إلحقونا إحنا مخطوفين 🏃😅

الوصول لذات الشعر الأحمر 😅

فى ڤيلا اللواء أيمن:
رهف بتلعب مع آسر الصغير وماجدة ونجلاء وفريدة ووفاء قاعدين بيشربوا شاى فى الجنينة بس فى واحدة كده بعيد عنكم راحة جاية جاية راحة لغاية أما هبطت😂😂
رهف ناظرة لسارة: إيه يا بنتى خيلتينى ما تعدى بقى
سارة بعصبية:ماشى يا على ماشى
رهف:ما تتهدى بقى وما تشغليش بالك
سارة بغير اهتمام لكلام رهف: إن ما وريتك يا على
رهف:يوووه يادى على اللى انتى ماسكالنا فيه
سارة:,أنا...أنا ماسكة فيه دا أنا ولا مهتمة أصلا
رهف:لا والله أومال راحة وجاية من ساعتها ليه ومصدعانى من ساعتها بسيرته
سارة:ها...ولا حاجة بس هو كده أنا لو شوفته هعمل منه اتنين شاورما و٣ حوواشى
رهف:ما تهدى يا بنتى بقى وتفهمينى انتى شايطة كده ليه
سارة:أنا هقولك البيه متشيك وأنا مش عارفه هو رايح فين دا غير إنه نسى الفون بتاعه هنا وواحدة قليلة الأدب من اللى بيعرفهم بعتاله بتقوله مستنياك يا بيبى.
رهف ضاحكة:طب وانتى مالك مضايقة ليه طول عمره كده مش أول مرة يعنى
سارة:ها......وأنا هضايق من إيه براحته طول عمره معدوم الإحساس والبصر والبصيرة.
رهف مبتسمة: أيوة وعشان كده بقى بقولك انتى مضايقة ليه واشمعنا دلوقتى ؟
سارة: اشمعنا الوقتى إيه
رهف:اشمعنا الوقتى انتى متعصبة كده ما انتى عارفة أن أخلاقه زفت كده طول عمره😂
سارة بارتباك:أنا بقول بس إنه مينفعش يتصرف كده وإحنا فى الظروف دى ولا إيه
رهف ضاحكة: ولا إيه 😂
سارة:انتى بتضحكى يا رهف
رهف: أصلك فكرتينى بيا أوى أيام خطوبتى أنا وكريم كنت عامله زيك كده بالظبط 😂
سارة:خطوبتك إيه يا بنتى.....ها رهف انتى فهمتى إيه أنا.......
رهف مبتسمة: أنا قفشاكى من ساعتها بس كنت عاوزاكى تعترفى لوحدك.
سارة:أعترف بإيه قصدك أنا وعلى يعنى إن يكون في حاجة ما بينا دا من سابع المستحيلات يا بنتى......رهف بلاش كلام فاضي والنبى.
رهف: اممممم كلام فاضي طب بزمتك مش شايفة الغيرة اللى هطق من عنيكى دا الأعمى يشوفها.
سارة بارتباك:غيرة إيه أنا أغير على ده...دا على ده أخويا..... وبعدين مفيهوش حاجة عدلة يعنى عشان أغير عليه.
رهف ضاحكة: ههههههههه أنا طالعة فوق أنيم آسر... ربنا يهنى سعيد بسعيدة.
سارة بغضب مضحك:اطلعى أحسن يا رهف عصبتينى والله قال على قال مش ناقصه جنان على المسا يا بنتى.
رهف ضاحكة: ههههههههه ماشى يا أختى عموما كريم هيقابلهم وهنبقى نعرف كل حاجة اطمنى.
سارة:ما يعرف ولا ميعرفش ميهمنيش أصلا.
رهف: ههههههههه ههههههههه ماشى يا ستى 😂
رهف طلعت فوق عشان تنيم آسر وسارة قالت تروح تقعد مع مامتها والبقية بس فجأة جرس الباب خبط واتفاجأت بعلى قدامها.
على: بقالى ساعة برن مش تفتحى
سارة بعصبية: اتكلم عدل يا عم انت فيه إيه
على:أنا مش هقف أرغى معاكى كتير عدينى كده
سارة ناظرة له بغل:إدخل وأنا يعنى حايشاك أوف.
على كان قاعد بيدور على الفون وهو أصلا كل ده فى إيد سارة.
سارة مربعة يديها: بتدور على إيه كده
على:ملكيش دعوة مش انتى مش طيقانى من الصبح وأنا مش عارف ليه بصراحة يبقى متكلمنيش
سارة: يا سلام هموت وأكلمك يعنى
على:غيرك يتمنى بصة بس أو همسة
سارة ضاحكة باستفزاز:على إيه يعنى دا انت ناقص تربية وقليل الأدب أصلا
على مقتربا منها بغمزة وابتسامة:ما دى أهم مميزاتى يا حلوة.
