إلحقونا إحنا مخطوفين 🏃😅

باظيييت باظت خالييص 😅

على جانب تانى ماهر كان بيحاول يعطل كل حاجة علشان ميسفرش العيال بره عشان يقعد أطول فترة فى مصر عما يعرف ينتقم من شذا وده عمله مشاكل كتير مع البوص.
فى الجناح اللى فيه الأبطال ؛-
لينا:هو تقريبا مفيش حاجه معملنهاش سجاد وغسلنا مواعين ونضفنا مسح أرضية ومسحنا هنعمل ايه تانى
سيف:دول ناقص يأكلونا النجيلة بس
مى:أنا تعبت بجد
ريم:هو ده شهر العسل دا كان يوم مطلعتلوش شمس يوم ما قررت أتخطب أصلا
أحمد ممسكا البلوڤر بتاعها: خاللى بالك انتى كده بتخبطى فى الحلل
ريم: سيبنى يا عم بقى هو كل حاجة تمسك فيا.
أحمد:أعمل إيه ما انتى اللى لسانك طويل
سامى:سيبها يا أحمد انت عارف العيب من مين ؟
أحمد:من مين
سامى:من اللى خاطفنا
مى:إزاى يعنى مش فاهمة
سامى:إنهم مقتلوناش لحد دلوقتي وسايبنا نشاكل وناكل فى بعض كده.
لينا:لا انت عارف العيب من مين منى أنا أنا اللى إجوزتك أنا اللى عملت فى نفسى كده
سيف بقرف: ولا انت راضع إيه يالا كئابة دى حتى مى بطلت توتر تقوم تقرفنا انت
مى:ودا بقى إن شاءالله مدح ولا ذم يا عم سيف
سيف: مدح يا منيلة إتلهى على عينك انتى وهو وتعالوا نفكر بقى بجد إزاى هنخرج من هنا
أحمد:صح كده وبعدين أنا كنت فاكر إن آسر والعيلة بيدوروا علينا مش عارف كل ده بيعملوا إيه
ريم:مش عارفه ليه شامة ريحة كريم فى الموضوع
سامى:لا لو كريم يبقى انسى روحنا فى داهية
لينا: خصوصا بقى لو كان اتلم على على انت عارف مبيولفوش على بعض أبدا
ريم:عندك حق واحد أهطل وواحد ما بيصدق يشوف أى حاجة مؤنثة ويشبط فيها
أحمد:تلاقيه طالع لأخوه
لينا بشر لسامى: إيه يعنى على طالع نسونجى زيك
سامى مدافعا:لا والله ما يحصل جرا إيه يا عم أحمد هتودينا فى داهية
أحمد:بأمارة ال......فى الوقت ده سيف كتم بقه
سيف: خلاص بقى يا جدعان ابقوا اتحاسبوا بعدين حبوا بعض دلوقتى يمكن نموت
أحمد نازعا يده:أيوة يمكن نموت مثلا
سيف ناظرا لسامى:يالهوى اتعديت منك حسبي الله ونعم الوكيل يا أخى
لينا: أما نطلع من هنا ابقى أقرا الفاتحة على روحك
ريم: خلاص يا لينا ميقصدش دول بيهزروا
مى:كله من على هو اللى جاب لسامى الكلام 😂
سامى:بس أما أطلع من هنا وهوريه
أحمد:مش لو طلعنا من هنا ههههههههه ههههههههه 😂 منك لله يا سامى نشرت العدوى
سيف: بقولوكوا لاز......................
فجأة سمعوا صوت زعيق تحت وضرب وحاجات بتتكسر وطبعا الباب مقفول عليهم مش عارفين يطلعوا يشوفوا فى إيه تحت.
تحت بقى:
ماهر مرمى على الأرض مضروب و شه مليان دم وفى رجالة بسلاح وبادى جاردات فى كل حتة وظهر من وسطهم راجل غريب وطويل وأكتافه عريضة باين عليه الهيبة.
