إلحقونا إحنا مخطوفين 🏃😅

المشرحة مش ناقصة قتلة 😅🤭

الكل واقف جمب الباص ومجتمعين وكل واحد فيهم مستنى الإشارة علشان ينفذوا الخطة
آسر:بصوا يا جماعة احنا مش لوحدينا إحنا أولا معانا ربنا وعاوز أفهمكوا كمان إن عمو أيمن مشكور جدا استخدم دايرة علاقاته هنا في رفح يعنى متحاوطين بالبوليس من كل مكان.
كريم:يعنى هتبقى مدعكة.
أيمن: بالظبط كده.
كريم: ربنا يطمنكم......طب مش تقولوا كنت ودعت أهلى فى البلد ولحقت أكلى لقمتين.
ليلى:أكتر من اللى أكلته
وفاء:يعنى حتى وانت بتموت طفس برده.
كريم:يعنى هنموت خلاص.
عمر:اقعد انت فول علينا كده لغاية أما ييجى نيزك ينسفنا ويريحنا.
صلاح:سيبكوا منه دلوقتى كمل يا آسر.
آسر:بصوا بقى إحنا هنوزع نفسنا بس أهم حاجة فى الخطة دى كلها شذا هى اللى هتدخل عادى لإنهم عارفينها هنا وبحجة إنها جاية لماهر
على:بس هتدخل لواحدها.
آسر:لأ طبعا عمر هيبقى معاها
شذا:بصفته إيه
عمر:إيه بصفته إيه دى
ماجدة:عندها حق كده كل اللى بنعمله ممكن يبوظ بسبب التفصيلة دى.
آسر:أنا هقولكم هيدخل معاها بصفته البادى جارد بتاعها.
شذا:ميضرش برده.
عمر:وانتى تطولى أصلا.
توفيق:وأديها طالت احترم نفسك بقى وده وقته.
عمر:ماشى احترمناها.
شذا:أشك
نجلاء:مش عاوزة أسمع كلمة زيادة كمل يا آسر.
آسر:عمو أيمن طبعا وعمو توفيق وعمو صلاح وعمو محمد مينفعش يظهروا فى الصورة وكمان عشانهم هيدخلولنا فى الوقت المناسب.
ماجدة:طيب واحنا هنعمل ايه يا آسر.
آسر:انتوا هتعملوا دور أربعة ستات أجانب جايين مع شذا مش حضراتكم يا طنط بتعرفوا تتكلموا إنجلش.
ماجدة:أيوة يا حبيبي
آسر: يبقى تمام ودا بقى على أساس إن انتوا المصلحة اللى جايباها شذا.
عمر:طب لامؤاخذة يا آسر برده المصلحة دى هتبقى إيه بالظبط.
آسر:بص هما أربع ستات أجانب ومليانين فلوس وعاوزين يسلكوا كام قطعة آثار من مصر وعاوزين اللى يعديها من المطار عشان كده لجئوا لشذا وهى بالتالى اللى هتعرفهم على البوص ده.
وفاء:شغال برده.
نجلاء:كده يبقى لسه انت وكريم وسارة وعلى وليلى.
آسر:بصوا هى أكتر حتة مش متأمنة ونقدر ندخل منها هى من فوق مش من تحت.
كريم:ودا وقت ألغاز يا آسر.
ليلى: اوعى يكون اللى فى بالى
آسر: بالظبط هو
على:اللى هو إيه لمؤاخذة.
سارة:أنا كمان فهمت بص فوقك يا على وانت هتعرف.
فريدة:قصدك الهليكوبتر.
آسر:أيوة.
شذا: إحنا كده برده لسه مش فاهمين انت عاوز تعمل ايه.
آسر:بصوا بقى إحنا اللى هو أنا وعلى وكريم هنبعت ليلى وسارة يشغلوا الاتنين اللى واقفين ورا لإن دا أضعف مكان فى تأمينه ومسافة ما هيشغلوهم هنكون إحنا طلعنا على السور ولو واخدين بالكم هتلاقوا الهليكوبتر نازل منها حبل على شكل سلالم هنطلعه وأنا هبقى فى طيارة وكريم وعلى فى طيارة.
توفيق:طيب بالنسبه للطيارين
آسر:هنتعامل معاهم يا عمى وهنسيطر احنا بالتالى هنبقى دخلنا القصر من فوق وواحدة واحدة هنعرف ندخل ونسيطر.
على:طيب معلش هو ليه كريم معايا ما تاخده انت وخلاص.
كريم:عيب عليك يا علول مكنش عيش وخروف اللى أكلناه مع بعض يا عم.
عمر:قول خرفان مش خروف واحد.
آسر:أنا باعته معاك عشان انت ظابط وهتعرف تتعامل مع الطيار وهتعرف تسوق لكن هو دكتور
مش هيعرف يتصرف.
على:يعنى أنا ظابط.
كريم:وأنا دكتور
ليلى:أبو غبائكم انتم الاتنين دى حاجة تقرف.
سارة:إديهم يا لولو خصوصا الواد اللى مش ناوى يتخرج ده وأقولك اتوصى برده بكريم ميضرش.
ليلى: ههههههههه 😂 أما نرجع بالسلامة هفوقلهم.
صلاح:آسر انت مش هتحتاج حد معاك.
آسر:لا متقلقش يا عمى.
ليلى:أنا من رأى برده يا أونكل ناخد حد معاه عشان نطمن عليه.
عمر بخبث: يعنى انتى خايفة على آسر يا ليلى.
ليلى:لا وهخاف عليه ليه يعنى كان من بقية أهلى.
آسر:احترمينى شوية بقى دا احنا ممكن نموت.
