إلحقونا إحنا مخطوفين 🏃😅

😎يا عصابة مفيش فيكى راجل😎

فى نفس الوقت اللى كان كريم بيتخانق فيه مع ريم على الأكل وكانت فريدة بتقولهم إن ماجدة مش هتكست لما تسمع اسم كمال كانت ماجدة فعلا عملت كده وراحت جارية بسرعة على أيمن علشان تقوله على اللى سمعته وشافته فى الكاميرا.
ماجدة:اتصرف يا أيمن ده كده الولاد ضاعوا مننا.
أيمن بغضب:متقوليش كده يا ماجدة الله.
ماجدة:لأ طبعا لازم أقولك كده انت عارف ده مين ده كمال يعنى مستحيل يسكت عن اللى حصله بسببنا زمان.
أيمن:هيعمل ايه يعنى مهيقدرش يعملهم حاجة.
نجلاء:لأ يا أيمن يقدر وانت عارف كده كويس
ماجدة:أيوة قوليله يا نجلاء
محمد: نجلاء عندها حق دول فى إيده وهو أكيد مستعد يغدر بينا في أى لحظة.
توفيق: والله لو لمس شعرة منهم لأكون رايح فيه فى داهية.
صلاح: متقلقش يا توفيق محدش هيروح في داهية غيره.
سارة:بعد إذنكم بس ممكن أعرف مين كمال ده وبيعمل كل ده ليه.
محمد:دى حكاية طويلة يا سارة بس ممكن أختصرهالك فى إنه أكتر بنى آدم أذانا خصوصا طنطك ماجدة وعشان كده دخل على إيدينا المصحة مرتين والسجن ١٥ سنة
سارة: وعشان كده راجع ينتقم بعد كل السنين دى.
توفيق: بالظبط كده وأصلا هو من كل ده قاصد بنات أيمن أكتر حاجة.
ماجدة: والله لو قربلهم ليكون آخر يوم في عمره.
محمد:متقلقيش مش هيلحق.
صلاح:يعنى إيه.
محمد:يعنى لازم نتحرك دلوقتى بالبوليس ونقتحم كفاية انتظار بقى.
أيمن:أيوة وخصوصا إن الدنيا كلها باظت وآسر وليلى وعلى جوه وفريدة ووفاء كمان ده غير عمر وشذا.
سارة: وكريم.
نجلاء:لأ ده هنسيبه مش مشكلة.
سارة: تمام يبقى اتكلنا على الله.
صلاح:أيوة اتكلنا على الله وكل حاجة بس انتى راحة فين كده دا احنا هنشتبك وهنقتحم ومش هينفع تبقى موجودة لا انتى ولا ماجدة ولا نجلاء.
أيمن:عندك حق ولا ماجدة كمان بالخصوص.
سارة:يا أونكل لازم نكون موجودين عشان نقدر نطلعهم وانتوا اشتبكوا براحتكم.
محمد:سارة قولنا لأ يعنى لأ هو أى كلام وخلاص.
سارة:يا بابى بقى
محمد:بنت ولا كلمة.
توفيق:أيوة الموضوع خلصان.
ماجدة:خلصان على نفسكم أنا لازم أدخل أجيب ولادى ومش هطلع من غير واحد فيهم.
صلاح:يا ستى والله هنجبلك بناتك مفيهومش ولا خدش بس انتى متتعبيش نفسك.
ماجدة:وانت مين قلك إنى قصدى على البنات بس.
صلاح:مش بتقولى عاوزة بناتك.
ماجدة:تؤ تؤ أنا قلت هدخل أجيب ولادى مش بناتى بس اللى جوه دول كلهم ولادى وعمرى ما هسامح نفسى ولا هسامحكم لو جرا لحد منهم حاجة.
أيمن مبتسما لحماسها:حتى لو كريم.
ماجدة بابتسامة:حتى لو كريم.
توفيق:دا انتى مستبيعة خالص بقى
نجلاء:واضح طبعا 😂
ساره:حلو الكلام يبقى احنا معاكم في الخطة مش كده يا بابى.
محمد:كده يا أختى.
توفيق:جتك نيلة يا بت يا سارة وانتى لازقة شبه الواد على.
نجلاء: صحيح ده ما جمع إلا ما وفق.
سارة:يلا أدينى راحة أنقذه أهو يكش يطمر فيه.
صلاح:أنا لو منك أذل فيه العمر كله.
سارة: إن شاءالله...نطلعه بس بالسلامة هو والباقى وأذله براحتى.
نجلاء:يا حبيبتي يا بنتى بتموت في فعل الخير.
سارة: طبعا يا مامى 😂
محمد: هى هتجيبه من بره.
نجلاء:قصدك ايه يا محمد.
محمد: مقصدش يا نوجة يا حبيبتى.
نجلاء:أيوة كده اتعدل.
محمد:لا أنا بشترى دماغى بس 😂
نجلاء: كده يا محمد طب أنا زعلانة منك.
محمد:وأنا أقدر برده يا نوجة ده أنا حتى بحبك.
ساره:إحم إحم نحن هنا.
صلاح:أيوة نحن هنا وهناك ناس عاوزين ننقذهم ولا إيه.
محمد:اه طبعا أكيد طب ركزوا بقى معايا عشان اللى فات ده كوم واللى احنا داخلين عليه ده كوم تانى أولا كمال دلوقتى عارف أكيد إننا محاوطينه من كل مكان فأكيد هيأمن القصر كويس وهيبقى حواليه رجالته ولو حاولنا إننا نقتحم بالبوليس هتبقى مذبحة وطبعا عشانه حيوان هيساومنا بالولاد فعشان كده ه.........
ساره بسرعة:أنا عارفة أونكل محمد قصده إيه
صلاح: خضتينى يا شيخة الواحد قطع الخلف.
توفيق: كفاية عليك سامى وعلى ههههههههه 😂
صلاح: دول يشلوا بلد متفكرنيش
أيمن:مفكركش إيه ما إحنا رايحين ننقذهم أهو 😂
صلاح:يا سيدي ربنا يرجعهم بالسلامة وانتى يا سارة قولى بقى كنتى عاوزة تقولى إيه يا أذكى إخواتك.
ساره:إحم أونكل محمد قصده إننا كلنا كده هنروحله بربطة المعلم مباشرة ومواجهه من غير البوليس.
ماجدة:إزاى الكلام ده وده ينفع.