ماهر بتعب:هتندموا والله هندمكم على اللى بتعملوه ده
البوص ضاحكا بصخب: ههههههههه ضحكتنى إرموا الحشرة دا فى المخزن لغاية أما أبقى أشوف هعمل معاه إيه
ماهر:هتندم انت متعرفش تعمل حاجة من غيرى
البوص:انت اللى جنيت على نفسك ومسمعتش الكلام
ماهر:انت عاوز كل حاجة لمصلحتك كان لازم أنا كمان أدور على مصلحتى عشان آخد حقى من شذا
البوص: الكلام دا ميهمنيش أنا قولت كلامى وانت منفذتوش يبقى انت اللى ظلمت نفسك خدوه ارموه من قدامى ميتحطلوش لا أكل ولا شرب سامعين
الرجال:سامعين
البوص بغموض:وأنا بقى اللى هتولى المهمة دى بنفسى.
البوص:هاتلى الناس اللى فوق دول أما نشوف هنعمل معاهم إيه
طلعوا البادى جارادات فوق وجابوا الولاد وحطوهم قدام البوص.
أحمد:انت مين انت كمان وعاوز مننا إيه وفين ماهر.
البوص قرب منه ومسك فكه: ههههههههه أنا اللى هزعل أهاليكوا عليكوا.
أحمد ببرود نازعا يده: متشرفناش الحقيقة
البوص مبتعدا:مش مهم تتشرف بس أنا تشرفت بيكم في جحيمى
لينا:جحيمك على نفسك وأحسنلك تطلعنا من هنا حالا
البوص جالسا على الكرسى: انتوا شكلكوا كده مستغنيين عن أرواحكم.
ريم: بقولك ايه يا عم الغامض انت إحنا دماغنا ورمت ومحناش ناقصين وإحنا اه مستغنيين عن أرواحنا واللى عندك اعمله
مى بتوتر: يعنى هتعمل ايه يعنى وفين ماهر
البوص: دا انتوا مستبيعين بقى ههههههههه بس هجاوبكوا برده بما انكم مراحيم بالنسبالى أحب أقولكم خلاص معتش ماهر
سيف:موته
البوص:لا لسه شوية بس هخليه يتمنى الموت عشان خالف أوامرى وشكلكوا كده هتحصلوه
سامى:مش قولتلكوا هنتعجن وهيموتونا
أحمد:ارتحت انت دلوقتى انهم هيموتونا
مى: حسبى الله فيك يا بومة
البوص:الشئ ده بيتكلم صح
لينا:ثانية معلش قبل ما تموتنا يعنى اللى مسئول عن الهباب اللى إحنا فيه ده كله مش ماهر.
البوص: ههههههههه لأ
سيف: الحمدلله كل اللى استفدناه غيرنا زعيم المعارضة.
مى بتوتر وحزن:وانت هتستفيد إيه لما تعمل فينا كده حرام عليك
البوص:هستفيد كتير عشان انتوا أحسن وسيلة أنتقم بيها منهم
أحمد:تنتقم من مين
البوص بغضب:من أهاليكوا لازم أحرق قلبهم عليكم.
ريم:يادى أم الانتقام اللى شاغلكم كلكم متموتنا وتريحنا من أشكالكم وخلاص
سامى:استنى يا بنتى أما يعذبنا الأول
سيف:إخرس بقى انت بتديلوا أفكار
البوص:الشئ ده بيكلم صح فعلا.....هاتوهم ورايا على المخزن اللى فيه ماهر تحت.
............................................................................................................
فى نفس الوقت ده شذا صحت لقت نفسها على السرير ومغيرة هدومها وحاسة بصداع شديد من كتر الشرب اللى شربته إمبارح بس مكنتش فى بيتها كانت عند ليلى.
شذا ممسكة رأسها: آه يا دماغى أنا فين.
ليلى واقفة عند الباب: صباح الخير يا حبيبتي انتى عندى فى البيت إيه رأيك فيه.
شذا بغضب:حلو بس أنا عاوزة أمشى من هنا.