ليلى بلهفة:بعد الشر عليك.
سارة:لا والله.
ليلى: إيه يا جماعه متبوصليش كده أنا خايفة الخطة تبوظ مش أكتر.
آسر: خلاص بدام خايفة الخطة تبوظ تعالى معايا ولا انتى خايفة.
ليلى:لا خالص وأنا هخاف من إيه.
سارة:طب وأنا هقف ألاغى لوحدى.
على:متقوليش كده تانى أنا محروق دمى من الفكرة نفسها أصلا.
سارة:أعمل إيه يعنى هى الخطة اللى كده.
آسر: خلاص يا سارة انتى هتفضلى هنا في الباص وهتعملى حاجة مهمة لينا كلنا افتكرتها دلوقتى وأنا والشباب هنتعامل مع الراجلين اللى واقفين ورا.
سارة:وإيه هى الحاجة دى.
على:أنا عن نفسي موافق بدام بعيد عن الملاغية.
سارة:ودا وقت غيرة وتحكمات.
على:وقته ونص ومتعصبنيش.
محمد:لا والله هتتعصب على بنتى وأنا واقف.
على:منتاش شايفها يا عمى مستفزة إزاى.
أيمن:لم نفسك يا ولد واتكلم بأدب هو ده مكان ولا وقت تشاكله فيه.
صلاح:كمل يا آسر سارة هتعمل ايه.
آسر:شوفوا أنا جايب لكل واحد مننا سماعة وكاميرا صغيرة جدا مش هتبان وجايب كمان جهاز متوصل بيه هو موجود دلوقتي في الباص هيظهر عليه اللى فى الكاميرات سارة بقى هتقعد تشوف وتسمع وتأمنلنا الطريق.
شذا:دى كده البنت هتتحول هتبص على مين ولا مين.
سارة:دا صحيح فعلا.
ماجدة:أنا هقعد معاها وعلى الأقل كمان متكونش لواحدها.
نجلاء:وأنا كمان يا آسر هقعد معاهم.
آسر:حلو أوى كده.
عمر:أنا من رأى نقسمهم تلات فرق سارة تبقى معانا في الهليكوبتر وطنط ماجدة مع شذا وعمر وطنط وفاء مع أونكل أيمن والبقية.
كريم:حلو جدا الساسبينس ده.
سارة:دا اللى بناخده منك اتوكس.
كريم:طيب مش هتوكس بقى إيه رأيك.
سارة: خلاص اولع.
كريم:لا ده ولا ده أنا هروج آكل بقية السندوتشات الأول قبل ما نتفرم.
أيمن:لا مفيش أكل بعد ما نطلعهم ابقى كل براحتك.
كريم:وانت فكرك يا عمو ريم لما تطلع من هنا هتسيبلى حاجة.
أيمن:ملكش دعوة ببنتى وكرش بنتى.
كريم:أديك قولت يا عمو كرشها يبقى أكيد مش هتسيبلى حاجة أنا لازم أئمن نفسى وأئمن كرشى الأول.
محمد:صدق احنا لو كنا جبنا آسر ابنك الصغير كان نفعنا عنك اتهد بقى وكله يجهز عشان نقتحم.
كريم: نقتحم إيه.
محمد:أومال فاكر نفسك جاى تلعب....يلا يا آسر وزع السماعات والكاميرات علينا
آسر تمام
آسر وزع عليهم السماعات اللى كانت صغيرة طبعا محدش يقدر يشوفها والكاميرات كمان كانت صغيرة جدا ومخفية برده فى الهدوم وكل واحد أخد موقعه.
آسر وليلى وكريم وعلى اتسحبوا لورا ليلى كان معاها سيلف ديفيفينس وآسر والبقية معاهم سلاح بس هما أصلا مش مضطرين يستعملوه
دا للمفاجآت بس.
المهم بعد ما بقوا ورا المبنى آسر وعلى بحكم إنهم ظباط خلصوا على الراجلين اللى واقفين ورا بهدوء خالص من غير محد أخد باله وسارة كانت متبعاهم.
سارة:آسر براڤو عليك.
على:طب وانا واليتيم اللى معايا ده (كريم)
سارة:حلو يا أخويا اتنيل.
ليلى:أيوة كده اديلوا يا سرور.
سارة:فل الفل عليك يا باشا.
آسر ناظرا لليلى:لحقتى علمتيها.
ليلى:متركزش معايا أحسنلك.
آسر بوقاحة:مين قالك إنى مركز ولا انتى عاوزانى أركز عادى برده انا معنديش مانع.
ليلى:سافل.
آسر ضاحكا: ههههههههه
كريم:إيه اللى جرالك يا آسر.
على:مش وقته عموما نخلص البلوة اللى إحنا فيها دى وهنقررك.
سارة:أيوة وانجزوا بقى عشان أنا شايفة من عندى فيه ناس قريبين منكم تقريبا شكوا إن فى حاجة
ليلى:كله بسبب السافل ده...ومتبصليش كده.
آسر مازحا:كده إزاى يعنى
ليلى:متبصليش أصلا....ويلا بقى شوف إحنا كنا هنعمل ايه ولا عاوزنا نتمسك.
كريم:أحب أقولك ببصة آسر دى احنا هنتمسك آداب تقريبا ههههههههه 😂
ليلى:على قوله يلم عنيه دى بدل ما أخرمهاله.
كريم:يعنى ملقتيش إلا على اللى يلمه.
سارة:أشق هدومى منكم اخلصوا بقى....آسر وليلى فى حبل طيارة نازل على يمينكم.....على وكريم الحبل الشمال انجزوا.
