إلحقونا إحنا مخطوفين 🏃😅

واحد معندوش دم 😂😂

فى القصر ماهر كان قاعد على مكتبه وماسك خنجر فى إيده وسرحان فى الفراغ بس عنيه كانت مليانة غضب وانتقام.
ماهر لنفسه:بقه أنا بتستغنى عنى يا شذا عشان آسر وحياتك عندى لازم تجيلى راكعة وبتتمنى الموت انتى وهو أنا معدتش المهمة دى تلزمنى ولا الراجل ده يعنيلى حاجة العيال اللى فوق دول بقوا بتوعى خلاص دول اللى هيجيبوا آسر
أما نشوف أنا ولا انت يا طحان.
..........................................................................................................
فى بيت اللواء أيمن كانوا كلهم متجمعين على العشا حتى آسر كان معاهم بس على مكنش لسه وصل
سارة قاعدة على الكنبة بدون إهتمام
آسر بيعمل مكالمة ومش طايق نفسه (بيكلم كريم طبعا 😂)
والأبهات متجمعين على ترابيزة السفرة والأمهات فى الدور التانى.
آسر خلص المكالمة وراح يقعد مع سارة لغاية أما على ييجى.
آسر:بتعملى إيه يا سارة
سارة:بلعب فى الفون لغاية أما الشملول ييجى
آسر بضحك:هو انتى مش طيقاه كده ليه
سارة:عشانه غبى وبيعصبنى وبيخرجنى عن شعورى وبارد ومعندوش دم
آسر ضاحكا:ياه كل ده 😂
سارة:وأكتر من كده كمان دا كفاية أخلاقه الزفت
آسر:هو مفيش أزفت من كده بصراحة بس مش يمكن عاوز اللى يربيه
سارة:هو فعلا عاوز اللى يربيه
آسر:أو اللى تربيه
سارة:قصدك ايه
آسر ضاحكا بغمزة: مقصديش 😂😂
سارة بارتباك:أنا قايمة أشم شوية هوا أصل سيرته خنقتنى الواد ده
آسر:تفتكرى فيه أمل
سارة:فى إنه يتربى ويبقى مؤدب وكده 🙂
آسر بخبث:لأ أنا قصدى إن إحنا نلاقى العيال قبل ما الاسبوع ده يخلص
سارة:ها
آسر مختبرا إياها:ها إيه انتى كنتى لسه مركزة مع على
سارة:إيه لا طبعا وأنا....أنا هركز معاه ليه يعنى أنا أصلا مش بطيقه عديم الدم والاحساس الغبى اللى مبيفهمش ده
آسر محدقا ورائها: إحم إحم
سارة:إيه مالك ثم اتسعت عيناها
إوعى تقولى إنه ورايا ها.......
على:أيوة أنا عديم الدم
ثم تقدم منها خطوة.......وعديم الاحساس
ثم خطوة أخرى.........والغبى........وقولتى إيه تانى كده سامعينى؟
كانت سارة ملتصقة وقتها فى ظهر الكنبة كل ذلك تحت نظر آسر لكنه تركهما وذهب ذلك حتى تتطور الأمور بينهما.
