إلحقونا إحنا مخطوفين 🏃😅

رحلة العودة ٢

المهم بقى بعد ما كلهم نزلوا فى النفق لقوا نفسهم فى مكان تحت الأرض زى ما تكون أوضة فاضية مفيهاش حاجه.
فريدة:اه إيه ده هو المكان ده كمان.
ريم متوجعة: والله ما أعرف يا طنط دى أوضة باين.
شذا:أيوة بس ايه الفضا ده كله ده مفيهاش حتى كرسى يوحد ربنا.
عمر:أنا بتهيقلى كده يا جماعة فهمت
شذا بتلقائية:طب فهمنا يا عم الأمور
ليلى:واو ده انت طلعت أمور يا عمر
عمر ضاحكا:باين كده.
شذا:ايه ده مقصدش أنا قولت كده بتلقائية
ساره بشك:يا شيخة.
شذا:اه والله انا أصلا بقول كده لأى حد.
عمر بغضب:لأى حد إزاى يعنى.
شذا بغضب أكبر:وانت مالك خليك في حالك ولا أقولك خليك في خطيبتك الحرباية ركز معاها وملكش دعوة بيا.
عمر بابتسامة:وانتى مضايقة منها كده ليه.
شذا متخصرة:إيه أضايق من دى ده انت بتحلم.
لينا: خلاص يا شذا بقى وانت خلاص يا عمر انتهينا بقى.
عمر:منتيش شايفة طريقتها وأسلوبها عاملين إزاى.
لينا: كفاية بقى أقولكم حاجة أما نطلع من هنا قطعوا بعض.
عمر بغضب:وهو كذلك...قال بقول كده لأى حد حاجة تحرق الدم.
شذا:عارفاك هتموت محروق منى.
عمر:لمى نفسك بدل ما أجيبك من شعرك.
ريم: والله أنا اللى هموت مجلوطة منكم كفاية كده ارحموني
ساره:عمر انجز وقولنا انت استنتجت إيه.
عمر:بصوا بقى هما تقريبا أو أكيد يعنى نزلوا برده فى النفق ده بس مش بمزاجهم أو مش وهما مش واخدين بالهم.
ليلى:تقصد إن كمال كان بيراقب المدعكة دى كلها وفى الآخر سحبهم لتحت.
عمر:على برده هو اللى ممكن يفيدنا.
على:أيوة دول بمجرد ما القنبلة انفجرت وكله بقى على الأرض انشقت وبلعتهم.
لينا:تمام يبق استنتاج عمر تقريبا صح.
نجلاء: طب بقولكم إيه يلا نكمل طريقنا أما نشوف هما فين ولا جرالهم إيه.
ريم:صدقى يا طنط احنا لو فى المتاهة بتاعة هارى بوتر مش هيحصلنا ده كله.
وفاء:مش سامى ابنى نبر فيها يبقى ياما هنشوف.
فريدة:استرها يا رب احنا مش قد نبر الواد سامى.
ماجدة ضاحكة: ههههههههه 😂 طب يلا بينا
.......................................................................................................
عند كريم ومى:
كان كريم ماشى ورا مى وتعبان جدا وهى كمان تعبانة كانوا ماشيين لسه على الطريق الصحراوى بس فجأة كريم شاف من على بعيد زى محل وناس فطلع يجرى عليهم.
كريم مشاورا:ناس ناس ناس يا مى.
مى بتعب:ارحمنى بقى هيطلع سراب فى الآخر زى اللى انت لسه شايفه من شوية.
كريم:لا والله دول ناس بجد.
مى:بجد طب تعالى نشوف ونسألهم على الطريق
كريم بسرعة: الطريق اللى هنرجع منه صح.
مى:لا يا فالح يا جدع يا أصيل الطريق بتاع القسم عشان احنا محتاجين مساعدة.
كريم واضعا يديه على رأسه: معلش يا بنتى دماغى ساحت أعمل إيه.
مى باعتياد:هى سايحة كده كده من زمان.
كريم:بتقولى إيه.
مى:مبقولش يلا بينا نشوف الناس دول.
كريم مقتربا من رجل كبير: يا حج سلام عليكم يا حج.
الرجل:سلام الله عليك يا ولدى.
كريم:متعرفش يا حج ربنا يكرمك ويطعمك ما يحرمك ويجعل النشفة فى إيدك خضرة نلاقى سوبر ماركت ناكل منه منين.
مى:إيه ده هو انت هتشحت وبعدين احنا عاوزين القسم يا عمو الحج.
كريم:مالكيش دعوة انتى احنا هنشوف سوبر ماركت الاول ناكل ونشرب وبعدين نشوف القسم والبهدلة دى.
مى: كريم بطل استعباط.
كريم:بلا كريم بلا زفت هناكل الاول وبعدين نتبهدل وإلا مش مكمل معاكى فى حتة أنا بقولك أهو.
مى بضيق:ماشى يا أخويا اتزفت قدامى عشان نشوف البلاوى اللى إحنا فيها.
الرجل البدوى:اهدوا يا بنيتى وأتمنى ما تتخانقوا انتى وزوجك.
كريم:لأ حضرتك فاهم غلط دى مش مراتى دى أختى.
الرجل البدوى: الله يكون في عونك يا بنيتي.
مى: يا رب يا عمو الحج.
كريم:انت بتهقزنى يا حج.
الرجل البدوى:روح يا ولدى الله يكون في عون زوجتك.
مى:أيوة يا عمو الحج إدعيلها ربنا يعينها على المحنة اللى هى فيها.
كريم:كده كتير وربنا يعنى كده بتهزأ من اللى رايح وجاى حرفيا.
الرجل البدوى بضحك: ههههههههه ما تركز يا ولدى والله إنك باين عليك رچال وولد أصول.
كريم بابتسامة عريضة: ربنا يكرمك يا حج.
مى:طيب يا عمو الحج لو سمحت أقرب قسم هنا نلاقيه فين.
كريم:وسوبر ماركت ربنا يباركلك.
مى:اخرس انت.
كريم بزهق:حاضر.
الراجل البدوى ده شرحلهم الطريق وكريم بقى فرحان جدا إنه هيلاقى سوبر ماركت وهيلاقى ناس وكل ما يفتكر إنه هيرجع القصر تانى ينكد على مى😂🤦
.......................................................................................................
فى القصر:
كانوا كلهم ماشيين ومش عارفين هما رايحين فين كل اللى لقوه لما خرجوا من الأوضة الفاضية دى ممر وفى آخره سلم بيطلع لفوق.
ليلى:يووه أنا زهقت هو احنا مش هنخلص بقى من التوهان ده.
ريم بتعب: والله ما أنا عارفة يا بنتى.
