آدمة براس كلبة
ماجدة كانت ماسكة ريم من قفاها وغسلتلها وشها وقعدتها على السفرة وكل ده وريم لسه ما فقتش بس مى ولينا طبعا كانوا صاحيين لوحدهم وسبقوها على السفرة مفيش غيرها اللى مغلبة طنط 😂😂
أيمن: صباح الخير يا أحلى عرايس
مى: صباح الخير يا أحلى بابى
لينا: صباح النور يا بابى
ماجدة زغدت ريم:ها فى إيه
أيمن: ههههههههه 😂
ماجدة:بابا بيقولك صباح الخير
ريم:ها اه صباح النور يا باشا
أيمن:بيئة بس بحبك أعمل إيه بقى 😂
ريم:توشكر يا حجوج
ماجدة هزت راسها بيأس:مفيش فايدة كلى يا حبيبتي كلى
ريم: حاضر أماما
لينا بصتلها بقرف: ربنا يهدى
مى:يا رب
أيمن لاحظ ان مى متوترة كعادتها فحاول يخفف عنها شوية
أيمن:إيه يا ميوش مالك مبتكليش ليه
مى:لأ لأ مفيش حاجه يا بابى متوترة بس عشان الفرح عادى
أيمن:متخافيش مش هيحصل حاجه إن شاءالله
ريم وبقها مليان أكل:وأنا يا بابا مسألتنيش مباكولش ليه زيها
أيمن:هو انتى محتاجة عزومة دا انتى بلعتى السفرة كلها في كرشك خفى شوية الواد هيطفش منك
لينا:هو طفشان أصلا يا بابى وبعدين دى ناقص تاكولنا إحنا
ماجدة:كون الله فى عونه إنه مستحملك 😂
ريم:وهى بتاكل:دى الحفلة بقى على حسابى بقى عموما ربنا يسامحكم أنا مسامحاكم
لينا: ههههههههههه شكلك فظيع وانتى بتتكلمى والأكل فى بوقك 😂
ماجدة:يا شيخة ابلعى الأول وبعدين اتكلمى
ريم هزت كتفها وربعت إيديها:ناس مبتقدرش المواهب
أيمن:طب أنا هقوم يا ماجدة قبل مالبقرة دى تبلعنى فى كرشها أشوف الديچى والحنة وأرتب تجهيزات الفرح لبكرة سلام.
ريم ببلاهة: بقولك أماما هو كان يقصد مين بالبقرة ؟
لينا طببت عليها: كملى أكلك يا عمرى ملكيش دعوة بحاجة
ريم:صح أنا أكمل أكلى علشان حسه نفسى هفتانة كده
فى الوقت ده مى ولينا وماجدة سابوا السفرة وهزوا راسهم بيأس عليها وعلى رأى سعد زغلول مفيش فايدة 😂😂
............................................................................................................
وكالعادة فى ناس مركزة فى الأذية ومورهاش غير الانتقام والحقد فى مطار فرنسا كان فى بودى جارد بيستقبل ماهر.
الجارد: اتفضل يا ماهر بيه البوص مستنيك
ماهر وهو بيعدل نضارته:تمام
بعدها بحوالى ساعة ماهر وصل شركة كبيرة للاستيراد والتصدير دخل لمكتب فخم اللى هو مكتب البوص كان فيه راجل كبير عنده حوالى ٦٠سنة قاعد ورا مكتبه وضهره لماهر.
ماهر:أهلا يا بوص أحب أطمنك كله تمام الرجالة مستنيين إشارة
البوص:مش عاوز ولا غلطة وإلا انت عارف انا ممكن أعمل فيكوا إيه
ماهر: علم وينفذ كلامك يا بوص
البوص:بكرة استنوا الإشارة منى وخلوا عنيكم في وسط راسكم
ماهر:تمام يا باشا أستأذن أنا.
البوص: تمام اتفضل انت.
وبعد ما ماهر مشى البوص قعد يفكر مع نفسه
البوص:لازم انتقم هما اللي جابوه لنفسهم عمرى اللى راح فى السجن ده أنا هعرف إزاى أعوضه بإنتقامى منهم فضلت مستنى كل السنين دى وأخيراً جت اللحظة المناسبة .
.......................................................................................................
عند البنات كل واحدة فيهم خلصت فطارها وطلعت أوضتها تلبس فستان الحنة وفى الوقت ده ماجدة اتصلت على نجلاء علشان تجيب سارة تعد مع البنات وتتحنى من بدرى وكلمت فريدة كمان ووفاء
..........................................................................................
