إلحقونا إحنا مخطوفين 🏃😅

راجعين يا هوى ١🤭

بعد ما الكل جهز نفسه كويس وبقوا ملثمين وشايلين أسلحة وقنابل وسكاكين وحاجات تانيه عشان يقدروا يواجهوا أى حاجة فتحوا الباب
الحراس اللى على الباب كانوا ستة طبعا بسهولة خلصوا عليهم لسببين اولا لإنهم أكتر منهم ثانيا عشان أخدوهم على خوانة.
آسر: دلوقتى أنا وأحمد وسيف هنطلع الجناح اللى فوق أكيد كمال موجود فيه.
سارة:لا يا آسر كمال موجود هنا في الأوضة اللى بتطل فى الجنينة.
آسر:تمام يا سارة......شذا وعمر وانتوا يا سارة ومعاكوا سامى هتطلعوا الدور اللى فوق.
كريم:طيب وإيه لزمته الدور اللى فوق يا آسر هى أى بهدلة وخلاص.
آسر:انت هتطلع معاهم
كريم:لأ.
آسر: يبقى تسكت خالص......ومع ذلك هجاوبك بص احنا دلوقتي لما هنقتحم ونواجهه هينده لرجالته اللى فوق واللى موجودين معاه في الأوضة واللى فى الجنينة واللى على البوابة يبقى احنا مهمتنا نخلص عليهم الأول عشان نفضالوا فهمت.
كريم:مش عارف يمكن فهمت.
ليلى:هو إيه اللى يمكن هو يا فهمت يا مفهمتش إيه ده.
عمر:سيبيه يا ليلى ده شكل الأكل كتم على نفوخه.
ليلى:ده لو كان ليه نافوخ أساسا.
كريم بابتسامة عريضة: موشكرين يا ولاد.
عمر:شوفتى أديه مش فاهم إنه بيتهزق كمان هيفهم إن فيه خطة.
شذا: ههههههههه 😂😂 على رأيك يا عمر.
كريم:لا انا بفهم بس بحب أستعبط بتبسط أكتر.
شذا:أيوة اتبسط انت واجلطنا.
آسر:احنا وقفنا لفين حد يفكرنى عشان نسيت بسبب الغبى ده.
ريم:انت ليه محسسنا إننا في لجنة الامتحان متخف علينا شوية يا عم هولاكو.
على: ده شوية كده وهيقول خمس دقايق وهنلم الورق.
ماجدة:صدقوا بالله انتوا التلاتة ما اتربيتوا أنا معرفتش أربى.
على:قصدك على مين بالظبط يا طنط أصل اللى متربوش هنا كتير.
ماجدة:قصدى عليك انت وكريم والبغلة اللى اسمها ريم.
ريم:أنا مش زعلانة عادى.
أحمد:قصدك انك اتعودتى ومبقاش عندك دم صح.
ريم: بالظبط كده اكتسبت كلاحة ومناحة.
فريدة:يا رب طلعنا من هنا على خير ده الخطف كوم والثلاثى المرح دول كوم تانى.
سيف: عشان تعرفى إن ابنك ملاك
فريدة:متخدش فى نفسك أوى كده ده انت كلك على بعض غلط.
سيف:أنا غلطان إنى ابن عاقل محترم مش بتعبك.
فريدة:لهو انت تسجر تتعبنى ياض يا ابن الوارمة.
سيف:لأ طبعا يا فيرى ده أنا بضحك معاكى.
مى:أيوة كده إديلوا يا فيرى.
فريدة:معلش يا آسر عطلناك كمل أصلى كنت بربيه ابن الجزمة ده.
آسر:ولا يهمك يا طنط ده واجب برده 😂
نجلاء:بقولك يا آسر
آسر بانتباه:أيوة يا طنط
نجلاء:بص أنا مش عاوزاك تركز إلا على الناس اللى فى الجنينة لإن دول اللى جوه الدايرة واحنا هنتوزع على الدور اللى فوق والبوابة اللى ورا.
آسر:أيوة واللى واقفين على البوابة الرئيسية
شذا:عنده حق يا طنط ما هو ده المخرج بتاعنا.
نجلاء:لأ اللى بره دول عمك محمد مظبطهم متقلقش منهم.
عمر:طيب ما ييجوا يهجموا معانا.
شذا:لا يا ذكى وجودهم بره ضرورى عشان نضمن إن كمال ده ميهربش من إيدينا.
عمر: سبحان الله طلعتى بتفهمى.