على:دا احنا لو بنلف ورا الحلزونة ياما الحلزونة مش هنتعب كده.
سارة:ومين سمعك.
ماجدة:معلش اصبروا بقى شوية يا ولاد أكيد قربنا نوصل.
لينا:مش باين يا مامى أنا خلاص انتهيت.
نجلاء:شدوا حيلكم يا ولاد كده وجمدوا قلبكم.
فريدة: صحيح انشفوا كده شوية.
شذا:بنحاول يا طنط.
وفاء: وبعدين بصوا للجانب الإيجابي كريم ومى راحوا يجيبوا مساعدة.
عمر:والله يا طنط انا خايف البوليس يقبض عليهم بسبب كريم واحنا ساعتها اللى نروح نطلعه.
وفاء:احتمال برده.
على:تمام يا جماعه حيث كده يلا نكمل.
ريم:استنوا كده نكمل فين كده خلاص معتش إلا السلم ده.
وفاء:للأسف كده مفيش قدامنا غير إننا نطلعه وأمرنا لله.
ريم بتذمر:يوووه هى شغلانة بقى نطلع وننزل.
وفاء:عيب بقى يا بنت اتلمى عشان نتنيل نطلع من هنا.
ريم بضيق:طيب اتفضلوا.
ليلى:يا عالم إيه اللى مستنينا فوق.
نجلاء:الخير كله إن شاءالله تفائلوا بقى.
على: الله أعلم ممكن مثلا الخير ده يكون واحد مستنينا بمدفع واحد هيرمى فى وشنا قنبلة.
ريم:هو فعلا ده اللى ممكن نلاقيه غير كده محدش يتوقع.
على مغنيا: ومحدش يتوقعنى بغيب بغيب وأرجع تسمعنى.
ساره مستكملة بابتسامة:بغنى راب وبغنى الشعبى.
على بضحك: ههههههههه 😂 هو ده أومال أنا بحبك ليه.
سارة ضاحكة: ههههههههه عشان بنزل لمستوى تفاهتك أنا عارفة 😂
على بعصبية خفيفة:اسمها تسايرينى الملافظ سعد وبعدين فيه واحدة تقول لخاطبها كده.
سارة:صدق إنى غلطانة إنى بتكلم وبهزر معاك أصلا وبعدين إيه خطبتك دى أنا لسه بفكر على فكرة.
على:لا والله بعد كل ده لسه بتفكرى.
عمر: بعد كل ده اللى هو إيه لمؤاخذة احنا بنتنا لسه بتفكر.
على:إيه
وفاء:أومال انت عاوزنا نديهالك كده وخلاص.
على:ماما انتى على طول واقفة فى صفها كده يا باى.
وفاء:أيوة واعمل حسابك على كده على طول.
سارة: ربنا يخليكي ليا يا فوفة.
وفاء: حبيبتي يا سرسور.
سارة لعمر: وربنا يخليك يا عمر حقيقى حاسة إنك زى أحمد بالنسبالى من ساعة ما شوفتك.
عمر: على إيه يا سارة انتى أختى بجد زى ليلى وشذا بالظبط.
على: فرحانة يا ست سارة كسبتيهم كلهم على قفايا.
ساره بضحك: ههههههههه 😂 معلش ابقى حاول تكسبهم انت كمان.
شذا بصوت واطي:قال أختك قال.
فريدة:بتقولى حاجة يا شوشو.
شذا بغيظ:لا يا طنط مبقولش بقول يلا نكمل طريقنا أحسن.
لينا:اهدى كده يا بنتى مالك ولعتى فجأة كده ليه.
شذا ناظرة لعمر بغيظ:مفيش يلا بينا يا لولو.
عمر بضحك: ههههههههه يلا بينا.
ريم: والله العظيم يا عمر انت وشذا حالتكم عجب العجاب.
ليلى:مالهم يا بنتى.
ريم:منتيش شايفة يا بنتى فجأة يتعصبوا فجأة يضحكوا أنا مش عارفه أرسالهم على بر.
عمر ناظرا لشذا بغموض:ولا أنا كمان.
ريم:إيه
عمر:ولا حاجة ولا حاجة نكمل ولا إيه.
شذا سابقة بخطوة وبتكبر:ولا إيه.
على مقتربا من عمر: ربنا يعينك يا حبيب قلبي ههههههههه 😂
عمر: ههههههههه يارب يا أخويا
كلهم فضلوا ماشيين لغاية أما قربوا ناحية السلم وابتدوا يطلعوا عليه واحد ورا التانى بس السلم ده كان طويل جدا ويدوبك رايح بس يعنى مبيخدش اتنين جمب بعض.
.........................................................................................................
عند كريم ومى:
فضلوا الاتنين ماشيين لغاية أما دخلوا سوبر ماركت كريم فضل يشترى أكل كتير جدا وهما أصلا مش معاهم فلوس.
مى ممسكة ذراع كريم:انت يا ابنى انت بتجيب كل ده ليه احنا مش معانا فلوس أصلا.
كريم:سيبينى بس يا مى....هات يا عمو التوينكز ده
كريم ممسكا بالتوينكز:أيوة هو ده يا عمو هاتلنا عصير وماية معدنية من اللى هناك دى.
مى أخدت منه الحاجات بعصبية وحطتها مكانها مى للرجل: شكرا يا عمو تعبنا حضرتك معانا احنا مش عاوز.........
كريم:سيبك منها يا عمو....هو إيه اللى هناك ده
الرجل:ده شيبس نازل جديد أجبلك منه.
كريم:هات هات يا عمو متخليش.
مى بعصبية:انت فى حاجة فى مخك بقولك مش معانا زفت فلوس افهم بقى.
الرجل ملتفتا لهم:نعم.
كريم:لا مفيش يا عمو هاتلنا بس الشيبس.
مى بعصبية مفرطة:لأ يا عمو متجبش حاجة احنا فعلا مش معانا فلوس.
الرجل بعصبية:وانتوا بقى جايين تستعبطوا ولا إيه.
كريم:ما تكلم باحترام يا عم انت.
الرجل:اطلعوا بره المحل حالا وإلا هطلبلكم البوليس.
كريم:أيواااه البوليس هو فين.
الرجل:هو مين.
مى: البوليس يا عمو احنا عاوزين نروح القسم ضرورى.
الرجل:انتوا باين عليكوا هطل وعاوزين مستشفى المجانين.
كريم:جرا إيه يا عم الحج هو كل ده عشان مش معانا فلوس عشان نشترى منك.
الرجل: أديك اعترفت بنفسك انكوا مش معاكوا فلوس يبقى انتوا حرامية قدامكم ٣ ثوانى وإلا هطلبلكم البوليس.