سارة: عينك دى لخرمهالك قليل الأدب فعلا
على بجدية مضحكة:بحاول أحترم نفسى والله بس مش عارف
سارة دافعة إياه:عمرك ما هتبطل قلة أدبك دى .....عموما خد ده مش ده اللى انت كنت بتدور عليه
على:أيوة..... بقولك يا سارة هو انتى فيكى إيه كده ليه متغيرة
سارة:ها......ماليش أنا زى ما أنا أهو مش متغيرة ولا حاجة.
على:لا أنا عارفك كويس وبلاحظ لما تتغيرى بقيتى عصبية أوى الايام دي وبقيتى بتشربى نسكافيه بلاك على الريق وبقيتى مبتخرجيش بره زى الأول دا غير إنك بتسمعى عبد الحليم حافظ كتير أوى الأيام دى
سارة باستغراب: يااه هو انت مركز معايا أوى كده.
على بابتسامة: ها.... مش عارف أنا بحاول أ......
فى الوقت ده آسر ندهله عشان يمشوا لإنهم اتأخروا على معادهم وعلى سحب منها الفون بسرعة ومشى وهى كل ده مسهمة ومش عارفه هو ماله كده وإزاى واخد باله من تفاصيلها بالطريقة دى.
سارة:هو أنا مالى كده إيه اللى بيحصلى ده هو فيه حاجة غريبة البنى آدم ده ولا أنا اللى بتهيقلى عنيه كانت مالها بتلمع كده وبعدين هو إزاى أخد باله من تفاصيلى كده....لا أنا لازم أروح أنام دلوقتى عشان شكلى كده عندى تهيؤات.
...........................................................................................................
فى عربية آسر وعلى:
آسر وهو يقود:اتأخرت ليه كده
على:الفون بس كان ضايع وكنت بدور عليه
آسر:اه ولا تلاقيك شديت مع سارة تانى ولا حاجة.
على ضاحكا:هو صوتنا كان على كده 😂
آسر:أيوة بس مش زى كل مرة.
على:لا بذمتك سمعت إيه.
آسر:سمعتها وهى بتقولك اتكلم عدل يا عم فيه إيه ههههههههه 😂 هى مش هتبطل تهزيق فيك كده
على بغضب: فيه إيه يا آسر مش كفاية هى حارقة دمى انت هتحرق دمى انت كمان.
آسر:جرا إيه ياض انت مش قادر عليها هتتشطر عليا أنا
على:سيبنى فى حالى يا عم هولاكو انت
آسر:سيبك بقى من الهبل ده وقولى انت عارف كويس احنا هنعمل ايه.
على باستغراب:انت مش واثق فى مهارات الشقط بتاعتى يا آسر.
آسر: يا خوفى يا بدران.
على:لا يا عم متخفش هشرفك وأشقوطهالك فى منت دى مهاراتى عمرها ما خيبت أبدا ما انت عارف.
آسر ضاحكا:عارف ههههههههه 😂 بس شكلها جت لحد سارة ووقفت 😂
على:هى وقفت فعلا أنا مش لاقى معاها سكة وبعدين متتريقش كده عشان حاسس إن نهايتك قربت 😅
آسر: ليه هو أنا زيك يا أخويا أنا محدش يقدر يلفت نظرى حتى
على: هنشوف يا عم هولاكو ههههههههه 😂بقولك ايه يا آسر اقف هنا كده.
آسر:إيه نقف ليه.
على:شايف اللى قدامنا ده أنا بشبه عليه.
آسر:إحنا يا ابنى هنعرف الأشكال الضالة دى منين.
على:وقف بس أما نشوف.
على وآسر نزلوا من العربية ووقفوها على جمب والطريق فى الحتة دى كان مقطوع تقريبا لقوا واحد فيها ماشى حافى وقاعد على الأرض وزارير قميصه مفتوحة وشعره منكوش وحاطط إيديه الاتنين على وشه 😂
على وآسر فى نفس واحد:كررررييم
كريم:إيه ده الحمدلله انكم هنا.....أنا اتبهدلت إلحقونى بقى قبل ما اشحت أو أروح أرمى نفسي في أى بحيرة هنا.
آسر:إيه اللى عمل فيك كده وإيه اللى وقفك هنا أصلا.
