إلحقونا إحنا مخطوفين 🏃😅

هولاكو وذات الشعر الأحمر 🤭

صباح يوم جديد على أبطالنا:
فى بيت ليلى:
ليلى صحت بدرى ووقفت فى المطبخ تعمل فطار وراحت صحت عمر عشان يفطر معاها عمر اتوضى وصلى ووقف جمب ليلى يتكلموا وهى بتحضر الفطار.
ليلى مناولة إياه المشروب: صباح الخير يا عمر.
عمر:صباح النور يا لولو.
ليلى:رجعت إمبارح متأخر يعنى ودى مش عادتك
عمر:ولا حاجة أنا قولت أسهر شوية مع مازن وأتفسح حبة كده.
ليلى:إيه مصر كانت وحشاك
عمر:هتصدقينى لو قولتلك أيوة تعرفى أحلى حاجة فيها إيه
ليلى مبتسمة:إيه
عمر:أهلها والدفى اللى فيها والنيل والشوارع وكل حاجة تقريبا.
ليلى:سيدى يا سيدى ههههههههه 😂 مكنتش اعرف إن مصر كانت وحشاك أوى كده.
عمر:مهو عشان كده قررت أستقر هنا أما أتجوز أنا ونور.
ليلى:اه انت ونور
عمر:مالك وشك قلب كده ليه أما جبت سيرة نور
ليلى:انت عارف إنى مش بلعاها بس هعديها عشان خاطرك
عمر:اصيلة يا لولو والله 😂 طب وانتى بقى هترجعى ولا هتعدى هنا.
ليلى:لسه مش عارفة والله يا عمر أما تستقر كده وأطمن عليك ساعتها ممكن أرجع تانى عشان خاطر شذا.....إيه شذا نسينا البنت جوه دى من إمبارح مأكلتش ولا شربت
عمر:أوبس نسيت خالص طب افتحى كده أما نشوف حصلها إيه.
ليلى:المفتاح معاك يا أذكى إخواتك
عمر:مش وقت تريقة على فكرة
عمر جرى بسرعه هو وليلى على أوضة شذا وعمر فتح الباب وياريته ما فتح.
لقى شذا لابسة سولبتة چينز وعاملة شعرها كحكة وشوية شعر حلوين من العسلى بتاعها ده نازل على وشها بعشوائية وقعدة على الأرض وحواليها خشبة كبيرة وسيلف ديفينس من اللى بيكهرب وشوية كور وألوان ماية ومأشاة بلح وقعدة وسط الحاجات دى بكل براءة 😂
ليلى:إيه ده يا شذا إيه اللى مقعدك كده وإيه الحاجات دى.
شذا واقفة:أخرجى انتى والبأف ده بره عشان متهورش عليكى انتى وهو بالحاجات اللى معايا دى
ليلى بتهز عمر عشان يرد على شذا وهو بس مسهم فى جمالها وباصص لشفايفها ومش معانا هنا خالص.
ليلى:انت يا بأف مش ترد انت وأختك اللى هى أنا إحنا بنتهزق.
عمر:ها
شذا:ها إيه بره يا عمر انت وليلى سامعنى
ليلى: احترمى نفسك ياشذا وانت اعمل حاجة يا عم عمر
عمر: ها...اه طبعا إيه اللى انتى بتعمليه ده سيبى الحاجات دي من إيديك وبطلى شغل العيال ده
شذا:أنا لسه مورتكوش شغل العيال على فكرة وهطلع وهمشى من هنا يعنى همشى سامعين.
عمر:متخلنيش أمد إيدى عليكى يا شذا.
شذا ممسكة بالألوان:جدع قربلى
عمر وليلى فعلا قربولها وهى راحت رامية الألوان فى وشهم وحاولت تكهرب عمر بالسيلف ديفينس بس معرفتش لإنه أخدها ورماها راحت جايبة المأشاة البلح وواقفة على السرير وهما على الأرض حوالين السرير وعمالة تضربهم وهما مش عارفين يعملولها حاجة 😂
شذا ضاربة عمر:بقى كده تحبسونى ومتسألوش إذا كنت عايشة ولا ميتة
عمر متوجعا:اه..وطلعتى عايشة وزى الضربة أهو عاوزة إيه بقى
شذا ضاربة ليلى:عاوزاك تتربى انت وأختك دا أنا لو عايشة مع كفار قريش مكنوش عملوا فيا كده
ليلى:اه اه حقك علينا يا ستى آسفين.
شذا ضاربة ليلى:بعد إيه يا كلبة انتى وأخوكى دا انتوا لو يهود كنتوا هتعاملونى أحسن من كده
ليلى:اه انتى عمالة تضربينى ليه وسايبة عمر
شذا:عمر دا يستاهل ضرب النار مش ضرب المأشاة
عمر: كفاية بقى يا ولية انتى
شذا قاذفة فى وجهه الكرات: أبدا أبدا أبدا.
راح عمر ماسك إيدها الاتنين وحاططهم ورا ضهرها وزعق لليلى عشان تطلع برا وتسيبهم.
عمر:اطلعى بره دلوقتى يا ليلى عشان أشوف شغلى مع الهانم
ليلى:براحة يا عمر إهدى
شذا محاولة الفرار منه:سيبيه يا ليلى هو فاكرنى خايفة منه ولا حاجة.
عمر:بكرة تخافى يا بنت عمى.
شذا:بقولك ايه بلا بكرة بلا بعده أنا مباكلش من الكلام ده.
عمر ناظرا لشذا بغضب ومحدثا ليلى:اطلعى دلوقتى بره يا ليلى واقفلى الباب.
ليلى: خلاص خلاص أنا ماشية بس إهدى براحة عليها.
شذا:اه يا كلبة يا عجلة ماشى يا ليلى أما أخلص منه هجيلك
ليلى مستنتش وطلعت بره على طول وقفلت الباب بس مكنتش خايفة على شذا عشان عارفة إن عمر مستحيل يأذيها.
