إلحقونا إحنا مخطوفين 🏃😅

كريم 😂😂

فى نفس الوقت اللى كان آسر بيظبط فيه للخطة شذا كانت قاعدة فى بيتها بتفطر فى أمان الله بكل براءة😂🙂 فجأة جالها تليفون من توفيق.
توفيق:ألو انتى فين يا ست الكل
شذا:هكون فين يعنى فى البيت ماليش لا شغلة ولا مشغلة بعد ما الحيوان ماهر أخد فلوسى.
توفيق:ولا يهمك يا ست الكل هناخد فلوسنا منه بس عاوزين نتقابل عشان نتكلم.
شذا:إيه عندك طريقة
توفيق: حاجة زى كده......طب أجيلك أنا (بخبث)
شذا (ببرود):لأ لما أعوزك هجيلك أنا وهنتكلم فى مكان عام سامعنى
توفيق:سامع يا باشا اهدى كده مكنش قصدى حاجة.
شذا:قصدك ولا مش قصدك معدتش تتكرر تانى واللى فى دماغك ده تنساه خالص.
توفيق: تمام يا ست الكل ها هنتقابل فين بقى وعلى الساعة كام ؟
شذا:هنتقابل فى النايت كلب اللى بروحه كل يوم على الساعة ٩على معادى ما انت عارف
توفيق:تمام هفوت عليكى
شذا: تمام مستنياك.
...........................................................................................................
بعد يومين ابتدا آسر يبدأ في المراقبة بس لسه مقابلهاش لا هو ولا على........
آسر كان قاعد في البيت بيتغدى مع والده ووالدته (اللى هما اسمهم أشرف وأمال بالمناسبة 😅)
أمال:إيه يا حبيبي مش بتاكل ليه
آسر:ولا حاجة يا ماما يا حبيبتي مشغول بس بموضوع الخطف ده وإزاى هنرجعهم
أمال: ربنا يجيب العواقب سليمة يا ابنى
آسر: يارب يا ست الكل
أشرف: صحيح أنا تقاعدت بقالى فترة بس لسه عقلى شغال وعارف انت بتفكر إزاى آسر فكر بعقلك وامشى برده ورا إحساسك واوزن الأمور وهتوصل لحل باذن الله.
آسر:إن شاءالله يا بابا
بعد كده الباب خبط وهما قاعدين بيتغدوا قامت أمال عشان تفتح الباب
أمال:إيه ده كريم فينك يا ولد من زمان عامل إيه.
كريم: الحمدلله يا خالتو ❤️
انتى أخبارك إيه
أمال: الحمدلله يا حبيبي وبعدين اسمها ماما يا ولد مش خالتو انت ناسى إنى أنا اللى مرضعاك ومربياك ولا إيه
كريم بخجل: معلش بقى يا ماما من ساعة ما خلفت الولا ابنى الصغير ده وأنا دماغى مش فيا😅
أمال: ههههههههه 😂 ويا ما هتشوف مش سميتو آسر 😂
كريم:دا غير رهف واللى عاملاه فيا
أمال: ههههههههه صحيح هى عاملة ايه فى الحمل
كريم:مطلعة عينى والله 😂
أمال: ربنا يخليكوا لبعض يا حبيبي طب إيه هنفضل نتكلم على الباب كده
كريم: لا طبعا 😂 هو آسر موجود طيب
أمال:اه موجود يا حبيبي وبيتغدى إدخل إتغدى معاه
كريم بغضب مضحك:وساكتة كل ده يا أمولة 😂
كريم جرى على السفرة فى ثوانى وساب أمال واقفة على الباب وقعد على السفرة حتى من غير ما يسلم على آسر وباباه وبقه كان مليان أكل وماسك طبق الكفته فى إيده 😂😂😅
أشرف مخضوضا: إيه ده بسم الله الرحمن الرحيم عفريت ده ولا ايه
كريم بفم ممتلئ:لا دا أنا كريم يا بابا
آسر ناظرا له بقرف:طب ابلع الأول إيه الأرف ده
أمال: ههههههههه طول عمرك كده يا كريم مفجوع كنت زمان برضعك وآسر يا عينى كان بيبقى مفلوق من العياط.
كريم مبتسما وفمه ممتلئ:آه آه ما أنا عارف بس انتى كمان عارفة اللى ياكل لوحده يشبع 😂بس على فكره لو مكنتيش دلوقتى تحلفى عليا وتمسكى فيا مكنتش هقعد أتغدى طبعا
آسر:اه ما إحنا واخدين بالنا واخد بالك يا بابا
أشرف:أيوة طبعا انت هتقولى على كريم وإزى ابنك ومراتك
كريم واضعا رأسه في طبق الكفته:مين آسر ابنى ورهف مراتى ؟
أشرف:أنت هتعرفنا عليهم أيوة يا سيدى هما عاملين ايه بقى ؟
كريم: كويسين يا بابا والله تقريبا كده مفيش حد كويس إلا هما 😅
أمال:الواد آسر وحشنى ابقى هاته وهات رهف وتعالى
كريم بعد شربه العصير من أمام أشرف:عنيا بس آسر رغم إنه ٣سنين بس بس مفترى طالع لابنك دهو يا أموله
فنظر له آسر نظرة جعلته لا يستطيع بلع بقية الطعام وبدأ يسعل بشدة في منظر مضحك جدا 😂
كريم:كح كح كح.....بموت يا أمولة المياة من عندك إلحقينى
أشرف ضرب على ظهره
كريم:تعيش يا بابا نردهالك فى كحة كده ولا حاجة.
