إلحقونا إحنا مخطوفين 🏃😅

ريم أخدت أكل كريم 😅🤭

فى وسط كل ده ما كان بيحصل كان آسر وكريم وليلى وعلى مستنين الأوامر تيجى بس آسر كان بيحاول طول الوقت يوصل لسارة ويعرف منها إيه الخطوة الجاية ومكنش عارف ودا طبعا بسبب إن سارة وكل اللى معاها بره القصر مصدومين من اللى حصل مع شذا والباقى وبيفكرولهم فى حل.
آسر ناظرا لهم:فى حاجة غلط حصلت أكيد.
ليلى:ليه كل ده موصلتش لسارة لسه.
آسر:لأ
على:يبقى أكيد جرا حاجة.
كريم:تفتكروا يكون حصل إيه يعنى
آسر: والله ما أعرف.
كريم بطريقة مضحكة:وإزاى يعنى متعرفش مش عمال تقولنا روحوا وتعالوا واطلعوا فى الطيارة ونطوا من الحبال لما اتشلينا قدامك يبقى متعرفش إزاى عينى عليا شكلى رحت فى شربة مية.
ليلى بإندفاع:وهو يعنى كان هيعرف منين هو حاوى ما هو واقف في وسطنا أهو.
على:يا سلام يا سلام الوقتى بدافعى عنه دا انتى مكنش بيهدالك بال إلا لما تلمى علينا الخلق بسبب شكلكم.
كل ده وآسر مبتسم وهو باصصلها لإنها ساعتها كانت مرتبكة ومتوترة وده عجبه أوى.
ليلى بتوتر:أنا...أنا بدافع عنه.....أيوة بدافع بس المرادى عشانه مش غلطان بس....م..مش أكتر.
على:يا سلام....دا حتى كريم مش مصدقك مش كده يا كيمو.
كريم مبتسما:حصل
ليلى بعصبية كالعادة: إن شاءالله عنكوا ما صدقتوا.
آسر مبتسما: خلاص بقى متزودوش العيار عليها.
ليلى ناظرة له:عيار إيه صدق أنا غلطانة إنى عبرتك أصلا ودافعت عنك.
آسر ضاحكا: ههههههههه مش غلطانه أوى يعنى اعتبريه تعويض عن الشكل.
ليلى:لا انت اللى زيك فعلا ميجيش إلا بالشكل.
على:أنا بتهيقلى يا ليلى فعلا إن الشكل هو اللى جابو.
ليلى:جابه فين أنا....أنا مقصدش كده أنا أقصد يعنى..
كريم: خلاص يا ليلى بقى متحاوليش.
ليلى:انتوا طلعتوا سفلة زيه ومفيش فايدة فيكم.
آسر غاضبا:زى مين يا حلوة لمى الدور كده.
ليلى:لا والله خفت أنا كده وبعدين اه سفلة وانت كمان سافل وقليل الأدب.
آسر مبتسما: دى مميزات على فكرة مش عيوب.
ليلى مبرقة:انت اتعديت من على.
كريم:لا يبقى انتى متعرفيش آسر كويس ده هو اللى معلم على قلة الأدب على أصولها.
ليلى:ولا باين عليه.
على:مهى دى حلاوته ههههههههه 😂
آسر مبتسما:مبحبش أتكلم عن نفسي كتير.
ليلى:وانت مفتخر بنفسك أوى كده ليه ولا أكنك أخدت جايزة نوبل.
كريم:هو فعلا لو فيه نوبل في قلة الأدب كان آسر هو اللى هياخدها.
ليلى:أنا عاوزة رقم طنط وعمو حالا.
آسر بغمزة:وعاوزاهم ليه هتخطبينى
ليلى بكسوف واندفاع:إيه لأ طبعا هقولهم ابنكم عياره فالت ومترباش وقليل الأدب ومعداش عليه بربع جنيه تربية.
كريم ضاحكا:دا احنا نعملكم مسلسل ونقعد نتفرج عليكم وانتوا بتشاكلوا كده ههههههههه 😂.
على:اه والله ونسميه خناقات ليلى وأسر ههههههههه 😂
ليلى ناظرة لآسر بتحدى:لأ سموه قليل الأدب اللى مترباش.
آسر:لا لا سموه الأوزعة ام لسان طويل.
ليلى:متجيش...احنا نسميه أحسن المجنون الطويل.
آسر:مش نافع إحنا هنسميه عندما يجتمع الغباء مع التخلف.
كريم وعلى:بس كفاية.
آسر:هى اللى عمالة تغلط من ساعتها.
على:يا سلام ويعنى انت اللى قاعد تعمل رز بلبن.
ليلى:قوله.
كريم:منسمعش صوتك انتى كمان واتنيلوا بقى عشان نعرف احنا هنعمل ايه.