عمر ثبت شذا على الحيطة وقرب جدا لوشها وبص لعنيها بتركيز ساعتها هى اتوترت أوى ومبقتش قادرة تعمل حاجة من التوتر وابتدا هو يستوعب الوضع اللى هما فيه بدأ يسرح فى عنيها أكتر وهى قلبها بيدق كإنه هيطلع من مكانه.
ولما شذا حست انها بتحس بحاجات غريبة مينفعش تحسها خصوصا ناحية عمر راحت زقاه عشان يطلع بره.
شذا بعصبية وتوتر: إيه اللى انت بتهببه ده أنا.....أنا مش.. بقولك ايه أنا طالعة أفطر ومتكلمنيش لغاية آخر اليوم سامع.
عمر مربعا يديه:إهدى كده مالك
شذا:ها ولا حاجة أنا هادية أهو
عمر بخبث:يا سلام أومال قلبك كان هيطلع من مكانه ليه.
شذا بتفاجأ:قلبى....انت مالك ومال قلبى
عمر بخبث:هتعرفى بعدين
شذا:استنى هنا أنا مش فاهمة انت غريب ليه كده النهاردة انت اتجننت.
عمر مشاورا بيديه:لا بس تقدرى تقولى عقلت
شذا بعصبية وارتباك:بص بقى تعقل تتجنن ميهمنيش المهم تبعد عني وخلاص.
عمر مقتربا منها: أنا مش هسيبك يا شذا وغصبن عنك سامعانى
شذا زقته وبعدت عنه بارتباك واضح وطلعت بره الأوضة وهى عمالة تشتمه مرة تقول حمار ومرة تقول بغل ومرة تقول متخلف وهو كل ده سامعها وقاعد يضحك ودماغه شغالة فى حاجة تانية خالص بيخططلها 😂
............................................................................................................
فى القصر الكبير عند البوص تحديدا في المخزن اللى موجودين فيه الأبطال الباب اتفتح عليهم وجم شوية الحرس بتوع كمال (البوص)وحطوهم قدامه فى الريسبشن.
مى بتوتر:هو انتوا هتعملوا فينا إيه تانى
كمال: متخافيش أوى كده شوية حاجات بسيطة كده لزوم الشغل
أحمد بجدية:حاجات إيه قسما بالله اللى هيمد إيده على حد مننا لهكون مطلع روحه في إيدى
كمال ضاحكا بشر: ههههههههه إهدى على نفسك كده يا معلم صحيح اللى خلف مامتش.
أحمد:قصدك ايه إوعى يكون فيه حاجة ليها علاقة بوالدى.
كمال بهدوء:هتعرف بعدين كل حاجة متستعجلش
ريم:أنا زهقت من اللى جابوكوا متخلص بقى يا عم عاوز من أمنا إيه
سامى:أيوة إخلص شوف هتموتنا رميا بالرصاص ولا شنقا ولا هتزقلنا بالطوب ولا هتعمل ايه
سيف:منك لله يا سامى إلهى يارب أشوفك مشنوق ومعدوم ومحروق كمان علشان نخلص منك ونرتاح من شؤمك.
لينا: سيبه يا سيف حسابه معايا بس لما نخرج من هنا.
سامى بنبرة باكية:يا حزنى يانى ياما انت عارف يا سيف وانت يا عمو باللى خاطفنا أهو اللى انت هتعملوا معانا وشوية الشنق والحرق بتوع سيف دول ميجوش حاجة جمب اللى هتعمله فيا المفترية دى.
كمال:متخافش مش هيعملوا معاك حاجة عشان انتوا مش هتطلعوا من هنا أصلا.
ريم بعصبية مضحكة:يا فرحة أمك بيك يا أخويا.
كمال بهدوء:أنا مش هرد عليكى عشان انتوا صعبانين عليا من اللى هتشوفوه والله.
لينا:ما تنجز بقى شكلك بتاع كلام وبس.
أحمد: الله يخربيتك انتى وجوزك البومة ده انتى عايزاه يعلقنا.
سامى مفتخرا:مراتى حبيبتى يا ناس.
مى:منكوا لله هتموتونا انتوا الاتنين بدرى بدرى
ريم:مفتخر بيها على إيه يا موكوس
أحمد: صحيح ما جمع إلا ما وفق.
كمال بغموض:شبه مامتك أوى يا ريم
ريم باستغراب:مامى انت تعرفها
أحمد:انت تعرف عن طنط وعن بابا إيه انطق
سيف:أيوة قولنا إيه علاقتك بيهم وتعرفهم منين
سامى:والأهم من ده كله خاطفنا ليه وعاوز مننا إيه.
كمال بحزم:كل حاجة هتعرفوها فى وقتها.
ريم:يا عم بقى أبوس إيدك كفاية ساسسبنس وبلاش جو المحقق كونان ده.
كمال بغموض:حتى كمان روحك حلوة زيها
ريم باستغراب:زى مين
كمال بجدية للحراس متجاهلا ريم:هاتوهم ورايا فى الجناح الشرقي.
سامى بتعب:يا عم خلص بقى وموتنا أحسن.
سيف وهو في يد الحارس راكلا سامى: انت بتجمع ليه انت مالك بينا يا عم.
أحمد بضيق:أيوة استغفر الله العظيم إلهى يشعلقوك يا شيخ وما تعرف تنزل.
سامى:كل ده عشان بقول الحقيقة.
مى وهى فى يد الحارس: حقيقة إيه يا هباب البرك
ريم:بعد إذن عمو الحارس
الحارس بضجر:أيوة
ريم:أنا خلاص هستقيل من الخطف ده مش مكملة يا أنا يا الواد ده فى الخطف.
أحمد:معلش يا عم الحارس انت معلش امسحها فينا عيلة وغلطت.......احنا في إيديهم يا بهيمة.
لينا: وبعدين ايه هتستقيلى إيه هو انتى فاكرة نفسك فى شركة إحنا مخطوفين منك لله انتى وسامى حسبى الله فيكم
سامى:سيبونى فى حالى بقى مش كفاية أنا مخطوف.