كريم بعصبية:اهدا شوية على نفسك أعصابك يا حج مش كده احنا ناس محترمين على فكرة خليك انت كمان محترم عشان مقلش منك وانت راجل كبير.
الراجل قرب منه ومسكه من لياقته
الرجل:تقل من مين ياض ده انت نهارك مش فايت النهاردة.
كريم ممسكا إياه أيضا:أنا لحد دلوقتي ساكتلك مش عاوز أمد إيدى عليك.
الراجل اتعصب أكتر على كريم وضربه بالبوكس فى وشه وكريم وقع على الأرض ومى طلعت تجرى عليه.
مى: كريم انت كويس.
كريم مستندا على الحائط: كويس كويس متشغليش بالك.
مى:طيب قوم عشان نمشى.
كريم واقفا:لا مش هنمشى إلا لما الراجل ده يعتذرلنا ويعترف بغلطه.
مى: خلاص بقى يا كريم.
الرجل: وخلاص ليه لو ليه حق عندى ييجى ياخده.
مى: على فكرة مينفعش إللى حضرتك بتعمله ده.
الرجل:يعنى انتوا عاوزنى أسيبكوا تاخدوا الحاجة وتمشوا من غير ما تدفعوا حقها.
كريم بعصبية: وأنت مين قاللك يا عم انت إننا مش هنحاسبك إيه القرف ده.
الرجل بعصبية:اتكلم عدل يا أستاذ.
مى:يووه دى مش طريقة تفاهم دى.
الرجل:من الآخر عاوزين إيه.
كريم بضيق:لازم حضرتك تفهم إننا ناس محترمين وعمرنا ما كنا هناخد حاجة من غير ما ندفع تمنها.
الرجل:غيره.
كريم:غيره إننا فعلا مكناش بنهزر مع حضرتك لما قولنا إننا عاوزين البوليس.
الرجل:طيب شوفوا انتوا هتحاسبوا على الحاجات دى إزاى عشان نخلص.
كريم بعصبية:في إي..........
مى: كفاية بقى يا كريم يووه.......اتفضل يا عمو الخاتم ده.
كريم:انتى بتستعبطى يا مى الخاتم اللى جابهولك سيف هتدهوله عشان شوية الحاجات دى..... شكرا يا عمو مش عاوزين حاجة.
مى:ملكش دعوة انت خد الخاتم ده يا عمو.
كريم:لا يا مى على جثتى يلا بينا من هنا.
مى:هو الخاتم بتاعك ولا بتاعى.
كريم:بطلى هرى فى الفاضى أكيد انا مش تافه ولا انانى للدرجادى عشان تبيعى الخاتم بتاعك علشان أتنيل آكل.
مى:مين قاللك إنى هبيعه أنا هرهنه واما نيجى مروحين هنخلى بابا يتصرف ويحاسب وآخد الخاتم تانى.
كريم:لأ يعنى لأ يا مى.
الرجل:صدق أنا استجدعتكم انتوا الاتنين وعلى الطلاق بالتلاتة ما أنا واخد منكم حاجة.
مى:لا يا عمو مينفعش والله.
كريم: أيوة معلش إحنا مش هينفع ناخد حاجة من غير فلوس.
الرجل:طب ويرضيكوا أطلق الولية اللى فى البيت بسببكم ده أنا حالف بالطلاق.
كريم:مكنلوش لزوم يا عمو والله.
الرجل:لأ ليه لزوم بدام اتأكدت انكم محترمين وإنى غلطت في حقكم أنا آسف.
كريم بندم:وأنا كمان آسف برده مكنش ينفع أعلى صوتى على حضرتك.
الرجل:ولا يهمك يا ابنى أنا مش زعلان انتوا زى ولادى
مى: متشكرين لحضرتك يا عمو.
الرجل:العفو يا بنتى.
وبعدين الراجل إداهم الحاجة وقاللهم على مكان القسم
طلعوا من عنده وفضلوا ماشيين وكريم نازل فى الأكل ولا كإنه شافه قبل كده.
مى:أعوذ بالله منك يا أخى نازل حتتك بتتك فى الأكل ولا كإنك كنت بتاكل قبل كده
كريم منهمك في الأكل:سيبينى في حالى ده طلع ميتين أمى عما شوفت الأكل.
مى:طب أكلنى معاك طيب ده أنا لسه عاملة معاك موقف جدعنة دلوقتي.
كريم:انتى هتذلينى ولا إيه مكنش خاتم جوازك ده اللى كنتى هتبيعيه يعنى.
مى:طب بقولك ايه هات من الشيبسى اللى إيدك ده.
كريم:هو فين هو مين
مى:يا ابنى الشيبسى ما هو فى إيدك أهو.
كريم مشاورا:ده
مى:أيوة.
كريم كب الكيس كله في بقه: خلاص خلص معلش.
مى:ولا أنا مش هستحملك انت وكرشك كتير.
كريم:لا كله إلا أكلى ده أنا جايبه بمجهودى.
مى:مجهودك إيه هو انت كنت بتحارب على الحدود وأنا معرفش.
كريم:طب بصى لأجل الأمانة خدى دى.
كريم إدى لمى نص شيبسياية وهى طبعا كانت هتتشل منه.
مى:إيه دى.
كريم:دى شيبسى إيه مش شايفة
مى:بزمتك انت نفسك شايفها.
كريم:مالها يا مى ما هى كبيرة وهتكفيكى أهى.
مى راكلة إياه في ركبته:يعنى بكرش واستحملنا غبى واستحملنا كمان بخيل.
كريم متوجها:اه اه ليه كده الحق عليا إنى مش عاوزك تتخنى.
مى:وانت مالك انت أتخن ولا ارفع عليا الطلاق بالتلاتة لو ما أديتلى الكيس اللى فى إيدك ده لكون مطلعة زمارة رقابتك في إيدى ومزمرة بيها.
كريم:يالهوى هطلقى الواد سيف عشان كيس شيبسى.
مى صارخة بغضب:ملكش دعوه جوزى وانا حرة فيه هات الكيس اللى معاك.
كريم بخوف:حاضر.
مى:أيوة كده ناس متجيش غير بالعين الحمرا.
كريم:طب وبالنسبة لزمارة رقابتى هتسيبيها ولا ناوية لسه تزمرى بيها
مى بغضب مخيف:إخرس.
كريم: حاضر حاضر.
مى بابتسامة شيطانية: أيوة كده.... قدامى بقى على القسم.
مى وكريم فضلوا ماشيين لحد ما وصلوا القسم
كريم متحدثا مع الظابط:لو سمحت عاوزين نقابل المأمور عاوزينه في حاجة ضرورى.
