إلحقونا إحنا مخطوفين 🏃😅

البحث عن المخطوفين١

فى الاجتماع:
القائد: تمام يا رجالة زى ما اتفقنا سيادة اللواء أيمن وسيادة اللواء صلاح هياخدوا الفرقة ٣٠١ وسيادة اللواء محمد وسيادة اللواء توفيق هياخدوا الفرقة ٩١١ والخطة بالنسبالكوا هتكون كالآتى هتمشطوا الأماكن اللى إحنا حددناها مهتسيبوش فيها سنتى للبحث عن مشتبه فيهم بأوصاف غريبة أو بيتكلموا بلغة غريبة أو ناس مؤخرا بيقوموا بأنشطة غير مألوفة وسيبوا الباقى علينا هنفذ الكلام ده الأول وبعدين ترجعولى دا كمرحلة أولى..........جاهزين يا رجالة
الكل:جاهزين يا فندم
محمد: طيب بالنسبة للنقيب آسر الطحان يا فندم
القائد: هيكون معانا متقلقش أنا كلفته بمهمة معينة هيقوم بيها من ضمن خطتنا
محمد: تمام يا فندم
............................................................................................................
فى الڤيلا فى أوضة البنات تحديدا سارة كانت موجودة مع مامتها وبقيت الأمهات وكلهم باين على وشوشهم الحزن بسبب اللى حصل:
سارة مطبطبة على مامتها: بالله عليكى يا مامى متزعليش إن شاءالله هيرجعولنا بالسلامة
نجلاء منزلة رأسها ببكاء: يا رب يا حبيبتي يا ترى عاملين ايه دلوقتي
ماجدة: أنا خايفة على البنات أنا عاوزة أقوم الف عليهم فى كل حتة قلبى وجعنى عليهم أوى
فريدة مبتسمة ببكاء: وحشتنى أوى يا سيف
سارة: ربنا يرجعولك بالسلامة يا طنط
فريدة: يا رب يا حبيبتي
لاحظت سارة تجهم وجه وفاء (مامة سامى وعلى) وقامت تطمن عليها وتقعد جمبها على الكنبة مطبطبة عليها
سارة: حضرتك كويسة
وفاء منفجرة فى البكاء: لا مش كويسة يا سارة أنا عاوزة ابنى مش هقدر اعيش من غيره لو جرا.....
سارة:متكمليهاش يا طنط والله هيرجعوا بالسلامة إن شاءالله
وفاء محتضنة سارة: مش قادرة يا سارة روحى راحت معاه خلاص
ماجدة: إدعيلهم يا قلبى إدعيلهم
فجأة وفاء مبقتش بترد وكلهم بصوا لبعض بخوف شديد وبقلق
سارة وهى بتهزها: طنط وفاء.....طنط وفاء
فريدة: قومى يا فوفة متهزريش
ماجدة:هاتى ماية بسرعة يا نجلاء
نجلاء ذهبت مسرعة حتى تأتى بكوب من الماء وبدأوا برش الماء على وجهها ولكنها لم تستيقظ
نجلاء:كده مش نافع سارة انزلى تحت اندهى لعلى
سارة طبعا جريت من غير تفكير ونزلت بسرعة لعلى وهو أول ما شافها اتخض وقلق لإن باين على وشها الخوف والفزع
على: مالك يا سارة
سارة: إلحقنا طنط وفاء فوق اغمى عليها وبنحاول نفوقها مبتفوقش
على بقلق: إيه......طب تعالى معايا
سارة: فين
على: هنجبلها الحقن بتاعتها من البيت
سارة:حقن إيه هى طنط عندها ايه
على: عندها السكر ويلا بسرعة علشان نلحقها كفاية أسئلة.  وكان فى الوقت ده ماسك إيدها
سارة شدت إيدها من إيده بتوتر
سارة: متزعقليش كده وبعدين لازم أروح أقولهم إنى راحة معاك
على: مش وقت خناق أمى بتموت
سارة: خلاص آسفة يلا
وفعلا سارة طلعت مع على فى عربيته وهما الاتنين قلقانين بسبب وفاء وفى نفس الوقت مش طايقين بعض اللى يشوفهم هيحس إنهم عاوزين يولعوا فى بعض 😅
سارة: استنى هنا مفيش داعى نروح البيت
على: ليه
ساره:فى هنا صيدلية قريبة
على باهتمام: تمام أنا هنزل وانتى خليكى هنا واقفلى الباب عليكى كويس
سارة بعند: لا أنا هنزل معاك
على ماسحا على وجهه: يا بنتى اسمعى الكلام بقى متنرفزنيش
سارة: يوووه بقى أنا قولت جاية معاك يعنى جاية معاك
على:اللهم طولك ياروح
سارة: انجز بقى علشان أنا كده كده نازلة معاك
على:طب انزلى يا ختى
على وسارة دخلوا الصيدلية وكان فيها دكتورة زى القمر وأول ما شافت على أعجبت بشكله جدا وفضلت تتدلع عليه وسارة كانت واقفة متنرفزة لحد ما جالها تليفون وقالولها إن وفاء فاقت بعد مطلبولها دكتور جارهم وجابلها حقنة إنسولين.