الحارس:وانت فاكر نفسك مخطوف لوحدك 🙂
مى:الحارس نطق اللى خاطفنا نطق ارحم أمنا بقى دا كانت شورة سودا على دماغك
لينا:ممكن أقول حاجة.
سيف:قولى يا أختى ابهرينا
لينا:وعد يا ولاد لو طلعنا من هنا هعمل ليلة كبيرة لأهل الله وهدبح سامى وأوزعه على البلد كلها زكاة عن صحتنا.
ريم بزغروطة: لولولولولولولىىىىىىىىىى 🥳
أحمد:والله تبقى عملتى خير فى نفسك وفينا وفى البشرية كلها.
سامى:إحم إحم أنا موجود وسامع على فكرة.
مى:حد سامع حاجه يا ولاد فى صوت صرصور الحقل كده.
سيف:متاخديش فى بالك دا كان برص معدى على الحيط.
ريم:طب استنوا هزغرط كمان مرة لولولولولولولىىىىىىىىىى 🥳
سامى:هى حنة خالتك وأنا معرفش إيه الهم ده.
الحارس اللذى يمسك ريم: كفاية صدعتوا اللى جابونى.
ريم بجدية مضحكة:جرا إيه يا عم انت مش كفاية خاطفنا عاوز إيه تانى.
الحارس اللذى يمسك مى: والله دا لولا الباشا موصى إننا منلمسكوش كنا دفناكوا هنا وقتى.
لينا:صلى على النبي فى قلبك كده يا برنس..بت يا ريم إديها كمان زغروطه عشان نكيد العزال
سيف ضاحكا بصخب: ههههههههه ههههههههه 😂 قصدك الحراس يا أوختشى 😂😂
ريم:عونيا لولولولولولولىىىىىىىىىى 🥳🥳 وإدحرج وإجرى.
الكل ضاحكين بصخب: يا رومان 😂
الحارس:هو انتوا طالعين القناطر
سامى:وانت مالك إيه القرف ده
الحارس:ماشى...طب قدامى بقى
نظر له الجميع بسخط وتقدموا لكن من هول الصدمة الكل فتح بقه وبلم(حتة عامية كده على حتة فصحى بقى معلش اقرأوا وانتوا ساكتين يا ولاد 😂)
.............................................................................................................
نيجى بقى فى الڤيلا عند أيمن الكل مجتمعين كالعادة حوالين السفرة:
أيمن:ها يا آسر عاوزين نتحرك كده
آسر:إن شاءالله النهاردة يا عمى وأول حاجة هنبدأ منها من عند شذا.
صلاح:طيب انتوا عرفتوا هى ساكنة فين أصل انتوا قلتوا إنها غيرت عنوانها مش كده.
كريم: الحمدلله لقينا عنوانها يا عمى بعد ما طلع عينا.
على:قصدك أنا اللى طلع عينى فى الش....
كريم مكمما فم كريم:هو قصده يعنى يا عمى إن إحنا كلنا بذلنا مجهود كبير مش كده.....مش كده يا آسر
آسر:إحم إحم اه طبعا
ساره بعدم تصديق: والله
على:اه والله مش مصدقة ولا إيه
سارة بعدم اهتمام وشك:مش هصدق ليه وبعدين هو انتوا كنتوا بتعملوا حاجة غلط يعنى
على بارتباك وهو ينظر لصلاح: أكيد لأ يعنى.
كريم وهو يرفع إصبعه👍 لعلى:شاطر يا على استمر
على بغمزة:انكار حد الموت
كريم بغمزة أيضا:حد الموت يا صاحبي.
آسر ناظرا لهم بصرامة: إحم...اصبروا عليا بس.
صلاح بشك:هو فيه حاجة يا آسر.
آسر:لأ يا عمى المهم الحمدلله إننا وصلنا لعنوانها بس سألنا لقينا عليه حراس وقطعا عشان إحنا عاوزينها تدلنا على مكان الولاد أو اللى تعرفوا عنهم لإنى دلوقتى بقيت متأكد مية فى المية إن ليها علاقة بماهر أكيد بعد كل ده مش هترضى تقابلنا أصلا.
محمد:وانتوا بقى قررتوا تعملوا إيه عشان تقابلوها.
كريم:إيه رأيكوا نخطف ليلى بنت عمها.
على واضعا يديه الاثنين على وجهه:ارحمنى يارب أول مرة أشوف حد أغبى منى.
سارة:ثانية واحدة هنادى على رهف عشان تظبطه.
كريم: خلاص خلاص اقعدى دا كان مجرد اقتراح وأنا سحبته
محمد ضاحكا:أيوة كده اتعدل
توفيق: أنا ساكت من ساعتها عشان بشوف الاقتراحات بس أكتر من كده مش هقدر.
كريم مدندنا: طال غيابه عليا وكتر أكتر من كده مش هقدر.
على مشاركا إياه:ولما آجى أقوله أقابلك بي........
توفيق بعدم تصديق: والله
على لكريم بارتباك: خلاص بقى يا كريم كفاية كل شوية ت...ت..تغنى مش كده يا أخى ضيعت وقتنا
فنظر لآسر وجده ينظر لهم بصرامة
على:كده عطلت آسر بيه عن أعماله
كريم:دا أنا لوحدى
على:أيوة أومال أنا....كده تعطل البيه عن أعماله.....اسكت بقولك (بصوت واطي الجملة الأخيرة)
أيمن:صدق بالله يا آسر انت عاوز عمل عن تخلص منهم.
سارة ضاحكة: ههههههههه عندك حق يا أونكل.
صلاح:أنا أقترح نقدملهم فى ذا فويس أنيمال.
توفيق ضاحكا:ميتهيقليش بياخدوا الأشكال الضالة دى ههههههههه 😂
على:نقوم يا جدعان ولا لسه مخلصتوش تهزيق
كريم ضاحكا على نفسه: ههههههههه ههههههههه 😂 لا اقعد يا عم دى لسه القاعدة هتحلو وهيعملوا علينا ميمز.