الظابط:نعم وانت فكرك أى حد عاوز يقابل المأمور هيقابله كده عادى.
كريم بزهق: أستغفر الله العظيم.
الظابط:بقولك ايه انت شكلك مش عاجبني.
كريم:ليه شعرى واقف و لا إيديا فيها ١٦ صابع.
الظابط ممسكا كريم من ياقته:انت هتستعبط يا روح أمك.
كريم:انت راجل مش محترم.
الظابط:ده انت هيطلع عينك النهاردة......يا عسكرى خده على الحجز.
مى كل ده حاطة إيديها على وشها وخلاص مكنتش قادرة تستحمل البهدلة دى كلها.
مى:لو سمحت يا حضرة الظابط هو ميقصدش.
الظابط:يقصد ولا ميقصدش لازم يتربى.....خدوه.
العسكرى جه وأخد كريم.
مى:لو سمحت كل ده مينفعش يحصل معانا احنا جايين طالبين المساعدة وعاوزين نقابل أونكل محمود.
الظابط باستغراب:اونكل محمود.
مى بتلعثم:قصدى حضرة اللوا محمود عبد الكريم.
الظابط:ثانية واحدة انتوا بتوع حالة الخطف.
مى بإشراقة:أيوة...هو حضرتك عندك علم بالموضوع.
الظابط:احنا كلنا هنا عندنا علم بالموضوع ومستنيين إشارة من ساعتها من سيادة اللواء.
مى:طيب ممكن تدخلنى ليه بسرعة لو سمحت.
الظابط:اه اه طبعا اتفضلى.
مى دخلت لسيادة اللواء محمود عبد الكريم واستقبلها وعرف منها كل اللى عاوز يعرفه وهى حكتله على كل حاجة حصلت معاهم وعلى عدد المخطوفين وعلى كمال ورجالته وهو قرر ياخد الفرق والقوات بتاعته ويروحوا عشان ينقذوهم.
مى:أونكل لو سمحت عاوزاك تطلع كريم.
محمود: كريم مين
مى: كريم يا اونكل اللى حكتلك عنه اللى جه معايا.
محمود:اه ماشى بس باين عليه شكله متعب.
مى بابتسامة: بصراحة اه بس طيب أوى.
محمود:ولو إنى مش متفائل بس هطلعه عشان خاطرك.
مى بصوت واطي:حق حضرتك والله
محمود:بتقولى حاجة يا مى.
مى:لا بقول ربنا يخلى حضرتك.
محمود:تمام طب يلا بينا
محمود طلع كريم من الحجز كريم كان شكله مبهدل خالص ويضحك جدا قميصه كان مفكوك والتوب اللى تحته باين وشعره كان حرفيا واقف ورجليه الاتنين متشمرين للركب وطالع بجزمة واحدة.
مى بضحك: ههههههههه 😂 إيه اللى عمل فيك كده 😂😂
كريم وهو يعدل شعره بتكبر:مالى ما أنا كويس أهو.
مى بضحك صاخب: ههههههههه 😂😂 مش قادرة منظرك مسخرة.
كريم:احمدى ربنا إنى طلعت أصلا
مى بضحك:شكلك زى اللى طالع تصيف
كريم:بزمتك
مى:أيوة بس بتصيف على الترعة ههههههههه 😂😂
كريم:مش كفاية ضحك بقى يا ست مى.
مى بجدية:اه طبعا....... ههههههههه ههههههههه 😂 مش قادرة والله.
كريم:اضحكى يا أختى ما انتى ما شوفتيش اللى أنا شوفته.
مى:طب وفين جزمتك.
كريم ناظرا بقدميه:يالهوى جزمتى وأنا بقول الهوا اللى جايلى ده جايلى منين.
مى: يا سلام هو ده اللي لفت نظرك.
كريم: طبعا باقى الحاجات مش مهم.
مى:انت أصلا كلك على بعضك مش مهم.
كريم:كشفت راسى ودعيت عليكى يا مى انتى وشوية الزلنطحية اللى جوه الحجز.
مى بضحك:مش محتاج تكشف راسك ههههههههه انت كلك على بعضك مكشوف ههههههههه 😂
كريم:وأنا اللى بقول عليكى طيبة طلعتى انيل من ريم وعلى.
مى بضحك:بس بقولك انت لازم تسأل شيخ فى استجابة دعائك هل ربنا هيقبل منك بشعرك اللى واقف ده ولا بنطلوك المشمر ده ولا لأ ههههههههه 😂😂😂
كريم: هاهاهاهاها ظريفة أوى.
محمود من بعيد:يلا يا ولاد.
مى:حاضر جايين يا أونكل....يلا يا كريم.
محمود مقتربا منهم: بسم الله الرحمن الرحيم مين الحشرة ده.
مى:ده كريم يا اونكل.
محمود:أعوذ بالله مش بقولك مش متفائل.
كريم بابتسامة: ربنا يخلى حضرتك.
محمود:تمام بس ابعد كده شوية.
كريم مطولا النظر في محمود
محمود:إيه ده يا مى هو هيصورنى ولا إيه.
كريم فجأة:إيه ده أونكل محمود عبد العزيز
محمود: عبد العزيز منين انت بتستعبط.
كريم:سورى أونكل محمود عبد المقصود
محمود:انت مجنون يا ابنى هو ماله ده يا مى.
مى بإحراج: آسفة يا أونكل بس بقى يا كريم.
كريم:قصدى أونكل محمود عبد الكريم
محمود:أيوة بس انت تعرفنى منين ده أنا أول مرة أشوف الخلقة دى...قصدى الكائن ده.....قصدى أشوفك يعنى.
كريم بابتسامة عريضة:أنا كريم يا أونكل محمود.
محمود: كريم مين
كريم: كريم يا أونكل مش فاكرنى.
مى:يعنى كنت كريم بنزيمة يا خى متتنيل تفكره بطريقة عدلة.
كريم:أنا كريم ابن الدكتور أمجد المنياوى.
محمود:يخرب عقلك يا كريم وساكت ياض من ساعتها.
مى بتفاجأ:انت عارفه بجد يا أونكل.
محمود:اه طبعا يا بنتى ده أمجد الله يرحمه كان من أعز أصدقائنا أنا ووالدك والبقية كنا كلنا بنقعد مع بعض دايما بس الدنيا زى ما انتى شايفة فرقتنا.
كريم:وإزى حضرتك عامل إيه.
محمود: الحمدلله بس بزمتك ده وقته السؤال ده ولا مكانه انت شكلك لسه متعب زى ما انت.
مى:بقى أمر والله يا أونكل.
محمود:طب يلا يا بنتى عشان نلحق البقية اللى مخطوفين دول.