ليلى:شذا تعبتينى معاكى انتى عارفة انتى عملتى ايه إمبارح
شذا:إيه اللى حصل أنا مش فاكرة أى حاجة
ليلى: خالص مش فاكرة بجد
شذا:اه والله مش فاكرة هو انا هببت إيه انطقى
ليلى:قومى نفطر الأول وبعدين أحكيلك
شذا ببرود:ليلى متحاوليش أنا مش هعد هنا ومش راجعة معاكى وكمان مش عاوزاكى تحكيلى حاجة.
ليلى بغضب: يعنى انتى عاجبك عيشتك بالطريقة دى
شذا بصراخ:أيوة عاجبانى مش أحسن من عيشتى معاكم وأحسن من اللى مامتك كانت بتعمله فيا منتيش عارفة إنها كانت بتستغل سفر عمى وبتشغلنى زى الخدامة عندكم منتيش فكرة لما كنتى بتسرقى الأكل عشان تجيبيهولى من جوعى ولا منتيش فاكرة لما كانت بتاخدنى معاها غصب أماكن زى اللى بروحها دلوقتى وكنت بتعرض فيها للتحرش والناس كانت بتنهش فى لحمى الفرق دلوقتى إنى بعمل كده بمزاجى عاوزة تعرفى أنا سيبت خطيبى ليه عشان خنته قبل فرحنا بشهر
ليلى بتفاجأ:خنتيه ؟
شذا ببرود:أيوة خنته بس مش بالطريقة اللى بالك كل الحكاية إنى حبيت صاحبه عليه واتفاجأ بينا مع بعض فى شقته سهرانين عادى قبل فرحنا بشهر.
ليلى صافعة إياها: يا بجاحتك يا خسارة تربية عمك فيكى يا خسارة ثقتنا فيكى أنا وعمر أخويا
شذا بجنون:انتى اتجننتى بتضربينى يا ليلى
ليلى:أضربك وأكسر عضمك كمان لحد ما تتعدلى وترجعى لعقلك
شذا:قولتلك ملكيش دعوة بحياتى
ليلى ممسكة شذا من شعرها:وهى فين حياتك دى حياتك إنك بتشربى لغاية أما تتسطلى لدرجة إن فى واحد بجح إمبارح كان هياخدك بعربيته لولا لحقتك
شذا:إيه
ليلى تاركة إياها:أيوة يا هانم عشان تعرفى نتيجة عمايلك إيه كان اسمه على تقريبا وكان واخدك إمبارح قال إيه بيوصلك بس أنا لحقته ووديته فى داهية بس للأسف طلع منها.
شذا: داهية إيه وطلع منها إزاى أنا مش فاهمة حاجة.
ليلى: اتبليت عليه بتهمة التحرش والخطف بس للأسف جه واحد أتنح منه وطلعه اسمه ياسر الطحان باين ولا آسر مش فاكرة.
شذا بعنين متسعتين:إيه انتى بتقولى آسر الطحان
ليلى:إيه تعرفيه هو كمان ما انتى خلاص ماشية على حل شعرك وعاوزة اللى يربيكى
شذا بتجاهل:بغض النظر عن كلامك اللى ميخصنيش فى حاجة ده بس أحب أعرفك بس إنه آسر ده كان خطيبي.
ليلى:إيه وإزاى كنتى مخطوبة للتور ده إوعى تقوليلى إنك كنتى بتحبيه
شذا:لأ طبعا أنا عمرى ما حبيت آسر أنا كنت واخداها مصلحة واحد عنده هيبة ووسطات وعلاقات مع ناس كبيرة دا غير إنه مليان فلوس وشكله حلو برضه كنت هسيبه ليه دا كان من أهم الفرص فى حياتى
ليلى:بغض النظر عن إنه ميطقش ومش شكله حلو ولا حاجة زى ما بتقولى بس مين إداكى الحق إنك تلعبى بمشاعر الناس كده ومين إداكى الحق إنك تستغلى الناس وتستغلى حبهم ليكى عشان الفلوس وعشان القرف اللى فى دماغك ده
شذا بغضب:انتى كده أخدتى أكتر من وقتك يا ليلى وأنا ماشية من هنا وسيبينى فى حالى أحسنلك
ليلى:انتى فاكرة دخول الحمام زى خروجه
شذا ببرود:يعنى إيه بقى؟
ليلى:يعنى البيت هنا تحته حرس بابا باعتهم ورايا ومنتيش هتخرجى من هنا دا غير إن كلها يومين تلاتة وعمر ييجى هنا هو وخطيبته عشان بيجهزوا بيتهم اللى هيستقروا فيه هنا وهيكون زى الحرس عليكى بالظبط من الآخر قررنا نعدلك يا شذا ونرجعك لعقلك.