آسر وليلى جروا على الحبل وفضلوا يتسلقوه آسر كان قدامها وهى وراه عشان يكون جاهز إنه يتعامل مع الطيار وفعلا نجحوا وخلصوا من الطيار .
سارة:تمام يا آسر
ليلى:أنا اللى مش تمام ...حاسة إنى دايخة خالص.
آسر:اهدى وبصيلى
ليلى ناظرة لآسر:أهو بصيت.
آسر:اهدى انتى كويسة وإحنا خلاص نازلين أهو.
ليلى ممسكة رأسها:آسر....مش قادرة.
آسر: ماهو دلوقتى لو أغمى عليكى هضطر أحضنك وهتبقى مليطة.
ليلى:إيه لا خلاص خلاص أنا بقيت كويسة.
آسر: ههههههههه شوفتى فوقتك فى ثانية.
ليلى:طيب اتلم بقى ونزلنا من هنا.
سارة:استنى يا آسر مكانك لغاية أما نشوف كريم وعلى علشان لما تنزلوا على القصر من فوق تبقوا كلكم مع بعض عشان احنا منعرفش إيه اللى ممكن تقابلوه هناك.
آسر: تمام يا سارة.
على الناحية التانية كان كريم وعلى
سارة:يلا يا على اطلعوا على الحبل اللى قدامكم ده.
كريم:بس أنا معملتش حسابى إنى هموت النهاردة يا سارة.
على:هو انت رايح السوق فمعملتش حسابك....انت بتهزر.
كريم:ما هزر يا أخويا فيه إيه مش يمكن نموت ولا ندبح.....دا أقل واجب هيغتصبونا او هيتحرشوا بينا.
على:الله يخربيت هزارك على كلامك على كل حاجة فيك ....دا أنا مش لاقيلك ميزة واحدة.
كريم:أومال مين اللي هيجبسك لما آسر يطحنك.
على:صدق برده أهى دى الحاجة الوحيدة العدلة فيك.
سارة: والله يعنى هنفضل كده كتير.
على: خلاص يا سارة طالعين أهو مستعجلة أوى كده على إيه.
سارة:شوف شغلك ياض.
آسر على الجمب التانى كان سامع سارة وبيبص لليلى وبيضحك عشان تقريبا كده ليلى هدت على سارة وبقت بسببها بتبلطج على على 😂
المهم على وكريم طلعوا الطيارة وخلصوا من الطيار اللى عليها.
كريم بخوف:ها هننزل امتى الله يكرمكم
على ضاحكا: ههههههههه مالك ياض متنشف كده.
آسر متواصلا معهم:اجمد كده يا كيمو 😂 دى ليلى معايا أهى ومش خايفة.
ليلى بابتسامة: أيوة متخفش يا كريم التقيل كله جاى بعدين.
كريم:لا والنبى نزلونى من هنا.
سارة: ههههههههه خلاص خلاص انزلوا انتوا عموما كده معتوش محتاجين تبقوا فوق لإن دا كان مدخل بس.
كريم:منك لله يا آسر يعنى كل الناس تدخل من البوابات عادى وإحنا نتشعلق الشعلقة دى.
ليلى ضاحكة: خلاص بقى يا ابنى ههههههههه 😂 أنا مش فاهمة انت جاى معانا تعمل ايه.
كريم صارخا:جاى أموت يا أختى أنا عارف.
سارة:سيبكم من كريم الوقتى وركزوا معايا.
كريم:هو كل حاجة سيبكم من كريم ليه هو أنا كائن وحيد الخلية ولا إيه دا أنا لو بلهارسيا هتخافوا عليا أكتر من كده.
على: كملى يا سارة ولا كإنك سمعتى حاجة
سارة:لا عادى هكمل 😂 بص بقى انتوا هتنزلوا دلوقتى على السطح وهتتسحبوا بهدوء ولو قابلكم حد احرصوا برده إنكم متعملوش صوت عشان بعد الخطوة دى تقريبا هتبقوا دخلتوا القصر.
على:تمام.
كلهم فعلا نزلوا ووصلوا على سطح القصر ملقوش حد خالص لإن كمال كان مأمن القصر من فوق من خلال الطيارات الهليكوبتر بس.
آسر:مفيش حاجه يا سارة
سارة:طيب كده ت.......ليلى.
على:ليلى أغمى عليها.
آسر جالسا على الأرض وهو يحتضنها:ليلى فوقى....ليلى.
على: أكيد ضغطها واطى....دى متلجة فى بعضها.
كريم:اعمل حاجة يا آسر.
آسر:أعمل إيه...إذا كان انت دكتور ومفتحتش بقك بجملة مفيدة من ساعتها هعمل ايه أنا بقى.
كريم:انا دكتور عظام بجبس بلحم كده يعنى إنما ده مليش فيه.
آسر:طب اسكت بدا ما مخليش فيك عضمة سليمة.
سارة:طيب مش معاكوا مية ترشوها على وشها يمكن تفوق.
على: هيبقى معانا بس منين دلوقتى يا سارة.
سارة:انت هتتخنق عليا يا على.
على: خلاص آسف.
سارة:أسفك مش مقبول.
آسر:ودا وقته...ارحمونى. وانت يا عم كريم مش معاك حاجة فى الشنطة دى نستفيد بيها
كريم:استنوا دا أنا معايا زمزميتى وساندويتش ومخلل.
على:مش معاك ربع جبنة بالمرة.
كريم:انت بتتريق...أهو طفاستى نفعتكم أهى دلوقتى.
سارة:وأما انت معاك الحاجة من الأول سايبنا نهرى على الفاضى ليه.
كريم:ما هو محدش سألنى.
