إلحقونا إحنا مخطوفين 🏃😅

راجعين يا هوى ٢🤭

فى نفس الوقت اللى كان كريم مطلع فيه عنين عمر والبقية عشان يربطوا الجاردات كان سامى وريم ومى وعلى والأمهات بيقتحموا الدور التانى عشان يخلصوا على اللى فيه أول ما طلعوا فوق لقوا ريسيبشن كبير ومتفرع منه تلات أوض اتنين منهم مقفولين والأولانية بس هى اللى كانت مفتوحة كلهم دخلوا على الأوضة الأولانية ومن حسن حظهم مكنش فيه غير جاردين بس فسامى استغل الفرصة ورمى قنبلة صوت قدام الأوضة عشان يلفت انتباههم وماجدة رمت قنبلة غاز وأول ما طلعوا بره الأوضة الكل اشتبك معاهم وخدرهم حسب الخطة وربطوهم بالحبال.
كلهم دخلوا الأوضة دى لاقوا شكلها غريب جدا وفيها أجهزة وشاشات وكاميرات.
ريم ببلاهة:أحيه واللحمة بقت بجنيه
سامى وهو ينظر للشاشات بانبهار:تعديل بقت ب٣٠٠
ريم مشاورة بيدها فى وجهه:اتنيل يا منيل على عينك.
نجلاء:هو انتوا مبتعرفوش تعيشوا تلات ثوانى من غير غباء.
سامى:دى موهبة بالفطرة عندنا يا طنط.
نجلاء:لا والله.
مى:أيوة صدقيه يا طنط ميتهيقليش هيبقى فيه أغبى من كده.
على:لا فيه انتوا ناسيين كريم.
وفاء:اه صحيح ده تلاقيه مطلع عنين عمر دلوقتى.
ريم: ربنا يستر والله ما هيضيعنا غيره يا طنط.
فريدة:هو برده اللى هيضيعنا لوحده.
ريم:إيه يا فيرى صلى على النبي فى قلبك كده
فريدة:متغوزينى أحسن يا بت.
ريم بضحك:بهزر معاكى يا فيرى هو فى حد هيضيعنا إلا أنا وكريم وعلى ههههههههه 😂
ماجدة:وسامى عشان كل ما يفتح بقه نقع في مصيبة شكل.
ريم:وسامى كمان ولا تزعلى يا مامى.
سامى:بت انتى بتطبللها على حسابى.
ريم لسامى ببرود مضحك:أومال عاوزهم يعملوا الليلة على حسابى لوحدى ولا إيه.
على:لا إزاى ودى تيجى برده.
ريم:بقولكم إيه هو السلوك دى لو لمسناها هنكهرب.
سامى:بقولك ايه متجربى كده وتقوللنا.
نجلاء:وهى لو جربت هتقولنا برده يا غبى.
ريم:اه طبعا هقولكم يا طنط بس ساعتها هبقى فى دار الحق وانتوا في دار الباطل.
مى: وده وقت هزارك يا حجة انتى اتلمى بقى...ريم أقولك حاجة متتحركيش من مكانك أحسنلك.
ريم:حاضر.....مى....مى.
مى:عاوزة ايه من زفتة.
ريم:ممكن أرمش.
ماجدة:ممكن تبطلى استعباط وتتكتمى عما نشوف إيه الشاشات دى.
على:وانتوا تاعبين نفسكم ليه يا جماعه دى غرفة مراقبة واضحة يعنى.
وفاء:لا والله على أساس احنا مش شايفين
على:وأما انتوا عارفين أماما الحاجة بتحكوا من ساعتها ليه.
وفاء:هو احنا نطقنا ياض ده مفيش إلا البغلة دى اللى اسمها ريم اللى مغلبانا من ساعتها.
مى:أيوة يا على متاخودناش بذنب الآخرين.
فريدة جاذبة على من بلوزته: وبعدين تعالى هنا ياض إيه أماما الحاجة اللى انت قولتها لأمك دى.
على بتفاجأ:أمك.
سامى:يعنى انت مش معترض على أماما البيئة بتاعتك دى ومعترض على فيرى عشان بتقولك أمك.
على ممسكا بلوزته التى فى يد فريدة:كله إلا أماما.