محمد:لأ انتوا لسه مفهمتوش أنا أقصد إيه بالظبط احنا صحيح هنروحله ومن غير البوليس بس كده وكده.
نجلاء:يعنى إيه كده وكده وده وقت ألغاز
محمد:استنى على رزقك يعنى هنروحله ونفهمه إن مفيش بوليس وإننا جايين نتفاوض معاه ونحاول بكل الطرق نخليه يبعد رجالته من حواليه بحجة كلامنا معاه عن اللى فات اللى هو أكيد مش هيحب إن حد يسمعه وأنا بقى بطريقتى ظبطت الحراس اللى على البوابة الرئيسية وبقوا معانا خلاص وهنحاول نعطله شوية ونسجله عما البوليس أصلا يكون وصل المهم
إننا نستفرد بيه عشان نعرف نتعامل معاه
أيمن:وإيش عرفك إن رجالته مش هيبقوا حواليه وإننا هنسلك فى الموضوع ده.
ماجدة:أيوة دول أكيد كتير ومرشقين فى كل حتة ومش هيسيبوه.
محمد:مش مهم لازم نخاطر ونحاول نتعامل مع الموقف.
نجلاء:طيب وهنروحلهم كده من غير أسلحة ولا أى حاجة نحمى بيها نفسنا.
سارة:بس دول أكيد هيفتشونا يا طنط الناس دى مش سهلة.
محمد:مهو عشان كده أنا بقى جايبلكم أسلحة دقيقة كده محدش يقدر يشوفها ولا يعرف إنها أسلحة أصلا.
توفيق:تمام استعنا على الشقا بالله
صلاح:يا رب.
كلهم جهزوا نفسهم كويس وأخدوا معاهم الأسلحة الدقيقة الصغيرة دى وخبوها كويس هيا كده مش باينة ومحدش يقدر يشوفها لإنها دقيقة أوى وممكن تلاقيها على شكل اقلام وأساور وحاجات متديش على أسلحة خالص ولبسوا كمان واقى مضاد للرصاص وبعد ما جهزوا دخلوا من البوابة الرئيسية اللى كان عليها الحرس اللى محمد متفق معاهم عشان لو حصل حاجه.
دخلوا الصالة بتاعة القصر وقابلوا كمال اللى كان واقف فى وسط رجالته بيبص ليهم بكل سخرية واستهزاء وعنين كل اللى فيها غل وحقد.
أيمن:كمال فين الولاد انطق وإلا مش هتشوف النور تانى.
كمال:انت جاى بتهددنى فى بيتى ووسط رجالتى انت فى كامل قواك العقلية.
محمد:انجز احنا مش جايين نهزر معاك.
كمال: ولا أنا كمان بهزر معاكوا دى فرصتى عشان أنتقم منكم.
صلاح:انت اللى عملت فى نفسك كده يا كمال انت اللى ظلمت نفسك احنا معملنلكش حاجة عشان تنتقم مننا.
نجلاء:حتى لو عملنا ده ميدكش الحق تنتقم من عيالنا.
ماجدة:مشى الحرس دول علشان نعرف نتكلم معتقدش إنك بالذات هتحبهم يسمعوا اللى هيتقال عنك ولا إيه.
كمال:عندك حق انتى دايما كان عندك حق.
أيمن:كلمنا احنا هنا ملكش دعوة بيها.
كمال متجاهلا كلام أيمن:صابر خد الرجالة واطلعوا بره للجنينة أى إشارة ألاقيكوا هنا سمعتوا.
صابر:تحت أمرك يا كمال بيه.
توفيق:من غير كلام ورغى كتير طلع الولاد من الحوار هما ملهمش ذنب فى أى حاجة.
كمال:ولا أنا كمان كان ليا ذنب فى اللى حصل ولو رجع بيا الزمن هضركوا فى شغلكم تانى وهحاول أعمل اللى عملته فى ماجدة تانى عشان ده حقى.
أيمن ضاربا إياه:حقك مين يا مريض..... والله ما أنا سايبك لازم أروح فيك فى داهية.
صلاح: خلاص يا أيمن اهدى متعملش فى نفسك كده عشان كلب زيه.
ماجدة:انت ليه بتعمل كده ليه بتعمل اللى انت بتعمله ده سواء زمان أو دلوقتى.
محمد:احنا حاولنا نعالجك ونساعدك انت نسيت انت عملت فى ماجدة إيه احنا انقذناها من إيديك على آخر لحظة.
كمال:وأنا بقولك مش ندمان أنا باخد حقى وأنا كان إيه ذنبى إن خطيبتى يعتدوا عليها ويموتوها قبل فرحنا بشهر واحد.
ساره:انت بجد مش طبيعي وإيه ذنب طنط ماجدة فى كده.
كمال:هى اللى كانت قدامى واسمها ماجدة على اسمها وأنا كان لازم أشفى غليلى فى حد وهى اللى قدرها رماها فى طريقى.
ساره:وانت شايف ده مبرر.
كمال: طبعا وهى تستاهل الضرب اللى أخدته والسجن اللى دخلته بصراحة ههههههههه
أيمن هجم عليه عشان يضربه بس محمد وتوفيق وصلاح مسكوه.
أيمن:سيبونى عليه هموته.
محمد:اهدى يا أيمن ده حيوان ميستهلش.
كمال:أحرق دمك أكتر أنا مش ندمان ولو رجع بيا الزمن حرفيا هعمل أكتر من كده.
نجلاء:انت بتعمل كده ليه احنا ساعدناك عشان تبقى كويس وترجع لحياتك تانى.
كمال:قصدك لما دخلوتونى السجن مرتين كده بتساعدونى يعنى.
توفيق:دخلته من أفعالك ده كان جزاتنا لما دخلناك المصحة عشان نعالجك إنك تطلع تتهجم على ماجدة وبعدها تخطط بعد ما تطلع من السجن إنك تضرنا فى شغلنا ده جزاتنا.
كمال:ده من وجهة نظرك لكن من وجهة نظري انتوا سرقتوا شبابى وعمرى وضيعتونى وضيعتوا مستقبلى وأنا بقى مش هسيبكوا لا انتوا ولا ولادكوا.
صلاح:ولا احنا كمان هنسيبك.
فجأة صلاح ومحمد وتوفيق وأيمن طلعوا مسدسات ووجهوها ناحية راس كمال حتى نجلاء وماجدة وسارة استغربوا هما إزاى عدوا بيها من غير ما حد ياخد باله وكمال كمان طلع مسدس بس وجهه ناحية ماجدة اللى صوتت فجأة والحراس جم على صوتها.