آسر: أنا هفرفر منكم والله زى البت اللى مرمية جمبى دى.
على:آسر هى مش جمبك هى بالمعنى الحرفي فى حضنك ههههههههه 😂.
آسر:اتلم ياض.
كريم:ألف مبروك يا عم دا احنا نفرحلك.
سارة:طب أزغرط ولا إيه 😂
آسر: والله لو ما اتعدلتوا ما أنا مكمل فى الهم ده وهسيبكم تتقفشوا.
سارة: خلاص خلاص اهدى😂
آسر بضيق:هات المية يا كريم.
كريم:إهدى يا أسور.... خد أهى
آسر أخد المية من كريم وقعد ينقط منها على وش ليلى وهى ابتدت تفوق.
ليلى ممسكة رأسها:اه...أنا جرالى إيه.
آسر وهو محتضنها:انتى...
ليلى فزعة وهى تبتعد عنه:أنا إيه اللى جبنى عندك كده.
كريم:حمد الله على سلامتك انتى أغمى عليكى وآسر كان بيفوقك.
على:كويس إنك بخير.... كريم عاوزك على جمب.
كريم:طيب
كريم وعلى بعدوا علشان يسيبولهم مساحة يتكلموا أو يشاكلوا بمعنى أصح😂
ليلى واقفة تجاه آسر:هو...هو إيه اللى قربنى منك كده يا..ي..يا محترم.
آسر بنبرة لعوب:هو انتى مكنتيش قريبة منى انطقيها صح..انتى كنتى فى حضنى.
ليلى:حضنتك عقربة يا سافل يا قليل الأدب.
آسر بخبث:أومال لو عرفتى بقى إنى عملتلك تنفس وشفاي........
ليلى بكسوف:بس كفاية كده واحت......احترم نفسك.
آسر مازحا:دى كانت أحلى لمسة........
ليلى بخجل: والله لو ما سكت لأنا مكهرباك بالسيلف ديفينس اللى معايا.
آسر ممسكا يدها:صدقى الشخصية اللى بتحمر وتتكسف دى طلعت مغرية جدا.
ليلى جاذبة يدها:والقلم اللى هدهولك على وشك دلوقتى صدقنى هيبقى مغرى جدا برده.
آسر مقتربا منها أكثر بهدوء:اضربى....لو أهون عليكى اضربى....بصى فى عنيا وإضربى.
ليلى مبعدة وجهها للجانب الآخر:ابعد واحترم نفسك يا آسر.
آسر بهمس: بصراحة من ساعة ما شوفتك وأنا معتش عارف أحترم نفسى.
ليلى صافعة إياه: تمام يعنى ناقص تربية وأنا بقى اللى هربيك.
آسر ضاحكا باستفزاز:يا بنت الإيه يا شبر ونص انتى.
ليلى:بتضحك على إيه يا مستفز دا انت مضروب.
آسر مرجعا خصلاتها للوراء:أصلك عملتى اللى محدش قدر يعمله.
ليلى مبتعدة ومتجاهلة لكلامه:إحم... كريم.....على شوفوا يلا احنا هنعمل ايه.
كل ده وآسر بيضحكلها باستفزاز 😂
كريم: يلا إيه الخطوة الجاية.
على اقترب من آسر: ههههههههه 😂 القلم بتاعها رن فى ودانى يا آسر.
آسر: فرحان انت طبعا فيا.
كريم منضما لهم:طبعا لازم يبقى فرحان عشان متبقاش بيضرب لوحده ههههههههه 😂.
على:دا على أساس إن رهف قبل الجواز مكنتش كل شوية مهيش نازلة بالأقلام على خلقتك.
كريم مازحا:وفى الخطوبة كمان وحياتك 😂.
ليلى بعصبية:انتوا بعدتوا كده وبتتكلموا فى إيه
آسر:بقولهم على التنفس اللى عملت.....
ليلى صارخة:بس متنطقش.
على:تنفس إيه
كريم:أنا مش فاهم حاجه.
آسر ضاربا إياههم فى معدتهم:التنفس لما كان مغمى عليها.
كريم:هو دا مش غباء منى بس هو فيه إيه.
سارة:بصوا أنا ساكتة من ساعتها ومش راضية أتكلم......ليلى مفيش حاجه آسر كان بيضحك عليكى.
على:يعنى كريم مطلعش غبى.
سارة: ههههههههه لأ 😂
ليلى ممسكة آسر من ياقته:اه يا سافل يا قليل الأدب يا بارد ياللى متربتش انت...انت إزاى تفهمنى إنك.......
آسر بابتسامة:إنى إيه كملى
ليلى تاركة إياه:إنك...مش مهم وابعد عني متكلمنيش من هنا لغاية أما نخلص المشوار ده
على وكريم وسارة نازلين ضحك عليها لإنهم فاهمين آسر فهمها إيه وهى خلاص احمرت واخضرت وجابت ميت لون😂
ساره:شباب أنا هقولكم حاجة انتوا كده الجزء بتاعكم خلص استنوا بقى لما طنط ماجدة تتواصل مع شذا وعمر وبعدين هنرجعلكم تانى.
آسر:تمام يا سارة مستنيين
..........................................
قدام الباص عمر وشذا وفريدة ووفاء واقفين بيعدلوا السماعات والمايك وماجدة إدتهم الإشارة عشان يتحركوا.
شذا ماشية قدام وعمر ماشى وراها فعلا زى الجاردات ومعاه وفاء وفريدة.
راحوا كلهم عند البوابة اللى كان عليها الحرس.
شذا للحارس: ماهر بيه موجود.
الحارس:أيوة اتفضلى يا شذا هانم.
