إلحقونا إحنا مخطوفين 🏃😅

المتعوس وخايب الرجا 😂😂

نيجى لشذا طبعا لبست هدومها اللى هى مش هدوم أصلا 😂 (الفستان الاحمر اللى كريم كان بيقول هتروح بيه فين 😂) وخلاص كانت نازلة بس جالها تليفون خلاها تغير طريقها
.........................................................................................................
فى كافيه قريب من النايت كلب بنت زى الملاك لون عنيها رمادي وشعرها أصهب بملامح أوربية خالص وجسد ممشوق لا هى بالطويلة ولا القصيرة قاعدة وباين عليها علامات الضيق والغضب مربعة إيديها الاتنين كإنها مستنية حد وفجأة دخلت عليها......
ليلى ببرود:وأخيرا جيتى يا ست شذا هانم
شذا جالسة:عاوزة إيه يا ليلى
ليلى: عاوزاكى ترجعى لعقلك
شذا باستغراب:ليه يا حبيبتي شايفانى اتجننت
ليلى: لا شايفاكى بتضيعى نفسك تقدرى تقوليلى انتى راحة فين باللبس ده
شذا بغضب:ملكيش دعوة بيا ولا بلبسى ولا بحياتى أنا حرة أعمل اللى أنا عاوزاه
ليلى:لا مش حرة تقدرى تقوليلى حياتك عبارة عن إيه غير الشرب مع ده والرقص مع ده حتى كمان لما جيتى تتخطبى اتخطبتى لواحد منعرفوش واستغليتى فرصة سفرنا أنا وبابا اللى هو عمك اللى رباكى زى بنته عشان تعملى اللى انتى عاوزاه وفى الآخر كمان سبتيه من غير ما نعرف شكله إيه ولا سبتيه ليه.
شذا بملل:قولتلك ١٠٠مرة ملكيش دعوة بحياتى وعمى اللى بتقولى عليه مربينى ده كان رامينى لمراته اللى كرهتنى فى عيشتى و ميعرفش عنى حاجة.
ليلى:انتى عارفة كويس إنك غلطانة يا شذا لإن بابا طول عمره كان حنين علينا وعمره ما فرق بينك وبينى أنا وعمر فى حاجة حتى ماما طلقها بعد ما جاب أخره من قسوتها علينا وعليه وقصاد كده ضحى بنص ثروته وكان بيشتغل ليل نهار عشان يعوض الخسارة وميحرمناش من حاجة أبدا.
شذا بقسوة: خلاص خلصتى كلامك.
ليلى: أنا جاية أقولك بس إن عمك بعتلك عشان ترجعى معايا هولندا وعشان كمان تاخدى ميراثك وتديريه بنفسك عشان دى وصية باباكى وإن علشان تستلمى ميراثك لازم تكونى موجودة وتدورى مجموعة الشركات مع بابا بنفسك غير كده مش هيبقى ليكى حاجة
شذا: انتى بتقولى إيه مستحيل بابا يعمل حاجة زى كده
ليلى:يؤسفنى أقولك إن هى دى الحقيقة
شذا بغضب:عمل كده ليه يا ترى أكيد باباكى هو اللى قاله يعمل كده
ليلى ببرود:عمى الله يرحمه كان خايف عليكى وهو بالطريقة دى بيحميكى من نفسك لإنه عارفك كويس وعارف دماغك
شذا:بيحمينى إزاى إنه يخلينى موجودة تحت وصاية باباكى اللى بكرة يرجع لمراته وتخلى عيشتى سواد لأ آسفة مش ممكن هرجع تانى
ليلى:انتى عارفة كويس إنه مستحيل يرجع لماما
شذا:ليه مش كان قال إنه مش هيرجعلها قبل كده ورجعلها منتيش عارفة هى كانت بتعمل ايه فيا
ليلى:إهدى يا شذا متخليش عقدتك من اللى كانت بتعمله ماما تضعيك انتى عارفة كويس إنها مش هترجع لبابا أبدا بس انتى مصممة تمشى فى طريق الغلط وخلاص
شذا ناظرة للساعة:طب سلام أنا بقى عندى حاجات أهم بكتير أعملها أحسن من الكلام الفارغ ده
ليلى:استنى يا شذا......استنى
فى الوقت ده شذا كانت ركبت عربيتها عشان تروح النايت كلب وسابت ليلى ومشت بس ليلى بقى يا ترى هتسيبها؟
............................................................................................................
فى النايت كلب على كان موجود في الميعاد اللى بتبقى شذا موجودة فيه وحواليه التلات بنات اللى أخدهم عشان الخطة.
على واقف عند البار وحواليه البنات وقف يبص للساعة لقاها ١٠ ولسه مجتش.