سارة ضاحكة بصوت عالى:دول مش بعيد نعمل عليكوا استكيرز كمان 😂
على برخامة لسارة:ها ها هاهاهاهاها
سارة:سم
على:مغيش أغلس ولا أسم منك بصراحة.
سارة:معندكش دم و.......
على: حافظ الباقى قولى غيرهم
سارة: انت جبلة ياض إيه ده.
على مدندنا:طب الله إلا الله الله الله الله الواد ده مين الواد مين الواد ده مين ده.
سارة مكتفة يديها:بارد
على:مش أبرد منك.
محمد:خلصتوا ولا لسه عشان نكمل ؟
سارة:منتاش شايفه يا بابى.
محمد خابطا يديه على السفرة: خلصنا خلاص مسمعش صوت حد فيكم
كريم:طب يا عمى..........
محمد:وانت كمان يا عرسة انت يا تقول حاجة عدلة عليها القيمة يا هندهلك مراتك تظبطك.
كريم: خلاص اتكتم..........
محمد بصوت عالى:ولا صوت.
كريم مفزوعا واضعا يديه على فمه: خلاص.
صلاح: ودلوقتي كملنا يا آسر هتقابلها بقى إزاى بعد كل ده.
آسر: والله يا عم............
كريم:أنا جاتلى فكرة
توفيق:اتفضل شلنا
أيمن:استنوا أقوم أجيب دوا الضغط.
آسر:مش دلوقتي يا عمى شوية كده علشان حضرتك متقومش مرتين.
سارة:وبالمرة نقوم كلنا سوا 😂
كريم بعدم اهتمام: هقول خطتى بقى المهم إحنا هنحتاج معانا في الخطة دى أربع أشخاص واحد يبقى معانا بالعربية بتاعتوا ودا لسببين ملهومش تالت أولا العربية بتاعتى بتتصلح وتانى حاجة عشان هيوصلنا طبعا
على:لا والله إيه المعلومات الفظيعة دى وبعدين 😂
كريم بقرف:ثالثا بقى عشان يبقى قاعد بيراقبنا من بعيد عشان لو حصل حاجه يلحقنا.
توفيق:هو مش كانوا حاجتين إيه ثالثا دى....بقولك ايه يا أيمن قوم هات الدوا أنا ضغطى على.
كريم:استنى يا عمى مش دلوقتي
آسر:يا راجل طب كمل با بلوة.
كريم متجاهلا إياه: ماشى المهم الشخصين التانيين هيدخلوا على الحراس وهيكلموهم بالذوق وهيحاولوا يدخلوا سواء بالذوق أو لأ.
أيمن:طب لو مفلحوش يا أذكى إخواتك.
كريم:هنا بقى ييجى دور الشخص الرابع وهو عنصر التشتيت.
سارة:عنصر تشتيت إيه هو انت فاكر نفسك فى مسلسل شارلوك هولمز.
آسر:ودول مين الأشخاص الأربعة دول.
على:استنى بس يا بس يا آسر دا بيقولك عنصر تشتيت المعلم.
كريم بجدية مضحكة:كفاية بقى كده والله ما هكمل 😂
محمد:كمل يا عم محدش هيقاطعك بس بقى يا ولاد 😂😂
كريم:ماشى هتنازل وأكمل
رهف من بعيد:هتتنازل يااااه ربنا معاكم يا جماعة والله 😂
على:أيوة ادعيلنا كده عشان نشوف البلاوى اللى إحنا فيها دى 😂
كريم لرهف: عاجبك كده وجوزك حبيبك بيتهزأ.
رهف ضاحكة: ما عاش ولا كان يا كيمو دول بيهزروا معاك.
كريم: قلبى يا ناس ❤️😂
سارة:وأنا اللى قولت هتظبطه جاية تحب فيه.
على بغمزة:أصل الحب جميل ولع فى الدرة يا ختى.
صلاح بعد ما شاف كسوف سارة:لم نفسك يا بغل بدل ما أعلقك.
على: خلاص خلاص كمل يا عم كريم.
كريم:تمام بصوا بقى آسر وعلى هما اللى هيرحوا للجاردات الاول وأنا هقعد اراقب فى العربية عشان لو حصل حاجه.
توفيق:اه عشان لو حصل حاجه تاخد العربية وتجرى
كريم:يا سلام عليك يا عمى هو ده بالظبط.
توفيق صافعا كريم على قفاه: لا والله وطينة عينى عينك كده 😂
كريم: خلاص بهزر يا عمى أهم حاجة هنا هى عنصر التشتيت ودى هتكون سارة
سارة:أنا انت أهبل أنا إيه اللى هيخلينى آجى معاكم أصلا.
كريم:انتى حولة ما أنا بقولك أهو عنصر تشتيت هتروحى انتى بقى وانتى متزوقة وآخر شياكة تلاغيهم وتشغليهم وتكلميهم لحد ما ندخل.
محمد:لا والله انت عاوز بنتى تروح تلاغى شباب وبتقولها كده كمان وأنا قاعد
كريم:مش أحسن ما أقولها من وراك يا عمى ؟
محمد:ولد احترم نفسك
كريم بجدية:مقصدش والله يا عمى الموضوع مش زى ما حضرتك فاكر.
محمد:انت لسه هتتكلم فى الموضوع أصلا هو ينفع اللى بتقوله دا يا كريم.
على بجدية وغيظ فى نفس الوقت: عندك حق يا عمى انت اتجننت يا كريم.
صلاح:مترضهاش لأختك يا كريم.
توفيق:طبعا ميرضهاش
أيمن:عندهم حق يا كريم
كريم بجدية وحزن طفيف:أنا بعتذر والله يا عمى كان قصدى أساعد أنا آسف سارة والله زى أختى وعمرى ما أرضالها حاجة وحشة أبدا.
على:ساكت ليه يا آسر
آسر:أنا عاوز عمى محمد وعمى صلاح وعمى توفيق وعمى أيمن وعاوزك انت كمان يا على
على جمب لو سمحتوا
كريم بحزن:طب وأنا
آسر مطبطبا على كتفه:استنانى شوية هنا معلش يا كيمو مع سارة أنا راجعلكم تانى.