سارة زقته:إيه انت اتجننت
على ممسكا يدها: لا يا هانم بس إيه اللى انتى كنتى بتقوليه ده؟
سارة: تنكر انك غبى وعديم الدم والاحساس
على:اه ومبفهمش كمان مش كده ؟
سارة بغضب طفولى:أيوة كده بالظبط
على مائلا بجزعه ناحيتها:أنا لولا آسر موجود كان هيبقى فيه تصرف تانى
سارة:متقدرش تعملى حاجة أصلا
على مائلا أكثر ومرجعا خصلة شعرها:متأكدة
سارة ارتبكت وضربته بالقلم وطلعت تجرى وفضل على حاطط إيده على خده
على:يا مجنونة يا بنت المجانين
آسر ضاحكا من ورائه: إيه ضربتك
على مخفيا الصفعة:لأ محصلش دا انا اتخبطت فى عامود
آسر ضاحكا: عامود برده ما انت لو محترم ولميت نفسك مكنتش ضربتك 😂
على:حاسك شمتان فيا
آسر:حاسس مش متأكد 😂
على: إلهى أشوفك يا آسر يا ابن طنط أمال وواحدة كده مطلعة عينك ومسودة عيشتك زى البت دى ما هى عاملة فيا
آسر بجدية:روح اشطر عليها اللى مطلعة عينك دى لكن أنا مش هيحصل
على:آه يانى ياما انت تطلع عينى فى الكلية وهى تطلع عينى بره
آسر:وانت مركز معاها أوى كده ليه معجب
على بارتباك:ها لا معجب ولا حاجة دا أنا بتسلى ما انت عارفنى
آسر:يا راجل....طيب خلى بالك على نفسك بقى عشان انت عارف اللى هيحصلك
أيمن آتيا من ورائهم: ها هتبدأوا النهاردة يا شباب
آسر مطبطبا على كتف على: أيوة وعلى هو اللى هيبدأ إن شاءالله
على:على ده اللى هو أنا
أيمن:لأ أنا
على:طيب يا جماعة هروح أشقطها وأمرى لله
أيمن: شقط إيه حسن ملافظك يا بغل انت
صلاح قادما إليهم:أديك قولت بغل ومترباش كمان دى من عندى دى
على:وإيه كمان
محمد قادما إليهم: وشكلك كده هضيعنا
على:وإيه كمان مين يزود
توفيق مستندا على الباب: ومعندكش دم ولا إحساس
على بتفاجأ: حضرتك قولت إيه
توفيق اقترب منه: سارة شايطة بره ولولا أنا حوشتها كان فاتها جت أكلتك
محمد:عملت إيه للبنت
آسر بهدوء:لا معملش حاجة يا عمو شدوا بس مع بعض زى كل مرة العادى بتاعهم
محمد بشك:آه كده يعنى
على ببراءة:اه والله يا عمو وبعدين أنا برئ وهى اللى على طول مفترية وبتشد معايا من غير سبب
محمد: خلاص يا ابنى يلا عشان نشوف إحنا هنعمل ايه ولا ورانا إيه
آسر مقتربا من أذن على: متسوءش فيها أوى كده بذمتك انت برئ
على:لأ بس هو ميعرفش
آسر:طب يلا يا أخويا قدامى
جلسوا حول طاولة السفرة المستديرة مجتمعين حتى يشرحوا الخطة لعلى.
توفيق:يلا نبدأ بسم الله
صلاح:استنى يا توفيق أما ننده لسارة الأول.
آسر:هقوم أناديها أنا....... ناظرا لعلى بلؤم
وعندما جاءت سارة نظرت بغضب لعلى وجلست بتكبر ولم تعره أى اهتمام مما أغضب على بشدة.
صلاح:طيب يا جماعة نبدأ بدام كملنا
آسر: دلوقتى شذا بتروح النايت كلب اللى قولتلك عليه الساعة ٩ زى كل يوم.
أيمن: تمام وبعدين يا آسر
آسر واضعا يده على كتف على: وبعدين المعلم ده هيظبط نفسه ولا كإنه العريس ويروح ويقرب منها بس يتقل عليها عشان هى اللى تجيله
على بنبرة لعوب: أيوة يا حبيب أخوك بس سيبلى الموضوع ده هو مش هيمشى كده بالظبط أنا ليا طريقتى الخاصة
محمد:هتعمل ايه يا نيلة
على مستندا على كفيه ناظرا لسارة بتسبيل:كل خير يا عمو كل خير
سارة:عن إذنكم أصل الجو هنا ملزق وبقى يخنق على الآخر.
صلاح: راحة فين يا سارة استنى
سارة ناظرة لعلى بغيظ:راحة الجنينة أشم شوية هوا يا عمو
على:باين عليها يا بابا عاوزة أنبوبة أكسجين أصل الهوا اللى هنا مش مكفيها باين
سارة ناظرة لصلاح: طيب يا عمو أنا فى الجنينة لو عزتونى أبقوا اندهولى بس بعد ما الكائن دا يمشى
أيمن ناظرا لعلى بلوم:طيب يا حبيبتي
رحلت سارة وبقى الجميع ينظر لعلى نظرات جعلته يحترق مكانه.
على:طيب يا جماعة أنا هروح بقى عشان أجهز سلام
وطلع يجرى طلع على الحمام اللى فوق عشان يغير هدومه ويظبط نفسه وبعدين نزل سارة ساعتها كانت قاعدة فى الدور التاني جمب الكوريدور اللى قريب من الحمام وهى أول واحدة اتفاجأت بعلى بينما بقيت الناس تحت.
