إلحقونا إحنا مخطوفين 🏃😅

ديو لاڤ مى؟

فى ڤيلا اللواء أيمن:
ساره ومامتها وبقية الأمهات وليلى وشذا بيحضروا السفرة فى الجنينة بس على جمب كده الشباب واقفين وشكلهم بيتفقوا على حاجة مش طبيعية 😅
عمر طبعا كان بيقولهم سر اللى إحنا هنعرف هو إيه بعدين.
بعد كده هما مسكوا على وقعدوا يقنعوا فيه عشان يروح يعترف لسارة خصوصا إنه قاعد يبصلها وهو بيتكلم لغاية أما هى والبنات أخدوا بالهم.
آسر:يلا بقى زى ما اتفاقنا روح
على بغباء:لامؤاخذة أروح أعمل إيه.
عمر:ولا انت غبى يالا أومال احنا بنقولك إيه من ساعتها.
كريم:متخفش يا على يعنى هى مش هتاكلك
على: يا جدعان أنا مقلق منها منتوش شايفين هى بتبصيلى إزاى.
آسر: خلاص خليك جبان كده لغاية أما ييجى اللى يخطفها منك
على بضيق:يووه بقى يا آسر متعصبنيش.
كريم:عامل فيها غيران ومتعصب أوى....ياض دا انت خبرة وبتوقع البنات كده اشمعنا جت عند دى ووقفت.
على: معرفش بقى بس أنا نسيت كل مهاراتى فى الشقط كل راح.....طب حد يفكرنى طيب.
عمر:نفكرك بإيه يا سافل هو انت رايح تشقطها انت بتحبها يا أهبل.
آسر بجدية:ولا انت ناوى تقل عقلك معاها
عمر ضاحكا:لا متقولش كده يا آسر على عاقل ومتطلعش منه الحركات دى.
كريم: بالظبط كده عشان لو فكر بس فكر كده تفكير صغنطوط خالص هيلاقى نفسه في أقرب تربة.
على:لا وعلى إيه الطيب أحسن....صدقوا بالله أنا ما قلقان منها قد ما أنا قلقان منكم انتوا التلاتة.
عمر:متخافش مش هنعملك حاجة بس انت خليك مؤدب.
على:وليه الطلبات الصعبة دى يا عمر.
آسر دافعا إياه:روح يا ابنى بقى وبطل غلبة.
على بضيق:حاضر
على راح ناحية البنات والشباب واقفين بيراقبوا إيه اللى ممكن يحصل وسارة عمالة تقول هو بيقرب لعندى ولا انا اللى بتهيقلى.
على:إحم سارة أنا عاوزك.
سارة باستغراب:عاوزنى أنا
على: أيوة....ممكن تتفضلى معايا على الليڤنج جوه خمس دقائق بس.
سارة: ثانية واحدة هو انت قولت اتفضلى...لأ وقولتها باحترام وبأدب كمان ؟
على بضحكة:لا ما هى قلة الأدب جاية بعدين.
سارة رافعة حاجبيها:أفندم
على: لا ولا حاجة مكنتش أقصد
سارة:اه بحسب.
على:طب اتفضلى بقى
سارة:ماشى أما نشوف ولا ولو إنى مش مطمنالك.
على ضاحكا:حقك بصراحة ههههههههه 😂
على مشى قدام سارة راحت هى زقاه وماشية قدامه بكل تكبر.
على بخبث: والله عملتى خير إنك مشيتى قدامى كده.
ساره وقفت:أفندم
علي بضحك:شكلك فهمتينى صح 😅
سارة صافعة إياه:انت قليل الأدب وعمرك ما هتتغير.
على واضعا يده على خده:ليه كده يا بنتى دا أنا نيتى خير.
سارة:دا كلام واحد نيته خير بزمتك.
على:يمكن.....انتى متعرفيش وبعدين مش يمكن أتغير.
سارة:دا لما تحصل معجزة.
على بغمزة:مش يمكن حصلت
سارة بارتباك:أنا مش فاهمة حاجة.....أنا هسبقك على الليڤنج
على بصوت عالى:طب استنى بس....يا حجة انتى.
كل دا وآسر وكريم وعمر بيبصوا عليه ومن بعيد وفطسانين على روحهم من الضحك حتى كمان كريم وقع على الارض من كتر الضحك 😂
على سابهم ودخلها جوه
سارة وقفة قدامه بتبصله بنظرات مش مفهومة ومستنية تعرف منه هو عاوز منها إيه؟
على:عارف إنك محتارة دلوقتى وبتقولى يا ترى هو عاوز يقولى إيه مش كده.
سارة برقة:أيوة
على بتسبيل:سارة على فكرة انتى طالعة حلوة أوى النهاردة.
سارة دورت وشها الناحية التانية بكسوف:إحم بلاش الكلام ده لو سمحت.
على ضاحكا:لا دى مقدمة بس 😂
سارة:أفندم انت هتستعبط
على:الله ما كنا كويسين قلبتى تانى ليه.
