إلحقونا إحنا مخطوفين 🏃😅

للجنون نهاية ❤️٢

بعد أسبوع من رجوع الكل من الرحلة الطويلة اللى كانوا فيها كل واحد رجع لحياته ومن ناحية عمر كان ابتدا يجهز لفرحه هو ونور وكل كام يوم كان بينزل يحجز القاعة ويشترى حاجات ويعمل تليفونات وحرفيا شذا مكنتش عاوزة تشوف وشه ولا تسمع صوته وبتشاكل معاه على الفاضية والمليانة 😂وليلى كانت خلاص عاوزة تسيب البلد كلها وتمشى بسببهم.
وفى يوم من الأيام:
عمر كان بيغسل شعره وطالع من الحمام وبينشف شعره الأحمر اللى كان نازل على عنيه والأخت شذا معدية من الصالة راحت فجأة واقفة ومتنحاله وهو بيبصلها وبيبتسم على هيئتها.
عمر بابتسامة جذابة:إيه عاجبك أوى كده
شذا بهيام:ها.
عمر مقتربا منها:مكنتش اعرف إن تأثيرى عليكى كبير كده.
شذا بوجه أحمر:انت....انت قليل الأدب وسافل.
عمر بغمزة:وأما أنا قليل الأدب وسافل واقفة بتبصى عليا ليه.
شذا بارتباك:أنا...أنا بصيت عليك مح...محصلش.
عمر مقتربا من أذنها: مينفعش تبقى حلوة كده وكدابة.
شذا ناظرة فى عينيه بحذر:انت قولت حلوة.
عمر لاعبا في خصلات شعرها:اه دى حقيقة كدابة وشقية وحلوة وعنيكى مش بتلمع إلا ليا بس.
شذا بغضب كبير وهى تزيح يده:مغرور.
عمر بهدوء مستفز:إيه مالك متعصبة أوى كده ليه متتعصبيش كده عشان ميطلعلكيش تجاعيد وتبقى زى العجوزة فى الفرح.
شذا وهى تلقى فى وجه كل ما يقابلها بغضب:
انت واحد بااارد ومستفز.....جتك البلاوى انت وهى إلهى الفرح يطربق على دماغك انت وهى.
عمر وهو يتفادى ما تلقيه:حاسبى يا بنتى....إيه غيرانه.
شذا وهى تمسك سكين وتمشى ببطئ تجاهه:أنا أغير عليك مستحيل بتحلم يا عمر مستحييييل روحلها عاوز تتجوزها اتجوزها.
عمر وهو يرجع للوراء:أنا مقلتش تغيرى عليا على فكرة.
شذا وهى تقترب من رقبته بصراخ: انت زى أخويا سمعت أخويا وأقولك حاجة أنا بكرهك يا عوومار بكرهك.
فى الوقت ده عمر لف ضهرها ليه فى حركة سريعة ووقع من إيديها السكينة وتقريبا بقى حاضنها وكان بيتكلم قرب ودنها:إهدى كده غلط عليكى يا حلوة أومال مين هيزغرط فى الفرح.
شذا وهى تحاول أن تفلت من يديه:ابقى زغرطلهم انت يا شبح.
عمر بضحك وصوت عالي:يا واد يا أبو ردود جامدة 😂
ثم قال بهمس:ما هى دى أكتر حاجة بحبها فيكى.
شذا بألم:سيبنى يا عمر كفاية لحد كده بجد.
عمر:عاوزانى أسيبك بجد عاوزانى معتش أقربلك ولا أبقى موجود جمبك.
شذا بصراخ عالى: أيوة سيبنى ومعتش تقرب ليا بالطريقة دى تانى طول عمركم سايبنى إيه الجديد يعنى روحلها يا عمر روح وإذا كنت مفكر مجرد تفكير إنى حاسة تجاهك بحاجة غير الأخوة تبقى غلطان وبتتوهم أنا بقيت بتخنق فى المكان اللى انت بتبقى موجود فيه.
عمر تاركا إياها:عندك حق أنا هروح للى تقدرنى وتحبنى وتحافظ عليا وتحارب علشانى وتتمسك بحقها فيا هى دى اللى تستاهلنى بجد.
شذا:روحلها يا عمر صدقنى مش هتفرق خلاص كده كده كنت رايحلها وكده كده مفيش معنى للى بيحصل بينا ده دلوقتي.
عمر وهو يعبر من جانبها:صح يا...يا بنت عمى.
بعد الموقف ده بكام يوم فى مكان ضلمة مفيهوش غير دائرة ضوء واحدة متسلطة على كرسى كانت شذا موجودة في المكان ده وإيديها الاتنين مربوطين وراها وحواليها المكان كله ضلمة خالص ومهياش شايفة أى حاجة
شذا لنفسها بصوت عالى: إيه ده أنا فين كده بسم الله الرحمن الرحيم أنا اتخطفت تانى ولا إيه أنا خايفة أوى يا عمر يا عمر مبيردش ده ليه ده هو الوحيد اللى بلاقيه زى اللازقة حواليا فى كل مكان يا رب ألاقيه وينقذنى من البلوة اللى أنا فيها دى.... ولا ثانيه أنا أكيد مش مخطوفة لإنى لو مخطوفة هلاقى الباقى معايا....أيوة هو احنا كده نحب نتلزق مع بعض في المصايب أكيد أبو شعر أحمر راح للمسوسة أم ديل دى اللى اسمها ضلمة وسابنى ماشى يا عمر إن ما وريتك انت وأختك
وفجأة سمعت صوت ناس كتير بتضحك بصوت عالى حواليها فاتخضت جامد أوى
شذا:عاااا ياما إيه الصوت ده يكونش أنا فى مدينة الأشباح ولا إيه منك لله يا عمر انت السبب نادرين عليا يا رب لو طلعت من هنا لأدبحه وأقطعه وأكيسه فى الفريزر بس أطلع من هنا بس.
وبعدين شذا حست إن هدومها تقيلة أوى وهى بتحاول تفك نفسها من الكرسى اللى قاعدة عليه.
شذا:إيه ده تلاكيك إيه دى كمان أنا ناقصة مش كفاية عليا الواد أبو شعر أحمر وأخته أوف
وبعدين سمعت صوت الناس اللى بتضحك تانى
شذا بصوت عالى:لا بقى كده كتير هو فيه إيه يا people ياللى هنا حد يرد عليا انتوا مين طيب
فجأة النور كله اتفتح وشذا لقت نفسها في قاعة ملكية كبيرة أوى وهى لابسة فستان وعمر ببدلة عريس واقف قصادها وحواليها كل الناس اللى بيحبوها وبيصقفولها وفرحانين بيها.
شذا بتعجب:إيه ده
عمر ببسمة جذابة:إيه عجبتك المفاجأة.
شذا بغضب مضحك وهى مربوطة اليدين:انت أهبل يا ابنى فكنى ده انت فيوزاتك ضربت على الآخر.
الكل ضحك عليها في الوقت ده 😂
شذا موجهة الكلام للجميع: بس انتوا بتضحكوا على إيه بطلوا تستفزونى بقى.
كريم من بعيد:واد يا عمر البت دى تستاهلك ربيها يا باشا واتوصى😂
عمر بصوت عالى:عنيا ليك يا كيمو.
شذا لكريم:بس يا سحلية انت مسمعش صوتك.
عمر مقتربا منها ببسمة:طب إيه مش هتخلصى عشان نكتب الكتاب ونعلى الجواب
شذا بعصبية:بلا كتاب بلا كراسة فكنى يا عم الأمور عشان.....عشان.....
عمر واضعا جبينه على جبينها:عشان إيه
شذا مساهمة:ها.
عمر بحب:بحبك وبموت فى جنان أهلك.
فابتسمت شذا كرد فعل تلقائى لتلك الكلمة التى لطالما حلمت بها منذ طفولتها مع هذا عديم الضمير كما تسميه😂🤭
فى الوقت ده الكل كانوا بيصقفوا وبيصفروا لعمر على رومانسيته والأخت شذا كانت لسه مبلمة😂
عمر مستقيما مبتعد عنها قليلا:إندهولى المأذون بسرعة.
توفيق:جاهز يا عمر اتفضل يا مولانا.
وبعدين المأذون حضر وفتح الدفتر بتاعه وكل ده شذا لسه مربوطة على الكرسى😂
شذا:وانت فاكر عشان انت سبلتيلى هتجوزك انسى يا بيه.