الحارس الآخر:بس مين دول يا شذا هانم.
شذا:اه...دا الجارد بتاعى ودى مدام ماريان ومدام ميريت.
الحارس:طيب ثانيه واحده هستأذن وأجيلك.
شذا:اتفضل.
الحارس الأول:اعذريه يا شذا هانم أصل مش ماهر بيه بس اللى جوه.
شذا:أومال مين.
الحارس:دا البوص الكبير كمال بيه.
شذا:طيب هو برده مرضاش يدخلنا على طول ليه.
الحارس:أصله راجل شكاك جدا ومش بيثق فى حد فلازم يتأكد الأول انتوا مين وعاوزين إيه.
شذا بنبرة طبيعية:اه....لأ عادى جدا مفيش مشكلة.
الحارس التانى جه ودخلهم وفضلوا هما فى الريسيبشن مستنيين البوص وماهر.
ماجدة:لحد كده دلوقتى تمام...استمروا.
شذا لعمر:انت قاعد زينا ليه.
عمر:عاوزانى أعمل إيه يعنى رجليا وجعتنى من الوقفة.
شذا:قوم أقف مش انت جارد
عمر:حاضر هو كان يوم ما يعلم بيه إلا ربنا يوم ما رجعت مصر أصلا.
وفاء:عندها حق متبوظلناش الشغل.
فريدة:أيوة اتلم.
عمر بضيق:يوووه حاضر.
بعد كده البوص دخل عليهم وهنا كانت المفاجأة
فريدة:إيه ده كمال.
كمال باستغراب:إيه ده انتوا بتعملوا هنا إيه.
وفاء:انت اللى بتعمل ايه هنا.
كمال:طيب كويس يبقى نلعب بقى على المكشوف.
شذا:انطق وديت الولاد فين.
عمر:أنا معرفش طنط وفاء وطنط فريدة عارفينك منين بس إحنا مش هنسيبك ومش هنمشى من هنا إلا ما نطلع الولاد كلهم من هنا.
كمال:وانتوا فكركوا إنكم هتطلعوا من هنا أصلا
ههههههههه.
ماجدة على الجانب الآخر:ده كمال.....هو اللى بيحصل ده...أنا لازم أبلغ أيمن دى كده الدنيا باظت خالص.
نرجع تانى لكمال فى الڤيلا:
فريدة:طالما بنلعب على المكشوف بقى يبقى تقولنا فين الولاد دلوقتى حالا وانت بتعمل كده ليه.
كمال:أعتقد السؤال ده إجابته مش محتاجه تتقال لإن انتى ووفاء عارفين كويس أنا بعمل كده ليه.
وفاء:طيب لو بتنتقم يا جبان ليه تنتقم من ولادنا.
شذا:عشانه جبان يا طنط زى ما حضرتك قولتى.
فريدة:طول عمرك كده يا كمال عمرك ما عرفت تواجه وعمرك ما كنت صادق مع نفسك حتى.
كمال:وانتوا بقى اللى كنتم كويسين وصادقين مع نفسكم.
وفاء:إحنا عمرنا ما ظلمناك وربنا شاهد علينا لكن انت اللى ظلمت نفسك وجيت على حق غيرك.
عمر:أنا مش فاهم إيه الموضوع بس قدامك خمس دقائق بالكتير تطلع فيهم الولاد من هنا وإلا مش هيحصلك كويس.
وفاء: بالظبط كده ولو حد مس شعرة واحدة بس من ولادى انت مهتعرفش انت هيحصلك إيه.
كمال: ههههههههه لاحظوا إنكم فى بيتى ووسط حراسى يعنى التهديد بتاعكم ده ملوش قيمة عندى.
وفاء ممسكة ياقته:أنا كلامك ده ميلزمنيش انطق فين ولادى.
كمال زقها على الأرض:ولادك موتهم.... مفيش عندى ليكوا عيال.
وفاء وهى تنهض:كداااب وحقير.
كمال:عيالكم موتهم.....ولا انتوا موصلتكوش الصور؟
فريدة:صور إيه انطق.
كمال ناظرا لشذا وعمر:هما عارفين صور إيه.
فريدة:صور إيه دى يا عمر.
عمر:متصدقيهوش يا طنط دا كداب.
شذا:أيوة يا طنط دا بيحاول يلعب بأعصابنا بس.
كمال بهدوء:تمام كده بقى يبقى أوريكوا الصور بنفسى.
كمال راميا لهم الصور:شوفوا بنفسكم.
وفاء وفريدة اتصدموا صدمة عمرهم وهما بيتفرجوا على الصور.
وفاء:إيه....مش معقول انت عملت إيه فى الولاد.
كمال ضاحكا بشر: ههههههههه عشان تصدقوا بس ومتقولوش إنى كداب.
فريدة: وهى تصفعه:انطق يا حيوان يا قذر وديت ولادنا فين قسما بالله لو حصلهم حاجة مهيكفينى أطلع روحك فى إيدى.
كمال غاضبا بعد صفعة فريدة:خدوهم على المخزن تحت.
جه الحرس وأخدوا فريدة ووفاء وعمر وشذا وودوهم على المخزن.
الولاد كانوا قاعدين فجأة الباب اتفتح عليهم ولقوا فريدة ووفاء وشذا وعمر ومبقوش فاهمين هما بيعملوا ايه هنا ولا جم إزاى.
سيف متفاجأ:إيه ده ماما وطنط وفاء انت جيتوا هنا إزاى.
سامى:أيوة انتوا جيتوا هنا إزاى.
فريدة ببكاء:انتوا كويسين.
ريم:أيوة الحمدلله يا طنط كويسين.
فريدة: الحمدلله الحمدلله.