سارة:عشان انت بتقول كلام ميتعقلش والله.
على:طب بصيلى كده عشان أقولك الكلام اللى يتعقل بقى.
سارة بصت فى عنيه وارتبكت جدا
ساره بهمس:عاوز إيه يا على.
على قرب من وشها جدا ورجع خصلة من شعرها لورا ووطى جمب ودمها وهى كل ده متسمرة مكانها.
على بهمس:بحبك💖
سارة متحركتش فضلت بصاله فى عنيه وهو عمال يبتسملها بحب واضح أوى فى عنيه وفجأة سابته وطلعت تجرى ناحية الباب راح ماسك إيدها وموقفها وهى باصة قدام وهو باصص لضهرها وبيكلمها.
على:استنى رايحة فين.
سارة:ها...معرفش.
على:طب اعتبر معرفش دى وأنا كمان.
سارة بصتله بارتباك:على ممكن تسيبنى
على سألها واتكلم بجدية:أنا آسف يا سارة انتى من النهاردة زى أختى وانسى اللى قولتهولك من شوية
سارة مسكت إيده وردت بلهفة:استنى...وأنا كمان بحبك.
على:إيه....سمعينى كده تانى الله يباركلك.
سارة بحب:بقولك بحبك 💖
على:أومال كنتى سايبانى وماشية ليه
سارة لاعبة بأصابعها:إحم كنت....كنت مكسوفة.
على ضاحكا: مكسوفة من كلمة بحبك أومال فى اللى جاى بقى هتعملى إيه.
سارة:قليل الأدب
على بثقة:طول عمرى
سارة:طب بزمتك يرضيك أحب واحد أخلاقه زفت كده زيك.
على مقتربا منها:بحبك ♥️
سارة:على ابعد شوية لو سمحت
على مقتربا أكثر:بعشقك
سارة: والله لو قربت سنتى كمان هقتلك.
على مقتربا حتى نظر إلى شفايفها: بموت فيكى.
راحت سارة ضرباه حتت قلم فوقه وبعدت عنه.
على متألما:ليه كده يا بنتى.
سارة ضاحكة:أحسن عشان تحترم نفسك وتحرم.
على:ما أنا حرمت خلاص من يوم ما حبيتك.
سارة:لا إوعى تقولى إنك بطلت قلة الأدب.
على ضاحكا:تخيلى......مش انتى قولتيلى دا انت عاوز معجزة.
سارة:أيوة.
على برومانسية:أهو انتى المعجزة دى اللى غيرتلى كل حياتى.
سارة بكسوف:ممكن تبطل كلامك الحلو ده عشان مبعرفش أرد عليه.
على:طب بالله عليكى واحدة بحبك.
سارة بكسوف: لم نفسك بقى يا ابنى ......هى شغلانة يا حبيبي هو انت اطرشت ما أنا قولتهالك مرتين.
على:يا حزن الحزن انتى هتعديهم.
سارة ضاحكة: طبعا هو مال سايب ولا إيه.
على:اعتبرينى من الفقراء والمساكين واعطفى عليا وقوليلى بحبك.
سارة ضاحكة: انت هتشحت ولا إيه 😂
على:صدقى خسارة فيكى الرومانسية والساسبينس اللى أنا عامله
سارة:كده يا على خسارة فيا.
على:لا يا روحى دا انتى كلك كتير عليا أصلا 💖
سارة ضاحكة بكسوف:إحم بحبك 💖
على بفرحة: الحمدلله يا رب...وأنا كمان يا عمرى بموت فيكى وفى اللى جابوكى
سارة:فى اللى جابونى إزار يعنى ما تحترم نفسك
على:دا من الفرحة بس ههههههههه 😂
سارة:خاللى بالك كده قولتهالك أربع مرات.
على:سارة يلا ننفصل أحسن أنا مش مكمل.
سارة: خلاص خلاص متزعلش مش هعدهم قدامك هبقى أقيدهم على النوتة ههههههههه ههههههههه 😂
على:أنا مش عارف أنا عملت إيه فى حياتى عشان يحصلى كده.
سارة: ههههههههه 😂 انت بالذات عملت بلاوى فتستاهل ولا إيه
على ضاحكا: ههههههههه ههههههههه 😂 عندك حق بس مش كده يعنى.
سارة:هو انت لسه شوفت حاجة.
على:أنا بقى محضرلك مفاجأة
سارة:خير
على:أنا هطلب إيدك من عمى محمد دلوقتى.
سارة بكسوف:أنا ماشية....انت ك....كل شوية هت...هتحرجنى كده.
على ضاحكا: خلاص خلاص يلا نطلعلهم عشان وشك بقى طماطم وحالتك بقت حالة.