آسر بضيق:ماشى...اتفضل بقى قولنا هنعمل ايه
كريم: ها...لأ انت فهمتنى غلط دى لحظات انفعالية بس وأنا هعرف منين يعنى.
على:أومال مسكتنا كلنا ليه أنا قولت إن عندك حاجه مفيدة هتقولها.
ليلى:طب ما تقولنا انت حاجة بدل ما بتتريق على كريم.
على: بصوا لفوا لفة كده وارجعولى تانى.
كريم بغضب:وبتقول عليا أنا مفيش عندى حاجة مفيدة أقولها اسم الله عليك يعنى انت اللى بتنقط من بقك حكم.
ليلى:بتعايروا بعض بإيه جتكم خيبة ووكسة وانتوا الاتنين متخلفين أكتر من بعض.
على:ما تنجز بقى يا آسر وقولنا هنتنيل نعمل ايه.
آسر: والله مستنى الغباء يخلص عشان أتنيل أكلم وانتوا ما شاء الله مبتبطلوش.
ليلى:دول المادة الخام للغباء نفسها.
كريم: الله انتوا اتفقتوا على حاجة.
آسر مخمسا فى وجهه:خمسة وخميسة يا أبو عين مدورة
ليلى:عندك حق ده كل ما بينطق بنشاكل.
على:وانتوا خلاص معتوش هتشاكلوا يعنى.
آسر:لأ بس أما نخلص من الللى احنا فيه ده وهنكمل مش كده يا ليلى.
ليلى مكتفة يديها:اه كده طبعا.
على:طيب ابهرنا بقى ي........
وقبل ما على يكمل كلامه لقوا نفسهم متحاوطين ب١٠ رجالة من بتوع العصابة هما ميعرفوش هما عرفوا إنهم فوق القصر منين بس طبعا ده حصل لإن كمال قرر يفتش كل حتة فى القصر وحواليه كمان بعد ما شذا والبقية دخلوله القصر.
وآسر وعلى وكريم بالرغم من شجاعتهم وبالرغم من صراع ليلى الطويل معاهم ومحاولتها إنها تهرب من إيديهم بالرغم من ده كله إلا انهم منجحوش وده طبعا عشان عدد الرجالة كان كتير وهما أربعة بس.
وأخدوهم حطوهم فى المخزن تحت مع البقية.
.................................................................................
كلهم كانوا نايمين من شدة التعب فجأة لقوا الباب بيتفتح عليهم ولقوا آسر وكريم وعلى وليلى داخلين عليهم.
أحمد:ابعت ياللى بتبعت.
ريم بابتسامة بلهاء:أهلا وسهلا نورتونا.
أحمد:نوروكى فين انتى فاكرة نفسك فى صالون بيتكم.
مى بلطف:أكيد انتى ليلى مش كده.
ليلى بابتسامة:أيوة أنا وانتى مى عرفتك من الصور انتى أحلى فى الحقيقة.
مى:ميرسى يا قمر والله انتى اللى عسل خالص.
على:أنا هتشل دول بيتعرفوا على بعض.
لينا:وانت مالك انت مش بنتعرف على العسل دى.
ليلى:سيبك منه ده عيل حقود ......والقمراية أم دم خفيف دى مش ريم برده.
ريم:أيوة يا قمر لاڤ يو.
ليلى:لاڤ يو تو يا عمرى
آسر:لا أنا مش قادر للهم ده أومال مصدرالى الوش الخشب ليه.
ليلى:عشانك رخم.
سامى: كفاية عمر وشذا مبطلوش خناق من ساعة ما جم هنا مهيش ناقصاكم.
سيف:أيوة وبعدين احنا قدام فى الخطف هنا ونحب المخزن اللى احنا مخطوفين فيه يكون هادى مش كده يا سماسيمو.
سامى:كده يا مان.
أحمد:عندهم حق.
على:لا ده كده كلهم ضربوا.
شذا:اسم الله عليك يا عاقل يا أبو مخ كبير.
على:انتى بتتريقى عليا يا هطلة انتى.
عمر:عندها حق انت آخر واحد تتكلم عن العقل.
أحمد:بقولكم إيه قبل ما تبدأوا خناقة الله يصلح حالكم صحوا طنط وفاء وطنط فريدة الأول نقولهم إنكم جئتم.
فريدة بنعاس:أنا صاحية من ساعتها على صوتكم اللى يصحى الميتين ده إيه كل ده إزعاج.
وفاء بنعاس:حتى أنا كمان صاحية من ساعتها
سامى لوفاء:وليكى قلب تنامى ياما وابنك مخطوف.
وفاء:ويعنى يا ابن الكلب أنا كنت سيبتك ما أنا جتلك أهو ومخطوفة معاك عاوز منى إيه تانى.