شذا: انتى عارفة كويس إن كل ده مش هيرجعنى عن اللى فى دماغى وبعدين مش عمر أخوكى ده كان ساب العقربة اللى معاه دى
ليلى:لأول مرة هتفق معاكى على حاجة هى عقربة فعلا ومحدش طايقها حتى عمر نفسه بس انتى عارفة إنه خطبها عشان خاطر ماما ومن ساعتها وهى لازقة فيه ومش عارف يخلص منها.
شذا:اه طيب وسعى بقى عشان هخرج يعنى هخرج.
ليلى سابتها وقامت وقفلت الباب بسرعة بالمفتاح وشذا عمالة بتخبط لغاية أما زهقت وليلى مش عاوزة تفتحلها وقررت حتى لما تيجى تجبلها الأكل إنها تديه لشذا من فتحة في الباب من فوق.
........................................................................................................
نرجع تانى للبوص فى القصر:-
كانوا موجودين كلهم فى المخزن بتاع القصر وكان ماهر موجود بس مرمى على الأرض سايح فى دمه ومربوط وهما واقفين بيستنوا يا ترى إيه اللى هيحصل فيهم.
البوص:إيه رأيكم في اللى انتوا شايفينه
لينا:إيه اللى عملتوه فيه ده
البوص:دا كلب ولا يسوى انتوا بقى اللى تسووا علشان كده مضطر إنى معملش فيكوا كده
سامى:يعنى إيه بقى الكلام ده
البوص:يعنى أنا شغال تبع المنظمة اللى عاوزة تجندكوا عشان كده مش هلمسكوا بس مش معنى كده إنى مهتسلاش معاكوا شوية
ريم:تتسلى معانا يعنى إيه بقولك ايه أنا زهقت من اللى جابوكوا والله
ريم هجمت عليه وخربشته فى وشه وفى رقابته وقام رجالته مسكوها
أحمد ضاربا إياهم:سيبوها يا ولاد الكلب اللى هيمس شعرة منها هدفنه مكانه
سيف: ضاربا آخر: إللى هيجى جمب حد منهم هنعرفه مقامه
سامى ضاربا معهم: ضرب لأ ومد إيدين لأ تعالالى هنا بقى انت وهو عشان كده كتير
فجأة جه عدد أكبر ومسكوهم كلهم هما والبنات وربطوا إيديهم وسابوهم فى المخزن مع ماهر اللى مرمى على الأرض وقفلوا الباب عليهم.
............................................................................................................
على الساعة ١٢ الضهر فى الڤيلا عند أيمن الكل كالعادة مجتمعين حوالين السفرة بس فيهم اتنين نايمين.
آسر ضاربا بيده على السفرة: إصحى يا بغل منك ليه
على بخضة:مين إيه جرا إيه
أما كريم بقى مفقش من النوم 😅
آسر:صحيت أخيرا يا كلب لامؤاخذة يا عمو صلاح.
صلاح:لامؤاخذتك معاك يا حبيبي.
آسر:مش قايلكم تيجوا من بدرى صحى الخرتيت اللى جنبك ده.
على:منى لله إنى وقعت فى العيلة دى وبعدين ده تندهلوا مراته هى اللى هتخلى ركبه تسيب
آسر:روح اندهلها من الجنينة هى ورا بتلعب مع آسر الصغير
توفيق:كويس والله إن كريم جاب رهف معاه هى اللى هتظبطه
محمد قادم من بعيد:إيه الأحوال يا شباب
أيمن:هو فى حاجة هتمشى عدل طول مالكلبين دول معانا.