بقيت سارة مع كريم
كريم:أنا آسف والله يا سارة مقصدش اللى عمى محمد فهموا.
سارة مبتسمة:أنا عارفة يا كريم والله إنك متقصدش وأنا صدقنى مش زعلانة منك
كريم:يعنى انتى موافقة على الخطة
سارة مبتسمة:أيوة موافقة وموافقة أعمل أى حاجة عشان أحمد أخويا وبقيتهم يرجعوا بالسلامة.
كريم:أنا والله كنت هبقى حواليكى أنا وعلى وآسر ومكناش هنسيبك لحظة
سارة:عارفة يا كريم والله منتاش محتاج تقولى انت وآسر أصلا إخواتى وبطمن بوجودكم زى أحمد ما كان موجود بالظبط.
كريم ضاحكا:طب وعلى
سارة:ماله على
كريم:مجبتيش سيرته يعنى فى لمة الاخوات دى
سارة مرجعة خصلاتها للوراء:اه وعلى طبعا
كريم:على فكرة على فى الفترة الأخيرة دى اتغير أوى فى حاجات كده شغلاه الأيام دى
سارة بخجل:تقصد إيه
كريم ضاحكا:مقصدش يا ستى يلا بقى نروح نشوف آسر بيقولهم إيه
سارة:يلا
وقف كريم وسارة على مقربة منهم وهم يتحدثون فى الحديقة الخلفية وكل شوية على وآسر يقعدوا يبصولهم ومحمد أبو سارة بيبص بعصبية تضحك لكريم وكريم رايح جاي متوتر.
كريم:تفتكرى بيقولوا إيه
سارة ضاحكة: معرفش والله إهدى بقى يا كريم
كريم:أهدى إيه دول شكلهم هيوأدونى.
سارة:لا متخفش مش هتوصل للدرجادى.
كريم:أعمل إيه بس يا ربى شايفة أبوكى بيبصلى إزاى.
سارة: ههههههههه 😂 متخافش بابى طيب ومش هيعملك حاجة.
كريم عاضضا على يده:يا خيبتى السودة يانى ياما
سارة:كفاية يا أوختشى متعمليش فى نفسك كده ههههههههه 😂
كريم:انتى شمتانة فيا كله منك يا شيخة ياريتنى ما جبت سيرتك فى الكلام.
سارة ضاحكة: ههههههههه متخفش بقولك إنشف شوية واستحمل نتيجة عمايلك 😂
كريم:طب اسكتى دول جايين علينا يالهوى يالهوى أنا هستخبى ورا الشجرة دى
سارة ضاحكة: ههههههههه ههههههههه 😂😂
المهم كلهم جم وقفوا مع سارة.
محمد:فين كريم يا سارة
سارة: والله يا بابى هو مشى معرفش راح فين
محمد:إزاى يعنى دا كان هنا دلوقتى
سارة:مش عارفة يا بابى مأخدتش بالى هو راح فين
آسر:تمام يمكن راح يشوف آسر ورهف ولا حاجة.
على بجدية:المهم دلوقتى عاوزين نقولك إننا استقرينا على تنفيذ خطة كريم
سارة بذهول:بجد
فجأة كريم طلعلهم من ورا الشجرة.
كريم بفرحه:بجد والله لولولولولولولىىىىىىىىىى 🥳🎉
سارة:انت بتزغرط على إيه يا مايل
توفيق: سيبيه أصله عقله بعافية حبتين
أيمن: ههههههههه أيوة المهم بقى إن على وآسر وكريم هيبقوا زى ضلك وهيحافظوا عليكى أهم حاجة تبقى واثقة فى نفسك ومتخافيش
سارة:إن شاءالله يا أونكل متخافوش عليا
صلاح:على يا سارة هيجبلك سماعة صغيرة كده عشان تتواصلى معاهم بيها
سارة:تمام يا أونكل
محمد:تخلى بالك على نفسك أنا قولتلك أهو
سارة: حاضر يا بابى متخفش بقى دا أنا بميت راجل.
على: ربنا يستر
سارة:هيستر إن شاءالله بس انت متنبرش فيها
كريم:يووه أنا ماشى دول هيبدأوا خناق تانى
كل واحد ساب سارة وعلى ومشيوا لإنهم زهقوا بجد من خناقهم اللى مبيخلصش ده 😂
محمد بقى نده لكريم على جمب.
محمد:تعالى يا كريم.
كريم:أيوة يا عمى
محمد:مش عاوزك تزعل منى انت ابنى ياض وانت عارف أنا بحبك قد إيه
كريم بابتسامة: عارف والله يا عمو محمد وبعدين أنا عمرى ما أزعل من حضرتك دا حضرتك عندى زى والدى الله يرحمه بالظبط.
محمد:حبيبى يا كيمو وبعدين باباك دا كان من أعز أصدقائى وانت عارف معزته قد إيه فى قلبى.
كريم:حبيب قلبي يا عمو محمد ومتقلقش على سارة والله هتكون بخير وأمان معانا إن شاءالله.
محمد:إن شاءالله يا بنى ولو إن أفكارك أفكار مجانين بس ماشى هنمشى وراك يا عم المرادى 😂
كريم بجدية مضحكة: متقلقش يا عمو هنشرفك
محمد ضاحكا:يا خوفى هههههههه ماشى يا كيمو 😂😂
المهم كلهم استعدوا فى الوقت ده عشان يروحوا لشذا.
...........................................................................................................
أما بقى عند كمال فى القصر الكبير:
المشهد كان كالآتى كانوا كلهم فاتحين بقهم من المشهد اللى قدامهم دى مجزرة مش حاجه عادية كان فيه تلات رجالة وتلات ستات وكلهم لابسين مريلة سودا وقدامهم أكياس دم وسكاكين أشكال وألوان وفرش وحاجات غريبة جدا والكل واقفين مش عارفين إيه الحاجات دى وإيه اللى ممكن يحصل فيهم.