سارة بارتباك:إحم أنا طالعة دلوقتى سلام بقى
تبعها على للخارج وهى راحت تكمل السفرة وهو فعلا راح طلب إيديها من باباها
وهما بيتعشوا
محمد:بما إن كلنا ملمومين ويا رب لمتنا تكمل لما الولاد يرجعوا بالسلامة يارب أنا حابب أقولكم حاجة.
نجلاء:خير يا حبيبي قول.
محمد ناظرا لعلى:على طلب إيد سارة وأنا وافقت مبدئيا بس لازم أسمع رأى العروسة الأول.
وفاء باستغراب ناظرة لصلاح زوجها:بقولك يا صلاح مش ده على اللى كان بيقول أنا سينجل ڤوريڤر ومش هتجوز والكلام ده.
صلاح بضحك:باين هو ههههههههه 😂
على: خلاص يا ماما انتى وبابا هتروشوا عليا وأنا فى الموقف ده.
أيمن:حقهم دا انت طلعت عنيهم.
فريدة:إيه رأيك بقى يا سارة بصراحة مش هنلاقى عريس قمر ليكى أحسن من على.
توفيق:ولا أخلاقه يا سارة منقولكيش حاجة زى الزفت حتى اسألى مامته هى بنفسها هتأكدلك
وفاء:حصل
ماجدة:وأنا شاهدة معاها.
سارة بكسوف:إحم أنا......
شذا:وافقى عشان خاطرى يا سارة.
سارة:طيب أنا......
ليلى:ها....يلا وافقى بقى عشان نلبس فساتين.
آسر:مصلحجية
ليلى:ملكش دعوة
توفيق:بس يا ولاد بقى.
ماجدة:ها قولى يا بنتى موافقة ولا لأ
سارة:يعنى انتوا شايفين إنى أوافق على قليل الأدب ده.
على: شكرا الله يخليكي توشكرى
سارة: خلاص هفكر
على:نعم دا أنا أقتلك نفسى هنا.
كريم بعدما كان منشغلا فى الأكل:حقك بصراحة فكرى على مهلك
عمر:وأخيرا سمعنا صوتك بطل أكل بقى.
كريم: خلاص أقولك حاجة يا سارة وافقى متفكريش عشان هيبقى فيه أكل فى الفرح وهتبقى عملتى ثواب فيا.
سارة ضاحكة: خلاص موافقة.
رهف من بعيد وهى بتلاعب آسر:شاطر ما يجيبها إلا انت يا كيمو.
على:صدق أنا حبيتك يا كيمو بدام خليتها توافق 😂
فريدة:دا عمل كده عشان كرشه بس.
آسر:اللى فيه كرش عمره ما يتخلى عنه أبدا 😂
كريم:طيب بقولك يا عمو أيمن بالله عليك تجيب صابع الكفتة اللى هناك ده.
أيمن:أنا هسيب الدنيا كلها وأرحل بسببك والله.
كريم:يا سلام يا عمو طب اشمعنا عمر نازل طحن من ساعتها ومحدش كلمه كلمة ولا قاله حاجة.
ليلى:ملكش دعوة بعمر خليه ياكل زى ما هو عاوز.
نجلاء:الواد جعان عادى أما اللى انت فيه ده مش عادى.
سارة:دا أنا عن نفسي العروسة ومأكلتس ربع اللى انت أكلته.
على: كان نفسي أجبلك الحلو كله بس للأسف كريم لا خلى حلو ولا وحش.
وفاء:حرام عليكم والله كفاية كده كل يا كريم يا حبيبى دا انت حتى خاسس وهفتان اليومين دول.
كريم: أيوة شايفة يا فوفة.
أيمن:تلاقى وفاء مهيش شايفاك من كرشك أصلا.
وفاء ضاحكة:بصراحة اه.
كريم لرهف:عاجبك كده يا رهف.
رهف من بعيد: دا انت حبيبي يا أبو كرش أحلى كيمو بكرش دا ولا إيه 😂😂
كريم:حتى انتى يا رهف.
شذا:دا بعد كده هيدحرجوك زى أنبوبة الغاز من كرشك 😂
عمر:اول مره هتفق معاكى على حاجة ههههههههه 😂
شذا:يا سلام دا على أساس إنى عمرى ما قولت حاجة صح.
عمر:أيوة طبعا وانتى شايفة أى كلام بتقوليه يتعقل أصلا
آسر: كفاية بقى بطلوا خناق.
ليلى:,يا سلام انت اللى بتقول كده دا انا من يوم ما شوفتك وانت مبطلتش خناق.
آسر:أديكة قولتى من يوم ما شوفتينى.
ليلى:دا أنا لو شوفت عفريت كان أرحم.
آسر:شاهدين هى اللى بتعصبنى عشان لما أطلع المسدس أفرغه فى دماغها محدش يلومنى.
توفيق:يييه كفاية بقى أنا قايم أنام يلا يا فريدة عشان نروح.
شذا:استنى يا اونكل دا أنا لسه كنت هقوم أجيب عمر من شعره.