فى بيت اللواء محمد محمود:
أحمد:يالا يا سارة علشان أوصلك إنتى وماما عند عروستى يالا بقى بسرعة
سارة:جاية أهو جتك البلا فيك وفى عروستك
نجلاء وهى جاية من بعيد: عندها حق والله انت مستعجل على إيه وبعدين مش انت اللى هتوصلنا
أحمد:أومال مين إن شاءالله
نجلاء:على هو اللى هيوصلنا علشان هيجيب فوفة معاه
أحمد:يوووه أنا كنت عاوز أشوف ريم فى فستان الحنة وأتفرج
نجلاء وهى مسكاه من ودنه:تتفرج على إيه يا قليل الأدب
أحمد:أى أى خلاص يا ماما أمرى لله اتفضلوا بقى عشان متتأخروش
سارة:وعلى يوصلنا ليه يا ماما أومال سامى فين.
أحمد:ملكيش دعوة بسامى أنا وهو وسيف مشغولين فى حاجة كده
سارة:ولا مش مطمنلكم
نجلاء:أيوة مثلث المصايب ده مش مريحنى
أحمد:سامحهم يا رب كده بتشكوا فينا ربنا يسامحكم
نجلاء:يالا يا سارة قدامى علشان متشلش وأعرف أقف على رجلى فى الفرح بكرة
سارة:يالا يا ماما
وفعلا سارة ومامتها طلعوا بره وعربية على كانت واقفة مستنياهم ركبت سارة ومامتها ورا ووفاء كانت راكبة قدام جمب على بس سارة كانت حاسة إنها مضايقة لإن على كان مركز معاها أوى وكان هيعمل حادثة كذا مرة بسببها غصبن عنه مش عارف يشيل عينه من عليها زى ما هو مش عارف يشيلها من دماغه 💖
عربية على فجأة فرملت:
وفاء:إيه يا بنى دى تانى غرزة تاخدها مش تاخد باللك
على:أنا آسف يا ماما مقصدش انتى كويسة ياطنط وفى الوقت ده كان بيبص لسارة 🌹
نجلاء:أنا كويسة يا حبيبي كمل ربنا يستر طريقك ونفرح بيك يا رب
على ناظرا لسارة: يا رب يا طنط وركزيلى على الدعوة الأخيرة دى بالذات ههههههههه 😂
وفاء:إيه لقيت عروسة لولولولولولولىىىىىىىىىى 🥳🥳 هى مين أروح أخطبهالك
على ناظرا لسارة: ههههههههه ههههههههه 😂 إيه يا ماما مستعجلة على إيه لسه ملقتهاش أنا نويت بس وشكلها نية حلوة أوى أوى
نجلاء:ربنا ييسرلك الأمور يا حبيبي ونفرح بيك زى إخواتك
وفاء:يا رب يا حبيبتي وعقبال سارة كمان كده وربنا يسعدها ويوفقها آمين
نجلاء:آمين يارب
طبعا سارة كانت في وادى تانى خالص كان نفسها الأرض تتشق وتبلعها من كلام على ونظراته وكانت خايفة لإنها ابتدت بجد تتشد ليه بس قررت تخبى كل حاجة فى قلبها لغاية أما تتأكد من مشاعرها الملخبطة تجاهه وتتأكد فعلا هل هو يستحقها ولا لأ.
وهما على الطريق نجلاء قررت تنزل وتاخد وفاء معاها يضيقوا الفساتين قبل ما يروحوا عند ماجدة والبنات وطبعا سارة كانت مكسوفة أوى لإنها اضطرت تقعد جمب على قدام وعلاقتهم فى الحقيقة
بعيدا عن أى حاجة كانت زى توم وجيري لإنها كانت عارفة إنه بتاع بنات وميتوثقش فيه وهو عارف إنه مش سهل يثبتها وإنها مش من النوع اللي هو عارفه ومش هيلاقى سكة معاها.
سارة مركزة مع الطريق وابتدا على يغنى مع الكاست بصوت مش واطى ولا عالى اغنيه (وأنا كنت مالى أول ما عينك جت فى عينى إيه جرالى أول ما عينك جت فى عينى إيه جرالى يجرالى أناا) ومندمج أوى وبيبص على سارة علشان تلتفتلوا وهى مش معبراه.
ابتدا يعلى صوته ويعلى الكاست علشان يضايقها
سارة وهى بتقفل الكاست بعصبية:يوووه بقى كفاية صوتك مزعج
على بعند:عربيتى وأنا حر فيها وأشغل اللى أنا عاوزه
سارة:طب نزلنى هنا بقى
على بجدية:أنزلك فين انتى اتجننتى
سارة:افتح اللوك خلينى أنزل
على وقف فجأة وراح مقرب منها مفيش بينهم غير كذا سنتى وهى رجعت لورا:سارة اتهدى علشان معملش حاجة انتى مش هتحبيها وأنا مبتكسفش.