مى بصوت باكى: هو إيه ده هو انتوا هتعملوا فينا إيه
لينا:إهدى يا مى إهدى يا حبيبتي ♥️
ريم لسامى:كنت مستعجل على موتنا أدينا هنموت بجد أهو ارتحت
سامى: لا رجعت فى كلامى خلاص
أحمد:بعد إيه يا أخويا
سيف:بعد ما هيعملوا مننا شاورما حسبى الله
سامى بفرحة:مش كنتوا من شوية عاوزين تدبحونى وتفرقونى على البلد كلها أدينا كلنا هنتدبح أهو.
لينا: وانت فرحان كده ليه
سامى مبتسما:أبدا والله
ريم:دا انت ناقص تتحزم وترقص
سامى: والله كان نفسي بس الوقت مش مناسب.
أحمد:يعنى ده كل اللى حايشك
سامى: أومال إ.........
سيف: بالله عليك تنكتم خالص أصل انت كل ما بتتكلم بتحصلنا بلوة شكل
مى مقتربة من سيف: أنا خايفة أوى يا سيف
سيف:إجمدى يا ميوش ومتخافيش من حاجة طول ما أنا معاكى.
مى بقوة نسبيا: حاضر مش هخاف من حاجة وأنا معاك
لينا:الحلوة اللى بتحب دى (مى) ممكن بعد إذنك انتى والبغل اللى معاكى تخليكوا معانا يمكن تكون دى آخر مرة نشوف فيها خلق بعض.
سيف: خلاص يا لينا بقى هيبقى انتى وجوزك.
أحمد:قصدك المغفور له بإذن الله سامى
سيف ضاحكا:أيوة
ريم لسامى:متبصلوش كده يا سامى مهما لو ممتش على إيديهم هنموتك إحنا وفى كل الحالات انت هتتكل على الله .
مى: أحسن برده والله دا هو اللى موترنى من أول ما اتخطفنا أكتر من الخطف نفسه.
كمال جاء إليهم من بعيد ووقف وسط الثلاثة رجال والثلاثة نساء.
كمال:كان بودى أخليكوا تكملوا كلامكم الجميل ده بس للأسف الشديد لازم نكمل شغلنا
مى:شغل إيه
كمال بهدوء:هقولكم بما إن انتم كارت كسبان فمش لازم أحرقوا أنا دلوقتى جايب الناس دى علشان هيعملوا في جسمكم شوية علامات بسيطة كده بالاسبيشيال ايفيكت وهنصوركم وهنبعت الصور دى لأهاليكوا كبداية كده عشان نحرق قلبهم عليكم.
أحمد بغضب:يا جبان
سامى:إزاى يجيلك قلب تلعب بمشاعر الناس كده
مى:أنا مامى لو شافت حاجة من دى هتروح فيها أرجوك بلاش تعمل كده.
سيف:أنا أمى لو افتكرت إنى موت أو اتعورت أو جرالى حاجة هطب ساكتة.....اه يا حيوان يا حقير
كمال بغضب إربطوهم وابدأوا شغل مش عاوز ولا غلطة
(اللى مفهمش يا جماعة الاسبيشيال إيفيكت دى يا جماعة حاجة كده زى الميكب اللى بيشتغلوا بيه فى الأفلام وبيطلعوا قدامنا اللى متعور واللى دماغه مفتوحة واللى متعور فى بطنه وبتبان كأنها حقيقة بالظبظ)
.........................................................................................................
نيجى بقى عند أيمن فى الڤيلا:
الكل قاعد مستنى سارة تخلص عشان يرحوا لشذا وفجأة تطلع سارة بشعرها البنى الطويل وبفستان لعند الركبة كت والفتحة بتاعته على شكلv صغيرة مبينة بس حتة من رقبتها اللى لابسة فيها سلسلة عليها حرفها وحاطة ميكب وردى ولابسة شوز رقيق جدا بكعب.
سارة:يلا عشان نلحق نروح
على متنح: يا دين النبى
سارة:آسر شوف البتاع اللى واقف جمبك ده وخليه يلم نفسه بدل ما أرقعه قلمين.
آسر:لم نفسك وبعدين أبوها قاعد قصادنا هناك أهو.
كريم:صح اتلم بدل ما نلمك ونسيبها عليك
سارة:بجد قليل الأدب.
على: يخربيت كده هو فيه كده يا جدعان
سارة بجدية: انت بجد قليل الأدب ما تلم نفسك يا ابنى
على ضاحكا:مش عارف
سارة:نعم
على:قصدى مش قادر.
سارة رفعت إيديها وإدته قلم محترم علم على وشه وسابته وطلعت بره عند العربية.
وفاء من بعيد: إيه اللى فرقع ده يا ولاد
كريم:مفيش حاجه يا طنط دا الجيران بيفرقعوا صواريخ
على: بصراحة هى صاروخ مفيش أجمد من كده
آسر:لم نفسك قولتلك ميت مرة وبعدين قولتلك أنا هنا مكان أخوها أحمد فاصطبح وقول يا صبح
على:إيه يا جدعان منتوش شايفين هى عاملة إزاى دى تتاكل أكل.
كريم:يبقى تحترم نفسك وتروح تطلبها من باباها مش تعد تبصبصلها زى العيال اللى فى ثانوى.
آسر:صح كده ومتقولش أنا بتسلى عشان واضح أوى إنك بتحبها وهتموت عليها.
على:هو أنا مفضوح أوى كده.
رهف وهى معدية:أوى بصراحة
آسر:شوف حتى رهف كمان عارفة دا مش بعيد البواب نفسه يكون عارف.
على:طيب بس أنا مش هقدر أشوفها بالفستان اللى محلية أمه ده وأسكت ولا إيه رأيكوا
ماجدة وهى معدية:يبقى هتتلطش النهاردة لغاية أما تستوى.
آسر:شايف قولتلك كلنا عارفين وطنط كلامها صح على فكرة.
وفاء وهى طالعة فوق:أنا من رأى تاخد معاك تلج هيبقى كويس أوى بعد الضرب اللى هتاكله منها.