شذا بثقة: طبعا أومال فاكرنى زيك انت والعقربة اللى انت خاطبها.
عمر:بقى نور الجميلة اللى تقول القمر قوم وأنا أقعد مكانك عقربة
شذا بغيرة واضحة:قصدك ضلمة مش نور مش عارفه بتحبها على إيه دى.
ريم بغمزة لعمر:وانتى مالك كده يا شوشو مضايقة البنت عاجباه مش كده يا عمر
عمر:كده طبعا
شذا:إولع انت وهى
عمر بابتسامة مستفزة:أعصابك يا ماما اهدى
شذا بعصبية:متقوليش يا ماما ومتقوليش اهدى ومتكلمنيش خالص سامع
كريم: والله ما هيودينا فى داهية غيركوا اهدوا بقى عاوزين نطلع من هنا.
ليلى:بقوا هما اللى هيودونا فى داهية برده.
كريم:أومال أنا مثلا.
ليلى:لا أبدا ده انت فلة شمعة منورة.
ماجدة:ركزوا كده يا ولاد وبطلوا بقى أنا تعبت وعاوزة أروح
مى:وانتى فكرك يا مامى إننا هنروح طول ما معانا على وريم وكريم.
سامى:وأنا وأنا
مى:والبلوة ده كمان.
ماجدة:يمكن ربنا قادر على كل شئ يا بنتى.
آسر:تمام استعنا على الشقا بالله.
آسر أخد أحمد وسيف معاه وطلعوا ناحية الجنينة.
الأمهات وريم ومى وسامى وعلى طلعوا الدور اللى فوق.
أما بقى كريم وعمر وشذا ولينا وليلى وسارة اتجهوا ناحية البوابة الرئيسية عشان يطلعوا منها ويلفوا ورا القصر للبوابة الخلفية.
........................................................................................................
فى غرفة كمال
مكنش فيه غير كمال فى الأوضةبعد ما طلع كل رجالته عشان يكونوا موجودين في المحيط اللى حواليه عشان يحموه خصوصا بعد ما عرف إن اللى خاطفهم وصلوا لغرفة السلاح ودى كارثة بالنسباله.
كانوا متربطين قدامه على الكراسى ومتعورين
وعلى بقهم البلاستر وهو واقف قدامهم ماسك سلاحه وبيبصله بغموض.
كمال وهو يتحدث إليهم:مكنتش أعرف إن النهاية هتيجى بسرعة كده
انتوا اللى استعجلتوا أنا كنت ناوى أخطفهم عشان أجيبكم بس لحد هنا وأنتقم منكم انتوا
لكن الظاهر إنكوا عيلة مترابطة أوى عاوزين تعيشوا كلكوا مع بعض وتموتوا برده كلكوا مع بعض.
توفيق بضيق:ههمممممم
كمال ضاحكا: ههههههههه ههههههههه صعبانين عليا أوى.
أيمن وهو يحاول التحرك:ههمممممم
كمال متوجها ناحيته:لا لا مش عاوزك تتعصب كده اهدى عشان لسه الليلة مبتدتش.
صلاح بصله بتحدى وغيظ راح كمال مقرب من وشه وماسك دماغه مرجعها لورا وخابطها فى الكرسى وراح سايبه.
محمد بنظرة عصبية وغيظ:ههههمممممم
كمال نازعا اللاصق بقوة من على فمه:إيه عاوز إيه استنى على رزقك متبقاش مستعجل على موتك كده.
محمد بعصبية ووجه أحمر:صدقنى انت اللى هتموت محدش هيموت غيرك النهاردة يا كمال.
كمال موجها المسدس ناحية عنقه:إوعى تفتكر إنى هسكتلكم زى زمان ده انت بتحلم إيه رأيك بقى إنى هقتل ولادك واحد واحد قدامك وبعدين أخليك انت بنفسك اللى تخلص على صحاب عمرك دول.
محمد:يا جبااااان يا مجنون
كمال ضاحكا بشر: ههههههههه ههههههههه مش دخلتونى المصحة مرتين يبقى ليس على المجنون حرج واستحمل بقى اللى المجنون ده هيعمله فيكم.
محمد:احنا دخلناك عشان تكون بنى آدم لكن الظاهر انك حيوان وغبى وعمرك ما هتتعلم من أخطائك صدقنى هتروح فى داهية
كمال:أنا عاوز أروح فى داهية بس بعد ما أنتقم منكم.