سارة قاعدة على الكنبة وهو جه من وراها وخضها.
على: إيه رأيك بقى يا حلوة أنفع
سارة بخضة:بسم الله الرحمن الرحيم خضتنى
على:وهو فى حد بيحلو كده من الخضة
سارة بحزم:إلزم حدودك يا زفت انت وبعدين إيه اللى انت عمله في نفسك ده إن شاءالله (بغيرة)
على :إيه بزمتك مش حلو
سارة بارتباك: إيه اه....قصدى لأ طبعا أكيد لأ
سارة طلعت تجرى منه بس هو مسكها من البلوڤر بتاعها بقت هى واقفة قدامه وهو واقف وراها بكام سنتى بس
سارة:سيب البلوڤر يا على
على:يااه بقالك مدة منادتنيش بإسمى
سارة:طيب سيبنى بقى عيب كده
على بهمس:أنا لو عليا أفضل كده اليوم بطوله
سارة لفتله وبصت فى عنيه لقته بيبتسملها ابتسامته اللى بتدوخ كل البنات بس لمحت في عينه لمعة مختلفة عن كل مرة بيبصلها فيها فضلت سرحانة شوية فى عنيه لغاية أما ندهلها كذا مرة
على مربعا يديه:سارة...روحتى فين للدرجادى عجبتك أوى
سارة:إيه.....ها عجبتنى لا طبعا إيه اللى بتقوله ده
على: عينى فى عينك كده
سارة ناظرة للجانب الآخر تاركة إياه:أنا ماشية أنا ماليش فى جو التلزيق ده إيه بصى لعنيا والكلام ده.
على:طب استنى طيب
سارة:قولتلك العنوان غلط أنا مش للشقط وحركاتك دى تعملها على حد تانى
على باستفزاز:يا سلام دا تانى وتالت ورابع وكتيييير أوى والله ههههههههه
على مقتربا منها:مبتقفش على حد يا جميل....سلام
سارة نفخت وطلعت كل النفس اللى جواها وبصتله
سارة:قليل الأدب ومعندكش.....
على:عارف ومعنديش دم ومبفهمش وغبى حافظ أنا كده
سارة:زود عليهم بارد ومستفز ومعدوم البصر والبصيرة.
على: ههههههههه ههههههههه سلام أنا بقى دلوقتى ورايا مأمورية
سارة:المركب اللى تودى
على مبتسما:مش من قلبك لأ
ثم تركها ونزل للأسفل وبقى يتكلم مع الباقين وخرج وتبعته سارة من النافذة حتى رأته مع ثلاثة فتيات ليل ولكن أقل ما يقال عنهن أنهن ملكات جمال.
سارة:لا دا مزودها أوى...طب وأنا مالى ما يولع يولع إيه بس دا أنا اللى بولع مش شايف شكله أوڤر حلاوة يا ولاد ولا ابتسامته يوووه بقى سارة فوقى لنفسك دا عيل تافه أيوة وشقوطة كمان وقليل الأدب ماشى يا على إن ما وريتك وربيتك مبقاش أنا هو أنا مهتمة أوى كده ليه هو أنا اتجننت بارد بجد دا يجنن بلد.
............................................................................................................
على الجانب الآخر عند ماهر قرر ميسفرش الشباب لإنه خلاص محتاجهم وكلم البوص واتحججله عشان يعطل الموضوع كويس وقرر ينده لحسن وعزت عشان يحط معاهم خطة عشان يجيبوا شذا القصر ويعرف ياخد اللى هو عاوزه منها ويجيب رجلها هى وآسر ويقتلهم وينتقم منهم.
بس طبعا هو ميعرفش إن حسن وعزت سمعوا شذا وهى بتتفق مع توفيق علشان تغدر بماهر وتقتله.
ماهر:فؤاد
فؤاد:أيوة يا ماهر بيه
ماهر:اندهلى حسن وعزت
فؤاد: حاضر يا ماهر بيه
ماهر قعد فترة مستنيهم بس فؤاد أكدله إنهم مش موجودين حتى بقالهم فترة بيظهروا وبيختفوا وكلامهم مع بعض كتر وبقوا يسهروا ويرجعوا مع بعض متأخر.
ماهر :يا ترى إيه حكايتهم هما كمان أنا حاسس بحاجة غريبة بتجرى من ورايا.
............................................................................................................