وفاء:فكرنا الكلب الجبان اللى بره ده عمل فيكوا حاجة.
أحمد:لا الحمدلله احنا كويسين يا طنط.
مى:طيب انتوا بخير حد عمل فيكوا حاجة
وفاء:لا يا حبيبتي إحنا كويسين وبخير.
لينا:طيب انتوا جيتوا هنا إزاى يا طنط وشذا هنا بتعمل ايه.
ريم: والأهم من كده مين ده (عمر)
وفاء:أنا هقولكم كل حاجة من البداية لغاية دلوقتى....اسمعوا.
وفاء حكتلهم على كل حاجة من أول ما آسر دور على شذا لحد دلوقتي.
شذا:اتمنى انتوا كمان تسامحونى على كل اللى عملتوا.
أحمد:مسامحينك يا شذا.
لينا:وأكبر دليل على حسن نيتك إنك موجودة معانا دلوقتي عشان تساعدينا.
شذا:اسكتوا دا انتوا غلبتونى وفى الآخر محشورة معاكم أهو وعاوزة اللى بنقذنى.
ريم:جرا إيه يا حجة شذا انت هتذلينا ولا إيه.
مى:مش انتوا قولتولى إنى كريم معاكم بره.
عمر:أيوة.
مى:هو ده اللى هيذلنا متقلقوش.
سامى: دا هيذلنا وهيشلنا ومش هنطلع من هنا بسببه أنا عارف.....وهو على معاكم مش كده.
عمر:أيوة معانا...دا جبلى شلل أخوك ده
سيف:بسبب إيه بالظبط.😂
عمر:نازل يا عم تسبيل فى سارة.
أحمد:سارة أختى....طب اما أطلع بس والله لأشرب من دمه.
وفاء:يا ابنى مش حكتلك إنهم هيتجوزوا.
أحمد:طب ودا مبرر يعنى.
فريدة:هو إحنا نهرب من شكل بره نيجى نلاقى شكل جوه.
مى:ليه يا طنط هو مين بيشاكل بره
شذا:قولوا مين مش بيشاكل.
عمر: خصوصا آسر وليلى
لينا:ليلى دى أختك مش كده.
عمر:أيوة.
لينا:ويا ترى شعرها أحمر وبشرتها بيضة زيك كده.
سامي:ما تلمى نفسك بقى بدا ما أتاويكى هنا.
لينا:مش قصدى بحاول بس أعرف شكلها أصل أنا شاكة فى آسر.
عمر ضاحكا: ههههههههه 😂 إذا كان أنا نفسي أخوها وشاكك فيه والله.
سيف:إوعى تقولى وقعوا في المحظور 😂
عمر:مش متأكد بس باين كده ههههههههه 😂.
أحمد بغيظ:طيب يا على طيب.
سامى:يا ابنى هو الولا شاقطها دا هيتجوزها.
فريدة: وبعدين يا أحمد على اتغير وبقى قليل الأدب بس متقلقش.
سامى:لأ متقوليليش على اتغير دا نفسى أخوه ومش مصدق.
ريم:استنى يا عم دا بتقولك بقى قليل الأدب...يعنى إيه يا طنط بالله عليكى 😂
وفاء:قصدها يا حبيبتي إنه اتنقل من مرحلة السفالة وبقى قليل الأدب بس.
سيف:لا دى كده سارة عملت معجزة.
عمر:بقولكم إيه هو إيه اللى مرمى هناك ده.
مى:قصدك مين اللى مرمى هناك ده.
عمر:يعنى البتاع اللى مكسر فى بعضه ده بنى آدم.
مى:أيوة....دا ماهر.
شذا: ماهر...... سبحان الله كان ياما هنا ياما هناك.
وفاء:طب وإيه اللى عمل فيه كده.
لينا:ولا حاجة يا طنط كل شوية الراجل المفترى اللى بره ده ياخده ويرجعه زى ما شوفتى كده.
وفاء:ليه هو عمل إيه ده.
أحمد:عمله اسود ومهبب يا طنط دا هو ده أوس البلاوى كلها.
وفاء:لا والله الجثة ده.
ريم:أيوة هو ده اللي خطفنا عشان يجيبنا للراجل الكوبارة اللى بره ده.
سيف:هو الراجل اللى بره ده خاطفنا ليه أنا مش فاهم حاجة لغاية دلوقتى.
عمر: وبعدين فى حاجة غريبة كمان هو انتوا تعرفوه منين يا طنط وفاء.
وفاء ناظرة لفريدة بارتباك:مش مهم يا ولاد تعرفوا كل حاجة دلوقتى أما نطلع من هنا هبقى أحكيلكم على كل حاجة.
سامي:يعنى انتوا فعلا تعرفوه يا ماما.
وفاء بارتباك:أيوة نعرفه.
سامى:طيب ما تحكلنا ياماما بقى.
وفاء:قولتلك بقى أما نخرج من هنا يا سامى.
سامى:طب وافرضى بقى يا ماما مخرجناش من هنا نبقى موتنا من غير ما نعرف إحنا مخطوفين ليه.
فريدة:أعوذ بالله من بوزك الفقر.
عمر: والله طبيعي تتخطفوا طول ما البنى آدم ده معاكم.
لينا:لا هو كده من أول ما اتخطفنا احنا اتعودنا عادى.
أحمد:طيب ثانيه واحده مش انتوا قولتوا إن معاكم سماعات وكاميرات وطنط ماجدة بتتواصل معاكم.
شذا:كانت معانا....بص وهما بينقلونا هنا وقت الكاميرا بتاعة عمر منه وشافوها ففتشونا كلنا وأخدوا مننا السماعات والكاميرات......ما شاء الله عليكم حظكم إيه نار.