وفاء:أنا عن نفسي أمك ومش معترضة.
نجلاء:أيوة كده ربيه يا فيرى متسيبيهوش
ريم:هى حرفيا لو قعدت تربى فينا كلنا بالسنين مش هيجيب نتيجة.
فريدة تاركة على وناظرة لريم:اصبروا عليا بس انتوا الاتنين انتوا والجاموسة اللبانى اللى واقف وراكوا ده بس أما أطلع من هنا وهربيكوا.
سامى:أنا حاسس إنى بتهزأ.
مى:حاسس مش متأكد يعنى.
سامى:لا حاسس تكونش قصدها بالجاموسة عليا لا أكيد متقصدش متطلعش منها.
ماجدة:لا تقصدك يا عديم المخ والضمير.
سامى بضيق:هو إيه كمية التهزيق دى هو كل أما تيجوا تهزقوا حد تهزقونى معاه.
مى:يعملولك إيه انت اللى شكلك لايق عليه التهزيق.
على:هى دى أشكال كانت تخش شرطة أصلا.
وفاء:على الأقل هو اتخرج منها الدور والباقى على اللى لسه مبلط فيها.
مى: ههههههههه ههههههههه 😂
ريم:اضحكى يا أختى ما انتى الوحيدة اللى مش بتتهزقى هنا.
مى بتكبر:منفسنة.
ريم بسماجة:ها ها ها
نجلاء:بطلوا شغل العيال ده بقى
فجأة بيبصوا لقوا فى الكاميرات حاجة خلتهم يبرقوا.
سامى:احنا لازم نتصرف
ماجدة:طب هنعمل ايه
سامى:لازم ننزلهم
ريم: مينفعش كلنا لسه في خطر من ناحية هنا.
مى:خطر خطر مفيش مشكلة لازم نلحقهم.
فريدة:عندى فكرة على وسامى انتوا انزلوا واحنا هنخلص هنا وهننزل وراكوا.
على:بس انتوا كده هتبقوا لوحدكوا.
فريدة:مش وقت بس والكلام ده دلوقتي يا على انتوا لازم تلحقوا آسر وأحمد وسيف ومتشغلوش بالكم بينا.
على:طيب خاللوا بالكم من نفسكم......يلا يا سامى.
سامى وعلى جهزوا معداتهم واتأكدوا منها ونزلوا يتسحبوا تحت
أما الباقى حاولوا يدخلوا الأوضتين التانيين اللى كانوا مقفولين.
فريدة محاولة فتح الباب:مبيتفتحش هما قافلين الأبواب دى كده ليه.
مى:أكيد جواها سر يا طنط.
ريم بزهق: كفاية ساسسبنس أرجوكم.
ماجدة ضاربة ريم على رأسها:يا تفتحى بؤقك بحاجة مفيدة يا منسمعش صوتك خالص.
ريم:يييييه حرام بقى كفاية تهزيق.
نجلاء:انتى اللى معندكيش مخ وبتحبى تتهزقى.
ريم:طب ما بقولكم إيه
وفاء:إيه.
ريم:لا ولا حاجة كنت بجرب صوتى بس.
وفاء:احنا حرفيا لو جايبين حمار معانا مش هيتعبنا التعب ده.
مى:ده مع الاعتذار للحمار طبعا.
ريم:حد قالكم تعالوا انقذونى.
ماجدة:عندها حق والله يا جماعة ده احنا المفروض ننقذ العصابة منها.
وفاء:اه والله ده إيه القرف ده كانوا مستحملينها إزاى دى.
ريم بصوت عالى نسبيا:أنا الزمان هدنى ولا حد بيودنى والحق عليه لولولولولولولىىىىىىىىىى.
ماجدة:يا مجنونة يا بنت المجانين.
ريم:إيه يا مامى بتشتمى نفسك ليه.
ماجدة: طبعا لازم أشتم نفسى على الخلفة العرة دى.
ريم:متقوليش كده ده أنا حتى صوتى حلو شبه شادية.
وفاء:يالهوى شادية ده كويس إن الولية ماتت قبل ما يبقى عندها علم بصوتك.