محمد:انت كده بتنتقم من نفسك وهتندم على كل اللى بتعمله ده.
كمال مقتربا منه:أنا عمرى ما هندم وعمرى ما ندمت على أى حاجة عملتها قبل كده ولما اتهجمت زمان على ماجدة كنت في وعيى ولما حاولت أضركوا فى شغلكم وأوديكم فى داهية كنت في وعيى ودلوقتي كمان أنا فى وعيى وأنا بدخل مخدرات البلد وبشتغل مع منظمة بتهدد مصالح البلد وكل ده ميهمنيش قد ما يهمنى إنى أموتكم انتوا الأربعة انتوا وولادكم.
محمد بثقة:مش هتقدر.
كمال ضاحكا: ههههههههه هنشوف.
بعدها كمال مسك الفون بتاعه وكلم حد عشان يجبله سلاح وأنواع سم معينة وطيارة هليكوبتر طبعا هو بيأمن نفسه عشان يعرف يهرب فى أى وقت.
محمد:انت فاكر نفسك بالطريقة دى هتعرف تهرب مننا انسى
كمال مداريا خطته:وهو انت فاكر إنى كده بهرب
أنا لو عاوز أهرب كنت عملت كده من زمان.
محمد:أومال عاوز الهليكوبتر فى إيه.
كمال:انت مسمعتش كويس ولا إيه اصحى ده أنا جايب فيها سلاح وترياق سم
محمد مستهزئا:اه ده اللى هتنتحر بيه فى الآخر.
كمال مقتربا من وجهه بغضب:لا وانت الصادق ده اللى هموتك انت وعيالك بيه.
محمد:انت قاعد تهدد من ساعتها وأنا مشفتش حاجة يعنى.
كمال ضاحكا:هتشوف متستعجلش فات رجالتى دلوقتى بيخلصوا عليهم.
محمد:هموتك يا كمال هموتك
كمال ضاحكا بصوت عالى: ههههههههه ضحكتنى بس متخفش كده أنا موصيهم يجيبوهم هنا أحياء عشان نتسلى كلنا مع بعض أصل الحاجات دي بتحب اللمة.
وبعدين قرب من وش أيمن وشال من على بقه اللزق بقوة
كمال: خصوصا بقى مدام ماجدة أصلها وحشتنى أوى ونفسى أعيد الامجاد معاها ههههههههه.
تفل أيمن فى وشه (تف عليه يعنى)
كمال ماسحا وجهه بالمنديل:ينفع كده وأنا اللى محضرلك انت والمدام مفاجأة فى الآخر
بس شوف أنا مش زعلان منك تعرف انت صعبان عليا أوى وانت مربوط كده ومفيش حاجه في إيدك تعملها ههههههههه ههههههههه
أيمن:هشرب من دمك هخليك تتمنى الموت ومش هطوله كله إلا مراتى وولادى كلهم أقسم بالله لو جرالهم حاجة لهوريك الجحيم اللى عمرك ما شوفته.
كمال بتجاهل:كلها كام دقيقة وهنشوف إيه اللى هيحصل لما رجالتى يجيبوهم هنا.
أيمن بغضب:مش هتقدر تعمل معاهم حاجة
كمال ضاحكا بشر: ههههههههه.
.........................................................................................................
فى نفس الوقت ده كريم وعمر وشذا ولينا وليلى وسارة اتجهوا ناحية البوابة الرئيسية وخرجوا منها عادى قدام الجارادات عشان دول متظبطين معانا ولفوا للبوابة الخلفية كانوا واقفين ورا فى الزاوية والحيطة مدارياهم وبيستعدوا عشان الهجوم.
عمر:يلا يا جماعة مستعدين.
لينا:اه اتكلنا على الله
ليلى:أيوة يلا بينا يا عمر
كريم: ثانية معلش هو ايه اللي مستعدين ويلا يا عمر حد يجاوبنى بس الأول ليه التلات تيران بهيئة بنى آدمين اللى واقفين على البوابة دول ميجوش يساعدونا.
شذا:ييييه ما قولنالك ميت مليون مرة عشان لو كمال ده فكر يهرب يكونوا مأمنين المكان ده بحيث ميعرفش يهرب منه.
كريم واضعا يديه فى وسطه: يا سلام يا أختى وانتى فكرك ده لو عاوز يهرب هيطلع من البوابة عادى ده قتال قتلة.
شذا:ردى انتى عليه يا سارة أنا هتشل.