سارة متكلمة فى الهاتف: طيب يا مامى الحمدلله إنها فاقت أنا جاية أهو أنا على
على ناظرا لها: فيه إيه
سارة بغيظ ضاغطة على الحروف: طنط فاقت وعاوزنا فى البيت
على بابتسامة مستفزة: ومالك مضايقة كده ليه
سارة ناظرة للدكتورة: لا ولا حاجة أصل المكان هنا يخنق
على ببرود مستفز: بالعكس دا المكان هنا حلو أوى وطراوة.....مش كده يا قمر (للدكتورة)
الدكتوره: أتمنى حضرتك تشرفنا فى أى وقت دا مكانك .....ودا رقمى لو حبيت تطلب أى حاجة فى أى وقت
على بتسبيل: منستغناش يا قمر
سارة: إحم إيه الهبل دا. وراحت واخدة الرقم وقطعت الورقة
سارة: شكرا يا حبيبتي مش عاوزين منك حاجة
وراحت شادة على من إيده وطلعت بره الصيدلية وهو مستغرب وفى نفس الوقت مصدوم و على وشه ابتسامة من ودنه لودنه التانية 😂
على: إيه اللى عملتيه جوه ده
سارة مقلبة عيناها فى الفراغ: إيه
على بابتسامة: بتغيرى
سارة: إيه أغير من دى وبعدين أغير على مين أصلا
على: ههههههههه يا مثبت العقل والدين يارب 😂
سارة: كل الحكاية إن مينفعش اللى حصل جوه ده
على: وهو كان حصل إيه يعنى 😅
سارة مكتفة يديها: طبعا ما انت قليل الأدب ومعندكش مانع لأى حاجة وبتريل على أى واحدة تشوفها
على ناظرا فى عينيها: اه أنا قليل الأدب وبريل على أى واحدة بشوفها وده بقى يخصك فى إيه
سارة مبتعدة عنه: ها...ولا يخصنى فى حاجة طبعا كل الحكاية إنى مبحبش أشوف الحاجات دى بتحصل قدامى......من الآخر مليش فى السكة دى
على بغمزة وابتسامة: طب اركبى يا صعبة المنال
سارة مشيت قدامه بغرور لحد مركبت العربية وهو وراها محتار عاوز يدخلها من أى ناحية مش عارف
على فى سره: ودى أعمل معاها إيه يا رب ههههههههه أنا أستاهل برده 😂
.............................................................................................................
وفى جانب تانى آسر كان فى المطار بيتأكد إن مفيش رحلات طلعت فيها أسمائهم أو إن مفيش حد من المناطق المجاورة للمطار شاف حاجة غريبة زى مالقائد أمره بس فجأة وقف بالعربية وبص للفراغ وكإنه لقط طرف للخيط.
آسر: مفيش غيرها هى دى اللى لازم أبدأ من عندها.
.............................................................................................................
عودة للإدارة مرة تانية:
أيمن: الحقيقة يا فندم اللى قدرنا نوصله فى الوقت الحالى مكان غريب على الطريق.....جمب محطة القطر وتقريبا على حسب أقوال الناس القريبة من المكان وعامل السكة الحديد إن فيه ناس غريبة مشتبه فى أمرهم كانوا بيقضوا فيه وقت وبيشربوا وفيه نشاط مشبوه بس منعرفش إيه هو لسه يا فندم
طبيب شرعي: وبعد البحث يا فندم لقينا قطعة قماش تحتوى على دم وبعض الشعر البسيط الموجود في أرضية الغرفة
صلاح: وبعد ما طابقنا الشعر الموجود ده بشعر يرجع لحضرة الضابط أحمد المخطوف ساعدتك ودا طبعا لشكنا وجدنا فى الآخر إن العينتين متطابقتين
توفيق: إحنا يا فندم قررنا إننا هنراقب المكان ده كويس علشان نعرف المترددين عليه لإن ده أول الخيط
القائد:هايل طيب وحضرة الضابط آسر
آسر: الحقيقة أنا عملت زى ما حضرتك أمرت وملقتش أسمائهم في أى رحلة من اللى طلعوا الأيام اللى فاتت
القائد: تمام الأوامر كالآتى آسر هتكمل فى التدوير زى قبل كده والباقي استمروا في المراقبة واللى يلاقى جديد يبلغنى وبالنسبة لقطعة القماش عاوزين نشوف هتتطابق مع حد من الولاد ولا لأ... بالتوفيق
.............................................................................................................