ريم بتكبر:أومال بقى لما تعرفوا إنى أنا اللى اتوسطلها عشان تغنى
مى:لا والله دى ناقص تقول إنها اللى كانت بتصرف عليها.
فريدة: ربنا يكون في عونك يا نجلاء ده لو جابتلك انتى وأحمد قشاية هتذلكوا عليها العمر كله.
نجلاء:دى بتذل شادية مش هتذلنى أنا وابنى
ريم:عيب عليكى يا طنط عمرى ما أعمل كده أبدا.
ماجدة:تربيتى
ريم:أنا مش هبقى أقول لحد عشان الثواب ميضعش.
ماجدة:ولا أعرفها دى لقيطة.
ريم:انتى هتتبرى منى يا ماجدة ولا إيه.
ماجدة ممسكة ريم من شعرها: ماجدة حاف يا بنت الجزمة.
نجلاء:إيه رأيكم نربطها هنا ونسيبها أصل دى خطر على البشرية أنا خايفة على نفسى وعلى ابنى منها.
ريم جاذبة مى فجأة:انا بهددكوا يا تسيبينى يا مامى يا هعض مى.
فريدة جاذبة مى:سيبى مرات ابنى يا متوحشة مش كفاية أحمد الغلبان.
ريم بزعل:كده بتعملوا فيا كده وأنا بهزر معاكوا.
ماجدة تاركة إياها: خلاص يا حبيبتي احنا كنا بنهزر معاكى.
وفاء:أيوة اوعى تكونى زعلت يا ريم.
ريم جاذبة مى بسرعة: ههههههههه انتوا صدقتوا أنا بضحك عليكوا هو انا عندى دم أصلا.
وفاء:طب سيبى البت.
ريم:أبدا لازم أعضها.
مى:الحقونى يا جماعة مش عايزة يجيلى سعار وأبقى شبه الحيوانة اللى ملهاش نوع دى
وفاء وفريدة جم من ورا ريم وراحوا ماسكنها من دراعاتها الاتنين مقيدنها زى الحراس عشان تسيب مى وهى عمالة تهز رجليها وتزعق.
ريم:سيبونى سيبونى عليها لازم أعضها.
مى:وانتى عاوزة تعضينى ليه.
ريم:مش بيدافعوا عنك من ساعتها وبيهزقونى من غير سبب.
فريدة:انتى بتتبلى علينا يا بت بنهزقك من غير سبب إزاى يعنى.
ماجدة: جماعة احنا لو قاعدنا نناقشها ونقنعها إنها غلطانة وإنها بتتبلى علينا مش هنخلص ولا هنطلع من هنا فى سنتنا.
ريم معدلة هيئتها:صح كده.
نجلاء:طيب حد عنده فكرة غير ريم طبعا احنا ممكن ندخل الأوض دى إزاى.
ريم:أنا عارفة أنا عارفة
نجلاء:اخرسى خالص
ريم: أوف
مى:احنا ممكن نضرب القفل بالنار
ماجدة:كده هيعمل صوت عالى أوى وهيجولنا هنا.
ريم:طب أنا عاوز..........
وفاء:قولنا اسكتى خالص.
ريم بزهق:طيب.
فريدة:طب ما ننزل تحت ونشوف حتة تانية ندخل منها.
مى: مينفعش يا طنط ننزل من هنا إلا لما نأمن المكان ده.
فريدة:عندك حق يا بنتى.
ريم:طيب أنا أنا...
ماجدة بانفعال:عاوزة إيه يا زفتة.
ريم: ببساطة جدا إيه رأيكم نشوف اللى جوه من غرفة المراقبة أحسن.
ماجدة:صدقى إنها فكرة حلوة برده
ريم بفخر:فكرتشى.
مى:طيب يا أختى يلا بينا نشوف بقى هنعمل ايه.
ريم:أيوة بس متنسوش إنها فكرتشى.
نجلاء:عرفنا والله إنها فكرتك انتى هتذلينا بالفكرة كمان ولا إيه.
ريم:أنا أذلكم بالفكرة العظيمة التشوحفة بتاعتى أبدا أبدا يا نوجة.
نجلاء:واضح أوى إنك مش بتذلينا ولا حاجة واخدين بالكم يا جماعه.