فريدة:دا انتوا مبيطمرش فيكم.
سيف لفريدة:ليه بس كده أماما
فريدة باشمئزاز:يع لا ابنى ولا أعرفه يخربيت طريقتك....مش ابنى لأ.
آسر ضاحكا:إيه يا فيرى هتتبرى منه.
فريدة:اه يا حبيبي هتبرى منه دى أول حاجة هعملها أما أطلع من هنا.
ليلى مبتسمة: والله انتى عسل يا طنط ودمك خفيف أوى انتى وطنط وفاء.
فريدة:انتى اللى قمراية خالص مش كده يا وفاء.
وفاء:اه والله هاتى بوسة يا لولة.
على مميلا على آسر:أهى أمى عملتها وانت لسه.
آسر ضاربا إياه:متولعنيش بقى وأتهد.
عمر:بتقوله إيه يا على.
على:لأ ولا حاجة يا عمور.
عمر: هعديها المرادى بس عشان عارف اللى فيها صح ولا ايه يا آسر.
آسر بارتباك:اه طبعا يا عمور أهم حاجة رضاك يا باشا
عمر بغمزة:ماشى يا أسور
ليلى:انتوا بتقولوا إيه وبتكلموا بالألغاز كده ليه.
شذا:اه والله محدش فاهم منكم حاجة.
عمر:مش مهم تفهموا حاجة كفاية أنا والشباب فاهمين.
سيف:أنا كمان فهمت.
أحمد:وأنا كمان فهمت.
سامى:كان بودى أقول أنا كمان فهمت بس للاسف أنا بلاصى زى ما انتوا شايفين.
أحمد:تعالى أما أقولك.
سامي بعد الفهم:آه بس هو انت فاكر إننا هنطلع من هنا أصلا عشان اللى انت عاوزه ده يحصل.
عمر: الله أكبر فى وشك يا جدع ليه كده.
ريم:إيه يا عمر مش المفروض انك اتعودت ده سامى.
سيف:أيوة يعنى متاخدش على كلامه.
سامى:طب ما تعملولى شهادة معاملة أطفال أحسن.
وفاء: إن شاءالله أما نطلع من هنا هعملك.
على:دا إيه ده يا ولاد واحد أمه هتتبرى منه والتانى هيتعمله شهادة معاملة أطفال ههههههههه 😂
لينا لوفاء:أقولك متسيبيهوش يا فوفة لوحده اعمليله هو كمان شهادة.
سيف:انتى ليه محسسانى إنها هتعمله شهادة تقدير.
مى ضاحكة: ههههههههه 😂 والنبى اتلهى انت وهو منتوش ملاحظين إن كريم نام وهو واقف وعمال يشخر من ساعتها شكله يفطس من الضحك ههههههههه 😂
آسر:أنا قولت أسيبه زى ما هو نوم الظالم عبادة ههههههههه 😂
ليلى:طب ما انت صاحى أهو.
آسر:سمعت حاجة يا عمر.
عمر ضاحكا:لأ يا حبيب أخوك كمل ههههههههه 😂😂
ليلى بغضب:كده يا عمر بتتفق مع الجحش ده.
عمر:عيب يا ليلى عيب يا ماما هتندمى بعدين.
ليلى:ليه هو ذللنى بحاجة وأنا مش عارفه.
آسر:أنا هعديلك جحش دى دلوقتى عشان بعدين هنتحاسب ده بعد إذنك يا عمر.
عمر:ولا يهمك يا حبيبي كمل ودوس ههههههههه 😂
ليلى:أنا هخبط دماغى فى الحيط منكم انتوا الاتنين......انت سايبه عادى كده يقولى هحاسبك بعدين أنا هتجنن والله.
آسر غامزا لها:ولسه 😂
على ضاحكا: ههههههههه 😂 كفاية بقى يا آسر البت هتشد فى شعرها.
ريم:تعالى هنا جمبنا يا لولو أنا صحيح مش فاهمة حاجة بس الثلاثى المرح ده مش مريحنى.
ليلى:عندك حق هبعد من خلقتهم دلوقتى
لينا:أى حد بس يزعلك قوليلى بس غير آسر طبعا.
ليلى:مردودالك يا حبيبتي فى عاركة ولا حاجة 😂
لينا: الله يخليكى توشكرى
مى:وأنا عاوزة أنضم....تعالى يا شوشو جمبنا
شذا:معاكوا يا روحى.
سامى:انتوا عملتوا عصابة ولا إيه
لينا: حاجة زى كده
فريدة:روحتوا فى داهية ههههههههه 😂
شذا:أيوة احنا اللي بيجي علينا مبيكسبش.
عمر:دا انتى ناقص تطلعى موس من بوقك
شذا:وأول حد هعوره هيبقى انت
وفاء:بطلوا بقى أما نشوف اللى نايم وهو واقف ده.