ليلى وهى مشتبكة فى يد آسر:يا مرك يا عمر
عمر بيأس مصطنع:أعمل إيه يا بنتى بقى قلبى ده اتعمى فى نواضره وإختارها.
شذا:لا والله ما تشحتوا عليا أحسن
فريدة:بعدين مش دلوقتي....اكتب يا مولانا أثابك الله.
المأذون: والله ما أنا عارف يا مدام ده ثواب ولا عقاب يلا على بركة الله وربنا يسامحنا.
شذا:متكتبش حاجة يا عمو انت فكونى أنا أصلا هسافر لعمى ومعتش هاجى هنا تانى بقى تعملوا فيا كده ماشى يا عمر.
ريم:البت دى عبيطة عاملة نفسها مش بتحب الواد العريس ده وهى هتموت عليه.
شذا بغضب:نعم يا الدلعادى
ريم:أيوة هتموتى عليه انكرى بقى.
لينا:عندك حق يا ريم وكل شوية إلحقنى يا عمر انت فين يا عمر
مى مكملة:كنت على طول بتبقى حواليا يا عمر.
شذا بخجل وهجوم لاخفاء خجلها:ده أنا
آسر:أيوة انتى واتهدى بقى بدل ما أطربق الفرح ده على دماغك نصين.
شذا:هو انت كل حاجة عندك عنف كده بتحبك المسطولة اللى جمبك دى على إيه.
ليلى ناظرة له بحب:أنا بموت فيه كده وهو شرس عاجبنى.
على:ولا يمكن عشان انتوا الاتنين فيكوا دماغ طرشة وإيد تقيلة من بعض.
فنظر له آسر بشر
على:ولا حاجة يا باشا على البركة وإن شاء الله وألف ألف مبروك أزغرط ولا كده كفاية.
سارة بضحك: ههههههههه 😂 عمرك ما هتعقل أبدا
على بنظرة حب لها:ما أنا عقلت شوية أما حبيتك يا عسل انتى.
سارة بخجل:إحم بابا
على:أنا ميهمنيش حد
سارة:بابا.
على:ماله مش فاهم.
رهف بضحك: ههههههههه 😂 عاوزة تقولك باباها وراك يا عم الرومانسى.
على وهو يلف بخضة:أونكل محمد وحشتنى ليك شوقة ده أنا كنت لسه جايب فى سيرة حضرتك
محمد:لا والله
على:اه والله حتى اسألهم......أنا رايح آكل جاتوه سلام.
ثم جرى على بسرعة مبتعدا
محمد:هجيبك...تعالى ياض هنا
الكل قعد يضحك عليهم فعلى لسه معقلش ولا حاجة زى ما كان بيقول لسارة😂
وفاء:اكتب يا عم المأذون خلينا نتبسط ونزغرط
المأذون:طيب بسم الله الرحمن الرحيم........
شذا:انت بتعمل ايه يا حجيجة استنى يا عم بقولكم مسافرة لعمى وحجزت الطيارة أنا مش هتجوز ده
أمال:مش عاوزة تتجوزى الواد ليه نشفتى ريقنا يا بت انتى
شذا بعند:عشانه قليل الأدب وكان بيحب واحدة تانية والنهاردة كان فرحهم ومصارحينيش من زمان وعشان عاوزة عمى يبقى موجود وأنا بتجوزه قليل الأدب ده.....وهو أنا أصلا مش بحبه ها.
ماجدة:لا واخدين بالكم وكل ده ومش بتحبه.
أشرف:أنا راجل كبير وخلقى ضيق انجزى أنا حايش آسر بالعافية.
شذا:ما أنا قولتلكم أسبابى يوووه بقى.
عمر مقتربا منها:فرجتى البلد عليا والناس مشيت بس أنا بقى عندى حل لكل ده
شذا:إيه بقى بس من غير تسبيل
عمر:موعدكش
شذا بخجل:انطق وابعد شوية.
عمر مقتربا أكثر وناظرا فى عينيها:أولا قلة الأدب دى ميزة وهنحتاجها بعدين.
شذا بخجل شديد:سافل.
على:استمر يا عمور.
عمر:حبيب قلبي
شذا مبعدة نظرها بضيق:أوف.
عمر:بصيلى هنا
شذا:با نعم كمل
عمر بتسبيل:من حيث إنى بحب واحدة تانية فانتى عارفة ومتأكدة إنى عمرى ما حبيت غيرك ولا شفت واحدة قدامى غيرك ولا عمرى اتمنيت واحدة قد ما اتمنيتك انتى
شذا ببسمة:قولنا من غير تسبيل الله.
عمر مكملا:ومن حيث إنى مصارحتكيش فأعتقد أنا مش محتاج أقول حبيبتى ده طوب الأرض كله عارف إنى بموت فى اللى جابوكى🤭
شذا ببسمة:إيه ده كله يا سى عمر طب والشرط الأخير بقى.
عم شذا ظاهرا من العدم ببسمة(يوسف): ها حجتك إيه تانى عشان تعترضى على قليل الأدب ده😂
شذا بتفاجأ:إيه ده أونكل يوسف مش معقول.
يويف منزلا لمستواها: معنديش أغلى منك انتى والبت والواد دول وخصوصا انتى.
ليلى لعمر: ملاحظ انت انوا باعنا فى دقيقة.
عمر بضحك:ده ناقص يرمينا فى سوق العبيد ههههههههه 😂.
شذا بفرحة:بجد أنا فرحانة أوى إن حضرتك موجود ربنا يخليك ليا أنا بحبك أوى.
عمر:طب وأنا
شذا لاستفزاز:وانت إيه.
عمر:يعنى بتحبى فى أبويا من ساعتها وجت عليا أنا
شذا ضاحكة: ههههههههه 😂طب فكنى الأول
وأنا هقولك اللى انت عاوزه عشان خاطر عمى بس 😂😂😂
عمر:يا مرارى الطافح هو الحاج جاى يقطع عليا ولا إيه
يوسف:فك يا حبيبي فك 😂
وكتب المأذون الكتاب وعلى الجواب والكل فرحوا وزغرطوا وكانت حكايتهم حكاية طول الفرح😂😂(وعقبالكم يا بنات😂🤭)
.....................................................................................................
ماجدة:بس كده يا ولاد وتوتة توتة خلصت الحدوتة إيه رأيكم
مالك وهو ينظر لعمر بدرامية:يالهوتى كل ده يا بابى عملته فى مامى بقى تخطفها كده
عمر بضحك: ههههههههه 😂 الرحمة والمغفرة يارب أنا عارف إنى جبت بلوة لنفسى والله 😂
شذا وهى تضربه فى معدته:متقولش على ابنى بلوة سامع
عمر وهو يعض يدها:بقوا بلوتين دلوقتى.
شذا وهى تسحب يديها من فكه بصعوبة:اه يا عضاض مش كفاية خطفتنى زمان إيه قلبت مصاص دماء كمان دلوقتى.
عمر وهو يرمقها بسخرية:وهى فين يا أختى الدماء دى خلينى ساكت.
ريم بضحك عالى: ههههههههه 😂 جامدة اوى يا عمر عجبتنى ههههههههه 😂
عمر بابتسامة:توشكرى يا أختى.
يوسف ابن لينا لمالك:عينى عليك يا مالك يا ابنى يعنى باباك خطف مامتك ودلوقتي عاوز يمص دمائها ما تهرب يا حبيبي برات البلاد وأنا كمان أهرب معاك.
مالك بحزن مصطنع:شايف شايف اللى بيحصلى يا چو
يوسف مطبطبا عليه بدرامية:متعملش فى نفسك كده احنا هنسرق دهبهبهم وصيغة الولية أمى وكام جزمة من عند بابا ولو عندكم جزم حلوة هاتها ميضرش وفى أى بؤجة ونسيب البيت ده ونمشى.
مالك بفرحة وهو يضرب كف يوسف:اشطا عليك يا واد يا چو يا جامد.
سامى بفزع:يالهوى انتى مخلفالى حرامى يا لينا لأ وعاوز يهرب برات البلاد كمان وكمان طمعان فى جزمى مين الواد ده
لينا:مش تربيتى لأ
فريدة:أومال جايب أفكار الأحداث دى منين يا سوادى
ماجدة وهى تمسك السكينة لريم:هى البت دى مفيش غيرها هى اللى محرضاهم على السرقة تلاقيها كمان هتهرب معاهم.