عمر ضاحكا:عمر ده اللى هو أنا.
على:حبوا بعض يا جماعة مش كده.
رهف قادمة إليهم وهى تحمل آسر:شوفوا مين بيتكلم اللى مكنش بيبطل خناق مع سارة دقيقة واحدة.
سارة: خلاص بقى كان زمان يا رهوف.
على:ايوة دلوقتى بقينا حبايب مش كده.
سارة:لا مش قصدى كده أنا أقصد دلوقتى مش هنبطل خناق ولا ثانية واحدة..دا لو زعلنى طبعا.
على:مقدرش على زعلك يا سرسور.
محمد:بغض النظر عن إنك قليل الأدب وبجح وبتسبل لبنتى وانا واقف بس انت مش هتزعلها مش عشانك مش عاوز تزعلها لا..دا عشانك متقدرش تزعلها.
آسر:وأكيد مش عشان عاوزنا نزعل منك ولا إيه.
صلاح:عندهم حق.
على:حتى انت كمان يا بابا.
وفاء: طبعا أومال هنقف معاك انت.
عمر:طيب بغض النظر عن إننا احنا كمان أنا وليلى وشذا مش هنسيبك لو فكرت بس تزعل سارة بس إحنا بقى مضطرين نمشى عشان نجيلكم إن شاءالله بدرى عشان مشوارنا.
أيمن:لا يا عمر انت رايح فين مفيش مرواح انتوا هتباتوا معانا للصبح ومفيش حد هيروح كلنا هنبات.
عمر:لا معلش يا عمى مش عاوزين نتقل عليكوا.
أيمن:ولد انت بتقول إيه مسمعش منك الكلام ده وإلا بجد هزعل منك.
ليلى:منقصدش والله يا عمى إحنا بس عاوزين راحتكوا
ماجدة:إخص عليكوا والله دا انتوا ولادى يا جزم.
ليلى: ربنا يخليكي لينا يا طنط ويخليكوا لينا كلكم.
شذا:دا كفاية إنكم سامحتونى يا أونكل.
آسر:ما خلاص يا شذا بقى كفاية اعتذرات زهقتلك والله قولتلك محصلش حاجه.
شذا:بتأكد الله....انت عاوز تشاكل ولا إيه.
آسر:حوشها يا عمر بدل ما ألوشها فى وشها وأعلق على وكريم معاها.
كريم: الله وانت مالك ومالى الوقتى.
أيمن:طب يا جماعه دا كريم عادى ملناش دعوه بيه خلونا فى المهم
كريم:أوف
أيمن ضاحكا:طيب....أنا ومحمد وصلاح وتوفيق فى اوضة وشذا وسارة وليلى ورهف فى أوضة وماجدة هتاخدى نجلاء ووفاء وفربدة فى أوضة تصبحوا على خير يا جماعة.
كريم:تصبحوا على خير وكل حاجة بس أنا مسمعتش أسمى.
فريدة:هو احنا بنادى الغياب.
كريم:أيوة يعنى انا هنام فين دلوقتي.
رهف ضاحكة: فى الحمام ههههههههه 😂
كريم:لا والله
أيمن: خلاص متزعلش هنيمك فى اوضة البواب بس يا رب يرضى.
كريم: كمان
سارة: ههههههههه ههههههههه 😂
نجلاء: خلاص بقى يا ولاد نيموه معاكم شفقة.
كريم: كمان هتشحتوا عليا 😂
فريدة:احمد ربنا غيرك نايم في الشارع.
كريم:لا دا كرم والله
وفاء:شوفت بقى إننا متعطفين عليك.
رهف: ههههههههه ههههههههه 😂
كريم:دا كل اللى باخده منك هئ ومئ وطبلة ورق
على:أحسن ما تاخد بالجزمة ولا إيه
كريم:لا وعلى إيه تصبحوا على خير 😂
راحوا كلهم فعلا يناموا عشان يصحوا الصبح يكملوا بقية الخطة بتاعتهم.
....................................................................
آسر وليلى وعمر وكريم وشذا وعلى وسارة كانوا مجتمعين بعد الفطار اللى صحوا فيه كريم بالعافية طبعا بعد محاولات رهف والست عبلة والخروف الغلبان يا عينى 😂وجه الوقت إن شذا تعمل المكالمة الاول وتتصل لماهر
آسر: دلوقتى شذا هتتصل بماهر وتفتح الاسبيكر ومتتوتريش عشان ميحس بحاجة.
شذا:تمام....حد يجيبلى الفون بتاعه عشان مش معايا رصيد.
آسر:لا والله إيه الهم ده بس يا ربى مش كفاية كريم.
كريم:هو كل حاجة كريم هو أنا جربان ولا إيه
على: حاجة زى كده متاخدش فى بالك.
ليلى:خدى يا ستى الفون بتاعى أهو كلميه منه.
آسر:الاغبية بقوا تلاتة.