وفاء:مش معاهم الواد سامى ابنى يبقى الموضوع انتهى.
مى:شوف حتى مامتك كمان مش طايقاك.
عمر:عاوز أقولكم بقى حاجة انتوا متعرفوهاش.
ريم:إوعى تقولى إنك سلكت السماعة بتاعتك والكاميرا بالطريقة.
عمر:براڤو عليكى بس انتى عرفتى إزاى انتى كنتى حرامية قبل كده ولا ايه.
ريم:ما تلم نفسك يا عمر الله ما انت طلعت زميل أهو.
شذا: يعنى انت يا بنى آدم معاك السماعة والكاميرا من ساعتها ومبتنطقش.
عمر:ما هو لو صبرتى على رزقك هتعرفى يا فالحة إنى مش معايا إلا الكاميرا.
لينا:يعنى هما دلوقتى شايفنا بس ومكنوش سامعنا من ساعتها.
عمر:أيوة محدش سامعنا بس هما دلوقتى شايفنا على الجهاز اللى كانت شغالة عليه طنط ماجدة.
ريم:يعنى مامى دلوقتى شايفانى....طب أنا عاوزة أقولها إنى جعانة.
الكل:ييييه
ريم:إيه يا جماعة أنا جعت واتبهدلت بجد وعارفين كمان دا مفيش بيتزا....يرضيكم.
أحمد:انتى حولة يا حبيبتي بيقولك كاميرا بس يعنى مش هتسمع صوتك عشان تقوليلها إنك جعانة وعاوزة بيتزا.
ريم:طيب ينفع أشاورلها.
أحمد:شاورلى يا ختى أما نشوف أخرتها إيه.
ريم فتحت بقها على الآخر وقعدت تشاور عليه وبعدين قعدت تشاور على كرشها وبعدين عملت نفسها بتعيط وشاورت على أحمد.
فريدة مسكتها من البلوڤر بتاعها:طب انتى مفجوعة وقلنا ماشى لكن بتشاورى على الولا الغلبان وبتعيطى ليه عملك إيه.
وفاء: صحيح الولا مخطوف باحترامه أهو مش كفاية عليه سامى ابنى.
سامى:يوه بدخلونى ليه الحوار.
وفاء:إخرس انت.
سامى: حاضر
فريدة:انطقى يا بت بتتبلى على الواد ليه.
ريم: علشان مش بيجبلى بيتزا.
أحمد:أنا مش هرد..حد فيكم هو اللى يرد علشان أنا لو رديت عليها هطلقها.
لينا:بت إحنا مخطوفين مخطوفين كمان مرة مخطوفين سمعتى ولا لسه.
ريم:سمعت....بس هو ده سبب يعنى عشان ميجبليش.
أحمد عضها من إيديها ومكنش راضى يسيبها لغاية أما شدوها منه بالعافية.
ريم:اه شوفوا سنانه علمت.
أحمد: أحسن عشان تحترمى نفسك وتشغلى عقلك.
مى:متعصبش نفسك يا أحمد دا لو الحيطة فهمت ريم هتفهم.
ريم:ابقوا فكرونى آخد حقنة الكلب أما نطلع من هنا.
شذا:اسكتى بقى إحنا حايشينه عنك بالعافية.
سيف:ماما سيبك من كل ده وقوليلى الراجل ده حكايته إيه وخاطفنا ليه ومتقوليش هقول بعدين.
مى:أيوة يا طنط قوللنا وكمان عاوزة أعرف علاقته بيكم إيه لإنه جاب سيرة مامى وسيرة عمو محمد فى الكلام.
وفاء:,كده يبقى مفيش مفر احكيلهم يا فريدة.
فريدة: تمام بصوا معايا بقى كمال ده إحنا نعرفه من لما فى الكلية تقريبا
ريم:يعنى من ٨٠ ٩٠ سنة كده يعنى 😂.
شذا حادفة عليها الحذاء الخاص بها:كملى يا طنط ولا يهمك.
فريدة:قلبى يا شوشو.
شذا:قلبى يا فيرى.
ريم:أى.....ماشى هسكت كملى يا فيرى هو حقك والله 😂.
فريدة:المهم بقولكم كلنا نعرفه تقريبا من أيام الجامعة أنا ووفاء ونجلاء وماجدة وحتى أبهاتكم كمان عارفينه لإنه دفعتهم فى الكلية أصلا وكان المفروض إنه يتخرج معاهم فى نفس الدفعة
سيف:أنا بجد متشوق أوى أعرف إيه اللى حصل.
ريم:وأنا كمان والله يا واد يا سيف .
أحمد:منتوش عاوزين فشار بالمرة.
سيف:يا ريت والله.
أحمد: استغفر الله العظيم كملى يا فيرى مالكيش دعوة بيهم.
وفاء: أيوة ملكيش دعوة بيهم وأنا لما أطلع من هنا هربيهم من جديد.
شذا:وفيه واحد كمان محتاج تربية ممكن تربيهولى يا طنط.
وفاء:عنيا يا روحى بس مين فيهم أصل كلهم ما شاء الله ناقصين تربية أصلا.
شذا:عمر يا طنط.
عمر:دا أنا.
شذا: أيوة انت يا عديم الاخلاق.
عمر:الله وأنا عملت إيه.
شذا:عملت كذا عاملة منيلة بنيلة لسه محاسبتكش عليهم
مى:وجاية تحاسبيه دلوقتى....هو ده وقته بزمتك.
لينا:لأ بس عندك حق باين عليه من عينة على قليل الأدب.
عمر:دا أنا.