كانوا ٨ حراس دخلوا على كمال واتنين منهم وجههوا مسادساتهم ناحية محمد وصلاح فى حين كمال ابتسم ابتسامة خبيثة ووجه مسدسه ناحية أيمن و توفيق مازال زى ما هو موجه سلاحه ناحية كمال بالتالى فى خمسة محاوطين نجلاء وسارة وماجدة.
أيمن بتحدى ممسكا مسدسه:متتهورش يا كمال متوديش نفسك في داهية.
كمال:داهية بداهية أنا معنديش مشكلة.
محمد ناظرا للحارس وفى يده المسدس:خليهم يشيلوا المسدسات احنا هنضرب فى المليان ومش هيهمنا.
كمال:متقدروش انتوا تحت سيطرتى دلوقتى.
صلاح بتحدى:صدقنى احنا هنموتك انت ورجالتك ومش هيهمنا.
كمال: متقدروش تعملوا كده التلاتة اللى حواليهم خمسة بالمسدسات دول لو حد بس فكر يضرب طلقة واحدة هتكون روحهم طلعت.
توفيق ساحبا الزناد:صدقنى انت أجبن من إنك تعمل كده.
ساره بخوف:أونكل توفيق متعملش كده هيموتونا لأ
كمال ضاحكا:أيوة اسمع كلام الشاطرة دى.
وبعدين كمال غمز لاتنين من رجالته من الخمسة اللى محاوطين سارة وماجدة ونجلاء راحوا ضاربين فجأة أيمن وتوفيق واحد جت في كتفه وواحد فى رجله لإن دول الخطر على كمال ساعتها الدنيا قلبت صويت ودوشة ورجالة كمال عرفوا يسيطروا
كمال: انتوا التلاتة خدوا التلات ستات دول على المخزن اللى تحت مع البقية
وانتوا الأربعة اربطوا المعلمين دول عشان هنشوف شغلنا معاهم شوية كده.
ماجدة بانهيار:لا أيمن سيبونى أيمن انت كويس.
أيمن بوجع ممسكا كتفه: متخافيش يا ماجدة أنا كو....كويس.
توفيق متوجعا من قدمه: والله لهنطلع من هنا متخافوش.
سارة:يا بااااابى
محمد:سارة......يا حيوان يا حقير.
كمال بغضب:قولتلكم خدوهم من هنا.
فعلا الحراس أخدوهم والأبهات كانوا مربوطين على كراسى وعلى بقهم بلاستر وحواليهم الحراس وكمال قصادهم بيبصلهم بغموض.
التلات حراس أخدوهم ونزلوا تحت وماجدة وسارة كانوا منهارين خالص ونجلاء كمان بس هى قررت تفوق ومتستسلمش أول ما قربوا من باب المخزن راحت نجلاء غامزة لسارة راحت سارة فى حركة سريعة مطلعة القلم اللى معاها وغرزاه فى كتف الحارس وفى نفس الوقت نجلاء عملت كده راح الحراس واقعين على الأرض مغمى عليهم كده معتش إلا حارس واحد اللى ماسك ماجدة.
الحارس:يا ولاد الكلب انتوا عملتوا فيهم إيه.
ماجدة ممسكة القلم:زى ما هنعمل فيك انت كمان دلوقتى.
الحارس:مش هتلحقوا..........صابر.....محمد......حس.....
فى الوقت ده الحارس وقع على الأرض عشان ماجدة كانت غرزت فى كتفه القلم
سارة بخوف:يلا بسرعة يا طنط نجلاء شوفلنا المفاتيح وأنا كمان هدور فى جيب الراجل ده وانتى كمان يا طنط ماجدة دورى قبل ما حد ييجى.
نجلاء:طيب
ماجدة:أنا لقيت المفاتيح أهو.
سارة:طيب جربى كده يا طنط.
فى الداخل:
فريدة:ولاد اصحوا......ولاد.....يا وفاء
وفاء:أيوة يا فريدة حصل حاجه.
فريدة:سامعة الصوت اللى أنا سامعاه.
وفاء:ده صوت...صوت سارة مش كده
فريدة:ولاد اصحوا.
آسر:أيوة يا طنط حصل حاجة......إيه ده فى حد بيحاول يفتح الباب
وفاء: أيوة فى حد بيحاول يفتحه .....أنا سامعة صوت سارة وماجدة ولا أنا بتهيألى.
آسر:لأ ده صوتهم فعلا
فريدة:صحيهم معايا لإننا لازم نبقى مستعدين لأى حاجة.
وفاء:أكيد لإنهم جايين ينقذونا
............
سارة بخوف:افتحى بسرعة يا طنط ده فى صوت حد بيقرب علينا.
ماجدة وهى تجرب المفاتيح بتوتر:حاضر يا حبيبتي بجرب أهو.
نجلاء:يا رب
وفجأة قرب تلات حراس وسارة ونجلاء اتسمروا من الخوف بس ماجدة برده كانت لسه بتحاول لإن عدد المفاتيح كتير مكنش عندهم وقت ولسه الحراس هيبتدوا يرفعوا السلاح وواحد فيهم بالفعل كان قرب من سارة وشدها من إيديها قامت ماجدة فاتحة الباب.
ماجدة والحارس ممسك بها: وفاء.....آسر
آسر خارجا وضاربا الحارس:يا ابن ال.....يا زبالة انت واللى مشغلك.
سارة بقوة ضاربة الحارس بسلاح القلم فى كتفه:سيبنى يا حيوان....يا على إلحقنى يا على.
نجلاء:اصحوا يا ولاد احنا جينا.
على مستيقظا بفزع:اصحوا اصحوا بسرعة فى عاركة بره.
لينا:إيه ده.....إيه الناس اللى بره والضرب ده.
على:اصحوا الباب اتفتح وآسر بينده علينا.
لينا:ده صوت مامى.......أنا قايمة.....سامى قوم فى حاجة بره بتحصل الباب اتفتح.
سامى:بجد طيب فى إيه.....قومى.....ده طنط نجلاء أهى.
لينا سابيتهم وقامت هى وعلى وسامى وكل دول طبعا أكتر من التلات حراس فخلصوا عليهم.
نجلاء:حمد الله على سلامتكم........يلا معندناش وقت لازم نصحى الباقى عشان نشوف هنعمل ايه.