ليلى بعصبية:نعم انا غبية
آسر باستفزاز:أيوة مسمعتيش ولا إيه بينك وقعتى على ودانك وانتى صغيرة.
ليلى: أحسن من اللى وقع على نافوخه.
آسر:هو فعلا انا اتهفيت فى مخى إنى قاعد مع واحدة زيك وبتكلم أصلا.
ليلى:وانت فاكر نفسك بنى آدم وبتعرف تتكلم أصلا.
عمر:احنا مش هنخلص من الخناقة دى بقى.
ليلى لآسر:انت ناوى تخلص.
آسر: لأ
ليلى: يبقى اتفاقنا.
سارة:هى دى الحاجة الوحيدة اللى بتتفقوا عليها إنكم مش هتخلصوا خناق.
كريم: طب انجز بقى يا آسر وقولنا مينفعش فون ليلى ليه.
آسر:أول حاجة عشانه بتاع ليلى ودا كافى أصلا وتانى حاجة ودى الأهم عشان ماهر لو لقى رقم تانى غير بتاع شذا هيشك وممكن بعد كده ميردش عليها او أبسط حاجة يديلها معلومة غلط.
شذا:تمام طب حد بقى يروح يشحنلى كارت.
سارة:روح يا على
على:وليه كريم اللى ما يروحش.
كريم: كريم والله ما عاد طايق يشوفكم كلكم.
عمر:شذا اللى هتقوم يا جماعة.
شذا:لا مش هقوم كفاية إنى هكلمه.
عمر:بت انتى بتعصبينى ساعة ما تقولى هكلمه متنطقيش تانى كفاية المكالمة.
شذا:وانت مالك يا بارد.
ليلى بضحك:لا عمر دلوقتى أبعد ما يكون عن البرود
شذا بضحك:حاسة بيه دا شوية كده وهينفجر في خلقتى معرفش ليه
عمر:بكرة تعرفى يا أختى
آسر:ما تنجزوا بقى هو أنا قاعد مع شوية عيال
على:طب انتى ڤودان ولا أورنچ ولا اتصالات وكده وهتتعبينا.
شذا:لا ڤودافون.
على مخرجا من جيبه كارت:طب خدى كارت أهو ومش أى كارت دا بعشرة
آسر:يااه بحاله
على:أيوة شوفت إنى مبسترخص ومبستخسرش فيكم حاجة.
آسر:شوفت وسمعت الرعد يا بعيد بقى إحنا دايخين من ساعتها على كارت وانت معاك ومش راضي تطلعه.
سارة:يعنى غبى وسكتنا وكمان بخيل.
على:بقولك دا بعشرة.
كريم:يعنى كان عشرة مليون يا خى.
شذا:طب اتهدوا بقى عشان هرن و هسجل المكالمة.
آسر:اتفضلى أما نشوف أخرتها إيه
...............................................................................................
على الجمب التانى فى القصر كمال مجتمع برجالته بيفكر فى الخطوة اللى جاية وفجأة سمع صوت حاجة بترن جمبه يبص لقاه الفون بتاع ماهر وكان واقع منه وهو كان بيضرب قبل ما يتنقل المخزن.
كمال مسك الفون لقى الرقم مكتوب باسم شذا هو طبعه كان شكاك جدا وبيحب ياخد احتياطاته عشان عمره ما وثق فى حد عشان كده عمره ما كان هيفكر يرد هو عليها بنفسه نزل عند ماهر تحت ورماله الفون وقاله يرد بشكل طبيعي خالص.
شذا:ألو
ماهر:أيوة يا شذا عاوزة إيه
شذا بدلع وطبعا عمر جمبها هيولع: إخص عليك بقى بعد المدة دى كلها بتقولى عاوزة إيه بدل ما تسأل عليا.
ماهر:انجزى أنا مش فاضيلك
شذا:كده برده يا ماهر شكلك لسه زعلان منى
ماهر:لا مش زعلان بس مش فاضى.
شذا:دا أنا حتى كنت جايبالك مصلحة
ماهر:مصلحة إيه.
شذا:أما أجيلك هتبقى تعرف كل حاجة.
ماهر ناظرا لكمال بخوف:لا متجيش خليكى.
شذا باستغراب:ليه يا ماهر.
ماهر بغضب:هو كده قولت متجيش وخلاص .
شذا:لا بجد أنا عاوزة أفهم مالك كده ومجيش ليه يعنى.
ماهر سكت وشذا سمعت صوت حد حواليه ودا كان كمال وكان بيقوله انت خايف عليها ولا إيه وبيضحك بشر
شذا:إيه الصوت ده انت جمبك حد
ماهر: اه جمبى ومالكيش دعوة ومعتيش تتصلى تانى
فجأة الفون اتسحب من ماهر وكمال هو اللى اتكلم.
كمال:أيوة ياااا شذا مش شذا برضه.
شذا:أيوة أنا شذا انت مين بقى وبتعمل إيه عند ماهر.