كريم:طب مش تأكلنا الأول يا أونكل وتشربنا قهوة مخصوص من عندك وتظبطنا كده.
محمود: ما أخدك يومين الساحل أحسن.
كريم:يا ريت.
محمود شاددا الأجزاء فى مسدسه:إوعى تفكر انى هستحملك ولا هتساير معاك
كريم بخوف:ها مقصدش يلا يلا بينا أنا خلاص سبقتكم أهو...أنا وصلت خلاص وأنقذتهم أصلا.
وبعدين كريم جرى قدامهم وسبقهم على العربية ومحمود ومى وراه بيضحكوا عليه.
......................................................................................................
أما عند القصر الكبير:
فى الوقت اللى كان فيه مى وكريم بيطلبوا المساعدة كان الباقى طلعوا السلم اللى كان طويل جدا ده واللى اكتشفوا لما طلعوه إنه بيطلع لسطح القصر ولما طلعوا اكتشفوا الصدمة
ولقوا إن كمال قاعد على كرسي وسط رجالته ومقيد محمد وأيمن وصلاح وتوفيق ومخليهم على ركبهم على الأرض أما عن سامى وأحمد وسيف وآسر موقفهم عند السور وورا كل واحد منهم جارد ورابط إيديهم ورجليهم كل ده وقاعد بمنتهى البرود وبيشرب سيجار كمان.
نجلاء بخضة:إيه ده ولادى
كمال بضحك: ههههههههه
ماجدة بغضب:انت بتضحك على إيه يا عديم الضمير.
فريدة: ربنا ينتقم منك
كمال:وإيه كمان.
وفاء:سيب عيالنا يا راجل انت وإلا مش هتعرف هيحصلك إيه.
كمال:خلصتوا.
وفاء مندفعة نحوه وممسكة إياه من ياقته:لا لسه مخلصناش أما أطلع روحك الأول هبقى أخلص.
كمال ممسكا إياها من شعرها بقوة:لا لا كده غلط وهزعل وأنا زعلى وحش.
على:ماما....سيبها يا جبان.
وفاء بصراخ:متقربش يا على.
على:لا أنا جايلك....أنا هندمك على اللى بتعمله
عمر ممسكا على:استنى يا على اهدى.
على بصراخ:أهدى إزاى سيبنى يا عمر.
عمر بغضب أكبر:مش هسيبك تضيع نفسك.
ريم:اهدى يا على
كمال وهو يرمى وفاء أرضا:اسمع كلامهم يا عم الأمور عشان متحصلش الوالد والوالدة.
شذا:بقولك ايه يا راجل انت انت فكرك إنك كده هتخوفنا والله ما هنرجع عنك أبدا وافتكر الكلام ده كويس.
عمر زاجرا شذا:ملكيش دعوة انتى متنطقيش.
شذا صارخة:وانت مالك منتاش شايف اللى احنا فيه.
فريدة: عمر عنده حق مالكيش دعوة يا شذا.
كمال:ها هتفضلوا تتكلموا كتير كده أنا عاوز أشوف فعل واحد يخوفنى ههههههههه
ريم بضيق: وحضرتك فاكر انك كده دمك خفيف يعنى.
ليلى:سيبيه يا ربم بكرة دمه ده هيتحرق وهيتصفى تحت رجلينا.
كمال ضاحكا: ههههههههه مش عارف ليه مش حاسس
سارة:وهو انت اللى زيك بيحس أصلا
كمال بغموض:تمام طب هاتوهم بقى.
رجالة كمال هجموا عليهم وربطوهم واحد واحد تحت مقاومتهم طبعا
وبعد ما كلهم اتربطوا
كمال: ههههههههه عرفتوا بقى مين اللى هيتصفى دمه دلوقتى
لينا:يا جبااان
كمال: ههههههههه أنا حاليا محتار أعمل فيكم أيه دلوقتى ولا أبدأ بمين فيكم.
كمال مقتربا من وجه أيمن: أبدأ بالقيادات العليا ولا بالظباط الصغيرين اللى هناك دول ولا تقترحوا عليا السيدات أولا.
عمر:نقترح عليك تخلص على نفسك الأول عشان انت لو فضلت عايش هتتمنى الموت ومش هتطوله.
كمال:متعصب انت أوى يا باشمهندس.
ليلى:وانت عرفت إنه مهندس منين
كمال:عيب يا باشمهندسة ليلى أنا عارف عنكم كل حاجة.
فى الوقت ده ظهر آخر شخص كنا ممكن نتوقعه مسنود على عكاز وماسك فى إيده مسدس وقنبلة أو بالمعنى الأصح مجموعة من القنابل.
ماهر رافعا السلاح تجاه كمال:اثبت عندك يا كمال
كمال بصدمة:ماهر
ماهر: مفاجأة مش كده.
كمال:انت جيت هنا إزاى.
ماهر:ملكش فيه ومش عاوز رغى كتير.
كمال:انت مجنون بتهددنى وسط رجالتى.
ماهر: محدش مجنون هنا غيرك اه وبمناسبة رجالتك خاللى كل اللى هنا يرموا السلاح اللى فى إيديهم أحسنلهم.
كمال:وانا إيه اللى يخلينى أعمل كده إن شاءالله.
ماهر فاتحا سترته التى تحتوى على قنابل وأسلحة:عشان دول.
كمال:طيب طيب بس متتهورش.
ماهر:أيوااه شاطر كده قولهم بقى ينزلوا السلاح.
كمال:كله ينزل سلاحه.
رجل:بس يا كمال بيه...
كمال بصرامة:قولت كله ينزل سلاحه.
ماهر:كده انت شاطر وتعجبنى.
سارة:يا رب يولعوا فى بعض ونخلص.
ريم: آمين يارب العالمين
ماهر:بتقولوا حاجة.
لينا:لا خالص دول بيدعولك يا أخ ماهر.
ماهر: أها.. عموما دوركم جاى دلوقتى متستعجلوش.....بصفى بس حساب قديم الاول.
شذا:براحتك يا أخ ماهر احنا مش مستعجلين مش كده يا جماعة.
عمر:لا خالص احنا مخطوفين أهو مفيش ورانا حاجة.
شذا:مبكلمكش انت.
عمر:يا باى على لسانك ده.
ماهر:اخرصوا بقى.
على:كمل يا أستاذ ماهر.....ولاد سكوت خلاص.
ليلى:يا رب فك الدقيقة.
ماهر موجها كلامه لكمال:سيبك منهم وركز معايا أنا.
كمال:خير عاوز إيه.
ماهر:عاوز فلوسى
كمال: فلوس إيه.
ماهر:فلوسى بتاعة العملية دى اللى انت كلتهم عليا.
