إلحقونا إحنا مخطوفين 🏃😅

بارت المفاجآت 🤯🤫

فى مكان بعيد عن لمة العيلة السعيدة دى وجو البهجة والحب في قلوب متعرفش غير الشر والحقد والأذية.
مصنع مهجور فى منطقة صناعية فى رفح على حدود مصر مجتمع فيها عدد مش بالقليل ولا بالكتير من الرجالة السكرانين ورئيسهم بيحتفلوا بآخر إنجاز ليهم أو بمعنى أصح آخر جثة هامدة ليهم.
رفيق دا الزعيم بتاعهم فجأة جاله تليفون من واحد أعلى منه هو نفسه ميعرفش شكله إيه ورغم إنه الزعيم بتاعهم إلا إنه مهمته إنه يطيع الأوامر بس من غير ما يسأل.
كانوا كلهم ملمومين حوالين الجثة وبيضحكوا وبيهزروا وبيشربوا وبين الحين والآخر بيضربوا الجثة دى برجليهم كل ذنب الجثة دى إنها "زوجة رجل مهم"
فجأة وسط القذارة دى رفيق جاله تليفون فأشار ليهم بالسكوت.
رفيق: أيوة كله تمام يا بوص
البوص:تمام كل فلوسك هتوصلك انت ورجالتك زى ما اتفاقنا.
رفيق: تمام فى انتظار أوامرك اللى جاية.
البوص:أوامرى كلها هتوصلك مع ماهر زى كل مرة.
رفيق:طيب يا ترى هتكون عن إيه
البوص:انت ملكش دعوه انت تنفذ اللى يطلب منك وبس.
رفيق:تمام يا بوص.
رفيق خلص المكالمة وقعد بيص للتليفون بحيرة بس بعدها صرف نظر وكمل احتفاله القذر مع رجالة قلوبهم متعرفش للرحمة طريق.
......................................................................................................
أما فى المستشفى عند أحمد (والله الواحد مش عارف يقول عليها مستشفى بعد اللى هيحصل فيها)😂😂
الكل كان بيعد مستنى المفاجأة ١٢٣...وفجأة دخل مأذون ومعاه دفتره.
المأذون:السلام عليكم ورحمه الله وبركاته
كلهم تنحوا وبصوا لبعض
توفيق:إيه مفيش زغروطة 😂
نجلاء وفريدة وماجدة ووفاء بصوا لبعض وفجأة زغروطيطهم جابت لآخر المستشفى والجو كله بقى عبارة عن لولولولولولولىىىىىىىىىى 🥳🥳🎉🎉🎉🎉 والأبهات معرفوش يمسكوا نفسهم من الضحك على اللى بيحصل حتى المأذون وقع من على الكرسى وهو بيضحك أما عن العرسان التلاتة أحمد وسيف وسامى وقفوا على السرير وقعدوا يرقصوا والبنات بيصقفولهم والمستشفى كلها كانت بتتفرج على الفضيحة قصدى كتب الكتاب 😅😂😂😂😂
سامى:واد يا على شغلنا اغنية هتجوز هااتجاوز
على:إيه ياض انت هتتجوز على روحك إهدى طيب أما نكتب الكتاب 😂
أحمد:يا عم شغل الأغنية وانت ساكت
سيف:وهو ساكت ليه 😂 زغرط ياض بدل ما أشوقك
فريدة:يا خيبتك فى ابنك يا فريدة وراحت شادة سيف من دراعه منزلاه من على السرير
فريدة:بقى عايز تشوق الولا وأنا واقفة دى أخلاق عريس
سيف: أنا العريس أعمل اللى أنا عاوزه مش كده ولا أيه يا رجالة
راحوا كلهم معليين صوتهم وقايلين:هههههههىىىىى
لينا:لأ خلاص رجعت فى كلامى يا طنط جوزى ابنك لواحدة تانية 😅
ريم ضاحكة:وأنا كمان يا عمو محمد رجعت فى كلامى شايفه عامل إزاى 😂
وشاورت على أحمد : والله ما طبيعي ده 😂
سامى:أظن هتقولى وأنا كمان 😂
مى:لا يا حبيبي أنا هعدلك بطريقتى 😂
نجلاء: جدعة يا ميوش.
وفى وسط كل ده فى واحد مكنش مركز كان تايه حاسس كإنه أول مرة يشوفها ودا كان على حاسس كإنه أول مرة يشوف سارة أول مرة ياخد باله هى قد إيه جميلة كده حتى إنه مكنش قادر يتجاوز ضحكتها اللى كلهم ضحكوا بسببها قبل كده بس من كتر مركز معاها أخدت بالها فشال عينه بسرعة من عليها وقعد يكلم نفسه.
على:انت هتتهبل ولا إيه يا على دى سارة يعنى أختك الصغيرة.
على:لأ لأ أختى إيه أنا معنديش إخوات غير أحمد البغل اللى بيتجوز ده😂
على: مش وقته الكلام ده لازم نركز فى الكلية اللى مش ناويين نتخرج منها الأول دى وبعدين نبقى نشوف الحب والكلام الفاضي ده
على:يعنى ده كلام فاضي؟
على: أيوة 👍
............................
سارة:دا ماله ده بيبصلى كده ليه
سارة:أول مرة آخد بالى إنه أمور أوى كده
سارة:بس أنا وهو طول عمرنا إخوات وناقر ونقير مع بعض ومعظم الوقت بحس إنى مش طيقاه أصلا
سارة:خلينا نركز دلوقتى مع العيال اللي بيتجوزوا دول.