ماجدة:أيوة لازم نطلع من هنا بأسرع وقت.
على ممسكا بيد سارة: وحشتيني.
سارة مبتسمة:وانت كمان بس مش وقته والله تعد تحب وتحنحن انجز بدل ما يتاوونا هنا.
على:فصيلة.
سارة: ههههههههه 😂 أيوة أنا فصيلة نخش بقى ننده على العيال دول معندناش وقت.
على:ماشى يا أختى.....أنا اللى عملت فى نفسى كده.
آسر:انت هنا تندم ودلوقتي
على:عينى عليا معنديش حتى وقت ولا مكان أندم فيه.
سامى:وده وقت كلام بالله عليك هنموت يا جدع.
لينا:يا راجل دلوقتى خايف من الموت ده انت أول واحد مكنتش عاوزنا نطلع من هنا.
سامى:يا ستى أنا خواف وجبان انتى مالك عاوزة تموتى انتى حرة لكن أنا هنفد بجلدى.
لينا:ده جلدك هو اللى هينفد منك ويسيبك ويطلع يجرى من عمايلك.
آسر:بطلوا رغى بقى.....ويلا ننده عليهم
على:عندك حق ده كريم لوحده محتاج ٣ سنين و٧ اشهر عشان يصحى.
نجلاء: ههههههههه 😂 يلا.
طبعا الباب مفتوح وهما لما خلصوا على التلات حراس اللى بره دخلوا عشان يصحوا اللى نايمين عشان كلهم يهربوا وطبعا بما إنهم كتير ده هيسهل عليهم مواجهة أى حد يقابلهم فى طريق الرجوع.
آسر راح يصحى أحمد وريم وشذا
آسر مطبطبا على أحمد:أحمد اصحى يا أحمد...أحمد.
أحمد:أيوة...... إيه ده ماما.....طنط نجلاء....انتوا جيتوا هنا إزاى وإيه اللى بيحصل فهمونى.
نجلاء:مش وقته يا حبيبي يلا عشان هنطلع من هنا.
أحمد:اه طبعا....حاضر....... ريم اصحى يا ريم.
فريدة:دى هتبقى معجزة لو ريم صحيت النهاردة.
وفاء:مجوش يخطفوا إلا شوية المتعبين دول
ريم بعيون مغلقة:أنا صحيت أهو
أحمد:لا والله انتى شايفانى أصلا.
ريم:اه طبعا.....انت مين يا رايق.
لينا من ورائها ضاربة قفاها:قومى يا أختى انتى على القهوة.
ريم مفتحة عينيها ومتوجعة:اه فى إيه هو مين اللى ضربنى كده........سارة ومامى وطنط نجلاء هو أنا لسه في الحلم ولا إيه.
ماجدة:إيه أضربك كمان قفا عشان تفوقى.
ريم:لا يا مامى خلاص انتوا استحيليتوها ولا إيه.
أحمد: خلاص يبقى تقومى باحترامك.
ريم بضيق:طيب...دا انتوا مفتريين أكتر من العصابة نفسها أوف.
ماجدة:بنت
ريم: خلاص سكتنا.......مى ميمو قومى يا حلوة يا أختى عشان نهرب.
مى مستيقظة:نهرب انتى اتجننتى يا بت.
وفاء:لا دى المرة الوحيدة يا مى اللى ريم متجننتش فيها 😂
ريم: موشكرين يا طنط فتحى كده وشوفى مين قدامك عشان تعرفى إنى متجننتش.
مى:مامى.....وسارة ونوجة كمان يا سيف اصحى بسرعة سييييف
سيف مفزوعا:إيه فى إيه كريم ريم أكلت كريم ولا إيه.
ريم:لا يا خفة قوم عشان هنهرب يا ظريف.
سارة:ريم انتى كنتى عاملة في العيال دى إيه من ورانا.
ريم:أبدا ده أنا بريئة وهادية خالص مالص ومش بعمل مشاكل.
على:أيوة احنا اللي ظالمينها مش كده يا أحمد.
أحمد:أيوة يا عينى عليها وواكلين أكلها.
ريم:شوفتوا بقى.
آسر:شوفتى فى عينك بطلى كذب عشان منتحرقش واحنا واقفين.
ريم:يوه سيبونى فى حالى بقى وشوفى بقية النايمين دول.
عمر:أنا خلاص صحيت أهو على صوتكم فيه إيه تانى.
ماجدة: حمد الله على سلامتكم يا عمر.
عمر متفاجئا:إيه ده طنط ماجدة وسارة وطنط نجلاء الحمدلله يعنى هنخرج من هنا.
نجلاء:أيوة يا حبيبي
عمر: الحمدلله.......اصحى يا شذا انتى يا منكوشة بت.
شذا بعصبية دافعة إياه:بت لما بتبتك يا عديم الزوق حد يص......إيه ده انتوا هنا يا طنط إزاى.
سارة بابتسام: ههههههههه مش وقته يا روحى يلا فوقى كده عشان نطلع من هنا.
عمر:وتفوق أكتر من كده إيه ما هى فاقت عليا.
شذا بتكبر:انت تستاهل أكتر من كده.
عمر:يعنى أنا لازم اتعود على كده بقى.
شذا:تتعود ليه وانت مالك أصلا بيا.....قوم كده وسعلى إيه القرف ده قال يتعود قال.....يعنى إيه أصلا.
آسر مقتربا من عمر:وكمان غبية ربنا يكون في عونك.
عمر: ههههههههه يا رب.
سيف:بتقولوا إيه يا حلو منك ليه صحوا ليلى واجهزوا عشان كلنا نصحى كريم مع بعض.
عمر مبتسما:طيب يا حبيب أخوك.
آسر:سيبنى وأنا هصحيها.
نجلاء:عينى على الحب وعمايله.
آسر:إيه
ماجدة:لا يا حبيبي نجلاء متقصدش حاجة.
مى:ولا تقصد ههههههههه 😂
عمر: مبروك اتفضحت يا معلم ههههههههه 😂😂
آسر:لهو أنا مكشوف للدرجادى 😂
شذا:أيوة باين عليك أوى😂
سامى:كلنا عارفين يا آسر متحاولش تخبى.