أشرف:بتفول عليا يا حيوان أنا غلطان اللى مسبتكش تموت
أمال: ههههههههه ههههههههه طول عمركوا كده 😂
كريم:هو اللى مستقصدنى يا أمولة
أشرف:خد الولا دا من قدامى يا آسر مش كفاية أكل الكفتة وشرب العصير بتاعى
كريم:مستخسرهم فيا يا أشرووف حسبى الله أنا هاخد حقى يوم القيامة عشان أنا مظلوم وغلبان
أشرف ممسكا به:مين دا اللى غلبان بقى تخلص ٢ كيلو كفته ودورق عصير وتقولى غلبان
أمال واقفة فى المنتصف: خلاص يا أشرف سيبه معدش هيعمل كده تانى مش كده يا كريم
كريم:لأ بصراحة موعدكش
أشرف:شوفتى هو دا اللى عاوزانى أسيبه
أمال: خلاص هدخل أحمرلك غيرهم سيبه بقى عشان خاطري
أشرف تاركا إياه بغضب: عشان خاطرك بس
آسر:لو خلصت تفاهة وسرقة أكل بابايا تعالى ورايا
كريم:طيب يا عم آسر حسبى الله إيه الذل ده
آسر:كرييييم
كريم: خلاص يا عم هولاكو جاى
(كريم خلى آسر راح يستناه فى الجنينة وراح شد طبق الكفتة بتاع أشرف وأشرف يشد من ناحية وكريم من ناحية)😂😂
أشرف:سيب يا حرامى الكفتة
كريم:سيب بقى يا بابا.......أيوة كده أصل أنا هفتان والله 😂
وانتزعه من أشرف المصدوم وطلع يجرى على الجنينة ورا 😂
أشرف ناظرا لأمال:هفتان إيه دا ناقص ياكلنى
ماليش دعوة هاتيلى الكفتة بتاعتى منه يا أمال
أمال: ههههههههه ههههههههه 😂 خلاص متزعلش نفسك هدخل أحمرلك تانى
أشرف:الواد ده مفجوع أوى دا كنت هموت على الطبق اللى إيده دا بالذات
أمال ضاحكة: دا كريم دا أهبل انت هتعمل عقلك بعقله 🤭
أشرف:عندك حق دا أهبل فعلا دا حتى آسر ابنه أبو ٣سنين أعقل منه
أمال مبتسمة: سبحان الله مش طالعله آخد حبة من رهف على آسر ابننا
أشرف:عقبال كده ما ربنا يرزق آسر ببنت الحلال وأشوفلى حفيد صغير كده زى ابن كريم أعد ألعب معاه
أمال:يا رب بس إدعى كويس بقى ليطلع أهبل زى كريم كده ههههههههه ههههههههه 😂
أشرف مفزوعا:إيه لأ يارب بلاش زى الواد المفجوع ده أنا عندى آسر يعنس أحسن والله
أمال ضاحكة بصخب:طب اعد إهدى بس ههههههههه 😂
.............................................................................................................
فى جنينة البيت كان آسر وكريم قاعدين يتكلموا:_
كريم بجدية:عملتلك اللى قولت عليه
آسر:تمام وحصل إيه بقى
كريم:رقبتهالك إمبارح مخرجتش من البيت لحد الساعة ٣ بعدها خدت عربيتها ووصلت مول.......واشترت شوز مقاس ٤٧ رجليها كبيرة أوى على فكرة واشترت فستان أحمر مش عارف هتروحبوا فين ده واشترت طقية زى بتاعة نازلى هانم السلحدار واشترت..........
آسر:أنا مال أمى أنا اشترت إيه
كريم:مش بقولك عشان تبقى عارف كل حاجة أخص عليك
آسر:يا ابنى كلت دماغ أمى إيه المهم انجز
كريم بضيق:كل حاجة أمك أمك مالها أمال يعنى إيه اللى دخلها فى الموضوع دلوقتى
آسر:يعنى انت شايف انك جبت معلومات مفيده يعنى عشان ابقى مركز معاك دا انت أهبل
كريم وهو يأكل الكفتة:أهبل ماشى يا عمونا نشوف التقيل بقى وهى جاية عدت على محل بيع سلاح وعرفت بصنعة لطافة كده إنها اشترت سلاح مرخص وجلڤز وكاتم صوت وفضلت ماشى وراها لغاية أما وصلت مكان كده فيه عمارة وطلعتها وقعدت حوالى نص ساعة ونزلت من غير الحاجة اللى كانت شرياها.
آسر: وبعدين ؟
كريم: وبعدين إيه يا مفترى مش كفاية كده
آسر آخذا منه طبق الكفته:هتقول ولا هاخد الكفتة
كريم بحنق مضحك:طيب طيب يا سيدي بعدين البنزين بتاعى خلص ومعرفتش بعد كده هى راحت فين
آسر ببرود:انت هتهزر
كريم:طب هات الطبق ده كده........لأ طبعا مش بهزر مكنتش عامل حسابى
آسر بتكبر:انت قولتلى انت مين ؟
كريم:أنا اللى ضاع من عمري سنين ههههههههه 😂
آسر:اطلع بره يا أهبل ومتجليش هنا تانى إلا بمعلومات مهمة بعد كده.........وهات الطبق ده
وآسر مع كل كلمة بيزوقه ناحية الباب وبيطلعه بره.
كريم:طب طب استنى طيب فيه صابع كفتة لسه............
أصلا قبل ما كريم يكمل كلامه كان آسر قفل الباب فى وشه 😂
كريم:طب سلطة طيب......أروح أنا فين دلوقتي رهف مش طيقانى بسبب الحمل وآسر طردنى بس ثانية كده أنا عرفت أنا هروح فين دلوقتي 😂😂😂😂
.........................................................................................................
البارت قصير معلش بس عشان أنا الأيام دى مشغولة جدا سامحونى 💖💖