ريم: جرا إيه يا مامى هو كل واحد ابنه مترباش هتلزقوها فيا أنا.
أحمد وهو يمسك سكينة أخرى:سيبيلى الطلعة دى يا طنط أنا مستنى اللحظة دى من زمان.
ريم:يا قلبكم الجامد يعنى مطمرش فيكم كل تضحياتى بقى أنا تعملوا فيا كده عشان مين يوسف ومالك.
شذا:اقتلوها هى اللى مبوظة العيال.
مالك:إيه يا شوشو ما انتى عارفة إنك مربتنيش هتلزقيها فى طنط ريم ليه.
ريم وهي تبعدهم عنها:أهو نطق أهو واعترف على نفسه أنا مالى أنا.
سيف وهو ينحنى لمستوى مالك:يعنى انت ياض يا أوزعة انت اللى جايب الأفكار دى
مالك بفخر:أيوة هو انتوا زعلانين ليه هو احنا كنا هنسرق ناس غريبة يعنى.
سيف وهو يحمله على ظهره بالمقلوب:نعمل فيك إيه يا ذكر الحمار انت يا أنثى الكلب.
مالك بدرامية:لو مش عاجبك طلقنى.
سيف منزله:ولاااا هو احنا وصلنا للدرجادى.
مروان ابن على:متسسكتلوش ياض بكرة يرميك فى الشارع لكلاب السكك تنهش فيك.
سليم مكملا:حصل يا أخويا دى عيلة غدارة.
كريم:لا وكنتوا بتقولوا عليا أنا وريم الغلبانة دى إننا متعبين شوفوا واحكموا بنفسكم.
ريم بضيق:حصل يا واد يا كريم أنا عن نفسي عاوزة اعتذار رسمى ينزل في اليوم السابع مليش فيه.
أيمن:اعتذار إيه يا أم اعتذار ده أنا اللى بقدم اعتذارى ليكم كلكم إنى خلفتها.
ريم:إيه.
أحمد:ولا يهمك يا عمو محدش مرتاح ولا حد بياخد أكتر من نصيبه.
ريم:برده....أهم يا رب خدلى حقى منهم يارب.
آسر الكبير:ها يا جماعة أقتهلها الوقتى.
ليلى:معلش يا قلبى اصبر أما ناكل وبعدين اقتلها.
آسر ضاحكا:عشان خاطرك بس😂
ريم بضيق:أوف نجلاء:طب إيه يا حلوين مش يلا نقعد ناكل الأكل جهز.
آسر الصغير:اه والله أنا جعت أوى قصة أونكل عمر دى جوعتنى وأنا كنت جعان أصلا عشان لسه مخلص تدريب.
كريم:حصل يا جماعة لسه مخلص تدريب وعاطينى فى الشكلة اللى كانت حصلة من شوية بوكسين.
عمر:امتى ده.
كريم:قبل ما سيادتك تيجى على طول لسه البوكسين طازة واحدة فى دماغى والتانية فى جمب وشى.
آسر الكبير لآسر ابن كريم:جدع يا آسور زى ما اتفاقنا ضرب كده على الخفيف ما يبانش.
كريم:يا حلاوة يا ولاد لهو انت اللى قايله يدرب عليا.
آسر ببرود:أيوة
رهف بضحك لآسر ابنها: ههههههههه 😂 أيوة كده خليك شاطر واسمع كلام أونكل آسر.
كريم:أتارى الولا كان مركز عليا ونازل ابكاس ولا أكنه بيضرب فى شوال بطاطس.
سارة:طب يرضيك يعنى يدرب على حد غريب.
كريم:بقولك ايه اسكتى انتى هو انتى اللى بتضربى.
سارة: ههههههههه 😂 روح اتشطر على ولادك.
نجلاء: ههههههههه والله عندك حق.
مروان:ممكن أقول حاجة.
مى:قسم وسمعنا.
مروان:هو أنا ينفع لما أكبر أخطف البنات اللى بحبهم.
على ضاحكا بصخب: ههههههههه 😂 ههههههههه
إيه يا حبيبي قول تانى كده.
مروان:البنات اللى بحبهم يا بابى.
سارة وهى تجلس على الأرض وتضع يدها على رأسها:يا حزنى يا حزنى غطينى يا نوجة وصوتى عليا.
وفاء:تستاهلى مش قولتلك متخليهوش يقعد مع السافل ده.
على:ماما.
وفاء:بلا ماما بلا قرطاسة بقى طول عمرك سافل وقليل الادب هو انت اللى زيك اتربى عما هيربى.
فريدة:قومى يا بنتى من على الأرض قومى هنشفلهم حل.
سارة:معدش عندى أمل.
كريم بضحك: ههههههههه أمل ولا عمر.😂
الكل بص عليه وراحوا ناحية السفرة وسابوه ورهف جمله.
رهف: كفاية بقى ارحمنى يا رب.
كريم:عالم مبتحترمش المواهب يا باى.
كلهم قعدوا على السفرة وقبل ما يبدأوا مى قامت وقفت وكأنها عاوزة تقولهم حاجة.
سيف:إيه يا عمرى وقفتى ليه.
مى:إحم عاوزة أقولكم كلكم حاجة مهمة أوى.
لينا ببسمة:قولى يا ميوش.
مى بدموع:أنا عاوزة بس أقول لسيف قدامكم كلكم إنى بحبه أوى وعمرى ما حبيت حد بالشكل ده هو كل دنيتي وكل حياتى وأنا بتأسفله نيابة عن الظروف عشان موضوع الخلفة وبجد شكرا إن هو مستحملنى ولسه بيحبنى بالرغم من كل ده.
سيف:مى أرجوكى بلاش الكلام ده.
مى:لأ يا حبيبي انت بجد استحملتنى كتير وعشت معايا أيام صعبة أوى وعمرى ما هنسى وقفتك جمبى ولا طبطبتك عليا وقت حزنى وحقيقى بشكر ربنا إنه بعتك ليا هدية انت أحلى حاجة فى دنيتي كلها.
سيف محتضنا إياها:مى أنا بحبك وعمرى ما هسيبك أبدا فاهمة.
فريدة:مى سيف بيحبك لأ ده بيموت فيكى ومتزعليش يا قلبى كلها أقدار ربنا وربنا هيرزقكم إن شاءالله.
مى خارجة من أحضان سيف: وربنا كرمنى يا فيرى.
الكل:إيه.
مى بضحك من وسط دموعا: ههههههههه إيه 😂
سيف:مى انتى حامل.
مى ناظرة فى عينيه:أيوة يا حبيبي انت هتبقى أب.
سيف:بجد يا ميوش.
مى بضحك:أه والله.
سيف:لا مش مصدق اقرصينى عشان أصدق.
لينا وهى تضع يدها على وجهها:لا إله إلا الله نفس الطلب الغبى بتاع مراتك.
مى: ههههههههه 😂 سيبيه حقه يتصدم شوية.
سامى:إيه ده انتى كنتى عارفة يا لينا.
نجلاء:اخص عليكى ومتقوليلناش وتفرحينا يا لولو.
لينا:لا والله يا طنط أنا لسه عارفة من قبل ما آجى على طول بس مى هى اللى كانت عاوزة تفاجئكوا وتقولكم.
فريدة:دى أحلى مفاجأة فى الدنيا مبروووك يا ولاد.
مروان:خالتو مى لو بنت احجزهالى.
سيف:شيل ابنك من قدامى يا على بدل ما اطلبله بوليس الآداب.
على:اتهد بقى وبطل سفالة.
مروان:أما تبطل انت الأول يا بابى
ليلى: ههههههههه 😂 والنبى عنده حق
آسر:فاكرة أول مرة شوفتيه عملتى فيه إيه.
شذا ضاحكة بصخب: ههههههههه المتحرش الخطاف قتال القتلة ههههههههه 😂
على:بس بقى العيال قاعدين
سارة: ههههههههه 😂 ما تسيبها يا عم كملى يا لولو براحتك عادى.
على:يعنى انتى مبسوطة إن جوزك بيتقال عليه قتال قتلة وفرحانة أوى وبتضحكى.
سارة بضحكة أعلى: ههههههههه ههههههههه 😂 أيوة.
صلاح: يعنى انت مش زعلان من متحرش وزعلان من قتال قتلة.
ليلى:قوله والنبى يا عمو.