على محذرا إياه:اتكلم بس من بعيد عشان شكلك يقرف الكلب الحزين بالهدوم دى
كريم:إيه يا عم انتوا هتذلونى
على:لا بس خليك بعافنتك بعيد عننا أنا بقولك أهو
كريم:حسبى الله ونعم الوكيل فيك يا على يا ابن أم على.
آسر:انجز بس الأول وقولى إيه اللى عمل فيك كده يا دكتور يا محترم.
على ضاحكا:دكتور إيه دا لو شحات مش هيبقى عامل كده.
كريم:منك لله يا على انت وحموكشة وشحتة والجعر.
آسر:ودول مين دول إوعى تقولى بنى آدمين زينا 😂
كريم :اه بنى آدمين دول يا أخويا اللى طلعوا عليا هنا وسبتونى وأخدوا منى الفون والفلوس حسبي الله فيك انت وهما.
على:وأنا مالى أنا وبعدين ايه اللى وقفك بعربيتك هنا في الحتة المقطوعة دى وهى فين أصلا.
كريم:العربية فضت بنزين ونزلت منها وفضلت ماشى لحد هنا علشان ألاقى حد يساعدنى قاموا طلعوا عليا وحصل اللى حصل.
آسر:يعنى عربيتك ما اتسرقتش
كريم:أيوة و مركونة قريب من هنا
على:طب كويس أنها جت على قد كده الفون والفلوس وكده هنتصرف ونجيبهم متشغلش بالك.
كريم:اه يا زمن اتحوجت للى يسوى (مشاورا على آسر) واللى مايسواش (مشاورا على على)
على:إيه ده هو أنا مسواش
كريم:أيوة دول حتى حموكشة وشحتة والجعر أحسن منك على الأقل ليهم فايدة عنك
على هاجما عليه:اصحى دا انت متثبت ياض دا آسر مكنش عارفك من عفانتك وانت شبه المعزة الأسترالى كده.
كريم: أنا معزة استرالى يا هباب الب........
في الوقت ده آسر كان زهق منهم ووقف فى النص ما بينهم وطلع المسدس بتاعه وشد الأجزاء فالاتنين برقوا وبصوا لبعض 😂
آسر بجدية وصوت عالى: كلمة كمان وهفرغ المسدس ده فى دماغكوا وبدل ما نطلع على مشوارنا هنطلع على المستشفى ومفيش دكتور هيعرف يخيط فيكوا غرزة.
على بارتباك:خلا... خلاص بقى يا آسر دا أنا وكريم حبايب مش كده يا كريم
كريم بارتباك: طبعا...طب..طبعا يا على وأعز الحبايب كمان هات بوسة ياض.
على بقرف:مش للدرجادى.
كريم بغضب مضحك: قال يعنى أنا اللى هموت وألزق فيك.
آسر:أنا قولت إيه
كريم:كل خير يا آسر بيه باشا
آسر:يلا ورايا على العربية ومسمعش نفس حد فيكم
على:طب وعربية النسناس ده
كريم:نسناس ولا معزة أسترالى ارسالك على بر
على:مش فارقة يا كريم أهو فى الآخر حيوان
كريم:حيوان..... طبعا ما انت عارف الحيوانات كويس علشان الحيوانات بتحس ببعضيها.
آسر راح شادد الأجزاء فيهم فكل واحد فيهم اتسمر فى مكانه تانى😂
على:أمرك يا آسر بيه
آسر:كل حيوان فيكم يدخل العربية وانت يا عم كريم عربيتك متقلقش عليها هكلم حد دلوقتى يجى يحطلها بنزين ويطلعها من هنا.
كريم:طيب موشكرين يا أسور.
آسر بقرف: موشكرين......دا كلام دكتور محترم حسبى الله فى اللى مضالك قرار التعيين يا شيخ.
على:استنوا فى مشكلة دلوقتى
آسر:خير يا زفت
على ضاحكة:كريم هيركب إزاى كده دا هيوسخ العربية بهدومه دى😂
آسر مبتسما:هنشوفله أى كرتونة هنا على الأرض نحطها ويعد عليها وخلاص.
كريم:هو أنا جربان ولا حاجة.
على بقرف:صدقنى الكلب الأجرب أنضف منك بشوية 😂
آسر ضاحكا بصوت عالى: ههههههههه ههههههههه 😂 هو مفيش أجرب من كده بصراحة
كريم: وبعدين بقى
على: خلاص خلاص 😂
فعلا آسر وعلى جابوله كرتونة وحطوها فى العربية ورا وعلى ركب جمب آسر وهما فطسانين على روحهم من الضحك وكريم مبوز ورا.