عند الحلوين المخطوفين بقى كانوا اتنقلوا فيلا بعيدة فى الصحرا محدش دارى عنها حاجة وهما فى العربية ورا:
ريم: أنا زهقت يا جماعة من موضوع الخطف ده هو كل شوية ينقلونا
أحمد بغيظ:انتى لو تبلعى ريقك شوية
ريم بملل: يا عم سيبنى فى اللى أنا فيه أنا زهقت الموضوع بقى ممل أوى
لينا:حد قالك إننا طالعين رحلة إحنا مخطوفين يا حيوانة
ريم: يوووه بقى انتوا عارفين كله من البومة ده
وشاورت على سامى
سامى بتفاجأ: أنا مالى أنا يا لمبى
لينا: متبطلى بقى تفترى على الواد
سامى: واد بعد كل ده
لينا بزهق: يا عم اسكت مش بدافع عنك
مى كانت في الوقت ده نعسانة على كتف سيف
سيف:بس بقى مى نايمة أحسن تصحى توترنا وإحنا مش ناقصين
أحمد: عندك حق كفاية الجزمة اللى جمبى دى والبومة اللى هناك ده
مى صحت بعد كلامهم لإنه كان بصوت عالى
مى بقلق: إنتوا كويسين حد جراله حاجة
سيف: إهدى يا حبيبتي محدش جراله حاجة
مى:لأ حد جراله وانتوا مخبيين عليا
ريم: ييييييه يادى النيلة ما قولنالك كويسين بقولك ايه يا أحمد هات أى حاجة أشق نفسى بيها عشان البت دى ترتاح
لينا بضحك: خلاص يا ريم بقى
ريم: ابدا لازم أموت نفسى علشان البت دى ترتاح
مى: الحق عليا يا اختى
سيف مصقفا: والحق عليه تارارارا والحق عليه
أحمد ضاحكا: هو اللى خان
سيف:الحق عليه ههههههههه 😂
سامى: ملهوش أمان
ريم: الحق عليه ههههههههه ههههههههه 😂😂 لولولولولولولىىىىىىىىىى 🥳🥳🥳
لينا ضاحكة: هى دى حفلة عيد ميلاد إحترموا الخطف اللى إحنا فيه طيب
نظرت ريم لمى وجدتها متوترة كالعادة
ريم: فرفشى بقى أذا كان الولا سامى البومة ده قاعد يغنى
لينا: وبعدين إحنا هنتخطف كام مرة يعنى
مى: يعنى انتوا شايفين كده 😂
الكل: أيوة
مى مبتسمة: طب والحق عليه ههههههههه 😂
سيف: أيوة كده يا ميوش
ريم: وإدحرج وإجرى
لينا: يا رومان
الراجل اللى قدام زعقلهم وقرر يوقف العربية وينزل يحط بلاستر على بقهم وهو بيحطلهم البلاستر ريم عضته من ودانه وإيديه لغاية أما قال أجارنى الله
الراجل: هات كمان لزقة يا حسن
حسن: إشمعنا
الأول: عشان بنت العضاضة دى ويا ريت تخليهم اتنين كمان
وبقيت ريم تنظر لهم بشرار وطبعا العربية كانت مفتوحة من ورا عما يحطواهم لزق على بوقهم فأحمد استغل الفرصة ورمى الدبلة بتاعته والمحفظة وأشار لسامى وسيف علشان يعملوا زيه فرموا الدبل بتاعتهم بحيث إنها تكون خيط أو دليل تساعد إن حد يوصلهم
وتم نقلهم فعلا لڤيلا كبيرة فى مكان معزول بجانب مطار القاهرة محدش يعرف عنها حاجة
............................................................................................................
يا ترى هيقابلوا مين هناك ؟
وإيه الخيط اللى آسر هيبدأ من عنده ؟