على:لا ما هو متحرش دى عادى لكن قتال قتلة بقى أنا تتهمونى تهمة خطيرة زى دى.
وفاء:جماعة أنا اللى غلطانة أنا اللى مربتهوش معلش.
أمال:ولا يهمك يا فوفة يا حبيبتي احنا أخدنا عليه كده 😂
سارة:إدعولى بقى أصل أنا عندى نسخة كمان منه بس على صغير.
آسر:لا ده تسيبهولى أنا اللى هربيه.
مروان:فيه إيه يا أونكل انت عندك بنت أمورة خاف عليها بقى.
ليلى:تالين بنتى......آسر اتصرف الكلب ده عاوز يشقط بنتى.
آسر قام من مكانه ورفع مروان من مكانه وعلقه فى شماعة كده كانت محطوطة جنبهم.
على:يا حبيبي يا ابنى ملقتش إلا هولاكو إلا تقع في إيده.
سارة: أحسن سيبه عشان يتربى.
على:كده السلالة هتبوظ.
سامى:قصدك هتتعدل ربنا يهديكوا يا ييهدكم ونرتاح بقى 😂
سليم ناهضا وواقفا على كرسى فى مقربة مروان:تستاهل عشان مقلتليش أظبط توتة معاك.
آسر:ولد انت بتقول ايه يا ابن كريم.
سليم:ها بقوله.....بقوله.....بقوله.....بقوله.
نجلاء: ههههههههه 😂 إيه علقت
أشرف:الشريط سف باين.
رهف:بص يا سولوم يا حبيبي هتتعلق يعنى هتتعلق شوف شغلك يا آسر😂
وفعلا آسر قام وعلقه جمب مروان وأخد تالين فى حضنه وخباها كإنه خايف عليها بجد منهم 😂😂
كريم: ههههههههه مش للدجاردى يا آسر
آسر:إخرس انت بدل ما تشرف جمبهم قال عايزين يشقطوا بنتى وأنا قاعد
تالين ببراءة:هو انت مخبينى منهم ليه يا بابى ده أنا بحبهم أوى
آسر ناظرا لها بفزع:إيه ده مين دى😂
أمال: شكلك ظلمت العيال البت عندها ميول من صغرها😂😂
آسر:كله من على هو اللى مبوظ العيال كلهم يا ريتنى كنت تاويته من زمان.
على:أنا معتش هتكلم خلاص أنا هسيب الدنيا وأرحل برات البلاد أنا كمان مع الواد چو ومالك
مالك:عندك حق يا أونكل دول مش مقدرين موهبتك خالص.
يوسف:أهم حاجة نسرق الجزم زى ما قولتلك والصيغة.
مالك مؤكدا على كلامه: طبعا يا باشا.
محمد:ده انتوا عصابة بقى.
مالك:حاجة زى كده متشغلش بالك يا جدو.
ريم: يعنى انتوا يا عجول البحر يوم ما تسرقوا تسرقوا جزم طب مش تسرقوا حاجة عليها القيمة شوية.
أمال:يعنى انتى معاهم ومش معترضة.
ريم:وهعترض ليه رزق وجاى أنا بس عاوزة أرشدهم للطريق الصحيح.
يوسف:منكم نستفيد يا خالتو خلاص هنشغلك معانا ونغير النشاط.
ريم ضاربة يدها بكفه:اشطا يا أبو دومة.
يوسف:يدوم الواجب يا معلمة.
ماجدة:يا سوادك يا ماجدة هى يا نسوان يا سرقة.
على:لو زعلانين اوى كده نغير النشاط.
كريم وهو يأخذ طبق الكفتة من أمام أشرف:لو هتسرقوا أكل أنا معاكم.
أشرف وهو يشد منه الطبق:هات الطبق ده ملكش دعوة بالكفتة بتاعتى.
رهف:جماعة خدوه معاكم منتوش شايفين هو إزاى شاطر وإيده خفيفة فى سرقة الأكل.
أشرف:أيوة صدقوها ده حرامى كفتة مجابيتوش ولادة
كريم وهو يضع تلات صوابع كفته دفعة واحدة في فمه:حرامى حرامى أنا راضى ها هنبدأ امتى.
آسر ابن كريم بدهشة:تبدأ إيه يا بابا.
كريم:نبدأ نحول النشاط للأكل.
آسر الصغير بيأس:بابا انت ليه محسسنى إنكم كده هتعملوا خير يعنى.
كريم:يعنى مش أحسن ما أسيبهم يمشوا فى طريق الحرام يا ابنى.
سليم وهو معلق:وهو كده حلال يعنى يا بابا.
كريم: أحسن منك انت والكلب اللى جمبك ده عاوزين تبقوا قوادين يا ولاد الناس الطيبين.
مروان:يعنى إيه قواد.
شذا:متاخدوش فى بالكم يا عيال......ثم التفتت لكريم:احترم نفسك مش عاوزين نفتح عنيهم أكتر من كده
عمر لشذا:ليه يا حبيبتي لهو فيه أكتر من كده 😂
صلاح:ما شاء الله ده احنا عندنا هنا مواهب فى العيلة إيه الله أكبر الله أكبر ما شاء الله عاوز أرقيكم والله 😂
ريم: متشكرين يا أونكل.....بس لو عاوز بجد تقدرنى أنا شخصيا كريم يعنى تجبلى طبق الكفتة من قدام الواد أبو كرش متعدد الطبقات ده.
كريم مخبئا الطبق:لأ ده بتاعى إياكى تفكرى بس تحطى عنيك عليه.
ريم وهى تخبط السفرة بيديها:انت بتتحدانى يا جموسة تايهة فى بحر الكلاب انت فاكرنى هسكتلك.
أشرف منتزعا الطبق من كريم:لا ليكى ولا ليه الطبق ده بتاعى أصلا وعقابا ليكم مفيش أكل كفاية عليكم كده
ريم:يووووه
أيمن لريم:بنت اسمعى كلام عمك وانتى ساكتة.
ريم:يا بابى بقى ده كريم هو السبب.
كريم:أنا ياللى انتى عبارة عن كرش عامل نفسه بنى آدم.
ريم:اسم الله عليك يا أخويا أما أنا كرش أومال انت إيه فاكر نفسك الشحات مبروك يعنى ولا إيه.
أيمن بصوت عالى:بنت اقعدى اترزعى مسمعش صوتك.
كريم: أحسن
أيمن:وانت كمان اترزع
كريم:حاضر يا باى
أيمن:لو سمعت صوت حد فيكم هجيب الحبال سامعين.
ريم:لا لا بلاش احنا سكتنا أهو مش كده يا كريم
كريم:أيوة طبعا زينا زى الكراسى اللى قاعدين عليها.
توفيق:تمام اتفضلوا كلوا بقى ما عدا ريم وكريم.
سليم:طب أنا ومروان.
وفاء:مالكم يعنى يا حبيبي.
مروان:جعانين يا تيتة حد يحدفلنا حاجة طيب.
آسر الكبير:ولو إنك قليل الأدب بس اشقط دى منى
وبعدين آسر حدفله كفتة فى بقه😂
سليم:طب وأنا وأنا.
آسر:خد دى انت كمان😂
وبعدين حدفله زى مروان😂
ليلى:ما شاء الله ده احنا لو قاعدين في جبالاية القرود مش هيحصل كده😂😂
محمد:على رأيك يا بنتى😂
تالين:بابى ينفع أصورهم
آسر: ههههههههه 😂 بقيتوا تذكار كمان
يوسف:يا عالم هنحنطهم كمان ولا إيه بعد كده 😂😂
مروان وهو يأكل:مش بعيد والله😂
فريدة لسيف فجأة:إيه يا حبيبي مش بتاكل ليه.
سيف:مفيش يا ماما مبسوط أوى.
فريدة: ربنا يفرحك انت وميوش يا عمرى تتربى أو يتربى في عزكم.
مى: ربنا يخليكي يا فيرى 💖
فريدة:قلبى يا ميوش
سيف:أنا مش هاكل أنا هفضل باصص لمى كده لغاية أما تخلص اكلها.
ريم:يا أخويا ما تبطل محن وتاكل .
كريم مكملا:قال هعد أبصلها وهى بتاكل قال.
سيف:حوش مراتك والبغل ده عنى يا أحمد بدل ما ارتكب جريمة حالا.