ريم:مش بعيد اللى خاطفنا يكونوا عارفين كمان 😂
لينا:وكل ده والعروسة نفسها مش عارفة ههههههههه 😂
آسر بصوت عالى نسبيا:دا احنا نقرا الفاتحه بقى 😂
ليلى مستيقظة على صوت آسر:فاتحة إيه يا جماعة.....مين بيتجوز هنا أنا مش فاهمة حاجة.
شذا ضاحكة: ههههههههه لا يا روحى محدش بيتجوز هنا ههههههههه 😂
ليلى:بجد مش فاهمة هو فى حد من العصابة هيقرا فتحته ولا إيه
سارة:منتيش ملاحظة حاجة.
ليلى:إيه ده سارة....طنط نجلاء وطنط ماجدة كمان......أومال مين هيقرا فاتحته مش فاهمة.
عمر:البت ضربت يا عين أمها.
ليلى:أنا عارفة بقى يا عمر وحد يقعد هنا مع ريم وكريم وعقله ميفكش منه.
شذا:لا فى دى عندك حق ههههههههه 😂
ليلى مشاورة على آسر:لا وخصوصا كمان الكائن المستفز ده.
آسر:شايفين هى اللى بتعصبنى أهى.
سامى:يووووه خناقة تانى.
ليلى:وتالت ورابع أنا مش بطيقه.
أحمد:لا والله
ليلى:اه...اه طبعا مستفز يا باى.
آسر:يعنى أنا يعنى اللى بحبك وميت فى دباديبك.
ليلى:يع قال تحبنى قال ده انت قليل الأدب أصلا مين دى اللى هترضى بيك.
آسر:ملكيش دعوة باللى هترضى بيا.
ليلى: ربنا يكون في عونها دى هتودع بدرى بدرى.
آسر:متدعيش بزمة أوى كده.
ليلى بغباء:أنا أدعى زى ما أنا عاوزة وأنا هخاف يعنى من أيه هى الدعوة هتلزق.
وفاء:يمكن محدش عارف
ليلى:صدقوا انى اتعصبت مشوا الكائن ده من قدامى.
آسر:إيه كائن دى لمى لسانك بدل ما أفلقك نصين.
ليلى:لا والنبى إيه هتفلقنى نصين وأخويا واقف.
عمر: والله ما ليكى غير آسر هو اللى يربيكى ويقصلك لسانك.
ليلى:انت ليه واقف معاه كده صدق انك غبى ومستفز زيه.
سيف: وبعدين هتشكلوا كتير كده لغاية أما نلاقى الناس فوق دماغنا ولا إيه.
ليلى وآسر معا:اه.
سيف: خلاص أنا اسف إولعوا.
شذا:عنده حق اخلصوا وابقوا احرقوا بعض أما نطلع من هنا.
ليلى:ماشى متفقين يا حضرة الظابط.
آسر:متفقين يا باشمهندسة.
ماجدة:أول مرة أشوف اتنين حلوين كده مبيتفقوش إلا على الخناق.
أحمد:أومال هيعملوا بعد كده إيه 😂
ليلى بشك:فى إيه.
أحمد:ها...ولا حاجة قصدى يعنى أما نطلع من هنا هتعملوا أكتر من كده إيه.
ليلى بشك ناظرة لآسر:اه بحسب.
آسر مقتربا من أذنها:ولا أحسبى.
ليلى بكسوف: إيه.
آسر:ولا حاجة......يلا يا جماعة نصحى كريم.
كلهم اتجمعوا على شكل دايرة حوالين كريم وكريم تقريبا كان بيحلم وعمال يتكلم وهو نايم وكان بيرفص برجليه.
كريم:هممممم أنا أنا.....أنااااااا
ريم:هو بيحلم بعبد الباسط حموده ولا إيه 😂
سارة: والله يا بنتى ما أنا عارفة.....شوية كده وهتلاقيه بيقولك إدينى قلبك ههههههههه 😂
على ناظرا لسارة:طيب وخدى قلبى.
أحمد:استنى عليا بس أما أطلع من هنا وأنا هاخد أعضائك كلها....بتعلق أختى ياض.
على:إيه يا أبو نسب قارى فتحتها وهخطبها والله.
أحمد:ولا هتكلمها ولا كلمة إلا لما تكتب كتابها.
على:طيب ما أمضى إقرار عدم التعرض بالمرة.
أحمد:هفكر 😂
على:عاجبك كده.
ساره بضحك: ههههههههه 😂 أوى.
فجأة كريم راح ضارب سامى برجليه فى وشه
سامى متوجعا:اه...اه يا ابن الناس الطيبين يخربيته ده بيشلت فى وشى.
ماجدة:دى حالته صعبة خالص هى رهف بتنام جمبه إزاى كده ههههههههه 😂
فريدة:عينى عليها مستحملة كتير البنت.
سامى بغيظ:ولا اصحى يلا..... كريم اصحى هيموتوك ياض.
ليلى: والله باين عليه ما هو نافع معاه حاجة.
شذا:طب حد يكبر في ودانه طيب.
عمر:ليه يا أختى هو ملبوس.
لينا: عندها حق يعنى بذمتك ده شكل واحد طبيعي.
كريم ضاربا سامى على وجهه:يا..ي خاين يا مسافر.
سامى:اه هو بيضربنى أنا لوحدى ليه.
لينا: ههههههههه 😂 صدق تستاهل ههههههههه 😂
سامى:فرحانة وجوزك بيضرب
لينا: ههههههههه 😂 بجد شكلك فظيع هموت مش قادرة ههههههههه 😂
ريم: ههههههههه 😂😂 طب لحظة يا جماعة إيه يا مسافر اللى هو قالها دى.
على:يمكن كسب فى مسابقة الغنى اللى عاملها ومسافر يحترف بره ههههههههه 😂😂
ليلى:بس ده بيقول يا خاين
سيف:يمكن بينحرف مش بيحترف حد عارف ههههههههه 😂
نجلاء:كيمو ولا يا كيمو قوم يالا الست عبلة بتقولك الخروف جاهز.
كريم:هممم قديمة يا رهف شوفى غيرها.
وفاء:يالهوى ده مصحاش من الخروف يبقى مش هيصحى فى حياته.
ماجدة:طيب إيه الجديد نقوله الست عبلة شويتلك جمل.
شذا:جمل إيه يا طنط اللى زى ده ميكفيهوش تور يأكله.
أحمد:طب بقولكم إيه حد يشتاله ونطلع نجرى بيه وخلاص.
شذا: ههههههههه 😂😂 اقتراح هايل.