على: كرييييم
كريم بنعاس:هممممم
على ضاحكا: كرييييم قوم
كريم:لا يا رهف انتى كل مرة بتضحكى عليا همممم.
على: الخروف جه بيستناك
كريم بنعاس:ماشى خليه يستنى.
على: ريم هتاكله
كريم مستيقظا بفزع:إيه لا خروفى محدش ييجى جمبه.
ريم بصوت عالى: دلوقتى صحيت يا طفس.
كريم:ما يجيش من بعد طفاستك انتى.
ريم:لا والله.
كريم:اه والله يا أختى وكلنا عارفين انك مفجوعة وبتاعة كرشك يا أم كرش.
ريم لأحمد: صحيح يا أحمد أنا مفجوعة وبكرش.
أحمد ضاحكا:اه يا حبى
ريم:اتأويت على قلبك دا انت ناقصلك ٣ كيلو ويدحرجوك زى أنبوبة الغاز.
أحمد:أكذب يعنى ما كلنا عارفين إنك بلاعة.
ريم:كده يا أحمد طب أنا هشهد آسر
آسر:إن جيتى للحق هما ظلمينك ومش عاطينك حقك.
ريم لأحمد:شوفت.
آسر:مش عاطينك حقك فى وصف الطفاسة اللى انتى فيها.
ريم:كده يا آسر وأنا اللى قولت إنك هتنصفنى.
كريم:شوفتى مجبتش حاجة من عندى وشهد شاهد من اهلها.
ليلى:انتوا مزعلينها ليه دى ريم دى القمر اللى فينا.
مى: والله حبيتك يا لولو تدرى ليش.
ليلى بضحك:ليش.
مى:لإنك جابرة بخاطرها ههههههههه 😂.
شذا:أيوة يا بنتى ما هو مش هينفع تقولها انتى عجلة برده ومش عارفين نقعد من كرشك 😂
ليلى ضاحكة: ههههههههه 😂 صح.
ريم:كده بقوا بتضحكوا عليا يا شبر ونص منك ليها.
آسر:فى دى بقى عندك حق.
ليلى: والله....يلا أحسن ما أكون طويلة وهبلة زى ناس.
آسر بضحك مستفز: ههههههههه براحتك ولا أكنك بتقولى حاجة 😂😂
ليلى:مستفز.
آسر بغمزة وابتسامة: ههههههههه 😂
لينا: كريم إيه الشنطة اللى معاك دى.
سامى:اه والله عاوز أسأل عنها من الأول.
كريم بتوتر:إيه شنطة إيه.
سيف:الشنطة اللى شايلها على ضهرك يا غبى.
كريم مخفيا الحقيبة:مفيش شنط أنا مش شايف لالا أنا مش سامع هو مين بيعمل ايه.
عمر:انت اتجننت واتعميت واطرشت.
كريم:عاوزين إيه من الشطة بتاعتشى.
عمر:الشطة بتاعتشك.
وفاء:دا اتهبل ده ؟دا آسر ابنه بيتكلم أحسن منه.
فريدة:عندك حق يا وفاء ههههههههه 😂
عمر قام وراح ماسكه من الشنطة وهو ماسك فيها زى أطفال المدرسة وهو يشد وعمر يشد قصاده لغاية أما أخدها منه😂
عمر بزهق:أيوة عدى كده زهقتنى
شذا:لابد فيها كده ليه يا أخى.
على:يكونش حاطط فيها قنبلة.
أحمد:أو مخدرات.
سيف:أو سلاح.
سامى:أو آثار.
لينا:أخدين بالكم إنكم بتهبدوا صح.
سامى :لا مش واخدين
لينا:طب اتعدل بدل ما أديك هبداية فى وشك.
سامى:طب ما تديلى بوسة أحسن.
لينا بجدية: نااااعااااام انت بتستعبط اه يا قليل الأدب يا سافل.
سامى:أنا جوزك والله عادى.
وفاء: ههههههههه 😂 عنده حق يا بنتى عادى.
ليلى:لا يا طنط ملوش حق ده قليل الأدب.
آسر:دا أنا شكلى هشوف أيام ما يعلم بيها إلا ربنا 😂😂.
عمر:استعد يا بطل.
شذا ضاربة عمر:احترم نفسك بقى وبطل تكسفها عشان فهمت يا حيوان.
عمر:وانتى مالك.....خلينى فى خيبتى اللى جمبى أنا كمان بالله عليكى.
شذا جاحظة عينيها:إيه انت بتقول إيه
عمر: لا ولا حاجة اتبطى واسكتى.
شذا:لا ده انت اتجننت وبقت حالتك صعبة خالص.