سارة:يا ابنى احنا مهمتنا نأمن كل المداخل والمخارج أومال احنا بنعمل عند البوابة اللى ورا دى إيه دلوقتى.
كريم:اه صدقى صح.
عمر: والله انت ملكش إلا آسر هو كان هيظبطك.
لينا:طب إيه مش يلا بينا.
كريم: ثانية بس يا حاجة مش نتشاهد الأول.
لينا ممسكة ياقته بعنف:ولا أنا زهقت منك يلا وقسما بالله لو ما اتعدلت يا كريم لأزقك الوقتى قدامهم وأسيبهم يقطعوا فيك ونمشى ونسيبك إيه رأيك بقى.
كريم بتوتر:وهو فى رأى بعد رأيك يا كبيرة.
ليلى:أيوة كده عاش يا لينا.
عمر:كل واحد يظبط نفسه ويأمن على سلاحه... كريم جبت الحبال معاك
كريم:أيوة فى الشنطة معايا.
عمر:تمام.
عمر وقف يظبط نفسه ويأمن على سلاحه وهو لابس سديرى شكله شبه بتاع الجيش وكان لابس أصلا بنطلون باجى اسود وعمال يتأكد من اللاسلكى ولا كإنه ظابط بجد بس فيه واحدة كده كانت سرحانة فيه ومش مركزة خالص لا دى سرحانة فى كل تفصيلة فيه شعره عنيه طريقته.
شذا بابتسامة بلهاء فى نفسها:إيه ده هو حلو النهاردة أوى كده ليه يخربيت كده يا بختك يا نور هتاخدى كتلة الجمال دى كلها لوحدك لا لا لا ده كده بقى خطر
فوقى يا شذا(بصوت عالى)
كله راح باصصلها باستغراب.
ليلى:انتى اتجننتى يا بت بتكلمى نفسك.
شذا ببلاهة:ها لا مفيش مفيش حاجه.
كريم:عشان تعرفوا بس إنى مش عبيط لوحدى.
سارة:انت تسكت خالص منسمعش صوتك أصلا.
عمر:أيوة هتجننلنا البت اللى حيلتنا مفيش غيرك هيجننها.
شذا لعمر:بقى أنا مجنونة يا عمر
عمر:أنا مقلتش كده
شذا:لا قولت قولت إنى مجنونة وإنى بت
لينا:أومال انتى واد....مالك كده يا شذا.
شذا بارتباك:مش عارفه...بس....هو كده وخلاص.
لينا:منك لله يا كريم البت اتهبلت على إيدك.
كريم:وأنا مالى يا أختى هى اللى مبتسمة وسرحانة من الصبح وبتقول كلام مش مفهوم كل ما تكلم عمر بتجيبوها فيا أنا ليه.
شذا:أنا...أنا سرحانة فى عمر ومبتسمة.
ساره بخبث:هو مقالش سرحانة فى عمر بالذات.
شذا بارتباك: اه اه طبعا أكيد..... وبعدين هسرح فيه ليه ده أنا بس عشان...عش...
عمر بابتسامة جذابة: عشان المهمة مش كده.
شذا بحرج:أيوة بالظبط كده
ليلى ناظرة لشذا بينما يضحك الجميع:ماشى هنعديها.
شذا:ها.....يلا شوف....شوفوا هنعمل ايه.
سارة:استنوا أما نشوف كده.....دول أربعة.
كريم:صلاة النبى أحسن.....وإيه كمان.
سارة:إيه يا كريم هو انت كل ما هنقلك حاجة هتولول.
كريم:ما تسيبونى أولول براحتى وانتوا مالكم إيه الحشرة دى.
عمر:لم نفسك ياض
كريم:لمينا يا أخويا هنعمل ايه بقى يا قائد.
عمر:حلوة قائد دى عجبتنى.
ليلى: ههههههههه لازم تعجبك ما هو بيطبلك.
عمر:لا هو بيقول الحقيقة مش كده يا كيمو.
كريم بزهق:أيوة يا سيدى بقول الزفت الحقيقة مش لابسلنا زى بتوع الجيش وعمال تدينا فى أوامر من الصبح.
عمر: والله ما أنا عارف أكافئك ولا أديك بالجزمة ولا أعمل في شكلك إيه.
لينا:متعملوش حاجة يا عمر سيبه كده زى ما هو لحسن ده اللى هيودينا فى داهية والله.
كريم: توشكرى
لينا بسماجة:العفو.
ليلى:شذا.....هاى...شذا
شذا بسرحان:ها.