محمد ضاحكا: ههههههههه 😂 معلش بكرة الولاد يرجعوا وساعتها نرميهم فى أى مصحة عقلية........ثم التفت لرهف الحامل في ٦أشهر:
أهلا يا رهف إزيك يا بنتى
رهف برقة: الحمدلله يا عمو
محمد:والولا كريم دا عامل معاكى إيه إوعى يكون مزعلك فى حاجة.
رهف ضاحكة:ميسجرش يا عمو ههههههههه هو طيب بس طايش حبتين وأنا اللى هعدله متقلقش.
آسر:طيب تعالى صحيه وإكسبى فينا ثواب.
رهف:عنيا
اقتربت رهف منه واقترتبت من أذنه وقالت بفحيح: كرييييم
كريم:إيه يا ست عبلة
رهف: كرييييم قوم الخروف اللى بتحبه جهز
كريم بنوم:شوتيه يا حبيبتي يا ست عبلة
رهف: كرييييم قوم عشان تاكله
كريم بنوم:هقوم بس انتى صبحى عليا
الكل واقف مبرق مش فاهمين إيه اللى بيحصل ده.
رهف شاورتلهم عشان يهدوا ويبصوا هى هتعمل إيه وراحت فجأة عضاه من رقبته وكبة عليه مية.
كريم:إيه..... ليه كده يا رهف كل مرة تعملى فيا كده
سارة ضاحكة: ههههههههه إيه يا واد يا كريم الهبل ده 😂
صلاح:أنا مشوفتش حد بيصحى بالطريقة دى قبل كده ههههههههه 😂
محمد:أديك شوفت 😂😂
أيمن: ههههههههه بس مين يا رهف عبلة دى 😂
رهف:أصل يا عمو كل مرة كنت باجى أصحيه ألاقيه بيقول خروف مشوى وست عبلة والكلام ده لغاية أما ألفت قصة كده عشان يصحى 😂
آسر:بس واضح إنه مش بيصحى غير لما ست عبلة تصبح عليه ههههههههه 😂
كريم:خلصتوا تريقة
سارة:لأ لسه ههههههههه ههههههههه 😂
على: طب يلا بقى نشوف انتوا عاوزنا فى إيه يا عم هولاكو.
كريم:استنى هنا يا رهف الأول فين الخروف المشوى.
رهف ضربته على راسه: اتهد بقى دماغى ورمت منك أنا طالعة أشوف آسر عشان منيماه فى الأوضة اللى فوق كويس إنه مش طالعلك.
سارة ضاحكة: ههههههههه 😂 والله أحسن يا بنتى كريم كفاية منه واحد.
كريم: حسبى الله ونعم الوكيل
قعدوا كلهم حوالين السفرة يتكلموا.
آسر: طبعا مش محتاج أقول على اللى حصل إمبارح لإن أنا اللى غلطان عشان باعت واحد ابنه الصغير أعقل منه وواحد سافل رايح يشقط ومعاه بنات
على:دول كانوا لزوم الخطة يا آسر.
توفيق:والقسم برده كان لزوم الخطة.
آسر:بقى تخلينى أروح القسم بسببك مش كفاية البت أم شعر أحمر اللى لسانها طول مترين دى.
كريم:معلش بقى يا آسر قوله يا على على المعلومات اللى عرفتها يمكن يعتقنا بدل ما إحنا زى العبيد عنده كده
سارة ضاحكة: ههههههههه مش قادرة والله آسر انت ماسك عليهم حاجة 😂
صلاح:مش محتاج يمسك دول ممكن يعلقهم هنا عادى جدا 😂
على ناظرا لسارة بغضب:نفسى أفهم انتى فرحانة فينا أوى كده ليه
سارة بعدم اهتمام: ولا بفكر فيكم أصلا بس من هبل الاستاذ كريم وقلة أدبك بتيجيبوا لنفسكم التهزيق فلازم أضحك
على:اوووف يا باى....خلصت تهزيق يا آسر عشان أبدأ قبل ما أستاذة سارة تموت من الضحك.