عمر:مفيش فايدة......ابعدى كده
عمر: كريم هات الشنطة دى.
كريم:لا مستحيل.
مى:هاتها بدل ما أخلى آسر يكسرك ومنلاقيش فتفوتة فيك تتجبس.
كريم:انسى.
ريم مشمرة يديها:سيبوهولى أنا اللى هاخد الشنطة دى بطريقتى
كريم:جدعة قربيلى.
ريم راحت فاكة الاسكارڤ بتاعتها من على رقبتها وراحت لفة إيديه الاتنين فى ثوانى وزقاه على الأرض وواخدة الشنطة كل ده فى حركة سريعة جدا وجه يقوم تانى راحت عطياه بالبوكس فى وشه كل ده واللى موجودين كلهم بيضحكوا عليه والمشكلة كل ما ييجى يقوم من مكانه ريم تبرقله يروح راجع تانى😂
ريم فتحت الشنطة وهى مستغربة ومبرقة لقتها مليانة أكل وعصير راحت بصاله بعدها بعضب وعصبية وكريم قصادها مبوز.
ريم:بقى يا حيوان مستقرناش ليه على نوع معاك كل الأكل ده وساكت.
كريم: الله ما انتى هتاكليه كله في بق واحد.
وفاء:ده هيحصل فعلا 😂
فريدة:قلبك أبيض بقى يا ريم ما الأكل فى إيدك أهو.
ريم:لا يا فيرى مش شايفاه العجل الاندونيسي ده كان هياكله كله لواحده.
أحمد:ما خلاص بقى يا ريم كفاية الخطف والقرف اللى إحنا فيه.
ريم:اسكت انت خالص دا انت حسابك أتقل منه.
أحمد:ليه عملت إيه إن شاءالله.
سيف لأحمد: وكمان بتسأل عشان البيتزا اللى انت مجبتهالهاش وإحنا مخطوفين طبعا.
أحمد:بقولك ايه يا تقول كلمة عدلة يا متنطقش.
ريم:لا سيبه هو عنده حق.
عمر:بيقولك مخطوفين انتى عقلك ده فين
لينا:فى كرشها يا عمر ودا واضح.
ريم:متخلنيش آجى أقرمك من ودانك يا بت انتى كله إلا الهزار فى أكلى.
كريم:أكلك إيه يا ماما الأكل ده بتاعى ولو جيتى جمبه هشويكى على الفحم.
ريم:فكر بس تقرب من الشنطة دى هكون مقطعاك وعملاك بوفتيك.
مى:طب ما تقسموه ما ب......
كريم وريم:لا
مى: خلاص خلاص ده كان مجرد اقتراح.
شذا: وبعدين بقى يا ريم هو انتى جعانة للدرجادى.
ريم بصوت عالى:دا أنا بموت يا شيخة انتى عارفة أنا بقالى كام يوم مكلتش بيتزا.
شذا:أنا غلطانة إنى اتنيلت سألت.
ليلى: طيب إديله سندوتش واحد بس.
وفاء:انسى مش هتديلوا.
سامى:لا هى ممكن تديله يا ماما بس ساعتها هتديله فى كرشه.
على:ما تحضرنا يا آسر كده.
آسر:طيب.....ريم هانى الشنطة دى.
ريم مخبئة الشنطة:لا عدى على جثتى الأول وبعدين خدها.
آسر:متخلنيش أضايق منك وأزعلك لامؤاخذة يا أحمد.
أحمد: لامؤاخذتك معاك يا حبيبي استمر.
ريم ناظرة لأحمد:وكمان بتشجعه.
أحمد: أيوة.
على:وكلنا كمان بنشجعه.
ريم وهى ترجع للوراء:خونة.
آسر:انجزى بقى قبل ما أعلقك انتى والشنطة فى الحديدة اللى هناك دى.
ريم: والله لو علقتنى فى السقف مش هديهالك.
آسر:تمام........أحمد شوف شغلك عشان أنا مش هينفع أمد إيدى.
أحمد ضاحكا:ماشى 😂
أحمد راح شايل ريم وعلقها من هدومها فى الحديدة وهى عمالة تهز رجليها وتزعق وراح شادد منها الشنطة وكلهم أعدوا يضحكوا عليها.
ريم:كده.... والله ما سايباكوا حد ينزلنى من هنا.
مى:أبدا خليكى كده متعلقة يا طفسة محدش هيسأل فيكى.
ريم:منكوا لله يا بعده بقى أنا يتعمل فيا كده.
شذا: ههههههههه ههههههههه 😂 هموت مش قادرة.
ريم:إلهى أشوفك يا شذا متعلقة تعليقتى انتى وسامى.
سامى:وأنا فتحت بقى دلوقتى بتجيبى سيرتى ليه.