أحمد وهو يأكل باعتيادية:ارتكب يا حبيبي اللى عايز ترتكبه أهم عندك أهم أنا مش هحوشك.
لينا مكملة: ههههههههه 😂 ولا حد هيشحوشك يا سيف أصلا😂😂
سيف:حيث كده استعنا على الشقا بالله
ريم وهى تجرى هى وكريم حوالين السفرة وورائهم سيف.
ريم: خلاص يا اخويا إن شاءالله عنك ما اكلت.
كريم وهو يجرى: أنا كان مالى ومال الهم ده إن شاءالله تعيش على البناء الضوئي أنا ماااالىىىى.
سيف وهو يمسك مأشاة ويجرى ورائهم: ابدا والله ما سايبكم النهاردة.
مى ضاحكة: ههههههههه 😂 حلو أوى العرض ده.
سيف وهو يهدأ سرعته:عجبك.
مى بغمزة:أوى 😂
سيف وهو يمسك المأشاة مره اخرى:اجرى ياض منك ليها قدامى.
ريم وهى تنهج:كل ده عشان السنيورة أضرب انا عاااااا هيلحقنااااى.
كريم وهو يتوجع:أى طالنى ابن الإيه.
سيف: إن ما توبتكم مبقاش انا سيف
ريم وهى تتجه للأنتريه جريا:help me  I'm غلبااانة
سيف وهو يقفز من فوق الكنبة بسرعة ورائها:اقفى يا بت انتى واضربى بإحترااامك.
سامى وهو يصفر:عليك نطة ولا السقا يا بنى استمر يا باااشاا.
كريم وهو ينهج: خلاص بقى يا سيف أنا لو بجرى على أكل عيشى مش هجرى الجرى ده كله.
سيف وهو يلسعه:ده انتوا وباء واتفشى لازم أقضى على السلالة دى.
كريم وهو يتوجع:أى برااحة مش للدرجااادى انت إيه تخصص ريم وكريم بس.
سيف وهو ينظر لمى:مش مى بتضحك ومبسوطة.
ريم وكريم:أيوة.
سيف وهو يبتسم: يبقى مش عاتقكوا يا أبراص النهاردة
ريم باستغراب:بمعنى
سيف وهو ينظر للمأشاة:بمعنى اتصلوا الوقتى احجزوا فى المستشفى أوضة ١٠٣ و١٠٤ ونتمنى لكم الشفاء العاجل ههههههههه 😂
كريم وريم ينظران بفزع:لاااااااااااااا اجرى يا مجدااااى
وفى الوقت ده سارة راحت مشغلة اغنيه طب واحدة واحدة وبلاش كل ده وسيف لسه بيجرى وراهم وكل واحد فيهم بينط فى حتة شكل 😂 والكل قاعد يضحك عليهم بينما لسه مروان وسليم متعلقين😂😂😂
بعد فترة وبعد ما خلصوا أكل باستثناء ريم وكريم طبعا بعد ما خلصوا جرى😂آسر أخدهم كلهم قاعة التدريب عشان هيدرب آسر ابن كريم لإن بعد يومين بالظبط هيكون النهائى فى بطولة الكاراتيه.
كلهم قاعدين ومركزين وبيتفرجوا على آسر وهو بيدرب ابن كريم.
آسر الكبير وهو يسدد ركلة لآسر:ركز يا آسر عشان تعرف الضربة جاية منين
آسر وهو يقوم من على الأرض:تمام يا أونكل
كريم وهو يمسك فشار:وجوووون.
عمر:يا ابنى مش ده التانى كورة اللى مدورة دى وبتتشاط.
كريم وهو يملأ فمه:أهى كلها رياضات ربنا مدوقش
أحمد:بقولك ايه خليك في الفشار أحسن.
كريم وهو يملأ يده من الفشار: أحسن برده.
آسر الكبير:وهو يتفادى ركلة آسر الصغير:براڤو يا بطل.
آسر الصغير بابتسامة: شكرا يا أونكل.
وفى ثانيه كان آسر موقعه تانى على الأرض وهو بيقومه:متخليش لحظة ثقة تتحول لغرور وتضيع من إيدك كل حاجة
آسر وهو يقوم وكله حماس:وهو كذلك يا أونكل.
على:بقولكم إيه مش ده فيلم مستر كاراتيه باين أو حاجة زى كده.
فى الوقت ده آسر بصله بشر خلاه يتثبت مكانه
توفيق:لا وانت الصادق ده فيلم آسر بيه الطحان اللى هيطحنك إن شاءالله 😂
على:طب والله حرام ده بدل ما تعلموا الواد حاجة تنفعوا فى المستقبل بتعلموه يطحن فى الناس.
رهف:نعلموا إيه بقى إن شاءالله يصاحب تالا ولا ميرا ولا يارا ولا يعاكس ميار ويحب منال
على بانبهار:هو ده بالظبط اللى أنا أقصده
وفاء وهى ترمى عليه حذائها:اكتم يالا.
على بغضب:ماما.
وفاء:سكتم بكتم ياض مسمعش صوتك.
فريدة: والله لو نطقت يا على كلمة واحدة تانى لأنا مخلية آسر يدرب الولد عليك وأهى تبقى تجربة عملى وخلينا نتبسط بقى.
ليلى: ههههههههه 😂 هنتبسط أوى بصراحة بس هنتعب أوى واحنا بنلمك قطعة قطعة من كل حتة ههههههههه 😂.
على بيأس:وتتعبوا نفسكم على إيه خلينى متفرج من موقعى هذا أحسن
مروان:شاطر يا بابى هات بوسة بقى على ما ربنا يفرجها عليا.
على وهو يقبله وهو يضحك: ههههههههه أمواه😂عارفه أنا الحرمان العاطفي ده بيعمل ايه.
سارة:حرمان إيه يا ابن طنط وفاء أومال أنا موقعى إيه فى حياتك
على وهو يضمها:بت انتى عارفة أنا مبحبش قدك خدى بوسة أهى انتى كمان ولا تزعلى ههههههههه 😂
سارة ضاحكة: ههههههههه 😂 كده ماشى ركز بقى عشان آسر مياخدكش معاه في الرجلين😂😂
على مبتعدا عنها:يا ساتر يا رب
سارة ضاحكة: ههههههههه 😂
مالك ابن عمر:سيبك يا أونكل من المبوسة دى وركز بقى.
على:اه يا دنيا معتش فيكى إلا الواد المفعوص ده كمان اللى هيهزقنى.
الكل قعدوا يضحكوا عليه 😂
بعد شوية آسر قعد يدرب آسر ابن كريم شوية ضغط وعقلة وجرى وكله كان قاعد يشجعه وفرحانين بيه لإنه بجد تعب لحد ما وصل للنهائى.
شذا وهى تمسك ميكرفون وتشجع والكل يشجع ورائها:يلا يا مصراوية شدوا حيلكوا شوية.
الكل كانوا بيرددوا وراها وهما بيصقفوا وبيضحكوا فى نفس الوقت 😂
وسيف جايب طبلة وبيطبل عليها وعمر بيتنطط حواليهم هو ومروان وسليم ومالك ويوسف 😂
شذا فى المايك:يلا يا مصراوية هى اهاااااا
الكل:شدوا حيلكوا شوية هى أهاااااا.
آسر الصغير:شوشو هو مش ماتش كورة والله 😂
شذا بعصبية:ولا ملكش دعوة انت خليك في اللى انت فيه.
آسر:يوووه
آسر الكبير: ههههههههه 😂 ولا تاخد فى بالك هما فاكرين نفسهم باين قاعدين في مدرجات الأهلى ههههههههه 😂
آسر الصغير:هى ناقص بس يقولك التالتة شمال😂
أحمد مكملا بصوت عالى:بنهز جبال وبأعلى صوت دايما بنشجع الأبطال
الكل:فريق كبير فريق عظيم أديله عمرى وبرده قليل
آسر الصغير:مش هنا والله ده يا جماعة.
شذا وهى تقترب منه بعصبية:ولا ملكش دعوه كل اللى عليك تطحن الواد اللى هيقابلك بكرة غير كده متتنفسش سامع.
آسر:أطحنه إزاى بماتش الكورة اللى انا قاعد فيه ده طب اعمله حاجة تانية طيب.
شذا:نعملك إيه يعنى نرقصلك على واحدة ونص ههههههههه 😂
مروان وهو يصفر:يا ريييييت
عمر وهو يضع الميكريفون فى رأسه:أنا قولتلكم قوااااااد بقى بتشقط مراتى وأنا واقف ياض.