لينا:أيوة انت ملكش دعوة.
عمر:كملى يا فيرى بالله عليكى أصل مش هنخلص من التحليل الأخلاقى بتاعهم.
فريدة:ماشى أمرى لله.....اللى حصل بقى إن كمال ده كان بيحب واحدة زى القمر والبنت دى فعلا كانت بتحبه بس قبل ما يتجوزوا حصلها حادثة وحد اعتدى عليها جه كمال وشافها بمنظرها ده مقدرش يستحمل وساب البنت الغلبانة طبعا قبل فرحها بتلات شهور ودخل في حالة اكتئاب رهيبة وكان هينتحر كذا مرة واللى زود المشكلة أكتر إن البنت دى نفسها انتحرت هو بعدها دخل مصحة وفضل يتعالج فيها كذا شهر المفروض علاجه كان يطول أكتر من كده بس هو رفض يكمل العلاج طبعا برده انتوا لسه مش فاهمين هو عاوز ينتقم ليه.
أحمد: أكيد وإيه علاقة كل ده بيكم.
وفاء:هكملك أنا كل ده كان عادى بس اللى مش عادى إن البنت كان اسمها ماجدة على اسم مامتك يا ريم.
ريم:على اسم مامى.
وفاء:أيوة كان اسمها ماجدة وكانت قريبة جدا فى الشبه لوالدتك فى الوقت ده باباكى وعمك صلاح وعمك توفيق وعمك محمد كانوا اتخرجوا وكمال طلع من الكلية خالص ومكملهاش وكان باباكى خاطب مامتك باباكى بقى والبقية كانوا قريبين جدا من كمال وبيحاولوا طول الوقت يساعدوه ويخففوا عنه بس هو مرضه عماه وكل شوية كان بيضايق مامتك وبيحاول يقرب منها
سامى:نقدر نقول إنه عيان بيها يا ماما.
وفاء:اه نقدر نقول كده لإن كمان الدكتور اللى بيعالجه قال نفس الكلام ونقدر نقول كمان إنه متعلق بيها جدا وبيحبها حب مرضى مامتك فضلت كتير ساكتة ومش بتقول حاجة لوالدك عشان مضايقوش لغاية أما جه فى يوم وزودها جدا وحاول إنه يعتدى على مامتك.
لينا:دا اتجنن خالص ده.
فريدة:طبعا والمشكلة ساعتها إنه مكنش فى وعيه وكان حاسس ساعتها إنه بيعوض نفسه معاها عن اللى حصل مع خطيبته الأولانية لغاية أما جه باباك يا أحمد وعمك صلاح وعمك توفيق وعمك أيمن وأنقذوها على آخر لحظة المشكلة إنه اتحط فى المصحة نظرا لحالته الصحية والعقلية.
مى: طب هو أتعالج يا طنط؟
فريدة:أيوة اتعالج ونفسيته بقت كويسة وعقله رجعله بس كان جواه انتقام كبير للناس اللي ودته المصحة خصوصا بعد ما أبوكى يا لينا مسبش فيه حتة سليمة.
عمر:طب والله براڤو عليك يا عمو أيمن.
وفاء:المهم بقى يا ولاد إنه لما رجع عشان ينتقم كان عاوز يضر أيمن والبقية فى شغلهم بس اتكشف على طول ودخل السجن تانى ودا زود موضوع الانتقام أكتر وأكتر.
فريدة:وبعد كل السنين دى رجع دلوقتى عشان ينتقم مننا فيكم.
شذا:دا إيه يا ختى الراجل الفاضى ده.
لينا:اه والله يا بنتى مكنوش يعنى حتة مصحة على حتة سجن مرتين.
مى:عندك حق ميستهلوش يعنى يعمل عليهم كده.
أحمد:عارفين الحلو فى الموضوع إيه.
ريم:إيه.
أحمد:إنه دلوقتى فى وعيه وبيعمل كل حاجة عن قصد عشان يلبس ومعدتش يطلع من السجن تانى أبدا.
سامى:ورب الكعبه شكلنا كده إحنا اللى مش طالعين من هنا أبدا.
وفاء ممسكة رأس سامى:سيبونى عليه ابن الكلاب ده
سامى متوجعا:اه.....سيبينى يا ماما وبعدين انتى كده بتشتمى نفسك.
وفاء:ملكش دعوة بيا اشتم نفسى زى ما أنا عاوزة.....أنا معرفتش أربى.
سامى:اه...يا ماما سيبينى خلاص....متقوليلها حاجة يا فيرى
فريدة ضاحكة: ههههههههه 😂 لأ خليها ماسكة فيك كده إوعى تسيبيه يا فريدة.
وفاء:ما أنا لو كنت قرصتك من لباليبك وانت صغير مكنتش طلعت كده.
الكل قاعد يضحك عليهم وخصوصا لينا.
لينا: ههههههههه 😂 هموت مش قادرة ده كله كوم واللقطة دى كوم تانى.
سامى:جوزك بيضرب وانتى واقفة....إلحقينى.
لينا:ألحقك وأزعل فوفة حبيبة قلبي أبدا ما يحصلش ههههههههه 😂.
سامى:يا لهوى انتوا اتفقتوا من دلوقتى عليا.
وفاء:دا من زمان يا حبيبي ههههههههه 😂ركز انت بس فى العلقة اللى بتاخدها دلوقتى.
فريدة متدخلة: خلاص سيبيه يا وفاء عشان خاطري.
وفاء تاركة إياه: عشان خاطرك بس يا فيرى.
الكل قعدوا يضحكوا عليهم وفضلوا مستنيين طبعا حد ييجى ينقذهم.
.............................................................................................................