ريم:اسكت مش عاوزة أسمع صوتك.
سامى:طيب هسيبك أنا بقى وأشوف الأكل اللى بيوزعوه ده.
ريم:يا ظلمة يا واكلين حق الغلابة.
ليلى:بتدعى عليا معاهم يا ريم وأنا بحبك.
ريم:حبك برص ويكون أحول مشفتكيش بدافعى عنى يعنى.
ليلى ضاحكة:برص أحول ههههههههه 😂 انتى بتجيبى الكلام ده منين.
عمر: ههههههههه 😂 آسر يالهوى دى بتخبط فى الحلل 😂😂😂
على بغمزة:آخد بالك انت برص أحول.
ليلى بكسوف:هو فيه إيه...بط...بطلوا ضحك ونزلوا البنت.
ريم للينا:قربى يا بت يا لولو عاوزاكى.
لينا:أيوة قولى
ريم:هو أنا شكلى خبطت فى الحلل مع آسر وليلى ولا إيه.
لينا بضحك:اه 😂
مى مقتربة منهم:انتوا بتقولوا إيه
ريم:استنى أما أنده لشذا.....شوشو تعالى يا أختى.
شذا وهى تقلب فى الطعام:عاوزة ايه وانتى متشعلقة كده.
ريم:تعالى بس وسيبى أكلى ياما.
شذا:جينا عاوزة إيه.
مى:هو إيه النظام مع آسر وليلى.
شذا: والله أنا شاكة إن آسر معجب بليلى.
مى:طيب وليلى
لينا: أكيد معجبة بيه منتوش شايفين بيبصوا لبعض إزاى كإنهم بيسرقوا.
شذا: والله أنا كنت شاكة فيهم.
لينا بلؤم:أنا كمان شاكة بس شاكة فى غيرهم.
شذا:قصدك ايه
ريم:اللى على راسها بطحة تحسس عليها.
مى:أيوة اعترفى يا شذا.
شذا:أعترف بإيه انتوا اتجننتوا ده عمر أخويا ده غير إنه خاطب.
ريم:عينى عليكى يا بنتى متقلقيش نطلع من هنا وهنطفشها.
شذا بحزن طفيف:تطفشى مين يا عمري على فكرة هو بيحبها وهى كمان بتحبه جدا ربنا يوفقهم مع بعض.
مى:ولا تزعلى نفسك دا انتى ضافرك برقابته.
شذا بضحكة:يا بنتى أنا مش زعلانة أنا مش بطيقه أصلا وما هصدق يتجوز علشان أخلص منه.
لينا: ههههههههه ههههههههه 😂
فريدة:انتوا مجتمعين حوالين البت المتعلقة دى ليه.
لينا:بنواسيها يا طنط ههههههههه 😂
ريم:كده بتواسينى ولا بتتريقى عليا يا محترمة.
لينا: بصراحة بتريق ههههههههه 😂
فريدة:طيب يلا يا بنات تعالوا كلوا حاجة قبل ما كريم يخلص الأكل.
كريم:سيبينى فى حالى يا فيرى أنا داخل على اكتئاب وبفش غلى فى الأكل.
فريدة:عينى يا كبد أمك وجالك اكتئاب من إيه وانت زى الضربة أهو.
كريم:منتيش شايفة يا فيرى الأكل اتقسم علينا كلنا بدل ما أكله لوحدى بزمتك يجيلى اكتئاب ولا ميجليش.
وفاء: والله انت فقعتهالنا
كريم:هى إيه دى يا فوفة
وفاء:المرارة يا حبيبي.
كريم: ربنا يشفيكوا وبعدين ما انتوا حلوين أهو وزى الفل وأكلتوا كل واحد ساندوتش ونص عاوزين إيه أكتر من كده.
وفاء:انت بتعد علينا ياض.
كريم:لا يا فوفة دا احنا بنهزروا معاكى.
على:لو مبطلتش كلام هنريحوك زى ما ريحنا ريم كده.
ريم:انت قاعد تهزر يا بيهم منك ليه وسايبنى كده.
أحمد: يا حبيبتي يا ريم مكنش يومك يا أختى.
سيف: يا صغيرة على البهدلة يا ريم.
عمر: يا صغيرة على الهم يا ريم.
سامى:شوفتى عشان تقعدى تقوليلى يا رب أشوفك متعلق أديكى انتى اللى متعلقة أهو.
ريم:انتوا بتتريقوا عليا وفرحانين فيا يا شوية شباشب يا شوية عرر يا شوية جاموس استرالى
ليلى: خلاص بقى نزلوها يا جماعه 😂
ريم:يسترك فى بيت العدل يا حبة عينى.
ليلى:كله إلا الدعوة دى.
ريم ناظرة لآسر: خلاص يستر اللى فى بالى فى بيت العدل يا رب لو نزلنى من هنا.