على: طبعا هايل ما انتى مش تعبانة فى حاجة ما احنا اللى هنشيل.
سارة:شوشو عندها حق متشيل إيه يعنى مش انت الراجل.
على:أيوة أنا الراجل بس مش الشحات مبروك يعنى انت عارفة كريم ده يوزن قد إيه باللى بياكله ده.
وفاء:ده عصاية قدامك أهو منتاش شايف.
سامى:أيوة يا ماما عصاية بس ميغركيش ده يوزن قد تلاتة طن حديد وعشر شكاير أسمنت.
ريم: ههههههههه 😂😂 فعلا ويبقى لسالنا كام طوبة ونطلع بيهم الدور التانى.
مى:انا من رأى محدش يعترض فعلا على الاقتراح ده علشان ده الحل الوحيد اللى قدامنا قبل ما حد ييجى ههههههههه 😂.
ريم بفرحة:ها مين هيشيل مين
أجمد:انتى فرحانة كده ليه ولا أكنك طالعة القناطر.
ريم:ملكش دعوة بيا لولولولولولولىىىىىىىىىى 🥳
مى:يخربيتك الناس فاتهم سمعوكى دلوقتى وجايين على هنا.
سامى:يعنى إيه هنموت المرادى بجد.
وفاء:منك لله دا انت خلفة عرة انت وأخوك يا ريتنى خلفت أرنب كان نفعنى أكتر منك.
على:وأخوه ماله دلوقتى أماما.
وفاء:مطلع مطوة عليا أحسن ياض يا ابن الجزمة.
سارة:يع احمد أنا مش هتجوز البنى آدم ده مستحيل.
أحمد:حمد الله جت من عندك يا رب.
على:مهتجوزيش مين يا أختى ده أنا أشرحلكم نفسى هنا.
آسر:انا اللى هشرحك فى الكلية أما نرجع لو اكلمت كده تانى بيئة ليها حق متعبركش.
على:أنا آسف يا اخويا منك ليه ليها انا مش ناقص نفخ فى الكلية خلينى أتخرج بكرامتى أحسنلى.
آسر:أيوة كده أعقل.
ليلى:أيوة خليه يعقل ويشيل كريم بالمرة ههههههههه 😂.
آسر:طب والله ما هى راجعة شيل يا على.
على:شيل يا على إيه انت هتعمل مصالح على قفايا.
آسر:انا قولت شيل
عمر:أحسن عشان تبقى تتسحب من لسانك بعد كده.
سامى:يعنى خلاص هنهرب ومش هنموت ولا هنتعذب ولا هنكهرب ولا هنقطع أشلاء فى اكياس سودا
آسر:حلو تمام يبقى انت كمان هتشيل معاه يا سامى.
سامى:ليه إن شاءالله شايفنى بيج سامى دا أنا غلبان وماشى بعلاج حتى بص مش قادر أقف على رجليا.......اه يانى يا ركبى المعصعصة يانى ياما.
فريدة:بس انت واقف وحلو زى القرد أهو.
سامى:بسيطة هعد .........وآدى قاعدة.
آسر ضاربا إياه على قفاه:قوم ياض مش ناقصة جنان.
سامى:حاضر يا أخويا ده كان خطف منيل من الأول.
وفاء:أومال يا عين أمك كنت فاكرهم هيعملولك إيه فى الخطف سبوع ولا حنة خالتك يا روح خالتك.
سامى: كفاية تهزيق بقى يا ماما
شذا ضاحكة: ههههههههه 😂
فى الوقت ده بصت على عمر تلقائيا لقته بيبصلها ببسمة وبحب وبيغمزلها اتوترت أوى وبصت الناحية التانية هى حاسة بحاجة ناحيته بس هى قافلة بابه خالص عشان متأكدة إنه حاسس تجاهها إنه أخوها وإنه كمان خاطب وخطيبته بتحبه وهيتجوزوا كمان قريب لكن ما خفى كان أعظم
سامى وعلى شالوا كريم والكل طلعوا من الباب فى مقدمتهم آسر وعمر وفى الآخر سيف وأحمد
فجأة وهما ماشيين سمعوا صوت جاى وراهم فجروا بسرعة لآخر الممر وهما بيجروا كريم صحى.
كريم:إيه ده أنا فين.
سامى:انت فين إيه يا مغيب اصحى قامت قيامتك.
كريم وهو بيتاوب:هو احنا اتخطفنا تانى ولا إيه
على:انت بتريح عليا أوى كده ليه فاكر نفسك نايم على السرير فى بيتكم.
كريم:اسكت انت خالص أما أشاور لنوجة وطنط ماجدة حبايبى من فوق كده.
سامى وهو يجرى:هتشلنى والله انت فاكر نفسك فوق سطح بيتكم
على: كريم المنظر من فوق حلو مش كده.
كريم:أيوة يا حبيب قلبي
على:طب إيه رأيك تشوفوا من تحت.
كريم:إزاى يعنى.
سامى:كده 😂
سامى وعلى طبعا رموه على الأرض وهما بيجروا وكان فيه ناس بتجرى وراهم فهما طبعا لما رموه سبقوه بكذا خطوة وهو فضل ورا بيصوت والحراس وراه.
كريم رافعا يديه الاثنين:إلحقونااااى استنوناااااى.
أحمد:اجرى شوية ياض
شذا ضاحكة: ههههههههه 😂 مش قادرة اتنفس شد حيلك ليلحقوك.
كريم:هيمسكنى ابن الوارمة
ريم وهى تضحك وتجرى:تستاهل عشان تاكل أكلى يا طفس.
كريم: مش وقته حد يحدفلى طوبة ألق بيها التور اللى ورايا ده.
ليلى: ههههههههه ههههههههه 😂 يا الله الخطف طلع حلو أوى 😂
سامى:مش بقولك ولما يمسكونا هتحلو أكتر.
ماجدة حادفة السلاح الصغير لكريم:خد يا كيمو.
كريم صارخا:أعمل بيه ايه اه يا قلبى.....مش قادر
سارة وهى تلهث:غزوا بيه يا غبى.
كريم للحارس: سيبنى فى حالىىىى يا ابن الكلب الأجرب....اه هغزوا إزاى بالقلم هو ساقط كيمياااا
إلحقونااااي.
لينا: ده سلاح...... أجرى بسرعة يا كريم هيمسكوك.
كريم لف بسرعة وراح غرزه فى رقبته.