كمال ناظرا لماهر:واضح إن ماهر بيبحبك أوى وخايف عليكى.
ماهر متدخلا فى المكالمة:دا البو.....
فى الوقت ده كمال قفل الفون بسرعة قبل ما ماهر يقولها إن ده البوص وتحس إن الخطة كلها اتغيرت وتشك وتجيله خصوصا إن كمال مش واثق فيها وحاسس إنها مش لوحدها وإحساسه ده مكنش من فراغ لإن ماهر كان قايله إنها نصبت عليه وإنه عاوز ينتقم منها يبقى أكيد فى حاجة مش طبيعية لما تتصل عليه وتصر إنها تشوفه.
......................................................................................................
على الجنب التانى فى الڤيلا:
آسر:هو إيه اللى حصل ده ومين التانى اللى رد عليكى ده
شذا:أنا معرفوش أول مرة أسمع صوته.
عمر:لهو انتى تعرفى كذا حد كمان غير ماهر.
ليلى:اهدا بقى يا عمر مش وقته.
على:يعنى تفتكروا إيه اللى حصل.
سارة: احنا مش هنعد نفتكر احنا نسمع المكالمة تانى يمكن نعرف.
كريم:بس شذا قالت إنها فعلا مش عارفه الصوت ده.
سارة:بس ماهر ده قال حاجة فى الآخر كده يمكن نستفيد منها أى معلومه لما نسمعها.
شذا فعلا شغلت المكالمة تانى.
شذا:عرفت هو مين دا يا جماعة.
كريم:مين
شذا:دا البوص الراجل الكبير اللى محدش يعرف شكله ولا حد بيتواصل معاه إلا ماهر بس.
ليلى:دا معناه إن هما فى خطر أكبر دلوقتى.
آسر: بالظبط ومش بعيد ماهر كمان يكون مدشدش حتت.
عمر بغيرة:أحسن بصراحة
وهما قاعدين بيتكلموا رهف جت إدتلهم ظرف كده مقفول.
رهف:خد يا آسر البواب إدالى الظرف ده وبيقول واحدة منقبة جت إدتهوله ومشت على طول.
كريم:يا ولاد الإيه عشان محدش يعرف عنهم حاجة باعتين منقبة جديدة دى.
رهف:هو أنا ليه حاساك معجب بيهم.
كريم:فعلا أنا معجب بأسلوبهم فى الخطف جدا.
عمر:حد يسكت الكائن ده بدل ما افتح كرشه.
ليلى:اسكتوا بقى افتحها يا آسر لو سمحت.
آسر:انتى بتكلمينى أنا.
ليلى:أيوة بكلمك انت.
آسر:أصلك قولتى لو سمحت فاستغربت مش عادتك يعنى.
ليلى:عندك حق انت ما يمشيش معاك الكلام ده.
آسر وطى على ودنها عشان يوشوها: بصراحة اه وعشان بحب أسلوبك الشرس أكتر.
ليلى احمرت:أفندم انت هتستعبط.
آسر غامزا:لا بتكلم جد.
عمر منتبها:بتتكلم جد عن إيه بالظبط يا آسر.
آسر:لا ولا حاجة نرجع لكلامنا تانى كنا بنقول إيه بقى.
على ضاحكا: ههههههههه 😂 مالك كده يا آسر افتح الظرف أما نشوف فيه إيه.
آسر:طيب
آسر فتح الظرف من هنا والصدمة بانت على وشه من هنا وبعدها كلهم أخدوا الظرف واتصدموا زيه.
سارة:يا خبر دا لو مامى شافت الصور دى هتروح فيها.
على:يا حبيبي يا سامى أنا بجد لو مسكت حد فيهم هطلع روحهم فى إيديا.
كريم:اهدى يا على إن شاءالله هنرجعهم.
عمر:صدقوا أنا كمان دمى اتحرق
ليلى:إحنا لازم نلحقهم بأسرع وقت.
شذا:أيوة يا عالم إيه اللى ممكن يحصل بعد كده.
على:ساكت ليه يا آسر
آسر:أنا حاسس إن فيه حاجة غلط
على: حاجة زى إيه.
آسر:مش عارف بس احنا فعلا زى ما ليلى قالت لازم نلحقهم بأسرع وقت والصور دى لازم متقعش فى إيد حد هنا.
سارة:طيب إحنا هنمشى امتى
آسر: دلوقتى لو حبيتوا.
عمر:طيب هنقولهم هنا إيه.
آسر:أنا هقوم أكلمهم أنا دلوقتى وكل واحد يجهز نفسه.
فعلا آسر قام يكلمهم بس كل واحد من الأمهات والأبهات قرر إنه لازم ييجى وآسر قعد يقنع فيهم بس مفيش فايدة طبعا.
آسر رجعلهم وقعد يستناهم فى الليڤنج وكله كان موجود وجاهز الأمهات والأبهات بره فى العربية(هما جايبين زى أتوبيس صغير كده علشان برده لما ينقذوا الباقى يكون في مكان ليهم) وجاهزين بس فى واحد كده متأخر كالعادة ومغلبهم.