آسر مبتسما: خلاص نزلها يا أحمد صعبت عليا.
أحمد:صعبت عليك برده ولا الدعوة جت على هواك ههههههههه 😂
آسر مبتسما وناظرا لليلى: لا الدعوة جت على هوايا أصلى نفسى أتجوز وأستقر وأجيب آسر صغنتوت كده لفوفة وفيرى يلعبوا بيه.
ليلى بكسوف شديد مبتعدة عنهم: يا شذا ت...تع..تعالى هقولك حاجه على جنب.
سيف مقتربا من آسر:إيه يا عم بطل تكسفها بقى.
عمر مقتربا:أيوة لم نفسك دى أختى برده.
سيف:يا عم عمر اسكت هو بيثبتها ده هيتجوزها إشحال ما خطبها منك وإحنا مخطوفين.
آسر:أيوة قوله يا سيف.
عمر:بس برده معتش تكسفها كده البنت معناش هنعرف لون وشها من لون البنجر.
سيف:حصل 😂
آسر:حاضر بس هى اللى حلوة أوى أعملها إيه.
عمر:لاحظ إنك بتعاكس أختى قدامى وأنا ساكتلك المرة الجاية همد إيدى.
سيف لآسر:حقه
آسر مبتسما:حقك عليا يا أبو نسب.
عمر ضاحكا: ههههههههه 😂 ماشى يا سيدى سماح.
أحمد راح نزل ريم وأول ما نزلها راحت عطياله بوكس فى بطنه نام على الأرض.
أحمد متوجعا:,اه...اه
مى:ليه كده يا مفترية عملك إيه الغلبان بس.
ريم:عمل عمايل كحلى فى اسود وسايبنى متعلقة من ساعتها.
أحمد واقفا:طب والله انتى خسارة الواحد يفكر فيكى أصلا دا أنا كنت عاينلك ساندوتش وكيس عصير من ورا كريم بس انتى متستاهليهوش.
ريم محتضنة إياه:يا حبيبي يا أحمد يا نور عيني يا حياتى كلها بحبك بحبك بحبك بحبك بقى جايبلى ساندوتش وعصير كمان دا انت مفيش منك حبيتك بالصيف حبيتك بالشتا لالا لا لا لا
أحمد ضاحكا: ههههههههه 😂 كل ده اه يا مصلحجية يا بتاعة كرشك.
ريم:بس بتحبنى برده مش كده.
أحمد:للأسف اه بس متغنيش تانى.
ريم:بس كده من عنيا دا انت جايبلى أكل وشرب ومدلعنى وسارق من كريم الأكل مجهود برده يحترم.
كريم:اه يا حرامى وانت فاكر انى مكنتش هعرف يعنى دا أنا عامل جرد للأكل يا حبيبي وعددهم ساندوتش ساندوتش.
عمر:أعوذ بالله منك يا أخى.
كريم:انت تسكت خالص دا انت واكل يجى تلات ساندويتشات لحد دلوقتي.
عمر:أرجعهم يعنى ولا أعمل إيه.
فريدة: معلش يا كريم اعتبرهم زكاة عن صحتك.
كريم:أيوة الواحد برده بيعمل خير لأخرته.
سامى: بالظبط كده عشانها شكلها قربت أوى بالنسبالنا.
لينا:يييييه حرام عليك بقى.
وفاء وهى تمسك حذائها:اكتم بقى مسمعش صوت أمك تانى.
سامى:مهو انتى كده بت.....
وفاء:قولتلك ولا نفس بدل ما أكسرك وأخلى كريم يجبسك.
سامى:ليه كده بس يا أم على.
كريم:يا ترى أم على بالعسل ولا بالسكر.
ريم:ولا بالمكسرات.
على: ده مفيش فايده العيلة كلها لسعت.
آسر: خلاص يا فوفة سيبيه عشان خاطرى
وفاء: عشان خاطرك بس يا آسر غير كده كنت تاويته جمب الجثة اللى هناك دى
شذا:قصدك ماهر يا طنط ده فاتوا خلاص روحوا طلعت.
فريدة: طيب ما حد يهزه كده يشوف فيه النفس بجد ولا مات.
سيف:هروح أنا أشوف فيه إيه.
سيف قرب من ماهر اللى نايم على الأرض واللى كانت دماغه ملفوفة بالشاش ورجله اليمين متجبسة وإيده الشمال كمان وقعد ينادى عليه.
سيف:ماهر.....ماهر.....ماهر
ماهر بألم:أيوة بتناديلى ليه يا عم انت.
ريم: ما تكلم باحترام يا بغل انت
مى:الحق علينا بنشوف انت عايش ولا ميت
ماهر:,مش عاوز حاجه من حد وخصوصا انتم.