سارة:رخم موت
على:تلمة أوى
أيمن:بطلوا بقى انتوا الاتنين هى ناقصاكوا انتوا كمان
آسر:قول اللى عندك يا على
على:ماشى يا سيدى اللى قالتهولى إنها كانت مخطوبة لواحد عشان فلوسه اللى هو انت وإنها داخلة في حاجة كده الأيام دى هتجيب منها فلوس كتير بس راحت عليها عشان فى واحد نصب عليها وأكل عليها فلوسها وهى عاوزة تنتقم منه.
سارة: طب والبنت بتاعة القسم دى يا ترى تقربلها إيه.
كريم:وهى كانت بتصوت وبتلم الناس على على قالت كان بيتحرش بيا وهيخطف بنت عمى فهما كده ولاد عم.
محمد:وانت ملحقتوش ليه يا كريم قبل ما ياخدوه القسم
كريم:وأنا أدبس معاه ليه يا عمو مش كفاية اتأخرت ومجبتش عيش وزبادى وفضلت أتحايل على رهف ساعة ونص عشان تدخلنى البيت.
على:واطى
كريم:مشكرين يا حوبى
صلاح: وهنعمل إيه بقى دلوقتى يا آسر
آسر:الوقتى أنا اتأكدت إن شذا ليها يد فى الموضوع وإن فى فعلا وراها حاجة غلط و......
على:استنى يا آسر افتكرت بنت عمها دى كانت بتقولها بتعملى فى نفسك كده ليه وانتى راحة معاه فين باين عليها كانت خايفة عليها أوى
توفيق:طب ودا معناه إيه
على:دا معناه إنها مش معاها فى كل دا وعاوزة تساعدها عشان تبعد عن الطريق ده
سارة:ودا برده معناه إيه ذكى
على:معناه إننا لو وصلنالها ممكن تساعدنا بما إن هى أقرب حد دلوقتى لشذا.
آسر:بس دى بت شلق ولسانها ٢٠متر مشوفتهاش وقفت فى وشى إزاى إمبارح.
صلاح: معلش يا آسر بقى ممكن هى دى اللى تساعدنا لإنها كده مصدر مهم.
آسر:أمرى لله هو كان كفاية عليا على وكريم يلا حصل خير.
سارة ضاحكة: ربنا يصبرك على ما بلاك والله
على:قصدك إنى بلوة يعنى
سارة:لا انت مش بلوة انت قليل الأدب ومعندكش دم ولا إحساس ومش بتفهم.
على:اه وبارد ومعدوم البصر والبصيرة
سارة:كويس إنك حافظ
على:ارحمنى يا رب
أيمن:بس يا ولاد بقى المهم دلوقتى إننا نعرف مكانها فين.
آسر:أنا عن نفسي عارف بيت شذا هما ممكن يبقوا فيه وممكن لأ عشان ممكن تكون مع اللى اسمها ليلى دى
سارة ضاحكة:ياااه انت مش طايقها أوى كده.😂
آسر:اه والله مش عارف ليه.
كريم:متشغلش بالك أنا ورهف كنا كده قبل ما نتجوز وجابتنى على ملا وشى.
آسر ببرود مخيف:قصدك ايه يا كريم إنى ممكن أحب واحدة زى دى
كريم:يا عم مقولتش كده بس منتاش ملاحظ إنك شاغل بالك بيها شوية ومن الصبح عمال تجيب فى سيرتها يعنى معلقة معاك من إمبارح
آسر بارتباك:إيه لا مش..مش شاغل بالى ولا حاجة انت اللى بتهيقلك بس وبعدين شفتها مرة واحدة هتعلق معايا إزاى يعنى وطبيعى أجيب سيرتها عشان الخطة يعنى.
كريم بشك:مقنع برده
على بغمزة لآسر:على البركة يا عم هولاكو.
آسر:إرحمنى يا رب المهم بكرة هروح أنا والبغلين دول بيت شذا عشان نشوفها ونتفاهم معاها عشان موضوع المراقبة دا معتش نافع
محمد: تمام يا حبيبي ربنا يعينك .
...................................................................................................