سارة شهقت وحطت إيديها على بقها وبعدين ضربته بالقلم:انت واحد قليل الأدب فعلا زى مبيقولوا عنك
على برومانسية:أنا ماسك نفسى بالعافية قولتلك أنا مبتكسفش ولا عشان انتى حلوة يعنى هسكتلك❤️
سارة:رجعت مكانها في الكرسى وبصت من الشباك وكانت خدودها حمرة من غزل على الصريح ليها وحاولت بكل الطرق تخبى ابتسامتها بس معرفتش .
على:طب ما إحنا حلوين أهو وضحكتنا حلوة
سارة:هو انت كده دايما
على:كده إزاى يعنى
سارة:قليل الأدب ولسانك فالت منك مبتعرفش تحترم نفسك أبدا
على: هههههههههههه 😂بكرة تتعودى
سارة خدودها احمرت تانى واتكسفت لإنها فهمت أنه يقصدها طبعا
سارة:طب ركز في السواقة متبصليش كده
على: دا أنا هشوف أيام ما يعلم بيها إلا ربنا 😂😂
سارة محدثة نفسها:هى طنط فوفة عملت كل حاجة صح بس نست تربيه باين.
على: ههههههههه أنا سامعك على فكرة.😂
سارة:كويس يمكن تحس على دمك وتعرف إنك مشفتش بجنيه تربية يا ابن طنط وفاء.
على بتسبيل:والجميل لسه مكتشف الموضوع
سارة بتوتر:قولت متبصش كده بس هقولك إيه سمعتك سابقاك أصلا
على:كويس عشان نبقى على نور 😂
سارة بصت من الشباك:وأنا مالى أصلا
على: ههههههههه هنشوف المواضيع دى بعدين 😅
.......................................................................................................
ووصل الكل لحفلة الحنة كانوا البنات لبسوا الفساتين وبقوا زى القمر وسارة كمان لبست فستانها اللى طلعها أميرة قمة في الرقة والجمال.
كلهم اتحنوا ورقصوا وكان اليوم بجد برفكت مفيش غير ريم اللى دماغها كانت في حتة تانية كالعادة 😅
........................................................................................................
أما عند مثلث المصايب كان الشباب عاملين حفلة توديع عزوبية على البحر ومقضينها رقص للصبح وكانوا عاملين دايرة حوالين سيف وهو بيرقص وكان شكله مسخرة 😂
أحمد:أيوة يا سييييف
سامى:قشطة عليك يا سيفو
سيف: ههههههههه 😂 بقولك ايه شغلنا إخواتى بدل المزمار اللى أنا بتلوى عليه ده من الصبح جالى مغص يا أخى
سامى:عونيا ياحوبى
أحمد:بيئة الواده بس مظبطنا ههههههههه 😂
أحمد: اه اه اه اه أبطال الجمهورية عدوا حدود العالمية عاملين فقرة جهنمية هنغنيلكم تحت المية 😂
سيف:وهاربانين من العباسية مريحين بعد العملية القطة بتاعتى المشمشية قاعدة جمبى فى العربية 😂😂😂
وفجأة على جالهم من بعيد ووقف الأغانى وقعد يضحك عليهم.
على: ههههههههه ههههههههه 😂😂😂 مش قادر إيه يا بنى انت وهو المسخرة دى انت انتوا فعلا هربانين من العباسية 😂😂
أحمد:لم أخوك يا سماسيمو
سيف:فعلا لمه اشحال مهو جاى من نفس العنبر فى نفس المستشفى
سامى:اتلم يا حبيبي شمت فينا الهبل والمجانين
أحمد:دول إحنا مش كده
سيف:أيوة..طب والله ما أنا سايبك امسكه يا أحمد
وفجأة أخدوا على واشتالوه ورموه فى البحر ودخلوا كلهم معاه.
على: ههههههههه 😂 يا ولاد الهبل.
سامى: ههههههههه ههههههههه بكرة تتهبل زينا
أحمد:أنا شاكك فيه أصلا 😂
سيف: ربنا يكون في عونها من دلوقتى 😂😂😂😂😂.
على: ربنا يكون في عونكم انتوا دا انتوا هتتربوا من أول وجديد.
وشاور على أحمد:عندكوا المعلم ده هيسيب الشرطة ويشتغل فى محل بيتزا والتانى ده (سامى)لينا هتعلمه ببشلة فى وشه وولاده هيطلعوا بلطجية والحلو ده (سيف)هيصلى ركعتين لله ويموت مشلول من كتر التوتر ههههههههه ههههههههه ههههههههه 😂😂😂😂
وفجأة نظر كل واحد منهم للآخر وعند إدراكهم لحقيقة كلامه ما كان منهم إلا أنهم تكاتفوا ليغرقوه (لغاية أما بقلل وبانلوا صاحب)😂😂
..........................................................................................................
يا ترى الدنيا هتمشى وردى كده ؟
يا ترى ممكن إيه اللى يحصل والأقدار هتروح بيهم على فين ؟
استنوا البارت الجاي مش هتأخر عليكم ❤️❤️