نجلاء مخبطة على كتفه:اسمع كلام طنطك وفاء بنتى مفترية وأنا عرفاها.
فريدة متدخلة فى الحوار: والله ووقعت يا على
على:حيث كده توكلنا على الله.
طلعوا بره وركبوا العربية وآسر صمم إن على يقعد قدام وسارة وكريم ورا عشان على شكله كده مش هيجيبها البر.😂
............................................................................................................
وصلوا كلهم العنوان بتاع بيت ليلى ووقفوا العربية على أول الشارع
هما فى العربية:
آسر:ها فاكرين الخطة
على ناظرا لسارة:خطة إيه
آسر ضاربا إياه على قفاه: احترم ذاتك ياض وركز معايا هنا.
على ناظرا لسارة:ما أنا مركز معاك أهو يا عم
سارة:اللهم طولك ياروح
كريم: يا عم على مش وقت قلة أدبك أقسم بالله
على: خلاص خلاص كنتوا بتقولوا إيه بقى
آسر:كنت بقول عارف احنا هنعمل ايه ولا لأ
على:مش انت عارف
آسر بجمود:أيوة
على:طيب خلاص أنا كده اطمنت عليك
سارة:يا ابنى بطل غباء وركز بقى
على بنبرة لعوب:طب ما أنا مركز أهو
سارة:أوف يا ربى مش هنخلص النهاردة أنا عارفة.
آسر موجها كلامه لكريم: وانت يا بنى عارف إحنا هنعمل ايه ولا لأ.
كريم بغباء:فى إيه
آسر:فى مرارتى اللى هتتفقع منك انت والحيوان اللى ورا ده
سارة:ركز يا كريم بقى أبوس إيديك
على بغيرة:تبوسى مين
سارة صفعته بالقلم على وجهه صفعة خفيفة: انت واحد سافل أصلا.
على:ماشى يا سارة أما نروح بس حسابك معايا.
آسر بجدية:حسابك مع مين هى لوحدها ولا إيه
على: خلاص يا عم دا كلام انفعالى انت هتاخد على كلامى برده.
كريم: يبقى الحمدلله وبسم الله الرحمن الرحيم إنا لله و انا اليه راجعون.
على:انت جاى تتشاهد هنا إخلص عارف الخطة وفاكر اللى قولناه ولا لأ
كريم:عارف يا على هى شغلانة
سارة:إشحال مكنتش خطتك دا إحنا بقالنا ساعة بنفكرك بيها.
آسر: تمام كده بقى كلنا نلبس السماعات وانت يا كريم انت وسارة خليكوا هنا وراقبونا من بعيد عشان لو حصل حاجه.
كريم:تمام بس عاوزكوا تقولوا ورايا حاجة
آسر: حاجة إيه
كريم: والله العظيم
الكل: والله العظيم
كريم:عمرنا مهنبيع كريم أبدا تحت أى ظرف.
سارة:نعم هبل إيه ده اللى بتقوله يا كريم.
على:دا أنا خايف انت اللى تبيعنا وتطلع تجرى.
كريم:إخص عليكوا أنا مش مطمنلكوا أصلا من الاول...طب قول انت يا آسر يا حبيبي.
آسر بقرف:حبك برص وعشرة خرص إوعى من وشى بدل والله لأساويك بالأسفلت.
كريم بضيق: خلاص انزلوا قلبى وربى غضبان عليكوا من هنا لغاية أما تمشوا لآخر الشارع.
سارة ضاحكة: ههههههههه كفاية هبل بقى يا ابنى 😂😂
المهم نزلوا وآسر وعلى راحوا فعلا للحراس وقالولهم إنهم من قرايب شذا وليلى وجايبين أمانة وجاينلهم بس هما عارفين كويس قرايبهم أولا لإنهم قليلين ثانيا عشان الحراس دول شغالين بقالهم أكتر من ٥ ٦ سنين عند عم شذا وهو باعتهم مع ليلى وعمر من هولندا مخصوص عشان شذا عشان كده معرفوش يدخلوا والحراس قالولهم إن شذا هانم وليلى هانم مش موجودين فمعرفوش يقولوا حاجة عشان ميتكشفوش ورجعوا تانى العربية لكريم وسارة
فى العربية:
كريم:إيه منفعش طبعا
آسر:طبعا ما انت سمعت بودنك يا سيدى
كريم:كما توقعت ودلوقتي جه دور سارة
سارة بتوتر:دورى
كريم:أيوة خدى نفسك كده وبصى فى المراية تانى لو عاوزة تظبطى حاجة.
آسر:خليكى معانا على السماعة ومتخافيش إحنا التلاتة معاكى إجمدى كده.
سارة:تمام متقلقوش
على بحب:سارة متقلقيش ومتخافيش من حاجة وخلى بالك من نفسك.
سارة بخجل: حاضر
على: أى كلب يحاول بس يلمسك هتكون نهايته النهاردة فاهمة.
سارة: خلاص يا على بقى متوترنيش أكتر متقلقش عليا.
على بغمزة:لو مقلقتش عليكى أومال أقلق على مين.
كريم:يا روحى يا روحى انت يا ابنى بطل تسبيل بقى
سارة بخجل:هو مبيسبليش يا كريم دا العادى بتاعه هو مع كل البنات كده أصلا ما انت عارف.
آسر بغمزة وابتسامة:أكلمك أنا فى الحوارات دى بعدين.
سارة بخجل:إيه
على: متاخديش فى بالك يا مزة.
سارة صافعة إياه:مش بقولك يا كريم دا العادى بتاعه... سافل....أنا نازلة ركزوا بقى معايا.
على واضعا يديه على خده:اه يا مفترية.
سارة نظرت له بتكبر ونزلت من السيارة وعمالة تعوج فى مشيتها وتمشى بدلع
على من السماعة:بت انتى اتلمى وامشى عدل
سارة:وانت مالك دا لزوم الخطة.
كريم:أيوة واسكت بقى أنا اللى قايلها كمان على فكرة.
على:لا والله
آسر:اسكتوا بقى وانتى ركزى يا سارة وسيبك منهم.