كمال بغضب:ملكش عندى فلوس يا حلو.
ماهر داسسا المسدس فى رقبته:لا لا الكلام ده مش عليا فلوسى أحسنلك ده لمصلحتك على فكرة.
كمال بخوف وتراجع:حاضر بس إيه اللى يضمنلى إنك متعملش فيا حاجة.
ماهر: معنديش ضمانات يا بابا.
ليلى:ده إيه شغل الأفلام ده.
ماهر ناظرا لها بقوة
ريم:كمل يا باشا ولا يهمك عيلة وبتهبل.
ليلى:أنا عيلة
ريم:أيوة وبتهبلى اخرسى بقى.
ليلى بضيق:حاضر.
فى أثناء حديث ماهر مع كمال كان على وعمر يخفيان كل واحد منهما قنبلة صوت وقنبلة غاز مسيل للدموع وقد اتفقا بالإشارة على العد ثم رمى القنابل لكنهم كانوا بانتظار اللحظة المناسبة.
فى الوقت ده برده كانت ليلى بتبص لآسر وعنيها هتطلع عليه كانت عاوزة تعمله حاجة وهى أصلا مش قادرة وعاوزة اللى يساعدها وبتبصله ومساهمة.
شذا مقتربة منها:ناس مخطوفة وناس ليها نفس تحب.
ليلى:إيه أحب.
شذا:أيوة وبطلى بقى تبصى للواد عنيكى هتطلع عليه.
ليلى:إيه ده هو أنا مفضوحة للدرجادى
شذا بضحك:جدا
ليلى:يالهوى باين عليا اوى جدا.
شذا:بقولك جدا وكلنا واخدين بالنا على فكرة.
ليلى:اسكتى يا شذا الحمدلله إنه قدامى ومطمنة شوية عليه ده أنا كنت هموت وأشوفه.
شذا:أدينا هنموت بجد اهو يا أختى.
ليلى:بعد الشر.
شذا: ربنا يستر.
ماهر أمر كمال إنه يبعت نص رجالته عشان يروحوا يجيبوا الفلوس والباقى أخد منهم السلاح هما كانوا حوالى ٦
ماهر:وانتوا بقى يا حلوين أعمل معاكوا إيه.
ريم:متعملش حاجة ويالا ياض امشى من هنا.
ماهر:نعم.
سارة: متقصدش...اخرسى.
ماجدة:يا ابنى انت زهقتنا والله انت عاوز مننا إيه.
ماهر:زهقتوا يعنى.
نجلاء:أيوة طفحنا منك ومن الخطف ومن اللى بيخطفوا.
ماهر: والله انا هسيبكم كده شوية لغاية أما آخد فلوسى من الراجل الكوبارة اللى هناك ده وبعدين أبقى أشوف انا هعمل معاكم إيه.
على:ييه يخربيت كده.
ريم:هى شغلانة متخلصنا يا عم انت.
وفاء:حوشى بنتك يا ماجدة عاوزة الراجل يخلص علينا.
ماجدة لريم:اخرسى يا جزمة خالص مسمعش نفسك.
ماهر: والله انا نفسي بشفق عليكوا إنكم مخطوفين مع ريم وسامى دول
سامى:هممممهممم
وفاء:عندك حق يلا كويس إن سامى بقه مكتوم كان فات نيزك نزل خلص علينا.
سامى:هههمممم
عمر:يلا ولا حد هيسأل فيه.
المهم عمر وعلى استغلوا فرصة إنشغال ماهر فى الكلام مع كمال وإن معدتش غير ست حراس بس ومن غير أسلحة كمان لإن كل أسلحتهم مع ماهر أصلا وغمزوا لبعض وعمر عرف يتصرف ويفك إيد ويمسك بيها القنبلة بس على كان لسه بيحاول.
عمر بصوت واطي: معلش حاول كمان مرة يا على:هحاول أهو يا عمر
على قعد يحاول كذا مرة وسارة اتحركت قدامه وحاولت تخبيه عشان يعرف يفك إيده
فجأة عمر وعلى فكوا إيديهم ورموا قنبلة صوت وقنبلة مسيلة للدموع
وابتدا عمر وعلى يفكوا كل اللى موجودين بسرعة بس ملحقوش يفكوا شذا وريم وسامى وكلهم بسرعة سيطروا على المكان والسلاح بس بيدوروا على كمال ملقهوش كإنه اختفى بس مسكوا ماهر وربطوه وفضلوا مثبتين الجاردات الباقيين بالسلاح.
ماهر وهو مربوط:فكونى فكونى بقولكم.
آسر:ليه إن شاءالله شايفنا هبل ولا مختومين على قفانا عشان نسيبك.....إزيك يا ليلى
ليلى بكسوف: الحمدلله.
عمر: وبعدين ده وقته برده
ريم:أيوة مش وقته تحبوا فى بعض وتحنحنوا دلوقتى فكونى الأول وأنا والاتنين الغلبانين دول.
آسر:حب إيه انتى اتهبلتى يا بت انتى سكتها يا أحمد
أحمد:انتى إيه مبتعرفيش تسكتى خمس دقائق على بعض دايما مجرورة من لسانك كده.
سامى:اعدوا اتريقوا كده على البت وسيبونا مربوطين.
عمر:تستاهلوا انتوا التلاتة بصراحة.
سامى:فكنا إلهى يباركلك.
عمر: خلاص خلاص انت هتشحت.
لينا: ههههههههه صدق صعب عليا وهو لاوى بوزه كده فكه يا عمر معلش.
سامى:متتحايلى عليه والنبى كمان شوية.
سيف:انت فاكر قرار فكك انت بالذات سهل ده مش بعيد لما نفكك عصابة تانية تيجى تخطفنا احنا والعصابة دى
شذا:هتفكونا ولا هنقضيها تريقة كتير.
عمر مقابلا لوجه شذا:لا هنفكك وأمرنا لله.
شذا بكسوف:ها...اه شكرا.
عمر بتسبيل:هو فى حد مربوط بيبقى طالع حلو كده.
شذا بإحراج:إيه انت بتقول إيه.
عمر بابتسامة:لا مفيش حاجه أصل نور وحشاني أوى الأيام دى وبتخيلها فى كل مكان عشان كده تلاقينى....تلاقينى بقول كلام حلو كل شوية.
شذا بضيق:لا والله....أوف إيه القرف ده
ريم مقتربة منهم:على فكرة ده مش مبرر يا عمر
عمر:إيه ده انتى كنتى بتتصنتى علينا.
ريم ببراءة:أبدا والله أنا ميطلعش منى الحاجات دى.
سيف: صحيح يا جماعه فين مى.
أيمن:والواد كريم.