فريدة: واخدين بالنا جدا دى ناقص تروح تسجلها فى الشهر العقاري.
ريم:دى فكرة ممتازة
وفاء:يا جماعة الفكرة الممتازة أكتر إننا نسيبها هنا صدقونى.
ماجدة:عندك حق أنا خلاص جبت أخرى منها.
مى: والله واحنا كمان يا مامى أخرنا جاب أخره.
ريم:طيب وأما تسيبونى هنا مين هيدلكم الأفكار التوحفة دى غيرى.
نجلاء:يا رب العصابة تيجى تموتنا ونخلص عشان الذل اللى احنا فيه ده.
ريم:أنا بذلكم أنا ده أنا حتى بحبكم أوى وبموت فيكم.
مى:قصدك هتموتينا هتجلطينا هتشلينا مش بتموتى فينا.
ريم:ليه كده يا ميمو ده إنا حتى جايبالكم فكرة خطشييرة عشان نشوف اللى جوه الأوض دى.
كلهم نزلوا راسهم بيأس من عمايلها وضربوا جبهتهم بإيديهم لإن تقريبا كده مفيش فايدة هى هتفضل تذل فيهم العمر كله باين😂
المهم كلهم بصوا فى الكاميرات وعملوا زوم لقوا كراتين مقفولة فى الأوضتين ومكنوش عارفين الكراتين دى فيها إيه.
مى وهى جالسة على الكرسى مقربة الكاميرا:دى كراتين مقفولة هى إيه كل الكراتين دى.
ريم مقتربة برأسها:تكونش فيها أكل.
ماجدة ناظرة لها بشرر:اخرسى.
ريم بضيق:حاضر.
فريدة:قربى كده الكاميرات يا ميمو
مى:حاضر يا طنط
مى قربت الكاميرات لقت الكراتين مكتوب عليها كلمة إنجلش كده بس مش واضحة أوى.
وفاء محاولة القراءة:ألكح.....أل....أل إيه.
نجلاء:الكلام مش واضح.
ريم:دى مكتوب عليها Alcohol يا طنط.
فريدة ناظرة لهم:يالهوى يعنى دى كلها كحوليات ووسكى وكده.
ماجدة:أيوة باين كده.
مى:بس إيه كل الكمية دى.
وفاء: يخربيتك يا كمال.
ريم بقوة: ده وقع ولا حدش سمى عليه يا طنط.
مى:عندك حق ده أكيد رايح فى داهية.
نجلاء:طب ويا ترى الكراتين اللى فى الاوضة التانية دى فيها إيه.
مى مقربة الكاميرا:مش مكتوب عليها حاجة يا طنط.
ريم:دى أكيد مخدرات.
ماجدة: يا سلام يا أذكى إخواتك وانتى عرفتى منين.
ريم بثقة مضحكة:مش الأولانية دى يا مامى كحول يبقى التانية دى أكيد مخدرات
مى:يا سلام.
ريم: اه والله مش محتاجة.
وفاء:ده انتى الأفلام عاملة معاكى شغل جامد.
ريم: بالإضافة إنى لسه شايفة فيلم فيه نفس الكراتين دى ومش بعيد يكونوا هما فعلا إلا إنى ذكية جدا جدا بالفطرة وده مش محتاج توضيح.
ماجدة:لا واضح ومش محتاج توضيح
ريم بغباء:هو إيه ده
ماجدة:ذكائك يا أختى.
ريم: اه شكرا شكرا أنا مش عارفه من غيرى والله كنتوا هتعملوا ايه.
وفاء:احتمال مكناش نتخطف أصلا.
مى بضحك:ده احتمال أنا مستبعدوش عن نفسي ههههههههه 😂
ريم:طب يلا يا ظريفة ننزل نشوف اللى بيموتوا تحت دول.
مى:بعد الشر عليهم احنا فعلا لازم نلحقهم
فريدة:ايه رايكم نشوف عمر وكريم والبقية الأول علشان أما نبقى أكتر ده يبقى أحسن.
ريم: عندك حق يا طنط بدل ما نخش بإيدينا فاضية عليهم كده والناس عاملين معانا واجب برده وخاطفنا.
