إلحقونا إحنا مخطوفين 🏃😅

الخطة (٦٢٢)😂🤭

فى الڤيلا:
كانوا كلهم موجودين في الجناح بتاعهم وهلكانين من التعب وقرروا إنهم يناموا والمشكلة إن مفيش غير سرير دورين وكنبة صغيرة خالص 😂
سيف متخصرا:اه يا وسطى مش قادر والله معدت قادر
مى مستندة على الحائط:ومين سمعك أنا فرفرت خلاص
ريم:أحمد....أحمد....ولا
أحمد:إيه عايزة إيه من زفت
ريم:اشتلنى
لينا: والله ما انت رادد عليها يا أحمد سيبهالى
انتى إيه معندكيش شوية من الأحمر مش شايفة الولا هيستشهد قدامك حرام عليكى يا شيخة
ريم:يوووه بقى مش أنا مراته
أحمد:فكرينى أول ما أرجع أطلقك
ريم:ظالم ومفترى وتعملها عادى هئ هئ هئ
أحمد ضاحكا بتعب:لا والله دخلت عليا أنا بقى الحركات دى كده؟
ريم:إيه ده مدخلتش عليك
أحمد ببرود:لأ إلعبى غيرها
سامى جالسا مستندا على الأرض: هو أنا لو عيطت هيجرى حاجة والنبى ما هيجرى حاجة مش كده
مى:وعاوز تعيط الوقتى ليه إيه اللى مسكتك من الصبح
لينا:متعيطش ياض استرجل شوية
سامى:لا سيبونى أنا عاوز أعيط
سيف ممسكا إياه من أذنه:بطل شؤم ونحس بقى نحستنا
سامى: اه فيه إيه يا سيف هو أنا عملت حاجه الوقتى
أحمد راكلا إياه:أومال عاوز تعيط ليه
سامى:خايف العربية بتاعتى يكون على بيركبها وبيشقط فيها بنات
لينا:يا مرك يا لينا إحنا فى إيه وانت في إيه
سامى:مش دى المشكلة
سيف:أومال إيه يا فالح
سامى:المشكلة إنه بيشقط الوقتى من غيرى
لينا:نااااعااااام يا يا ابن وفاء انت بتستعبط وربنا ما أنا سايباك
ثم قامت لينا بعضه من كتفه وأصبح ممدا على الأرض متأوها لا يستطيع الحركة لأنها جالسة على بطنه وكاتمة لأنفاسه
مى: خلاص يا لينا الولا هيموت فى إيدك
لينا:أبدا مش شايفاه ولا عملى إعتبار
ريم:معلش يا لينا تلاقيه بيهزر
لينا:بيهزر إيه دا عاوز يخونى عينى عينك فى شهر العسل
أحمد:عندك حق ربيه
سامى:إلحقونى يا جدعان حوشوها من عليا هتخنق
أحمد:متسيبيهوش يا لينا
سيف:صح مش عشانه يستاهل
مى باستغراب:أومال عشان إيه
سيف ضاحكا: عشان غبى طبعا 😂
مى:إيه
سيف:ولا حاجة ننقذ الولا الأول عشان هيموت
ريم:سيبه يموت يستاهل الخاين دا
لينا:يعنى خاين وغبى وفاضح نفسك
مى بغباء:كنت خونها من وراها طيب
لينابغضب:نعم ؟
مى ضاحكة: خلاص خلاص 😂
أحمد:مش تاخد بالك وتخونها فى الدرى
سيف:جاى تعترف قدامها يا غبى 😂
ريم: والله لولا إنى عارفة إنكم بتهزروا كنت تاويتكم هنا
أحمد بصوت واطى لسيف: قادرة وتعملها عادى
ريم:إيه
سيف:لا مش بيقول حاجة بيقول إننا بنهزر طبعا
سامى:هزر يا أخويا منك ليه وسيبونى مع الولية دى لغاية أما تموتنى
أحمد: ههههههههه خلاص بقى يا لينا بيضحك معاكى يا شيخة
مى شدتها هى وريم وقامت تنفض ملابسها بطريقة مسرحية رافعتا وجهها بتكبر
لينا: خلاص سيبته أهو بس الشئ دا ميكلمنيش لغاية أما نرجع إن شاءالله بالسلامة
سامى:سيف هو الشئ ده أنا ؟
سيف:أومال أنا
سامى:مكنش العشم يا لينا وبعدين مش لو رجعنا بالسلامة أصلا
ريم: يارب يا سامى يا ابن أم سامى أشوفك متعلق فى السقف كده ومش عارف تنزل بومة بومة يعنى
لينا:بغض النظر عن الشئ ده هنام إزاى