فريدة:راحوا يستدعوا البوليس عشان يلحقونا.
محمد:فيهم الخير والله.
توفيق:اسكت يا محمد أنا مش مطمن.
محمد: ليه.....استنى عشان معاهم كريم.
توفيق:طبعا.
صلاح:استر يا رب احنا مش قد كريم وعمايله.
وفاء:متقلقوش مى معاه.
سيف:يا حبيبتي يا مى أنا كده قلقت عليها.
آسر:حقك يا سيف دا أقل واجب هيجننها ويخليها تنكش شعرها وتمشى زى المجانين في الشارع.
فجأة سمعوا صوت زى ما يكون صوت مكرفون وحد بينادى فيه كلهم جروا يبصوا من السور لقوه كريم وجاى من بعيد وقاعد على البوكس من فوق وماسك المايك وبيندهلهم أو بمعنى أصح بيردح للعصابة.
كريم ملوحا من بعيد:يا ولاد يا سامى ولا يا سامى افرح ياااض ربنا هينجينا.
سارة:هو ماله اشمعنا بينده على سامى بس.
توفيق:يمكن عشان عارف أنه بومة وكان عاوزنا منطلعش من هنا.
سامى:اخص عليكوا بقى أنا برده كنت عاوزنا منطلعش من هنا.
على:لأ أمى.
وفاء:ولد احترم نفسك
على:لامؤاخذة يا ماما أصل أنا والبغل ده متربناش.
وفاء رامية الحذاء فى وجهه:يبقى تتربى يا ابن الجزمة.
على:أى ليه كده يا حاجة.
وفاء:قليل الأدب من يومك انت والحيوان اللى واقف جمبك.
كريم فجأة بصوت عالى:أصله معدااااش على مصر أصله معدااااش على مصر.
ليلى:هو اتهبل ولا إيه
نجلاء:ده فاكر نفسه في حرب ٦ اكتوبر وعبرنا القناة باين.
كريم بصوت عالى:والا والا اعترف ياض يا آسر.
آسر:هو قاللى ياض طب والله بس أما أنزله.
كريم:اعترف يا حضرة الظابط لقد وقعت في الفخ.
ليلى بسرعة: حد يسكت الكائن ده
عمر:وانتى مالك كده خايفة من إيه ده بينده على آسر.
ليلى بإحراج:لا مفيش
آسر ضاحكا: ههههههههه طب يلا منزله.
أحمد:استنوا انتوا ناسيين حاجة مهمة
ريم:خير هو غير البيتزا بتاعتى مفيش حاجه بالنسبالى مهمة.
أحمد: طبعا ما أقصى طموح البهايم علفها.
أيمن ضاحكا: ههههههههه جدع يا واد يا أحمد
ريم بضيق:بابى
أيمن:الواد عنده حق لمى كرشك بقى.
أحمد ضاحكا: ههههههههه طب ركزوا معايا انتوا ناسيين كمال.
نجلاء:أيوة صحيح الراجل ده راح فين.
صلاح: متخافوش هو ملحقش يهرب من القصر ومفيش أى طيارات جت عشان تاخده.
توفيق: يعنى القوات اللى تحت دى محصراه من كل حتة متخافوش.
محمد:تمام يلا ننزل يا ولاد
كريم مرة أخرى بصوت عالى:انزلوا احنا وصلنا أنا جيت أنا جيت أنا جيت نورت البيت حالو يا حالو رمضان كريم يا حالو.
ريم من فوق بصوت عالى:حالو وسطك يا بعيد.
كريم بالمايك:معدش اللى انتى يا مفجوعة اللى هتردى عليا.
ريم بضيق:طيب أنا نزلاله.
كلهم نزلوا تحت بحذر جدا واحد ورا التانى والعجيب إن مكنش فيه حد خالص وكإن كمال ده اختفى فعلا.
كلهم اتجمعوا قدام القصر وكان البوليس موجود وكريم ومى موجودين.
البوليس دخل يدور على كمال أخدوا وقت طويل جوه لحد ما طلعوه كعادته كان عامل مخابئ سرية عشان محدش يعرف يوصله وطبعا مقدرش يهرب عشان معرفش يتواصل مع حد أما عن ماهر فاتقبض عليه هو كمان كل ده والجماعة واقفين قدام القصر بيشوفوا اللحظة اللى حلموا بيها خصوصا ماجدة وأيمن اللى كانوا نفسهم إن كمال ياخد جزاتو من زمان.
مى جارية على أمها:مامى انتوا كويسين.
ماجدة محتضنة إياها:احنا كويسين يا حبيبتي فيكى حاجة.
مى:لا أنا كويسة يا مامى.....حمد الله على سلامتكم كلكم.
الكل: الله يسلمك.
سيف:إيه يا ميوش موحشتكش أنا كمان
فريدة:قدام أبوها وأمها يا غبى.
سيف: الله مش مراتى يا ماما.
مى: خلاص مش هزعله يا فيرى.
فريدة:شوفى البت.
مى جرت على سيف عشان تحضنه والكل كان فرحان بيهم.
كريم:طب إيه محدش هيقولى حمد الله على السلامة.
ريم بسماجة:لأ محدش هيقول واركن بقى على جمب.
كريم: ناس مبيطمرش فيكم صحيح بقى كل البهدلة دى ومحدش عاوز يعبرنى.
لينا:يعنى كنت عملت ايه يا خى.
كريم:ايش عرفك انت عملت ايه ده أنا عديت بحار وأنهار عشان آجى أنقذكم.
محمد مربعا يديه:آخد بالك إننا في صحرا يعنى مفيش بحار ولا أنهار أصلا.
كريم:اه قصدى خضت صولات وجولات.
توفيق:هو انت كنت بتحارب فى قبيلة بني عبس واحنا مش عارفين.
كريم:يوووه.
مى:بطل هبد بقى ما أنا كنت متنيلة معاك كل الحكاية شوية الشمس وجعنا ومشينا شوية والموضوع انتهى.
كريم:بوظت الخطة منك لله ده انا كنت ناوى آخد على حس قصة كفاحي دى بيتزايتين تلاتة على كام كيلو كفتة على صنيتين مكرونة بالبشاميل على طبقين كنافة بالمانجو.
مى:صدق أنا منى لله فعلا.
كريم:صح طبعا.
مى:صح فى عينك فاكر نفسك قاعد في مسمط
ساره: وبعدين انت مفكر نفسك مهما حكيت احنا هنصدقك وحتى لو صدقناك كنا هنجبلك كل ده ليه شايفنا جزارين ولا عندنا اكوام لحمة.
كريم:انتوا ناس حقودة بجد.
صلاح:كون الله فى عونك يا ميوش مشيتى معاه المسافة دى كلها إزاى.