كريم بزعل طفولى: وانت بقى مش خايف الكرتونة دى هى اللى توسخ العربية.
على: ههههههههه ههههههههه 😂 رد عليه يا آسر أنا مش قادر آخد نفسى من الضحك على منظره.
آسر ضاحكا:بص يا كريم انت أى حاجة هتبقى أنضف منك دلوقتى 😂😂
كريم ضاحكا مثلهم:أنا غلطان إنى سألت حقك عليا 😂
بعد كده وهما ماشيين فى الطريق آسر وقف على جمب علشان يجيب لكريم هدوم وكريم لبسها فى العربية وبعدين طلعوا على النايت كلب عشان يكملوا بقية الخطة.
............................................................................................................
فى النايت كلب:
بنت زى القمر قاعدة مع واحد كده ييجى فى أواخر الخمسينات قاعدة تكلمه فى ودنه وبتلمسه بطريقة مقززة وكل شوية تقرب منه وتضحك اه وهى تقريبا مش لابسة 😅
على وكريم وآسر دخلوا المكان وقعدوا قصاد البنت دى.
آسر:ورينى شطارتك يا على
كريم:طب استنى أما ناكل الأول وبعدين اشقط
على:أكل إيه دلوقتى ارحمنى يارب.
كريم:متجبش بس سيرة ربنا فى المكان ده أحسن نولع.
آسر:هنفضل كده كتير
كريم:ماليش دعوة أنا مش هتعتع من مكانى إلا لما تطلبولى أكل.
على:تتعتع إيه الألفاظ دى وبعدين نجبلك أكل ليه هو انت اللى هتشقط ولا أنا.
كريم:ما أنا هشجعك وانت بتشقط مجهود ده ولا مش مجهود
على:اتصرف يا آسر بدل ما ألوشه فى وشه.
كريم بقرف:إيه ألوشه دى إيه الألفاظ دى.
آسر: خلاص اسكت هتنيل أجبلك أكل بس مسمعش نفسك طول ما احنا قاعدين.
على:يا ريت والله علشان ده بيأثر على مهاراتى وأنا بشقط بيفقدنى تركيزى.
آسر:اتنيل انت كمان هو انت رايح توحد القطرين
كريم:توحد القطرين تشقط بنتين تهد جبلين ماليش فيه مش شغال غير لما آكل الأول.
آسر:ما قولنا هجبلك اتسد بقى واسكت وانت يا على خلصنا يلا.
على:يا سلام وانت هتأكله لوحده طلاق بالتلاتة ما شاقط إلا أما آكل وأحلى.
آسر:أنا غلطان إنى جايب عيلين معايا قسما بالله لو ما اتعدلتوا لهطلع المسدس أفرغوا فى دماغكوا.
على: خلاص يا آسر اهدى أنا قايم أهو
كريم بصوت واطى:يا رب المسدس يضيع يا أخى.
آسر:بتقول حاجة يا كريم .
كريم بحنق:لأ يا عم مبنقولش وانت يا عم على خلصنا.
على راح ناحية البنت وقعد يبصلها ويضحكلها لحد ما خدت بالها ضحكتله بس بعدها عملت نفسها مش واخدة بالها منه وفجأة سابت الراجل اللى قاعدة معاه وراحت قعدت مع واحد تانى وعلى متنقلش من مكانه وفضل يبصلها ويضحكلها واتكرر الموضوع مع واحد تالت على زهق وراح ناحية كريم وآسر.
كريم بفم ممتلئ:إيه يا عم على ما شوفناش يعنى حاجة من مهاراتك
على:انت هتقطم فيا
آسر بجدية:عنده حق بصراحة
على:أنا مش عارف هى معصلجة ليه
كريم بالعا الطعام:من خيبتك يا موحد القطرين ههههههههه 😂
على: والله لو ما سكت يا كريم هسكتك أنا بطريقتى
كريم بعدم اهتمام:اتنيل اسكت يا عم قعدت تقولنا مهاراتى فى الشقط والبنات بيموتوا فيا لا شوفنا جثث ولا ناس ماتت.
على بغضب:طيب اتفرج بقى وشوف
كريم:ورينا يا سيدى
آسر مقتربا من أذن كريم: أيوة كده حركتوا صدق مش خسارة في كرشك الأكل.
كريم: حيث كده بقى أنا عاوز أحلى
آسر بجدية:اصبر عليا بس أما نطلع من هنا هرميك فى الشارع مطرح ما جبتك أنا بقولك أهو.
كريم: خلاص يا عم انت عنيف كده ليه.
على:انتوا بتقولوا إيه
كريم:ولا حاجة بقول لآسر يجبلى عصير بقى عشان أبلع.