والمأذون ابتدا يكتب الكتاب والفرحة حواليهم فى كل حتة حتى الدكاترة جم يباركوا وكل واحدة من الأمهات كانت فرحتها مش سيعاها .
توفيق: مبروووك يا ولاد ربنا يتمملكم على خير
أحمد: الله يبارك فيك يا عمو
سيف وهو حاضن مى :أنا حابب أشكر عمو أيمن على الجوهرة الجميلة دى اللى هو إدهالى
مى تبادلت معاه نظرات كلها حب وامتنان ♥️
أيمن:حطها في عنيك يا سيف دى أغلى حاجة فى حياتى هي وإخواتها
مى راحت حضنت باباها: ربنا يخليك لينا يا بابا انت أغلى حاجة فى حياتنا
أيمن:خاللى بالك من سامى حطيه فى عنيكى
سيف:قوللها تبطل توتر بس يا عمو هههههه 😂أصل لو خلفنا عيال هتوترهملى 😂
مى:ويسمونى أم المتوترين مش كده
سارة: ههههههههه جامدة أوى يا مى هو ده الجواز اللى بيعقل ربنا يستر 😂
مى: هى الحفلة على حسابى ولا إيه 😅
ريم:سيبيها بكرة تتجوز وتتهبل زينا
سارة:لا الجواز ده للى زيكوا لكن أنا سنجل ڤورإيڤر.
نجلاء لوفاء:شايفة يا وفاء بتقولك سنجل ڤورإيڤر أعمل فيها إيه بس
وفاء:مقدرش أنصحك عندى على أمر منها
فنظر أحمد لعلى نظرة ذات معنى لكن على تجاهله تماما لأنه يفهم تلك النظرة.
وفى وسط ما كل ده بيحصل الباب خبط ولقوا عامل دليڤرى جايب بيتزا 😅كلهم بصوا لريم والشرر بيتطاير من عنيهم
ريم وهى بتحك إيديها على راسها:إيه بتبصولى كده ليه دى بيتزا كده على ما قوسوم
راح أحمد ماسكها من قفاها
أحمد:إيه بلاعة يا بت انتى حتى كمان جايبة واحدة مفتكرتيش حد معاكى
ريم: الله يا أبو حميد انت هتبصلى فيها ولا إيه
ماجدة:يعنى طفسة وبخيلة
وفاء: ربنا يعينك يا بنى
أيمن:أنا كنت هقولك خاللى بالك منها بس كده دلوقتى خاللى بالك على نفسك منها
سامى:بالغيظة فيكى بقى أنا طلبتلنا كلنا بيتزا أكبر من دى لكل واحد وواجبة شاورما ومش هتاكلى معانا.
صلاح:وأنا كمان اللى هروح أجيب الأوردر وجاى.
وراح صلاح يجيب الأوردر والكل قاعد يضحك على ريم.
ريم بصوت باكى:يووه والله حرام بقى
المأذون:حسابى علشان أمشى يا أستاذ توفيق بدل مالأستاذة ريم تاكلنى
ريم:جرا إيه يا عمو المأذون متهدى نفسك كده ولا شكلك طمعان فى البيتزاية بتاعتى
المأذون وهو خارج هز راسه بيأس عليها وعلى كلامها ومشى
ريم :هو عمو المأذون ماله
أحمد:حد يرد عليها أنا مش فايقلها
لينا: بس يا ريم يا حبيبتي ربنا يصبرك يا أحمد
صلاح: أنا جبت الأوردر يا جماعة يلا نمشى بقى من نفسنا لحسن قربوا يطردونا من المستشفى.
سارة:دى مبقتش مستشفى دى بقت خاطبة يا عمو 😂
صلاح:ألا المأذون شايفه بيكلم نفسه وهو ماشى انتوا عملتوا فيه إيه؟
محمد (أبو أحمد):لا ولا تاخد فى بالك دى ريم بس كانت بتعزم عليه بحتت بيتزا
ريم:أيوة ومرضاش ياخد يا عمو رغم إنها مكنتش عزومة مراكبية والله
صلاح:مصدقك يا حبيبتي إخص عليه والله
ماجدة:قدامى يا فاضحانى
مى:فاضحانا كلنا يا ماما والله 😂
بس قبل ما يمشوا توفيق اتفق معاهم إن الحنة هتبقى بكرة عند البنات وإن هو ومحمد وصلاح وتوفيق لازم يتجمعوا النهاردة بره فى كافيه معين كده علشان يتكلموا فى التجهيزات وأمن الفرح علشان محدش يجراله حاجة خصوصا بعد اللى حصل لأحمد وكل واحد فيهم روح لبيته ومراته وولاده وبعدين خرجوا يتكلموا
..................................................
فى بيت أيمن
ماجدة:انت رايح فين يا حبيبي
أيمن طبطب على ماجدة:مفيش يا قلبى رايح أقابل محمد وتوفيق وصلاح علشان نتكلم فى تفاصيل الفرح والسفر
ماجدة:سفر إيه
أيمن:الولاد لازم يسافروا بره مصر يا ماجدة الأوامر جاية كده عشان خاطر سلامتهم
ماجدة:بس أنا مش عاوزاهم يبعدوا عنى أنا كده هبقى قلقانة طول الوقت عليهم
أيمن: متخافيش هيبقوا متأمنين كويس وربنا هو الحامى يا حبيبتي
ماجدة:ونعم بالله يا حبيبي
أيمن:مش هتأخر إن شاءالله وانتى ابقى قولى للبنات على موضوع السفر ده لإنهم لسه ميعرفوش.
ماجدة: حاضر يا حبيبى مع السلامة
أيمن:مع السلامة.