ليلى:ها إيه سرحانة تانى فى إيه كده.
شذا:لا ولا حاجة....أنا سرحانة لا أبدا أنا مركزة أهو.
عمر:لا والله مركزة.
شذا بهيام:اه مركزة أوى
عمر:نعم
شذا بجدية:قصدى يعنى بفكر في خطوتنا الجاية ومركزة فيها طبعا.
لينا بشك:اه إذا كان كده ماشى.
شذا فى نفسها: الله يخربيتى إيه اللى بيحصلى ده منك لله يا عمر.
عمر: دلوقتى شايفين الأربعة دول.
سارة:أيوة يا عمر
عمر:اللى لابس اسود ده من نصيبى والتانى اللى جمبه ده من نصيب كريم والباقى انتوا عارفينه يا بنات مش كده.
البنات:أيوة يا عمر.
كريم:لامؤاخذة يا عم الناس يا دولة
عمر بزهق:اتنيل اقرفنى.
كريم:انت عاوزنى لوحدى أهجم على البغل الأفريقى اللى هناك ده
عمر:أيوة.
كريم:انت بتستعبط يا عمر انت مش شايفه ده أطول من البوابة اللى واقف يحرسها.
لينا:وإيه يعنى يا سى زفت
كريم:إيه يعنى إيه هنتعجن يا ست لينا هيموتونا.
سارة:أومال فاكر نفسك جاى تلعب.
كريم واضعا يديه على رأسه:يا ريت يا أختى آجى ألعب هو أنا طايل.
شذا: كريم بط.........
كريم:انتى هتطحنى مكانى.
شذا: ههههههههه لأ.
كريم:يبقى مسمعش صوتك خالص.
ليلى:احنا مش هنخلص بقى ولا إيه فى سنتك اللى مش معدية دى.
كريم:طيب أنا هقولكم فكرة أنا هعد أستناكوا هنا عشان اللى يطلع مدشدش أجبسه إيه رأيكم.
عمر ممسكا إياه من ياقته:إيه رأيك انت تفز تقوم من مكانك بدل ما أكسرك وأموتك ومتلاقيش حد يدفنك
كريم واقفا:قومت يا أخويا ربنا على الظالم والمفترى.
لينا: بتدعى علينا يا أبو كرش انت معانا ولا معاهم ياض.
كريم: مش فارقة يا أختى معاكم ولا معاهم كده كده هتطحن.
عمر:طيب يا أخويا استعد بقى عشان هنهجم.
كريم ممسكا سلاحه:استعدينا.
كلهم استعدوا بس عمر كان حاطط ليلى وشذا قدام وهو وكريم ولينا وسارة وراهم عشان كل واحد ليه دور.
أحد الحراس:إيه ده انتوا بتعملوا إيه هنا.
الثانى:جيتوا للموت برجليكم.
عمر ناظرا لليلى وشذا:بنات يلا.
شذا وليلى راحوا راميين بسرعة قنبلتين مسيلين للدموع والكل راح منزل الماسك بتاعه على وشه والحراس الأربعة فضلوا يكحوا ويدمعوا ومكانوش شايفين حاجة أصلا
شذا:يلا يا عمر انت وكريم
عمر:تمام.
عمر هجم بسرعة على واحد فيهم وغزوا بسن عليه مخدر راح واقع.
سارة:عمر إلحق التانى جى من وراك.
عمر لف بسرعة وضربه بالبوكس فى وشه بس الراجل راح ماسك عمر من لياقته وضاربه فى وشه وبق عمر جاب دم
فشذا طلعت تجرى عليه لكن فى الوقت ده كريم كان جه من ورا الراجل ده وغزو فى رقابته بالمخدر.
لينا بقى اتعاملت مع واحد فيهم وإدته برجليها فى وشذا تقريبا ٦مرات ورا بعض لغاية أما فقد وعيه خالص.
وفى وسط كل ده كانت ليلى راكبة على أكتاف واحد وسارة ماسكة فى رجليه ومش قادرين عليه
ليلى:إلحقنا يا كريم.
كريم:أنا مش شايف حاجه من الغاز انتوا فين.
سارة:احنا قدامك يا غبى.
كريم: وعاوزين إيه.
ليلى: عاوزين سلامتك.
كريم: الله يسلمك
سارة:انجز يا حيوان هنبقى كفتة.
كريم:كفتة.......طب أنا جاى.
ليلى وهى تصارع:يخربيته مجبوش إلا كرشه.