مالك:مش أحسن ما تتشقط من وراك يا حجيجة.
نجلاء:لا متربى يالا.
مالك: توشكرى يا تيتة
شذا بعصبية:سكوووووت مش عاوزة كلام كتير كل واحد ياخد موقعه واللى فى إيده حاجة يسببها واللى بيحب فى مراته ده يبطل نحنحة شوية(وشاورت على سيف) والحيوانين اللى بيشقطوا دول (وشاورت على سليم ومروان) يبطلوا البت (تالين) باباها قاعد مش وقته دلوقتى اه نسيت واللى بتقرف فى جوزها دى تبطل ما تطلق(ريم) واللى بتشك فى جوزها كفاية حرام عليكى بقى (سارة) جاهزين.
الكل بضحك: ههههههههه 😂 اه.
شذا:طيب يلا ابدأ تدريب يا آسر.
آسر شاور ليها بمعنى تمام.
شذا:وانتوا واحد اتنين تلاتة مين هيكسب بكرة.
الكل بحماس:آسر.
شذا:مين دايما مشرفنا.
الكل:آسر.
شذا بقوة:مين رافع راسنا
الكل:آسر.
شذا:آسر آسر يا أبهة
الكل:إيه الحلاوة دى كلها.
شذا بعصبية:بنظاااااام متعصبونيش بقى.
ريم موجهة كلامها للكل: بنظاااااام بقى خلينا نخلص من البت دى بقى ونشوف اللى ورانا.
شذا فى المايك:انتى يا حيوااانة ركزى بقى.
يوسف ابن لينا:إيه يا خالتو صحتينى من أحلى نومة فيه إيه هو الحرب هتقوم بكرة ولا حاجة.
شذا مقتربة منه بسرعة وممسكة إياه من ياقته:وهو انت كنت نايم إزاى منتاش سامع كل ده.....ولا متخنوقنيش شجع يلا
وراحت زقاه بعنف فأمسكته لينا فى حضنها ونظرت له بفزع:ابنى
شذا:انتى يا حاجة سيبك منه وشجعى يلا.
لينا لسامى:ياما شوف بتزغرلى إزاى.
سامى بضحك:شجعى يا أختى وانتى ساكتة😂
شذا:هاااا ياللى على الترعة
الكل بضحك منهارين:حود على المالح😂
مى بضحك: ههههههههه كفاية 😂
شذا بضحك أكثر:يلا يا بت وسطى بيوجعنى.
الكل بضحك:من إيه😂
شذا وهى تمسك وسطها:وسطى بيوجعنى من رقص إمبارح.
آسر الكبير لآسر:متاخدش فى بالك خليك هادى وكمل عادى 😂
آسر الصغير:أنا فقدت الامل والسيطرة على نفسى خلاص 😂
شذا بصوت مرعب :ولاااااااا
آسر الصغير برعب:إيه.
شذا بلين:ركز يا با.
وفجأة النور قطع 😂
ريم:يالهوى حلا ده أنا سايباها فى أوضتى لواحدها أحسن تصحى وتتفزع.
أحمد بقلق:طب يالا نروح نشوفها.
أمال:يالا
كلهم دخلوا البيت على نور الفلاش وأحمد وريم طلعوا مع بعض عشان يجيبوا حلا فجأة سمعوا صوت مركبة وصوت باب بيزيق.
ليلى بخوف وهى تمسك تالين:إيه الصوت ده يا جماعة.
تالين:متخافيش يا مامى مفيش حاجه وحشة.
ليلى:لا فى صوت حتى اسمعوا كده.
فريدة:أيوة أنا سمعته
ماجدة:وده جاى منين ده
سارة:باين من المطبخ يا طنط.
ماجدة:طب تعالوا نشوف فيه إيه
كلهم دخلوا المطبخ لقوا زى خيال حد بيتحرك وحاجة راحت واقعة منه على الأرض وعملت صوت
صلاح:اثبت عندك انت مين.
الصوت:هممممممم
صلاح بقوة: بقولك انت مين انطق بدل ما أفرغ مسدسى فى دماغك.
الصوت:همممممممم
محمد: جماعة انتوا متأكدين انه بنى آدم أصلا.
يوسف بزهق:متنوروا بالفلاش نشوفه طيب.
سارة:اخرص انت
يوسف:حاضر
توفيق:يعنى هو بنى آدم
أشرف:أنا شاكك بصراحة.
عمر:أنا هتصرف
عمر مداش فرصة لحد يتكلم وراح محسس فى الضلمة وجايب طاسة وضاربه على راسه بيها.
ليلى:انت عملت ايه يخربيتك.
عمر:هعتبر ده مدح وهقولك شكرا.
ليلى بسخرية العفو يا أخويا وهنعمل إيه دلوقتى.
عمر:فى إيه
ليلى:فى البلوة دى يا ظريف.
سيف:هقولكم احنا نشيله ونربطه فى أى كرسى ونشوف هو مين أما النور ييجى.
يوسف: يا جماعة شغلوا الفلاش أجاركم الله.
على:قلنالك اسكت.
يوسف:يوووه انتوا حرين بقى.
سيف: شيل معايا يا سامى كده
سامى:حاضر
سامى شاله هو وسيف وربطوه فى الكرسى وأول ما النور جه اكتشفوا الصدمة
الكل:إيه ده كريم
كريم متوجعا:اه هو كل حاجة عندكم ضرب كده
أمال:ما انت اللى عمال تقولنا فى الضلمة همممم همممم عاوزنا نعملك إيه
كريم:تقوموا تضربونى بالطاسة فى دماغى ليه هو أنا فى فيلم ريبانزل حرام عليكم أنا جضيت منكم والله.
فريدة:وانت إيه اللى كان موديك المطبخ يا حزين فى الضلمة.
كريم متوجعا:إيه السؤال الغريب ده كنت باكل طبعا يعنى.
فريدة:يالهوى يعنى انت اللى بتخلص خزين الشهر بقى كل مرة.
كريم:أيوة تستاهلوا أنا جعان يا ناااااس جعاااان يا عالم وانتوا مبتأكلونيش كنتوا عاوزنى أعمل إيه يعنى.
سارة:أتاريه اتسحب من وسطينا واحنا بنشجع آسر فى التدريب.
ريم وهى تقترب منهم وهى تحمل حلا:صدق تستاهل.
كريم:أستاهل ده انتى أكتر واحدة المفروض تحس بيا.
ريم:حست بيك عقربة تلوشك وتكومك بقى رايح تاكل من ورايا ولوحدك عاوزنى أحس بيك يا بجاحتك يا أخى.
كريم:طب وليه كده ما احنا كل مرة بنخلص الخزين مع بعض وكنا سمنة على عسل.
ريم: أحمد خد حلا كده.
أحمد أخد حلا وريم راحت مسكت فى رقبة كريم وكانت عاوزة تخنقه😂
ريم وهى تخنقه:أديك قلت كنا بنقسم مع بعض مش رايح تاكل لواحدك.
كريم:ابعدوها عنى هتخنق.
ليلى:يا اخى ده احنا اللى اتخنقنا منكم ارحمونا بقى.
أيمن: أنا مش فاهم أنا عملت إيه عشان يبقى عندى عيلة تلات أربعها عقلهم يا فى كرشهم يا فى رجليهم كده.
عمر وهو يأخذ يد مالك وشذا:طب سلام بقى يا أونكل ربنا يعينك وتصبحوا على خير كلكم بقى.
أيمن:ما تستنى يا ابنى مروح بدرى كده ليه.
مالك:لا ما احنا كفاية علينا كده النهاردة يا جدو.
أيمن ضاحكا: ههههههههه 😂 عندك حق.
فريدة:استنوا انتوا ماشيين ليه ده لسه فيه فقرة مهمة أوى.
شذا: ههههههههه 😂 خير مش مطمنة يا طنط.
فريدة:كل خير يا حبيبتي أنا عاوزة كريم بس يرجعلى الأكل بتاعى.
كريم وهو مربوط:أرجعهولك إزاى يا طيبة يعنى.
فريدة:ماليش فيه بقى أنا أطبخ لغاية أما إيديا تتهرى فى ٦ ساعات وانت تيجى تخلص الأكل فى نص ساعة.