فريدة: عقبال ما يعملوا معانا واجب أحسن منه ويقتلوكى انتى وكريم وعلى
مى:وسامى.
فريدة:اه وسامى أصلى بنساه على طول.
ريم:يا رب تنسينى أنا كمان من دعواتك يا فيرى.
فريدة بضحك:طب قدامى يا أختى يلا عشان نروح نشوف أخواتك.
ريم بضيق مربعة يديها:حاضر أما نشوف أخرة البهدلة والتهزيق ده إيه.
كلهم نزلوا يتسحبوا على تحت واحدة واحدة ورا بعض فى مقدمتهم ماجدة
كل شوية كانت بتشاورلهم عشان كان فيه حراس قريب منهم بس عاطينهم ضهرهم لغاية أما ريم راحت موقعة ڤازة.
ريم متوجعة:اه إيه ده ده مين الحيوان اللى حاطط الڤازة دى هنا.
مى: والله يعنى ده اللى لفت نظرك.
ريم ممسكة قدمها :أومال إيه اللى هيهمنى دلوقتى.
مى ناظرة أمامها بقوة للقادمين:استعدوا يلا
ريم منشغلة بقدمها:لا استعدوا انتوا الأكشن ماليش فيه.
وفى الوقت ده واحد قرب عليهم من الاتنين اللى قصادهم ومى ضربته فى وشه راحت ريم مسقفة ومزعرطة
قام الراجل التانى مقرب عليها
ريم بخوف مضحك:جرا إيه يا بغل انت ده أنا بشجعك وبصفرلك أنا فى صفك يا باشا
الراجل طرقع رقبته وبصلها طلعت تجرى قدامه وهو راح مسكها من هدومها.
ريم بقوة:لا لا غلط وغباوة مش عاوزين.
الراجل بتهكم:ها
ريم:حلو كنت مستنياك تغلط وغلطت.
ريم راحت ضربته تحت الحزام ولما وطى على الأرض راحت مطلعة من جيبها الابرة المخدرة وغزاه فى رقبته.
هما طبعا اتعاملوا مع الراجل الأولانى بس كانوا واقفين يتفرجوا على ريم وشجاعتها.
مى:جدعة يا ريما
ريم بفخر:أقل حاجة عندى.
ماجدة بضحك:طب يلا يا أختى.
نجلاء بضحك:تستاهلى بوسة يا ريم.
ريم: شكرا يا نوجة بس أنا عاوزة أكل.
وفاء:لا بقولك ايه معندناش وقت.
ريم:يعنى هى جت ووقفت على أكلى وبعدين ده أنا عاملة مجهود وضاربة الراجل.
فريدة:نعملك إيه يعنى شهادة تقدير
ريم:لا بس لما نطلع من هنا تجيبولى بيتزا وبرجر وحوواشى وكفتة بس متقولوش لكريم عليها عشان بيحبها وهياخدها منى.
فريدة:طيب هنجبلك اخلصى بقى.
ريم ماشية ببطئ:مستعجلين على إيه
ماجدة ممسكة ريم من أذنها:يلا يا أخرة صبرى.
ريم:اه حاضر حاضر يا مامى.
المهم كلهم طلعوا من البوابة الرئيسية واتوجهوا للبوابة الخلفية عشان يشوفوا عمر والبقية بس لقوا حاجة غريبة أوى
كريم واقف على شجرة وبيتنطط زى القرود وعمر وشذا وليلى ولينا حوالين الشجرة بيتحايلوا عليه عشان ينزل
والأغرب من كده إنهم لقوا طيارة هيليكوبتر وسواقها مربوط بالحبال وفيها كام كرتونة كده شبه اللى شافوهم فى الكاميرات.
وفاء:إيه ده هما العيال دول بيعملوا كده ليه.
ريم ببلاهة:تقريبا كده يا طنط والله اعلم كريم اتحول لقرد.
مى بضحك:قصدك رجع لأصله.
ريم بضحك: ههههههههه 😂 بالظبط
ماجدة:تعالوا أما نشوفهم بيعملوا ايه.
ريم: أكيد قصدك يا مامى بيهببوا إيه.