سارة:أوكى
ذهبت سارة للحراس وأخذت تتدلل عليهم واستطاعت إلهائهم وأخذهم إلى خلف المنزل بحجة إن سيارتها تعطلت منها وهما طبعا بالعامية كده مابيصدقوا 😂
وشاورت لعلى وكريم وآسر عشان يدخلوا وخلت الحراس الاتنين بيبصوا على عربية واقفة كده مفكرانها عربيتها وراحت صاعقاهم الاتنين بالسيلف ديفينس اللى بيكهرب وطلعت تجرى بسرعة على بيت شذا التلاتة كانوا مستنينها فى مدخل البيت وفعلا وصلت وكلهم كانوا لسه طالعين لليلى راح الحراس مسكهوهم وعملوا دوشة كبيرة جدا لدرجة إن ليلى طلعت تشوف فيه إيه.
ليل من فوق: فيه إيه اللى بيحصل هنا ده
الحارس:ليلى هانم الأربعة دول عاوزين يقابلوا حضرتك بالعافية
ليلى:انتوا مين وعاوزين إيه
كل ده وليلى مش شايفة غير كريم وسارة بس سارة:لو سمحتى خليه يسيبنا علشان أفهمك احنا مين وبنعمل هنا إيه.
ليلى:طيب سيبهم انت وروح شوف شغلك اطلعوا
كلهم طلعوا بس ليلى اتفاجأت بآسر وعلى.
ليلى:إيه ده انتوا إيه اللى جابكوا هنا
آسر:إحنا مش جايين علشان سواد عيونك إحنا جايين فى مسألة حياة أو موت.
ليلى بعند:أولا أنا عنيا رمادى مش سودا ثانيا أنا ماليش دعوة بالكلام ده.
آسر:لأ ليكى دعوة طبعا عشان شذا هانم بنت عمك تعرف كل حاجة عن المسألة اللى إحنا جاينلك فيها.
ليلى:شذا
آسر: أيوة
ليلى:طيب يبقى تتكلم بأدب ومتعليش صوتك مش كفاية اللى جمبك ده متحرش وكان هيخطف بنت عمى.
آسر مقتربا منها بتحدى: وانتى بقى اللى هتعلمينى أتكلم إزاى.
ليلى وهى تنظر في عيونه بعند:أيوة إيه رأيك بقى
كريم:يا جماعة صلوا على النبى كده دا شيطان والله ودخل بينا
ليلى مبتعدة عنه:هو شيطان فعلا.
آسر:اللهم طولك ياروح هاتلنا يا شاطرة حد كبير هنا نكلمه.
ليلى:وأنا مش عاجباك ولا إيه
آسر:أنا كل اللى شايفه عيلة لابسة سبونچ بوب وعاملة ضفاير.
سارة: خلاص بقى يا آسر عيب كده وانت منك لله يا على انت اللى جايبلنا الكلام من الأول.
على:وأنا مالى أنا
ليلى: والله شكلك زوق وعسولة مش زيهم
سارة:ميرسى يا قمر ممكن تساعدينا بليز الموضوع مهم أوى والله
ليلى: عشان خاطرك والله مش عشان خاطر حد فيهم.
آسر:صبرنى يا رب
سارة:ميرسى يا حبيبة قلبي وأوعدك والله إحنا مش جايين نضر شذا فى حاجة كل الحكاية شوية معلومات وهنمشى على طول.
ليلى:نورتينى يا قلبى وانتوا التلاتة مضلمين دا أنا خايفة الدنيا كلها تضلم والله.
على:طيب الاول كده يا مزمزيل هى شذا موجودة ولا هنعمل قعدة على الفاضى.
ليلى بقرف:لأ موجودة....بيئة
سارة ضاحكة:أوى بصراحة
ليلى:طيب يا جماعة اتفضلوا
فجأة ظهر عمر من العدم كده وهو كان سامع الحوار كله من الأول ومهتم أكتر منهم لإنه متأكد إن شذا أكيد متورطة في حاجة ومش عارف ليه هو فرح لما لقى حد عامل راسه براس ليلى وكان واقف يضحك من ساعتها لإن صوتهم ببساطة كان عالى أوى.
عمر مرحبا:اتفضلوا اتفضلوا
كريم:ياما بسم الله الرحمن الرحيم انت مين
عمر ضاحكا:أنا عمر أخو ليلى إهدى كده ههههههههه اتفضلوا يا جماعة.
كريم:وعشانك عمر أخو ليلى دا مبرر يعنى إنك تخضنا.
عمر ضاحكا: ههههههههه 😂 مين الكائن ده يا جدعان
سارة:معلش بنعتذر يا أستاذ عمر على الازعاج وعلى كريم برده دلوقتى وبعدين إحتياطى.
عمر:ولا يهمك يا آنسة اتفضلوا
آسر:طب حضرتك هتدخلنا كده من غير ما تعرف إحنا مين.
عمر:إدخل يا راجل دا الشارع كلوا عرف انتوا جايين ليه ههههههههه 😂
آسر:يبقى شكلنا هنتفق
عمر:إن شاءالله
على:وحضرتك مش عاوز تتعرف عليا
عمر:إدخل يا بتاع المحاضر والأقسام مش انت المتحرش باين والخطاف وقتال القتلة.
على:يالهوى لا والله مش أنا
عمر طيب ادخلوا ادخلوا
عمر دخلهم جوه ووقف يتكلم مع آسر وعرف منه نبذة مختصرة عن هما مين وجايين فى إيه
عمر:على فكرة انت عجبتنى أوى
آسر:فى إيه
عمر:وانت بتناطح فى ليلى كده
آسر:مش هى أختك
عمر:اه
آسر:متجبليش سيرتها لو سمحت أنا أول ما بشوفها ضغطى بيعلى.
عمر ضاحكا: ههههههههه طب إدخل دى شكلها ليلة ما يعلمبها إلا ربنا 😂
آسر:قصدك ايه
عمر:ولا حاجة إدخل بس متشغلش بالك 😂
............................................................................................................