آسر:عجبك اللى وصلتله ده بعد ما كنت ظابط محترم.
ماهر:بقولك ايه انت بالذات متكلمنيش ولولا اللى انت عملته فيا كان فاتنى لسه المحترم اللى بتقول عليه ده وعلى فكرة لو رجع بيا الزمن تانى هعمل نفس اللى عملته فيك.
آسر: عشانك بنى آدم أنانى وفاسد ومتحبش إلا مصلحتك.
ماهر:روح اتشطر على اللى خانتك.
عمر دمه اتحرق وراح عشان يضرب ماهر لكن آسر وقفه وشذا على جمب محروجة جدا من آسر وعمر ودموعا مالية عينيها
آسر موقفا عمر: خلاص يا عمر متوسخش إيدك بكلب زيه.
عمر:أبدا لازم أعلمه الأدب عشان ميجبش سيرتها تانى.
ماهر ببسمة مستفزة: طبعا انت دمك اتحرق عشان قولت الحقيقة حقك بصراحة ههههههههه
عمر لاكما إياه:يا حقير يا قذر شذا دى أشرف منك ومن ألف واحد زيك.
ماهر متوجعا:انت اللى حقير أنا حبيتها بس هى راحتله هو عشان شغله ونجاحه وفلوسه دى كلبة فلوس.
عمر بعد الكلمتين دول فضل يضرب في ماهر لغاية أما خلاه يغمى عليه من كتر الضرب كل ده وشذا محرجة وبتعيط بحرقة ومغطية وشها مش قادره تبص فى وش أى حد فيهم بس للأسف اللى متعرفوش إنها كانت صعبانة عليهم كلهم.
عمر بغضب:وانتى بتعيطى ليه شيلى إيديك عن وشك وبصيلى.
شذا ببكاء:لا يا عمر أنا بنى آدمة مش كويسة أنا مستحقش أكون وسطكوا.
آسر:شذا سيبك من كلام ماهر الحيوان ده إحنا كلنا عارفين إنه استغلك الفترة اللى فاتت عشان يوصلى مش أكتر.
عمر ممسكا بيدها:بصيلى هنا أنا لو شفت دمعة واحدة نازلة من عنيكى وأنا عايش على وش الأرض هزعلك فاهمة.
شذا:بس انت عندك حق يا عمر تكرهنى وانتوا كلكوا كمان عشان أنا السبب في كل اللى بيحصلنا ده.
عمر: غباء منك لو بتفكرى كده ده كله بقدر من عند ربنا.
على:عمر عنده حق ده كده كده كان هيحصل سواء بيكى أو من غيرك.
شذا ببكاء:أتمنى انكوا تسامحونى لإنى لحد دلوقتي مش قادرة أسامح نفسى خصوصا آسر وعمر عشان أنا بهدلتكوا معايا كتير.
آسر:مسامحك والله يا شذا وبعدين كلنا بنغلط متحمليش نفسك فوق طاقتها.
عمر:وأنا مش مسامحك إلا لما تبطلى عييط وترجعى تضحكى تانى وإلا هديكى بوكس يخليكى صابونة لوكس.
شذا:تدى لمين بوكس يا بابا.
ليلى:تمام كده رجعت شذا تانى ههههههههه 😂
لينا:حمد الله على السلامة يا أوختشى 😂
شذا: طبعا أومال فاكرنى هسكتله.
عمر:أنا اللى عملت فى نفسى كده.
وفاء:طيب بقولكم إيه احنا تعبنا كلنا النهاردة يلا ننام أحسن وبكرة ربنا يحلها.
سامى: إن شاءالله او ممكن يخطفونا على مكان تانى محدش عارف.
ليلى:أو ممكن يقتلوك ويريحونا برده
سيف:كلام سليم برده بس تفتكروا هما بيدروا علينا.
فريدة:أكيد يا حبيبي طبعا ده تلاقى ماجدة يا عينى أول ما سمعت اسم كمال اترعبت أكيد هما هيتصرفوا وهتلاقيهم فى أى وقت داخلين علينا هنا.
ليلى:عندك حق يا طنط وخصوصا إن البوليس معاهم بره
ريم:أومال هما مستنين إيه
آسر: أكيد مش هيقتحموا كده على طول خصوصا إن الدنيا هنا مش تمام لازم يعملوا حسابهم إنهم يحافظوا على حياتنا وهما بينقذونا
لينا:طيب نرتاحلنا بقى شوية زى ما طنط قالت
سامى:عندك حق ارتاحوا يا جماعة محناش عارفين إيه اللى ممكن يحصل بعد كده.
كل واحد فيهم بصيلوا بيأس لإنه عمره ما هيبطل الداء اللى فيه ده وكلهم راحوا يناموا ويرتاحوا من التعب.