فريدة: عندك حق طالما كريم معاهم يبقوا بيهببوا مش بيعملوا ههههههههه ههههههههه 😂
ريم واللى معاها قربوا منهم
ريم:عيااااال هاى.
شذا:بسم الله الرحمن الرحيم جعزتينى يا زفتة.
ريم:محسسانى إنى قطعت عليكى خلوتك ده انتى واقفة بتتنطتى زى القردة أهو.
شذا:ردى على أختك يا لينا أنا مش ناقصة كفاية البلوة اللى احنا فيها.
ماجدة:أيوة صحيح هو فيه إيه يا لينا.
لينا:مفيش يا مامى باختصار وقعنا الطيارة دى أنا والعيال بطيارها ولقينا فيها الكراتين دى فسى كريم طلع إزازة من اللى فيها وشرب منها ومن ساعتها وهو على الشجرة دى وبيتنطط زى ما انتوا شايفين.
ليلى:يا ريت يا طنط تتصرفوا احنا مش قادرين عليه.
نجلاء:وده هنجيبه إزاى ده متطلعله يا عمر.
عمر:أطلعله إيه يا طنط أنا خايف منه.
ليلى:إخص عليك والله تبقى طول بعرض كده وتقول خايف.
شذا:سيبيه يا لولة هو فعلا شكله خايف بجد مش بيهزر.
عمر فاردا نفسه مقتربا منها بقوة:هو مين ده بقى اللى خايف لامؤاخذة
شذا ببسمة مسحورة من قربه منها:ها مقصدش وابع....وابعد كده شوية.
عمر بغمزة:طب اتفرجى بقى.
ساره بابتسامة:أنا بتهيقلى كلنا اتفرجنا ولا إيه يا بنات.
عمر بإحراج:اتفرجتوا على إيه
سارة:ولا حاجة 😂 اطلع بس شوف اللى بيتنطط ده.
ريم:انتى يا بت يا شوشو تعالى أما أقولك.
عمر بخضة:عاوزاها فى إيه.
لينا:وانت اتخصيت كده ليه.
عمر:ولا حاجة انا بقلق من ريم فى العادى يعنى.
ريم:اطلع انت بس فوق جيب القرد اللى اسمه كريم ومتشغلش بالك بينا.
فريدة بضحك:مهيش هتاكلها يا عمر دى شذا فى عنينا ههههههههه 😂
شذا:إيه يا جماعة بقولكوا إيه يلا نركز مع كريم أحسن ولا إيه
عمر ناظرا لها:أنا بقول كده برده
ليلى:لا احنا كنا مركزين مع ناس تانيين ومبسوطين أكتر.
عمر:هديكى فى وشك ها
ليلى: خلاص خلاص اطلع بقى يا إنسان الغاب جيب البلوة ده.
عمر:طيب يا أختى.
عمر طلع فوق الشجرة وقعد يتسلقها وأول ما قرب يوصل عند كريم راح كريم زقه برجليه وموقعه على الأرض.
كلهم جروا عليه.
عمر متوجعا:اه..... اه يا ضهرى منك لله يا كريم.
ساره:قوم يا أخويا قوم.
عمر:اه....قايم أهو بس هنعمل مع المتخلف ده ايه.
ليلى: محدش معاه أكل.
مى: عندك حق كريم مش هيبجى إلا بالأكل.
شذا:يا ترى يا هل ترى مين معاه أكل ومخبيه.
ماجدة ناظرة لريم:أيوة يا ترى مين.
ريم:انتوا كلكوا بتبصولى كده ليه لأ ما هو أنا مش معايا حاجة.
فريدة:لا والله يعنى مش مدكنة حاجة كده ولا كده.
ريم:أنا أبدا.
وفاء:يا بت
ريم:لا محدش يشكك في أمانتى لو سمحتوا.
عمر:طلعى اللى معاكى يا ريم يلا.
ريم:انت عبيط ياض ولا شكلك كده.
عمر:لا شكلك انتى اللى عبيطة ربنا يصبرنا عليكى
ريم:أوف طب ايه رايكم بقى إن مش معايا حاجة
سارة:عندى فضول والله أعرف هى عاينة الأكل فين بما إن مش معاها شنطة.