فهاتف آسر
آسر: إيه يا على خلصت
على:خلصت إيه يا معلم دى لسه مجتش
آسر:طب متنساش اللى اتفاقنا عليه وعلى فكرة أنا بعت كريم وراك هتلاقيه في أى حتة جمبك عشان لو حصل أى حاجة يلحق الموقف
على بضحك:إيه كريم ويلحق الموقف انت اتجننت يا ابنى😂
آسر:احترم نفسك بدل ما أعلقك وانت عارف
على:ماشى احترمتها بس ملقتش غير كريم دا هيودينا فى داهية
آسر: والله انت ازفت منه بمراحل
على:إخص عليك يا أبو الصحاب بس افتكر إنى قولتلك بلاش كريم 😂
آسر:صبرنى يا رب عليهم الاتنين روح يا حيوان شوف بتهبب إيه
على:ماشى سلامات يا عمرى
آسر:عمرى والله دا أنا ابتديت أخاف منك
على: ليه بس كده 😂
آسر:أنا هقفل عشان ما اتجننش عليك وأشوف سارة كده بتعمل ايه
على بلهفة:سارة...هى مالها
آسر بخبث:بتقول إيه مش سامعك
وبعدين آسر قفل المكالمة هو قصد يعمل كده عشان يخلى على مهتم أكتر بسارة ويلموا نفسهم بقى ويعترفوا لبعض 😂
المهم على كان واقف وفى واحدة جمبه من البنات كل شوية تميل عليه وتغمزله وهو طبعا معندوش مانع لأى حاجة فجأءة لقى حد بيخبط على كتفه.
على بخضة:إيه
كريم ناظرا للفتاة:إيه يا عم على مش تخف شوية 😂
على:ملكش دعوه وغور ياض من هنا
كريم:ليه كده دا أنا كيمو ستر وغطى عليك برده
على:عارف لو نقلت كلمة واحدة لآسر من اللى بتحصل دى هيحصل فيك إيه
كريم آخذا منه طعام كان بيده:إيه يا حوبى
على:أنا مش هقولك هموتك ولا أعلقك زى ما آسر بيعلقنى فى الكلية لأ أنا هقول لرهف مراتك وتخيل بقى هى هتعمل معاك إيه
كريم بجدية مضحكة: حيث كده يا حبيب أخوك كمل اللى كنت بتعمله أنا آسف إنى عطلتك عن مهامك الوطنية 😂
على:طب إيه
كريم ضاحكا:إيه
على:روح بقى يا حبيبي من هنا عشان أعرف أشوف شغلى
كريم:لأ أنا عاوز أتفرج
على:هى ملاهى يا حبيبي طب هقولك روح شوف المزة اللى هناك دى
كريم:إيه أستغفر الله انت عايزنى أبقى زيك لا يا عم أنا أخرى أتفرج وبس
على:يعنى مش ماشى من هنا ؟
كريم باستفزاز:لأ
على ضربه شلوت وقعه على الأرض وكب عليه العصير وأخد البنات ومشى
كريم متوجعا:اه يا حيوان....طب قيمنى طيب
على من بعيد:قامت قيامتك يخربيتك لزقة
كريم مقتربا منه:لزق ولا بردت ههههههههه 😂
على مسكه من لياقته وهو بيكلم آسر فى الفون:قسما بالله انت لو ما جيت أخدت كلب البحر العرة دا من هنا لكون قتله
آسر بغضب:قسم على قسمك لو ما اتعدلتوا انتوا الاتنين يا على لألبس حزام ناسف وآجى أفجر نفسى فيكم وانتوا عارفين بجد أنا ممكن أعمل إيه
آسر قفل المكالمة من هنا وعلى وكريم فضلوا متنحين لبعض من هنا
على بابتسامة:طب يا كريم يا حبيبي إحنا إخوات ولا إيه 😂
كريم: طبعا يا عمرى أومال عاوز آسر يجلينا
على بفزع:بعد الشر وبعدين أنا لسه صغير على الموت
كريم:وأنا عندى عيل عاوز أربيه وعيل تانى فى السكة
على:أيوة يا حبيب قلبي عشان كده هنلم نفسنا الحبة دول
كريم لابسا نظارة شمسية:أيوة وأنا هترزع هناك كدهو عشان شذا متشوفنيش
على مطبطبا على كتفه:وأنا هروح أستناها يلا فى داهية يا حبيبي
كريم:فى ٦٠ داهية يا عمرى
نسيت أقولكم إن شذا عارفة شكل كريم لإنه ابن خالة آسر وعارفة طبعا بقية الأبطال بس مش عارفه على علشان هو معظم الوقت فى كليته ومش بينزل أجازة إلا قليل جدا وكمان علشان مهوش متواجد مع آسر دايما.