كريم:ولا يهمك المرة الجاية هخلصوا فى عشر ساعات عشان أبقى بقدر مجهودك.
فريدة:ولا أنا عاوزة أكلى ماليش فيه أتصرف
كريم:اتصرف أعمل إيه يعنى هو أنا فى الجيش.
فريدة وهى تشده من شعره:وأما انت مايل كده وطفس كنت بتاكله ليه من الأول.
كريم: جماعة إلحقونى.
سليم:أنا جاتلى فكرة
لينا:استر يا رب علينا قول يا ابنى.
سليم:التجمع الجاى بابى هو اللى يطبخ أكل التجمع كله هو وعمتو ريم مرضية يا فيرى.
فريدة بتفكير: والله فكرة مش بطالة أنا مواقفه وهبقى مشرفة عليهم كمان عشان ميدبوش صباعهم فيه وهما بيطبخوا.
وفاء:عندك حق يا فريدة.
ريم بيأس: والله هى كانت فكرة حلوة لغاية أما قال عمتو ريم.
أحمد:ولا نفس بنتك على إيدك أهى ويلا نروح.
ريم:يا باى حاضر
بعد قليل كان أيمن يودعهم هو وماجدة من على بابا الڤيلا وهو يبتسم بحب ويشكر الله على هذه العائلة الجميلة ويدعو أن يديم الله هذه السعادة عليهم💖💖
.........................................................................................................
بعد يومين اتنين بالظبظ كانت مباراة النهائي بتاعة آسر ابن كريم وكان آسر الكبير واقف معاه على جمب بيجهزه وبيشجعه وبيقوله على نقاط ضعف اللى قدامه عشان يكون مركز كويس عليها
المباراة ابتدت والكل قاعد يشجع
كريم بجدية وقلق:أنا خايف عليه.
آسر مطمئنا إياه:متخفش هو عارف هيعمل ايه كويس.
كريم:أنا عارف إنك عملت معاه الواجب يا آسر
آسر: ده ابنى قبل ما يكون ابنك متقولش كده.
كريم بابتسامة:عارف يا حبيب قلبي
وفجأة سامى راح مزعق فجأة:أيوة كده إديلو ياض.
آسر: حسبى الله ونعم الوكيل مش هقول إلا كده.
يوسف وهو يصحو من النوم فجأة:هو فيه إيه يا جماعة هو الواحد ميعرفش ينام أبدا لا هنا ولا فى البيت.
سامى:فيه حاجة ياض يا ابن الكلب
يوسف وهو يعود للنوم مرة أخرى:لا مفيش حاجه يا بابى كمل كمل بس ابقى ادينى إنذار قبلها ولا حاجة.
سامى وهو يمسكه من ياقته:انت إيه يالا الصنف اللى بتبلبعه مخليك مسطول كده اصحى كده وشجع الواد مصر بتضيع وانت نايم يا يوسف خلى عندك نخوة بقى.
لينا:سيب الواد محسسنى إن الهكسوس هيحتلونا تانى 😂
يوسف:أنا خلا............
رهف:آسرررررر
فى اللحظة دى آسر كان وقع جامد على ضهره وأعلن الحكم ساعتها إن الجولة الأولى انتهت وكلهم كانوا زعلانين خالص عشان اللى حصل والحماس عندهم ابتدا يقل خالص.
فى الوقت ده آسر كان الدكتور بيفحصه وآسر الكبير ابتدا يشجعه تانى ويركزله على أماكن ونقاط ضعف تانية ممكن يركز عليها.
وابتدت الجولة الثانية
آسر وهو ينظر لهم جميعا:إيه يا جماعة وقفتوا تشجيع ليه.
رهف:خايفين يا آسر.
آسر: متخافوش ابنك هو اللى هيكسب يا رهف عيب ده أنا اللى مدربه بنفسى
رهف:إن شاءالله ه......
شذا مقاطعة إياها بصوت عالى:يلا يا جماعة واحد اتنين تلاتة....
يوسف:يلا أنا صحيت أهو.
شذا:متقاطعنيش تانى يا حيوان
يوسف:ضعى الخلافات جانبا يا شوشو.
شذا:طب يا أخويا واحد اتنين تلاتة يلا يا مصراوية
الكل:هى أهاااااااا
شذا:شدوا حيلكوا شوية
الكل:هى أهاااااااا
شذا:آسر آسر
الكل:يلا يا آسر.
شذا:مين اللي هيكسب.
الكل بقوة:آسر.
شذا:مين هياخد الكاس
الكل:آسر
شذا:مين هيطحن الواد
الكل:آسر
سليم بقوة مقاطعا شذا: يلا يا أسورررر انت اللى هتفوووز.
شذا:بس يلا متقاطعش تشجيعى.
سليم:أخويا وبشجعه ملكيش دعوة.
شذا: أمسكوا الحيوان ده.
صلاح: كفاية كده بقى خلونا نتفرج.
مى:فضايح إيڤرى وير
عمر وهو يمسك شذا من خصرها حتى لا تمسك سليم:اتهدى بقى لينا بيت نقطع بعض فيه.
شذا:لا منتاش شايفه بيبوظ تشجيعى.
ريم وهى ترمى عليهم فشار:بس بقى خلونا نتفرج.
شذا:خليكى فى كرشك يا أم كرش.
ريم وهى ترمى نفسها عليهم:بيييت متغلطيش فى كرشى دك شفص يشفصك
أحمد وهو يشد ريم:كلمة واحدة كمان وهطلقك.
ريم وهى تدفعه:عدى كده مش وقتك أما أروحلها أم سحلول دى.
أحمد: كفاية مشااااكل بقى.
كريم:الواد هيخسر منكم لله
سليم:خليك على جمب كده وأنا اللى هجيب حق أخويا.
شذا:كسر حقك يا حيوان.
سارة:براحة يا جماعة واحدة واحدة عشان القضايا اللى هتنزل ترف عليا واحدة واحدة
على مدندنا:طب واحدة واحدة وبلاش كل ده.
سارة بضيق:فايق انت والله.
على:أقولك إيه يعنى ما انتى عاوزة تعملى أى مصلحة وخلاص.
سارة بعصبية:رزق وجايلى أقول لأ.
نجلاء:بت انتى كفاية يا بوتوجاز.
سامى:دول اشعال ذاتى مش محتاجين توليع
وفاء:وانت أولهم يا عديم التربية
سامى بحنق:ليه بس كده يا ماما.
وفاء:ما تيجى تدينى قلمين أحسن.
سامى:مقصدش يا ما الله.
كريم: يا ناااااس لموا نفسكم بقى.
عمر:اتلميت واتكومت جمب الحيط يا أخوياااا وهو حد يجيب دول فى اى حتة يشجعوا
كريم وهو يلطم:متأخررر كلامك يا اخويا يا حظك المايل فى اللى جابوك يا كريم
توفيق:هو احنا جايبين معانا نسوان مطلقة ولا إيه.
كريم: كفاية إهانات بقى انا هبلغ عنكوا حقوق الإنسان
أيمن:وهو فين الإنسان ده مش شايفه😂
كريم:حقى عندك يا رب من دى عيلة.
مروان:حد يدينى الفون بتاعه يا جماعة.
سيف:عاوزه فى إيه
مروان:فيه بت هناك حلوة أوى مزة جامدة طحن عاوز أصورها.
سيف:ابن مين عديم التربية ده.
على مفتخرا:ابنى......هى فين ياض
مروان:أهى يا بابا
على:لا جامدة زوقك حلو زى أبوك
سارة وهى تخلع نعلها:صلى على رسول الله
على وهو يحضن مروان:إلحقوناااى هتغتالنى أنا وابنى.
وفاء: تستاهل يا ابن كوم شكاير اليهود انت والمتحرش ابنك
مى وهى بتتنطط:إديلو يا سو.
سيف:مى انتى اتهبلتى انتى ناسية إنك حامل.
مى: طيب بس متزعقليش كده.
سيف:حاضر....صبرنى يا رب
مى:انت بتاخدنى على قد عقلى ولا إيه
سيف:دى هرمونات بقى دى ولا إيه
مى:اه عندك مانع.....تعالى اما أعضك بقى.
سيف: جماعة إلحقونى
طبعا متخيلين كل واحد عمال بيشاكل مع اللى جمبه وصوتهم جايب آخر القاعة لدرجة إن الناس كلها أصلا مشيت بسببهم😂😂
فجأة العيلة التانية بتاعة الولد اللى بيلعب مع آسر راحوا يشاكلوا معاهم بسبب الصوت وإنهم مش عارفين يركزوا.