على:بلعك حوت يا شيخ وانت شبه البلاعة كده أنا ماشى أشوف البت اللى هناك دى هنيل معاها إيه
آسر:يلا وأنا معاك بالسماعة أنا وكريم.
على راح ناحيتها وخبط فى كتفها ووقع عليها الدرينك بتاعها.
البنت:إيه دا مش تحاسب
على:آسف مقصدش يا آنسة.....ألا القمر اسمها إيه
هنا بابتسامة:هنا...اتشرفت بيك يا..
على:اسمى على تشرفت بيكى هنا
هنا:دا من حسن حظى إنك وقعت العصير عليا ههههههههه
على: حاجة حلوة وقعت على حاجة أحلى
هنا:ميرسى بس أنا حاسة إنى شوفتك قبل كده يا ترى فين.
على:مش عارف بس أنا أول مرة أشوف الحاجات الحلوة دى
هنا:شكلك مجامل أوى
على:أبدا انتى مش شايفة نفسك ولا إيه
هنا ضاحكة: ههههههههه ميرسى طيب ٥دقايق وجايالك
على:راحة فين
هنا:رايحة التويلت أنضف هدومى وأظبط الميكب وجاية
على:طيب يا قمر مستنيكى.
كريم وآسر كانوا بالسماعة مع على
آسر:جدع يا على شطارتك بقى تسحبها لبره.
كريم:اشطا يا علول هنستناك بره ورا عند الباركينج
آسر:خلى بالك لازم تجيبها بأى طريقة
على:طيب ما أسألها على مكان شذا وخلاص.
آسر:وانت فكرك هى كده هتقولك حاجة
كريم:أومال فكرك يا غبى هى كانت بتتهرب منك ليه دا معناه إنها قلقانة منك
على:طيب خلاص خلاص عشان جت
..........................
هنا:إيه اتأخرت عليك
على بابتسامة:لا خالص....إيه رأيك نسهر فى مكان تانى وأعزمك على حاجة حلوة.
هنا:مش عارفه أصلى معايا صحابى هنا ومش...
على مقتربا منها:صدقينى سهرتك معايا هتنسيكى صحابك دول خالص.
هنا ضاحكة:يعنى انت شايف كده
على معدلا لها خصلات شعرها:وأبو كده....يلا بينا.
هنا:يلا.
هنا وعلى طلعوا بره وأخدها ورا الباركينج.
هنا:هو انت راكن عربيتك فين
آسر ظاهرا من العدم:إيه رأيك يا حلوة تقوليلنا فين بيت شذا
هنا باستغراب:بيت شذا ؟......ثانية واحدة عرفت أنا شوفتك فين قبل كده مش انت على اللى شذا قعدت معاك قبل كده وكنت هتاخدها بعربيتك
كريم متدخلا:أيوة هو وانجزى بقى عشان منتاوكيش هنا الليلة دى.
هنا:وانتوا عاوزين شذا فى إيه أصلا
كريم: حاجة متخصكيش
على جاذبا إياها:انتى فكرك إحنا هنرغى معاكى كتيير انجزى عشان منمدش إيدينا عليكى
هنا:أنا لو صوت البلد كلها هتتلم عليكوا دلوقتى.
آسر بجدية:إحنا بوليس يا روح امك محدش يسجر يقرب مننا
هنا بخوف: بوليس..هى شذا عملت إيه بالظبط
على:ما قولنالك ملكيش فيه بيتها فين انجزى
هنا: خلاص هقول بصوا هى مش قاعدة فى بيتها الأيام دى.
آسر:عارفين إخلصى
هنا: طيب هى دلوقتى قاعدة عند بنت عمها
آسر مشدوها: ليلى أم شعر أحمر دى
على وكريم مبتسمين له: ههههههههه أيوة يا سيدى هى.
آسر ناظرا لهم بصرامة:وبعدين كملى هى البت دى ولا مش هى
هنا: لا هى البنت اللى شعرها أحمر أنا أصلا بقالى كتير مبشوفهاش ولا بتيجى النايت كلب حتى الفون بتاعها مقفول معظم الوقت.
آسر:وقريبتها دى هى اللى منعاها من الخروج
هنا:اه ليلى هى اللى منعاها عشان مش عاوزاها تمشى فى السكة دى تانى.
كريم ناظرا لآسر نظرة ذات معنى: تمام عنوانها إيه بقى.
هنا:عنوانها.....................
آسر وعلى وكريم أخدوا منها العنوان وروحوا على البيت عشان كان يومهم طويل وقرروا إنهم يروحولها بكرة.
............................................................................................................