مى: ربنا إدانى القدرة من عنده.
سامى بابتسامة عريضة:طيب بما إن احنا طلعنا من هنا سلام وملحقناش نتعذب أوى ولا نتقتل إيه رأيكوا نروح بدل ما نتوه فى الصحرا ونلاقى ديابة تطلع تاكولنا وتنهش فى لحمنا.
آسر:وإيه سر الابتسامه الجميلة اللى على وش حضرتك دى.
سامى بابتسامة أكبر: ما أنا بقولك بدل ما الديابة تطلع علينا وتموتنا.
عمر:أيوة إيه السعاده والتفاؤل ده كله.
سامى:دى حاجة موهبة ربنا حبانى بيها.
لينا:لا وانت الصادق دى بلوة ربنا بلانا بيها.
ريم:بصوا بقى يا جماعة أنا مهبطة ومحتاجة بيتزا الوقت أهو حالا.
شذا:واحنا نجبهالك الوقت أهو حالا منين.
ريم:ماليش فيه أنا تعبانة ومش متحركة من مكانى إلا لما البيتزا تجيلى.
ماجدة:جالك قرد أما يبقى ينططك بطلى هبل وشغل العيال المفجوعين ده عشان نتنيل نروح.
ريم:نروح ماشى بس آكل بيتزا الأول.
عمر:يا رب إلهى وانت جاهى يطلع عليكى ديب من اللى بيقول عليهم سامى ياكلك ويخلص منك.
ريم بضيق:وانت مالك انت تلاقيك طمعان فى بيتزايتى.
عمر:ارحمنا برحمتك يا إلهى.
أحمد:انتوا راكنين الباص اللى جايين فيه فين يا جماعة أنا خلاص معتش قادر.
أيمن:يلا يا جماعة ورايا.
الكل مشوا وراه وريم وكريم فضلوا واقفين بيبصوا لبعض.
كريم:إيه ده هو محدش بيعبرنا ليه.
ريم: مش عارفه ولو إننا طيبين ودمنا خفيف وبنسمع الكلام.
كريم:اه والله ومبنعملش أى دوشة.
ريم:هما الخسرانين مش كده.
كريم:أيوة طبعا.
وفجأة سمعوا صوت ديب وطلعوا هما الاتنين يجروا عشان يحصلوا الباقى
وقبل ما كلهم يركبوا الباص آسر قرر يوقفهم كلهم عشان هيقولهم حاجة مهمة جدا.
آسر:استنوا يا جماعة أنا حابب أقولكم حاجة مهمة.
الكل:قول.
آسر:أول حاجة أنا بحمد ربنا إنى فى وسطكوا وإن ربنا رزقني بيكم انتوا أحسن عيلة فى الدنيا.
أيمن مطبطبا على كتفه: حبيبى يا أسور انت ابننا يالا.
آسر بابتسامة: ربنا يخليك يا عمى.
آسر:وحابب أقول كمان إن الخطف واللى حصل ده كله بينلى قد إيه انكوا جدعان وبتحبوا بعض وإنكم بجد أحسن عيلة فى الدنيا ربنا يخليكوا ليا.
وفاء:ويخليك لينا يا حبيبي.
نجلاء: حقيقى انت غالى عندنا أوى يا آسر.
آسر:عاوز أقول إن كل واحد مننا كان ليه دوره ومكانه ومن غير كل واحد فينا مكناش هنبقى موجودين كلنا مع بعض ده حتى ريم وكريم كان ليهم دور ههههههههه 😂
ريم بضيق:وإيه اللى بيضحك دلوقتى مش فاهمة.
كريم:سيبك منهم دول أكيد متغاظين مننا.
ريم بتكبر:أكيد.
الكل: ههههههههه 😂😂
كريم:عاوز تقول حاجة تانية عشان رجليا وجعتنى.
ريم:اه والله يا ريت ينجز.
أحمد: والله ده احنا المفروض نسيبكم هنا ارحمنى يا رب وصبرنى على ما بلانى.
آسر:طيب ممكن أكمل بقى وأقول أهم حاجة.
شذا:قول يا آسر.
آسر:ليلى هاتى إيدك.
ليلى ناظرة لعمر بتفاجأ:إيه.
عمر:روحيله يا ليلى.
ليلى مقتربة من آسر:أيوة يا آسر.
آسر ناظرا فى عينيها:ليلى أنا بحبك
ليلى:إيه.
آسر:بحبك.
ليلى:لا....مع...معلش مش مستوعبة.
آسر:بقولك بحبك.
ليلى:إزاى يعنى.
عمر:يادى أم الغباء.
آسر:بقولك بحبك وقدام الناس دى كلها بقولك بعشقك ومن أول مرة اشاكلت معاكى فيها فى القسم بعشقك وبموت فيكى وفى جمال عنيكى وفى اللى جابوكى.
عمر:احم أنا واقف احترم مشاعرى شوية.
آسر ضاحكا:حاضر😂
آسر لليلى:ها قولتى إيه.
ليلى بكسوف:مش...مش عارفه.
شذا: يا بنتى ردى عليه وخلصينا.
آسر:طب استنى أما أسهلها عليكى شوية.....تتجوزينى يا ليلى.
ليلى بإحراج:يعنى انت كده بتسهلها عليا.
آسر:ها قولتى إيه.
ليلى بابتسامة خجلة:موافقة.
ريم: لولولولولولولىىىىىىىىىى 🥳 لولولولولولولىىىىىىىىىى 🥳🥳🎉🎉🎉
لينا ومى وشذا وسارة:وآدى الزين وادى الزينة على الياسمينة اكتب أسامينا.
آسر بضحك: ههههههههه ما صدقتوا انتوا طبعا أى هيصة وخلاص.
مى: طبعا ههههههههه 😂
عمر محتضنا ليلى: مبروووك يا ليلو
ليلى: الله يبارك فيك عقبالك انت واللى فى بالى.
عمر:اه طبعا أنا ونور.
شذا بضيق:أيوة انت وست ضلمة بتاعتك.
عمر:بحبها ملكيش دعوة.
شذا سابقة إياه على الباص:حبك تعبان ويكون أعمى.
عمر ضاحكا: ههههههههه 😂 ماشى.
طبعا كلهم قعدوا يهنوا بعض وركبوا فى الباص وريم وكريم مش بيفكروا إلا فى حاجة واحدة بس وهى الأكل اللى هيبقى فى الفرح طبعا😂😂😂😂🤦🤦
...........................................................................................  
الرواية لسه مخلصتش يا بنات لسه فيها بارت حاجة خاصة كده من عندى هنشوف فيها حكايات أبطالنا الحلوين هتنتهى على إيه
❤️❤️