بس لسه كلهم بيجروا طبعا عشان فى حراس بس ده كان الأقرب لكريم.
فى الوقت ده كان وصلوا لآخر الممر ومكنش فيه مهرب غير أوضة بابها مقفول آسر وعمر كسروا بابها بزقة جامدة منهم لإنه كان خشب ودخلوها ولحسن الحظ كان ليها بابا حديد كمان راحوا قافيلنه والحراس معرفوش يدخلوا.
كريم وهو يسجد شكر لله: الحمدلله مموتش مموتش
سامى:متخفش المرة الجاية هيمسكوك.
كريم بفزع وجنون:لا لا أنا مش هموت موت انت.
سيف:يالهوى على منظرك وانت بتجرى يفطس من الضحك ههههههههه 😂
كريم ممسكا إياه من ياقته:ما انت مكنتش معايا دول كانوا هيشلوحونى عقبالك.
مى:سيب الولا اللى حيلتى ميشلوحوك انت إيه يعنى.
كريم:يعنى أنا عادى اتشلوح.
عمر: اه عادى انت كريم مش مهم.
كريم:اخص عليكوا يا مفتريين يا ظلمة.
ريم:تستاهل عشان تبقى تاخد أكلى.
أحمد:لا وكمان كان بيخبى مننا الأكل المعفن.
كريم:منتوش مكسوفين من نفسكم وانتوا حرامية دى أخلاق مخطوفين دى.
لينا:جماعة بصوا كده على الحيطة دى.
سيف:فيها إيه يا لينا
لينا: بص كويس كده.
ريم:إيه فيها تلاجة فيها أكل أو آيس كريم مثلا.
كريم:أو فرخة محمرة
ريم:او كيسين شيبسى ولانشون وكولا
كريم:أو برجر وصوص جبنة
ريم:أو بيتزا
آسر:فيها فتحة تهوية يا كروش تمشى على الأرض.
ريم ضاحكة: كريم ده فاكر نفسه بيشتمنا😂
كريم:ده فخر لينا وانت تطول.
نجلاء:أنا دماغى صدعت من الاتنين دول وجالى حموضة.
ماجدة:اه والله دول كانوا قاعدين معاهم دول إزاى.
ليلى:سبحانه مصبر الوحش على الجحش.
آسر:انتى متأكدة إنك كنتى عايشة فى هولندا.
ليلى:اه طبعا بس انا من جوايا مصرية وأعجبك أوى.
آسر:اه أوى.
عمر:آسر هااا
آسر ضاحكا:معلش معلش
ليلى فى سرها بس الكل سمعها:قليل الأدب مستغل الفرص.
الكل ضاحكين: ههههههههه 😂
مى:كنت بتقوليلنا إيه على فتحة التهوية يا لينا.
لينا:دى فتحة تهوية يعنى بتبقى متصلة مع فتحات التهوية فى المبنى كله ولو جيتى تبصى على كل اوضة هتلاقى فيها فتحة تهوية ولو مشينا من خلالها هنقدر نطلع من الأوضة دى وندخل أوضة تانية تكون قريبة من البوابة ونهرب.
آسر: خصوصا إن الاوضة دى مقفولة بباب حديد وده معناه إننا اتحبسنا تانى وشوية كده وهتلاقيهم فوق دماغنا لإنهم فاتهم بيتصرفوا دلوقتى عشان يفتحوا الباب ده.
سارة:فى حاجة عاوزين نقولهالكوا بابى وأونكل محمد واونكل توفيق وأونكل صلاح جوا القصر.
سيف:هنا وإزاى متقوللناش.
فريدة:ما طبيعى إنهم هنا أومال هما جايين لوحدهم يا ذكى.
شذا:طيب ومجوش ليه يا طنط بيتفاوضوا مع اللى اسمه كمال ده يا سارة ولا إيه.
نجلاء: حاجة زى كده.
على:يعنى إيه يا طنط هما كويسين جرالهن حاجة.
ماجدة:لا يا حبيبي مجرالهمش حاجة هما اكيد بيتصرفوا بس.
عمر بشك: طب يلا يا جماعة هنطلع واحد ورا واحد فى الفتحة دى.
كريم:بس دى عالية أوى مش كنتوا تقولوا كنا نجيب سلم قبل ما نتخطف.
على:هنشبك لبعض يا خفة
كريم:لا خليك وأنا هطلع على أكتافك أسهل.
على:كتافى إيه هو انت فاكر كتافى سلالم ولا تكونش فاكرها أسانسير.
ليلى:بجد انت أهطل وأهبل وغبى ومفيش كده بصراحة يا كريم.
ريم مضيفة:لأ وبكرش كمان.
سارة:صح ههههههههه 😂
كريم: والله انتوا مش فاهمين حاجة أيام ما كنت فى ثانوى كنت أنا والعيال بنطلع على اكتاف بعض وبنط من على السور كان أسرع من التشبيك بتاعكوا ده اسأل مجرب.
عمر:قصدك اسأل حرامى هارب من التعليم ثانية واحدة هو انت مش دكتور باين.
كريم:أيوة وعظام كمان.
عمر:ما شاء الله وكنت بتهرب فى ثانوى الله أكبر عليك يا ابنى.
كريم: شكراً شكراً مبحبش أتكلم عن انجازاتى كتير
شذا:دى انجازات حرامى خزن مش دكتور.
على:ومع ذلك فكرة الاكتاف دى عجبتنى.
كريم: أكيد اكيد لازم تعجبك دا أنا عمرى ما اتقفشت بيها ولا مرة.
ماجدة:عندى احساس إننا هنتقفش بيها المرادى مش عارفه ليه.
كريم:لا يا طنط مش هنتقفش بس أما نطلع من هنا تحليلى بوقى بقى.
آسر:مفيش فايدة جايب سيرة الأكل فى كل حاجة.
فجأة سمعوا صوت حد بيحاول يفتح الباب.
ريم ضاربة كريم على قفاه:شايف آدى البداية مش هنتمسك مش هنتمسك أدينا هنتعلق أهو.
كريم:شكلك انتى اللى نبرتى فيها وبعدين دى خطة آسر ولينا أنا مالى.
لينا:طب يلا يا أخويا عشان نطلع على كتف بعض بسرعة
سيف:كل واحد يشيل اللى يخصه يلا.
آسر ضاحكا: ههههههههه 😂 ماشى.