أم الولد:جرا إيه يا عيلة ملهاش أصل من فصل محناش عارفين نركز بسببكم.
ماجدة:مين الحرباية دى.
أم الولد:احترمى نفسك يا حاجة.
وفاء: هي مين دى اللى تحترم نفسها يا مقشفة انتى.أم الولد:لا ده انتوا كده عاوزين رجالة يردوا عليكم.
فريدة:وهما فين دول يا إدلعادى.
مى:يكونش قصدها شوالين البطاطس والحلتين المصديين اللى هناك دول.
أم الولد:لا ده انتوا كده زودتوها أوى أنا بقى هروح أندهلهم يوروكوا مقامكم.
نجلاء جاذبة إياها:تروحى فين يا حبيبتي هو دخول الحمام زى خروجه....نسواااان ابتدوا.
أمال:حلال الله أكبر.
محمد وهو ينظر من بعيد:دى كانت ست طيبة أوى الله يرحمها.
وفجأة وهما فى نص الشكلة لقوا آسر بينده عليهم فى المايك والقاعة كلها كانت فاضية والمباراة أصلا خلصت وهو كان أخد الكاس خلاص 😂😂
على:لا أنا مشفتش الحتة اللى هو طحن الواد فيها عيدها تانى.
أم الولد وهى تمشى بعرجان وشعرها واقف: كفاية اللى عملتوه فيا كل ده طحن مكفكوش.
ريم:امشى يا ولية من هنا بدل ما نكمل عليكى انتى وعيلة اللى جابوكى كلها.
أم الولد بخوف وهى تنادى زوجها:يلا يا سعد بسرعة دول مش ناس طبعيين أبدا يا ما يا ما خصوصا الولية اللى هناك دى(وشاورت على فريدة)
الكل قعدوا يضحكوا 😂😂وأخدوا آسر هو رافع الكاس ولفوا بيه النادى كله وسط فضايح مش لازم الواحد يقول عليها حرفيا البلد كلها صورتهم واتفرجت عليهم😂😂😂😂😂
..........................................................................................................
فى لوكيشن تصوير مذيعة قمر قاعدة قدام الكاميرا وبنت من فريق الإعداد بتعدلها المايك
المخرج:جاهزة يا مى
مى:إحم جاهزة.
المخرج:١ ٢ ٣ أكشن
مى بابتسامة:أهلا بيكم أعزائي المشاهدين أنا عودتكم دايما إن حلقات برنامج بيت العيلة كلها حلقات مليانة مفاجئات بس أنا مفاجئتى المرادى غير كل مرة عشان النهاردة هيكون آخر يوم في الموسم التانى ومش هشوفكم إلا بعد أجازة هتكون طويلة شوية
النهاردة أنا قررت مفرحش لوحدى أنا عاوزة أقولكم إنى حامل وهيكون عندى بيبى من أجمل بنى آدم فى الدنيا من أكتر حد أنا بحبه وبعشقه كمان
سيف أنا بحبك يا سيف وبعلنها قدام الدنيا دى كلها.
وعاوزة أقولكم أعزائي المشاهدين إنى بحبكم كلكم وعاوزة أقول لكل واحد حب عيلتك واتمسك بيهم محدش فى الدنيا هيحبك بجد وبصدق زيهم ممكن آه نختلف بس إختلافنا ده دايما قشرة مش حقيقى
كفاية تسمع صوت ضحكتهم وزعيقهم وشكلهم المهم إنهم كلهم موجودين حوالينا وبيحبونا وماليين الدنيا علينا بوجودهم جمبنا ووقفتهم معانا
وأحب اوجه شكرى وحبى للثلاثي المرح فى حياتى(ريم وعلى وكريم) بحبكم رغم إنكم متعبين أوى
وللناس العاقلة فى حياتى(لينا وعمر وأحيانا شذا)😂
وللناس الجامدين من بره المارشيملو من جوه(آسر وبابى وأونكل توفيق وأونكل صلاح)
واللى مفيش فى حنيتهم حد(مامى وأونكل محمد وطنط وفاء وطنط أمال)
والناس اللى شايلنهم للمواقف الصعبة(أونكل أشرف وحبيبة قلبى فيرى ولولة حبيبة الملايين)
ولأكتر واحد متفائل عرفته في حياتى(سامى)😂
واللى مستحمل كتير أبو الجدعنة (أحمد)
وأخيرا وليس آخرا الجيل التالت ثمرة حب العيلة دى وهما أحلى حاجة حصلت فى دنيتنا أصلا (چو الامير النائم ومروان وسليم مش هينفع اقول عشان احنا على الهوا ومالك ملك الدراما وآسر هولاكو رقم ٢ والرقة كلها توتة قلبى وحبيبة خالتو القمر حلا)
عاوزة أقولهم كلهم إنى بحبهم وربنا ما يحرمنى من لمتهم أبدا انتوا كل حياتى
وتصبحوا على خير يا أجمل مشاهدين فى الدنيا ودايما ملمومين فى بيت العيلة يا رب ❤️
بعد ما مى خلصت التصوير
كانت كل العيلة ملمومة ورا الكاميرا وبيصقفولها وبيشجعوها وهى راحت حضنتهم كلهم وقعدوا يتصوروا كتير أوى بس كانت أحلى صورة الصورة اللى لمتهم كلهم مع بعض
هى كانت تغفيلة مش صورة 😂بس المهم إنهم كلهم مع بعض
أشرف وهو يأخذ المايك من المخرج:جماعة انتبهوا
مى:ايوة يا أونكل
أشرف:بما إن العيلة هتزيد واحد وكده كده الڤيلا بتاعة عمكوا أيمن كتر خيرها استحملت كتير فأنا قررت أجبلكم بيت مخصوص للتجمع.
أحمد:بجد يا أونكل.
اشرف:أيوة بجد والعقد بتاعه اهو
أحمد وهو يأخذ الورقة منه وهو ينظر فيها
أحمد:ده القصر الكبير اللى جمبنا ده بجد يا أونكل.
أشرف:أيوة مفيش حاجه تغلى عليكوا
ريم:جماعة حضن جماعى لأونكل أشرف
أشرف:لااااااااا براحة براحة
الكل طلع يجرى عليه ووقعوه على ضهره وهما بيحضنوه😂
آسر:خفوا على أبوية شوية وركزوا معايا كده😂😂
عمر:إيه يا عم هولاكو
آسر: ههههههههه 😂 عندى ليكوا مفاجأة
الكل:هاااااااا
آسر:حجزتلنا كلنا شهر فى اسكندرية زى ما الولاد كانوا عاوزين.
الولاد:هاااىىىىىىىى
آسر:فين الحضن بتاعى
الولاد كلهم طلعوا يجروا عليه ويحضنوه
وبعد كده كلهم قرروا يروحوا يعملوا سيشن وياخدوا صور كتير عشان تكون ذكرى حلوة ليهم لليوم الحلو ده
وآخر صورة أخدوها مكنتش صورة دى تحسوها بتتكلم من كتر المشاعر اللى فيها
كان صلاح وتوفيق ومحمد وأشرف وأيمن واقفين ورا وكل واحد حاضن زوجته.
وآسر شايل تالين وبيبص لليلى بكل حب
وأحمد حاطط جبينه على جبين ريم وبينهم حلا.
وعمر شايل مالك على كتفه شذا بتبص على مالك.
كريم بقى كان عامل زى اللى بيسترض عضلاته هو وآسر ابنه قصاد بعض ورهف شايلة سليم وبتبص عليهم وبتضحك.
لينا بقى طالعة فى الصورة كإنها بتصحى يوسف وهو عنيه مغمضة وراكن عليها وسامى حاطط إيده على وشه بيأس منها
مى بقى كانت حاطة إيدها على بطنها وسيف حاضنها من ضهرها بحب.
فى صورة كلها ضحك ولعب وجد وحب ❤️
مع ناس عيشنا معاهم كل المشاعر الجميلة والمحزنة والصعبة والمضحكة بس أهم حاجة إنها انتهت فى قمة السعادة.
وإلى هنا تنتهى قصتنا ❤️
وأتمنى أشوفكم على خير فى مغامرة جديدة
❤️❤️❤️❤️❤️❤️❤️❤️❤️❤️❤️