آسر:كله موجود يا جماعة.
على:أيوة كلنا جاهزين.
عمر:لسه كريم
سارة:هو اتأخر كده ليه.
رهف: والله ما أعرف عموما انا هعمل زى ما قولتولى هروح عند مامتك وباباك يا آسر هجيبهم وهنعد هنا في الڤيلا .
آسر: بالظبط كده يا رهف عشان أكون مطمن عليكوا كلكوا انتوا وآسر.
رهف: ربنا يسهلكوا مشاوركم يا رب وعقبال ما كريم ينزل .
شذا:دا أنا هدبح عجل لو نزل.
كريم:أنا جيت أهو عجل ايه هو فين.
شذا: والله ما فى عجل هنا غيرك.
آسر:ثانية واحدة هو إيه كمية الشنط اللى معاك دى.
كريم:دى شنطة سندوتشات ودى فيها عصير ودى فيها مخلل.
آسر:هو احنا طالعين رحلة
كريم:إيه يا آسر دا أنا بسلى نفسى أومال عاوزنى يعنى أهبط منكم وأقع فى نص الطريق.
شذا:يا ريت والله ونرميك فى أى صحرا ونسيبك ونمشى.
كريم:مفتريين وتعملوها عادى.
سارة:طب وإيه اللى فى الكيسة السودا دى.
كريم:دى فرخة محمرة
على:حمروك وقلوك على الجنبين يا شيخ.
ليلى بسخرية:مجبتش ليه لب وسودانى بالمرة.
كريم:جبت معايا بس عاينهم فى شنطة صغيرة تحت السندوتشات عشان محدش ياخد منهم.
آسر:مجبتش فسيخ بالمرة.
كريم بندم:للأسف للاسف يااه اخص عليا بجد.
آسر راح زقه هو والحاجة إللى فى إيده ناحية الباب وركبوا كلهم فى العربية.
كريم:الله مش ده أتوبيس من بتاع الرحلات.
أيمن:اه دا أتوبيس جايبه من شركة سياحة عشان يقضينا كلنا.
كريم:طيب ما احنا زى ما يكون طالعين رحلة أهو أومال بتضحكوا عليا ليه.
آسر وهو يقود:مسمعش صوتك وإلا هرميك للديابة فى الصحرا.
كريم:اسكت يا ريتنى كنت جبت شواية وسكينة والعدة بتاعة الشوى وأنا جاى.
فريدة:ليه هتعمل بيهم إيه.
كريم:مش يمكن يا فيرى نلاقى جمل ماشى فى الصحرا فى أمان الله ندبحه وناكله ونشويه.
وفاء:لا والله انت فاكر نفسك رايح تعمل ايه رايح تتفسح.
نجلاء:ولا انت إيه اللى جابك معانا.
وفاء:لو مبطلتش الغباء اللى فيك ده هخلى آسر يحطك تحت العجل ويطحنك.
كريم: فكرتينى بالطحينة يا فوفة أنا عارف انتوا كنتوا مستعجلنى ليه.
آسر ساب السواقة وراح يضرب في كريم وعلى أخد مكانه.
آسر ممسكا إياه من البلوڤر:سيبونى عليه هطحنه
ليلى واقفة فى النص: خلاص يا آسر سيبه
آسر:أبدا لازم أقضى عليه قبل ما يشلنا كلنا.
ليلى:يا ابنى مش قادرة عليك..اسكت بقى.
كريم:خليكى واقفة يا ليلى أحسن يموتنى.
ليلى: يا ريت والله.....عمر تعالى حوش معايا.
كريم:عمر حاطط الهاند فري هو وشذا مش سامعين.
ليلى:كده.....طب اهدى بقى يا آسر عشان خاطري انت هتعمل عقلك بعقل كريم....دا معندوش عقل أصلا......مش كده يا كريم.
كريم:أيوة حصل أنا أصلا عقلى فى كرشى مش شغال يعنى.
آسر:طب إوعى كده.
ليلى: وانا كمان عدينى أنا هبطت.
ليلى راحت تقعد على الكنبة اللى فى الآخر خالص لقت آسر راح قعد جمبها وهى طول الوقت بصة على الطريق وهو باصص ليها هى ملاحظة بس عاملة نفسها مش واخدة بالها وفى الوقت ده اللى فى العربية كانوا كلهم نايمين ما عدا على لإن هو اللى بيسوق.
آسر:هو انتى كده على طول.
ليلى:كده إزاى يعنى.
آسر:يعنى بلاحظ إنك فى العادى هادية بس لما بتيجي تتكلمى معايا بتتعصبى وبتعلى صوتك
ليلى:طب ودا ملفتش نظرك لحاجة.
آسر: ههههههههه مقصدش
ليلى:أومال قصدك ايه.