عمر:إوعى تقل عقلك يا آسر.
آسر:لا يا عم متقولش كده 😂
فعلا عملوا زى ما كريم قال وحطوا كرسيين فوق بعض ووقفوا عليهم وكلهم تقريبا طلعوا على اكتاف كريم وفضل كريم واقف يستنى حد يشد إيده لإن الباب قرب يتفتح خلاص
كريم صارخا:شدونى بسرعة حد يمد إيده.
على:لا خليك كده ههههههههه 😂
كريم:شدنى ياض بدل ما أشوقك دى الفكرة فكرتى.
على:لا ههههههههه 😂
كريم:ده أنا كيمو حبيبك.
على: والله لو كيمو كونو مش هشدك ههههههههه 😂
كريم:على متهزرش بقى.
على: خلاص خلاص صعبت عليا 😂
على شد كريم وكلهم كانوا ماشيين فى فتحة التهوية ورا بعض وكريم ورا على عمال يقرصه من رجليه ويعضه والباقى وأحمد كان فرحان فى على وعمال يغيظه عشانه غيران على سارة منه 😂
طبعا الحراس لما دخله لقوا فتحة التهوية مفتوحة فجروا بسرعة على كمال لإنهم لو وصلوا للأوضة دى هتبقى مصيبة على كمال.
......................................................................................................
كلهم نزلوا من فتحة التهوية وكل ما واحد فيهم ينزل منها يبرق ويستغرب ويتفاجأ من اللى شايفه
الأوضة دى حيطانها كانت عبارة عن أسلحة متعلقة من كل الأشكال والألوان وأسلحة تقيلة وخفيفة وركن تانى مليان قنابل يدوية ومتفجرات وفيها كمان سكاكين أشكال وألوان وواقى مضاد للرصاص بس مش واقى عادى ده واقى فولاذي بيمنع أى إصابة دا غير إن فيها باراشوتات وجميع أنواع الرصاص يعنى فعلا كمال دلوقتى فى مصيبة.
مى:انتوا شايفين اللى أنا شايفاه.
شذا:إيه كل ده.
ليلى: تقريبا الحرب العالمية التالتة هتقوم.
لينا:لا قولى الرابعة الخامسة ده مش معقول كل ده.
عمر: ده الراجل ده سفاااح بجد
ريم مغنية:سفاح مجرم وماسكلى سلاح حبك مانجة وتفاح حبك مانجة وتفااااااح.
أحمد:أنا هصلى ركعتين لله وأموت مشلول بسببك.
كريم:صوتها مقرف إيه ده.
أحمد:اسم..........
ريم متدخلة:لا سيبلى الطلعة دى.....هى مين دى اللى صوتها مقرف مش كفاية مستحملينك وانت بتغنى وانت نايم في ذا فويس أنيمال.
كريم:ذا فويس أنيمال وانتى تطولى دا انتى أخرك تغنى فى حظيرة والأنيمال نفسهم ميرضوش انك تغنلهم.
ريم وأحمد يمسكها:سيبنى عليه لافينى سلاح من دول عشان نعد الجثث وانت تبقى أولهم.
أحمد: خلاص يا ريم بقى وانت اتهد يا كريم.
سيف:هو احنا وقعنا في حضانة ولا إيه.
وفاء:لا وانت الصادق وقعنا في حظيرة مواشى.
ماجدة:عندك حق ريم وكريم أخرهم معانا كده.
آسر:ريم كريم كفاية وركزوا معايا بقى.
كريم:حاضر (وبعدين عمل لريم حركة الدبح على رقبته)
وريم ردتله طبعا نفس الحركة
ليلى: ههههههههه 😂 مفيش فايدة.
آسر:ها.....أنا قولت إيه
ريم: خلاص يا عم هولاكو قول انت عاوز تقول إيه.
نجلاء:لا هتشلى الواد اللى حيلتنا مش هسكتلك
ريم: خلاص سكت أهو كملوا اوف.
ماجدة:بت اتلمى.
ريم بضيق مضحك:حاضر
آسر:انا عاوز كل واحد فيكوا يلبس واقى ويجهز نفسه كويس وياخد أسلحة وسكاكين على قد ما يقدر ومحدش ياخد قنابل غير انا وأحمد وسامى وسيف.
على:طب وأنا.
آسر:لا انت لسه بدرى عليك يا على مفيش مجال للهزار هنا.
على:بس....
آسر:التزم بالأوامر يا طالب.
على بزعل وإلتزام فى نفس الوقت:حاضر يا فندم.
آسر:تمام مش عاوز ولا غلطة عشان كلنا نطلع سلام من هنا.
شذا:طيب احنا هنتقسم ولا هنفضل كلنا مع بعض
آسر:لا هنتقسم طبعا أنا وأحمد وسيف مع بعض هندور على كمال
عمر وشذا وليلى وسارة وكريم ولينا مع بعض.
ريم والأمهات ومى وسامى وعلى مع بعض.
جاهزين.
ريم:معلش بس يا أستاذ آسر انا عاوزة أبقى مع جوزى قرة عيني
لينا شدتها من إيدها:تعالى يا ريم يا حبيبتى احنا مش طالعين رحلة ملكش دعوة بيها يا آسر ولا كإنها قالت حاجة.
كريم:عارف أحلى حاجة عملتها إيه يا آسر.
آسر بزهق:إيه
كريم:إنك بعدتنى عن ريم وعلى.
فريدة: طبعا اومال انت عاوز الخطة تفشل
كده نبقى ضمنا النجاح
كريم:توكلنا على الله.
آسر:فى أى حد عنده اعتراضات تانية.
سامى:كان نفسي نودع بعض فى ظروف أحسن من كده يالهوى يااانى ياما.
وفاء:حزنك فى ابنك يا فوفة ده بيندب زى النسوان.
سامى:نسوان نسوان أنا راضى مش شايفة ابو لهب اللى بره ده ممكن يعمل فينا إيه.
وفاء:ولا انشف كده ميقدرش يعمل فينا حاجة الله.
آسر:طيب خلصت ولولة ولا لسه عشان نطلع من هنا.
سامي بجدية:عيب عليك رجالة فى ضهرك يا باشا.
آسر:وأنا متأكد طبعا توكلنا على الله.
دقيقتين وكانوا كلهم ملثمين ومرشقين أسلحة وجاهزين بس فى واحد كده أخد حاجة من وراهم..............
يا ترى مين وهيعمل بيها إيه