مى:إزاى يعنى هنغمض عنينا وننام عادى
لينا ناظرة لسيف:سكتها بدل ممد إيدى عليها
مى:هو أنا عملت حاجه الوقتى
ريم:بصوا فيه سريرن فوق بعض أنا والبنات في سرير وأنتوا فى سرير
مى:صح كده
سيف:أنا ماليش فيه عاوز أنام جمب مراتى
ريم:مفيش الكلام ده
سيف:أنا كاتب كتاب
مى:بلا كاتب كتاب بلا كراسة إحنا مش أتوبيس
لينا:بلاش جو المتحرشين والتلزيق ده
سامى:أنا جوزك على فكرة 😂
لينا:حد سامع صوت حاجة
أحمد: ههههههههه ههههههههه 😂 لا تمام كملى
ريم:تمام يبقى اتفقنا
أحمد: والله لا اتفاقنا ولا حاجة 😂 بس ماشى
سيف:ما هو محدش هيقدر عليهم
وذهبوا جميعا للنوم ولكن لم يستطع أحمد وسيف النوم بجانب سامى فقام أحمد بركله واضطر سامى آسفا أن ينام على الكنبة التى كانت صغيرة جدا وكل نصف ساعة تقريبا يقع من عليها وتستيقظ لينا وتضع عليه الغطاء جيدا
سامى واقعا:أى منك لله يا أحمد
لينا واقفة أمامه ببرود:خد المخدة دى واتغطى كويس
سامى:ها
لينا:ها إيه
سامى:هو انتى طيبة ولا شريرة ؟
لينا ضاحكة: ههههههههه ههههههههه 😂 انت شايف إيه
سامى:شايف إنى بحبك ♥️
لينا: وأنا كمان بس معدتش تهزر تانى المرة الجاية هقتلك بجد ها
سامى: خلاص خلاص حرمت يا بيه 😅
أحمد بصوت نائم:خف حنية شوية عاوزين ننام
سامى: وليك قلب تنام وانت مخطوف مش خايف يموتوك
ريم حادفة مخدة على سامى
سامى:آه مفترية
ريم:بس أهو سكت أهو ناموا بقى
سيف: الحمدلله
لينا ضحكت بخفوت ثم قبلت خده ودثرته جيدا ثم نامت
............................................................................................................
الصبح فى الڤيلا فى بيت اللواء أيمن (بيت التلات بنات عارفاكوا بتنسوا 😂😂):-
كان موجود الأمهات والأبهات وسارة وعلى وأهم واحد وهو آسر طبعا
صلاح (أبو سامى): صباح الخير يا جماعة
الكل:صباح الخير
صلاح:تمام نبدأ بقى نشوف هنعمل ايه فى الخطة عشان نرجع الولاد
سارة:لسه أهم واحد فى الخطة يا عمو
على بغيرة خفيفة: ودا مين المهم دا
سارة بتجاهل:آسر طبعا
على بعدم تصديق: والله؟
أيمن: طبعا يا ابنى مش هو اللى هيقابل شذا وهيجرها وبالتالي هنعرف من هنا كل حاجة
على مرفعش عينه من على سارة حتى وأيمن بيتكلم
على بغيظ:اه طبعا طبعا يا عمو
توفيق (أبو سيف):أهو آسر جه أهو
محمد(أبو أحمد): تمام يلا نبدأ بقى يا آسر
آسر منزلا نظارته الشمسية: تمام أنا دلوقتى قررت أشد الكلبة اللى اسمها شذا دى ليا تانى عشان أنا شاكك فيها وكنت براقبها بقالى فترة وبلاحظ إنها بتروح أماكن مشبوهة وبتعد مع ناس غريبة وكل مرة ناس غير التانيين
توفيق:وإيه الغريب في كده يا ابنى
آسر:شذا من النوع اللى بتحب مصلحتها وبتحب الفلوس أوى فلا يمكن تكون بتتصرف كده إلا بدافع المصلحة أو الفلوس وعشان كده
سارة: عشان كده شكيت فيها وبدأت من عندها
آسر: بالظبط
على نظر بغضب لسارة والأخرى نظرت له بتكبر رافعة كتفيها 😅
أيمن:طيب يا ابنى إيه الخطوة الجاية
آسر: إن شاءالله الخطوة الجاية إنى هفهمها إنى رجعتلها تانى ودى ما هتصدق عشان مصلحتها طبعا وكمان هراقبها بس بنفسى أنا وعلى وعلى برده هيفهمها إنه بيحبها