آسر:قصدى إنى حاسس إن شخصيتك دى مش بتطلع الا ليا بس لكن انتى مخبية ورا الشخصية دى واحدة تانية خالص.
ليلى بهدوء وابتسامة:طب وانت عاجبك أنهو واحدة.
آسر:رغم إنك بتطلعى فيا كتير إلا إنى بحب أشوفك متعصبة على طول معرفش ليه.
ليلى:بجد.... علشان كده بتحرق فى دمى على طول.
آسر: حاجة زى كده
ليلى:مش عارفه ليه بحسك قاصد.
آسر:إحم...مش بالظبط يعنى بس يا ترى فيه سر إنك بتخبى البنت الرقيقه اللى جواكى.
ليلى:البنت الرقيقه.
آسر:أيوة البنت الرقيقه الكيوت اللى بتحمر وتتكسف من أقل كلمة دى.
ليلى:وانت شوفتها فين دى.
آسر: متخديش في بالك أنا مش عارف انتى إيه حكايتك معايا بالظبط.
ليلى وشها احمر ونظرت للطريق:إحم مفيش حكايات ولا حاجة.....آسر روح نام الله يباركلك.
آسر: ههههههههه أهى دى البنت الرقيقه اللى بقولك عليها.
ليلى:ممكن خلاص بقى متخلنيش أقلب على الجمب التانى.
آسر مقتربا من وجهها:يا ريييت أنا قولتلك إنى بحب أشوفك متعصبة عارفة الجمب الشرس اللى فيكى ده هو اللي شدنى أصلا.
ليلى:شدك يعنى انت مش.....
آسر مبتعدا ومغمضا عينيه:نامى ومتفكريش كتير.
ليلى:دا اتجنن ده ولا ايه
آسر مبتسما وهو نائم:لا متجننتش متخافيش.
ليلى:نام يا آسر ومتكلمنيش لغاية أما المشوار ده يخلص يا ريت.
آسر: ههههههههه 😂
ليلى فى نفسها:هو أنا مجنونة ولا فهمت غلط هو قالى إنه مشدود ليا...هو ده معناه إيه هو أنا أكيد فهمته غلط طب وأنا يا ترى ايه اللى أنا حاسة بيه ده هو أنا مبسوطة ولا متلخبطة ولا متعصبة ولا اتهبلت ولا هو اللى يهبل بلد ده ولا ايه.
فجأة الباص وقف والكل صحى من النوم بس كريم الوحيد اللى مصحاش.
صلاح:إيه اللى حصل يا على
على:العربية شكلها محتاج زقة يا عمو
توفيق:طيب كده كلنا هننزل نزق انزلوا.
أيمن:أيوة كلنا عشان الباص ده محتاجنا كلنا حرفيا.
محمد:أيوة يلا....بس استنوا كده كريم نايم.
سارة:دا محدش بيعرف يصحيه إلا رهف
على:ودى هنجيبها منين دلوقتى
شذا:أسلم حل نسيبه زى ما هو كده وننزل نزوق
نزلوا كلهم عشان بزقوا الباص وفضل كريم لوحده ومن شدة الهز كريم صحى بس لقى نفسه لواحده والباص بيتحرك.
كريم:إيه ده أنا فين والبشر اللى معايا راحوا فين وبعدين البتاع ده بيتحرك لوحده ولا إيه هو اتلبس.....يا حزنى يا ولاد إلحقوووووونىىىى العفاريت خطفونى العربية بتتحرك لواحدها أعمل إيه أروح فين دلوقتي أجرى منين مين اللي هيأكلنى مين اللي هيشربنى هستغبى الوقتى على مين......بلا كويس إن العفاريت خطفتهم على الأقل هاكل الأكل ده لوحدى ومحدش هيشاركنى فيه.
فجأة الباب اتفتح وكلهم دخلوا الباص وكل واحد عمال يزق فيه ويهزأوا.
كريم:نورتونى والله دا أنا كنت زعلان أوى أوى إن كل ملقتكوش.
آسر:باين يا أخويا بأمارة إنك فرحان إنك هتاكل وتشرب لوحدك.
كريم:إيه ده انتوا سمعتونى.
على:أيوة كلنا
شذا: وبعدين عفاريت إيه اللى تخطفنا ياللى تنشك انت دا احنا فى صحرا يعنى ممكن ديب ياكلك قطاع طرق يغزوك كده يعنى قول إن شاءالله.
الكل قعدوا يضحكوا على كريم وعمايله طول الطريق لغاية أما كلهم وصلوا قريب من قصر كبير فى وسط الصحرا بس عليه حراسات كتير وقناصين وطيارات هليكوبتر .
شذا ساعتها بصت لآسر بصة كده ليها معانى كتير وبعدين بصوا للباقى وكل نظارتهم تحدى وإصرار إنهم مش هيرجعوا إلا والكل كويسين وإنهم إن شاءالله هيرجعوا الولاد.