شذا:ودى هتغلب
سارة: ههههههههه على رأيك😂
ريم:يعنى مش هتسيبونى فى حالى النهاردة
لينا:لأ وانجزى بقى عشان نخلص.
ريم:بس هتعوضونى لما نطلع من هنا.
ليلى:هنعوضك يا أختى
ريم:مش مصدقاكوا مش عارفه ليه.
ماجدة:عايزانا نكتبلك اقرار يعنى يا بنت الجزمة
ريم: والله انتوا اللى زيكم ميضمنش يا مامى
وفاء:ها طلعى الاكل غلبتينا بقى
ريم بضيق مضحك: حاضر
ريم طلعت الأكل من تحت الڤيست بتاعها اللى لبسته اللى كان شبه بتاع الجيش ده وطلعت من تحت كمها حلويات كمان.
عمر:يخربيتك ايه كل ده.
ريم بفخر :دول كنت سارقاهم من كريم
عمر:لأ حاجة تدعوا للفخر بصراحة.
ريم: شكرا شكرا ده أقل مواهبى.
ماجدة: مواهب ايه ده أنا على كده خلفت حرامية أو مسجل خطر او وش اجرام
ريم:انتوا هتذلوا فيا برده والله كلمة واحدة كمان هلم حاجتى وأروح
مى:لا والنبى خليكى قاعدة معانا شوية
ريم:لا معلش مش فاضية ورايا شوبينج.
لينا:احنا هنهزر
ريم:بقولكم إيه الأكل هناك أهو شوفوا بقى هتجيبوا الواد ده ازاى.
نجلاء:هاتوا كده وأنا هحاول معاه
نجلاء قربت من الشجرة
نجلاء:كيمو واد يا كريم
كريم وهو يقفز:هو هو هو
ليلى:ايه ده هو كلب ولا إيه.
سارة:انا فكرته قرد
نجلاء:اسكتوا بقى
سارة:حاضر يا مامى
نجلاء:جبتلك أكل يا كيمو
كريم بنظرة غامضة:هو هو مين انتوا مين.
ريم:ده يا طنط مش هتنفع معاه لغة البنى آدمين.
عمر: خلاص كلميه انتى هيفهمك أكتى ههههههههه 😂
ريم:اخرص عشان مش طايقاك.
عمر بضحك: ههههههههه 😂😂
ريم بغضب:اوف دى مين دى اللى هتستحملك بخفة ظلك دى.
شذا بتهكم:خطيبته اللى زى القمر يا أختى.
لينا:مش دى اللى بتقولى عليها عقربة ههههههههه 😂
شذا بإحراج:اه.... عشان... عشان هى كده فعلا
عمر:ما علينا
وفاء:أيوة ما علينا ركز بقى فى اللى علينا دلوقتى 😂
ليلى:طيب تعالوا ننده كلنا ونغريه بالأكل يمكن ينزل.
سارة:طيب يلا
الكل:انزل يا كريم معانا أكل
كريم واضعا اصبعه فى فمه:أكل
الكل:أيوة
كريم: فيه كفتة هو هو
لينا:فيه يا اخويا هو هو ونونو وكل اللى انت من فصيلته انزل بقى.
كريم:كيمو العسول نازل.
ريم بصوت واطى:بس اما ينزل بس.
كريم نزل من على الشجرة وقعد يتنطط حواليهم لغاية أما عمر زهق منه راح خبطه على دماغه.
شذا:ايه ده موت الولا
عمر منفضا يديه: يا شيخة زهقنى وهو عامل زى فرقعلوز كده.
ريم:تسلم ايدك بصراحة
فريدة:ده طبعا عشان كريم ملحقش ياكل الأكل
ريم بابتسامة عريضة:أكييد
ماجدة:طب هنعمل معاه إيه دلوقتى
نجلاء:انا من رأى نربطه فى الشجرة دى
سارة:طب والله فكرة واهو بدل ما يقعد يتنطط ويقرفنا.
ليلى:كلام سليم
ريم:طيب هاتوا الحبال كده عشان أنا لازم أشارك في العمل الخيرى ده بنفسى.
عمر جابلهم الحبال وربطوه على الشجرة وبعد فترة كريم فاق......................
................................................................................................