سارة:بس هى مهيكونش عندها مانع؟
آسر:مانع لإيه
سارة بارتباك:إنها تفهمكوا إنها بتحبكوا إنتوا الاتنين يعنى؟
على بخبث:لا الصنف دا أنا عارفه كويس وشوفت منه كتير أوى
سارة: والله
على بثقة مضحكة:أيوة
آسر كان مبتسم عليهم لإنه تأكد دلوقتى إن على بيحبها أو على الأقل هيبقى فيه بينهم حاجة حلوة بس لسه عاوزين زقة😂
صلاح:طيب والخطوة اللى بعدها هتكون إيه ؟
آسر:منقدرش نحدد دلوقتى يا عمى علشان الخطوة التانية مترتبة على المعلومات اللى هنجيبها من شذا
صلاح:عندك حق يا ابنى
على:طيب معلش هى الخطة دى ملهاش اسم
محمد:لم ابنك يا صلاح
على:إيه يا عمو عشان يبقى فيه ساسبينس
سارة:أكتر من اللى إحنا فيه
على:أيوة إحنا هنسميها الخطة ٩١١
سارة ضاحكة:طب ليه مش ٥١٧ مثلا
على:هو كده
سارة:مفيش حاجه اسمها هو كده دا انت رخم اوي أنا اللى هسميها.
على مربعا يديه:أنا اللى جايب الفكرة
آسر:خلصتوا
توفيق:متشغلش بالك يا آسر هما كده على طول😂
محمد:إحنا واثقين فيك يا آسر انت عارف انت بالنسبالنا إيه انت ابننا ووالدك من أعز أصدقائنا
آسر:متشكر يا عمى حضرتك عارف إنى ماليش غيركوا وإن انتوا عليتى
أيمن:طبعا يا حبيبى
توفيق:دا انت غالى علينا أوى يا آسر
صلاح: صحيح انت والله عندى فى المعزة زى على وسامى
على: شوفت الحاجوج بيحبك قد إيه
صلاح:إخرس ياض.....موصكش عليه فى الكلية
آسر ضاحكا بشر: متقلقش يا عمى دا فى عنيا
على:يا صغير على الموت يا على
سارة كتمت ضحكتها ووضعت يديها على فمها 😂
على:بتضحكى يا اختى اضحكى
سارة ضاحكة بصوت عالى: معلش مش قادرة منظرك يفطس من الضحك 😂😂 هموت
على مسبلا بينما الجميع منشغل فى الكلام:ضحكتك حلوة أوى اضحكى براحتك يا روحى
سارة واقفة بغضب:طلعت روحك
وسابته طبعا ومشيت كالعادة 😂 وآسر ملاحظ كل ده وساكت 😂🤭
............................................................................................................
فى نفس الوقت كان ماهر فى القصر الكبير بيكلم البوص:
ماهر:يعنى أجهز نفسى وأبعتهم النهاردة
البوص:أيوة يا ماهر بس عن طريق البحر مش عن طريق الجو عشان دا أئمن لينا
والبنت اللى انت مشيتها من غير ما تاخد رأيى فيها دى لينا فيها حساب أنا مفيش حاجه تجرى من غير إذنى
ماهر ببرود:كنا هنتكشف وبعدين دى واحدة كلبة فلوس متعرفش حاجه في الدنيا غير مصلحتها
البوص:ماهر انت عارف إن هو ده النوع اللى إحنا عاوزينه فى شغلتنا دى رجعها من غير مناقشة
ماهر:طب..........
البوص:من غير كلام عشان دى كده دلوقتى بتشكل خطر علينا ولا انت ضامنها
ماهر:مش ضامنها بجنيه
البوص:يبقى تنفذ اللى بقولك عليه
وخلصت المكالمة بس ماهر قرر يعمل حاجة تانية غير اللى اتفق عليها مع البوص فى موضوع الخطف وفى موضوع شذا لإن شذا بالنسباله انتقام شخصى دلوقتى بغض النظر عن اللى بيحصل.
.............................................................................................................

أنا سميت البارت الخطة ٦٢٢ عندا فى سارة وعلى 😂😂 اشمعنا أنا يعنى