سارة بصعوبة:ش....شذا و..عمر فين.
كريم وهو يمسك الرجل من خصره:تتحرق شذا على عمر الوقتى هو البغل ده مبيموتش ليه.
ليلى ركلته وهى فوق أكتاف الرجل:تتحرق انت وكرشك متقولش كده على أخويا وبنت عمى.
ساره وهى تحاول إحكام قبضتها على قدمى الرجل:وهو ده وقته أصواااات.
كريم:متص.....متصوتى يا أختى هتلاقي موقف أحسن من كده تصوتى فيه فين.
سارة:حيث كده يالااااااااهوى إلحقنا يا عمر.
عمر كان قريب منهم ويادوب شايفهم بالعافية من الغاز
طلع على السور اللى الراجل ده ساند عليه وجه من عند دراعه وراح غزه بالمخدر راح واقع على الأرض ووقعت معاه ليلى وسارة وكريم.
كريم متوجعا:آه اه يا دماغى.
سارة متألمة:اه ده المكان الصح اللى المفروض يبقى واجعك من زمان يا كريم.
ليلى بألم: ههههههههه والله ما قادرة بس بصراحة انتى عندك حق الواد ده فيوزاته ضاربة.
كريم واقفا: بتتريقوا على أحزانى وأوجاعى أنا غلطان أصلا إنى جيت أنقذكم.
لينا قادمة من ورائهم:مشوفتكش يعنى أنقذتهم ولا حاجة.
كريم: طبعا ليكى حق وأنا آجى جمبك إيه ما انتى اديتى للراجل فى وشه وقع في الأرض مقامش تانى.
لينا: الله أكبر فى وشك حسود حقود.
كريم:أنا حقود وحسود
شذا متدخلة فى الحوار:وأهبل كمان بقى رايح تمسك الراجل من وسطه إيه هتخطبه.
كريم:أحسن يا أختى من اللى جرت بسرعة البرق على البطل الهمام وقلبها بيهفف عشان تطمن عليه.
شذا بعصبية:احترم نفسك يا كريم.
عمر بابتسامة:ويحترم نفسه ليه ده الواد كيمو ده بيقول كلام لوز العنب.
شذا باستغراب:أفندم
عمر:ولا حاجة بمدح فى كلام كريم عندك مانع.
شذا بتكبر:تمدحه تشويه تولع فيه ميخصنيش أصلا.
عمر باستفزاز:كويس برده خليكى انتى بره الليلة دى.
شذا ضاربة إياه فى معدته:رخم.
لينا:احم نحن هنا مش وقته.
شذا بعصبية:مش وقت إيه انتوا كلكوا اتجننتوا.
لينا:حقك عليا يا زفتة وانت يا عمر انت وكريم اسكتوا بقى معتوش تستفزوها.
سارة بابتسامة: والله أنا شايفة كريم بيتكلم صح دى مشفتش نفسها وهى بتجرى عليه ههههههههه 😂
شذا بنظرة غيط لسارة: وبعدين
ساره:احم احم أنا أقصد يعنى إنها خافت عليه زى ما هى خايفة علينا كلنا مش كده يا ليلى برده.
ليلى: ههههههههه اه طبعا
عمر:أنا بقول كفاية لطافة لحد كده.
ليلى بغمزة:اه طبعا يا عمور
شذا بصوت واطى لكن سمعه الجميع:دى كانت حاجة منيلة بنيلة لما جريت عليه.
عمر بابتسامة: ههههههههه ههههههههه 😂
شذا:يييييه
لينا: خلاص بقى يا ولاد أنا عارفة مش هنخلص النهاردة.
ثم وجهت نظرها لكريم: كريم معاك الحبال.
كريم:حبال إيه.
لينا:يا ابنى ركز الحبال اللى هنربطهم بيها
كريم:اه اه معايا
سارة:طب يلا بقى عشان قبل ما يصحوا من المخدر.
كريم فتح الشنطة وقعد يدور فيها ويطلع حاجات ويرميها وهو بيتكلم مع نفسه.
كريم:دى السندوتشات وده الشيبسى وده ربع الجبنة اللى خبيته من على.....وده...
ثم أمسك كيس أسود فى يده:وده إيه ده....يلا مش مهم.
عمر:انجز يا ابنى مفعول المخدر هيخلص.
كريم:انتظر.
عمر:إيه
كريم:اتبط.
سارة:بيقول إيه ده
كريم مناولا لينا البانيه وناظرا داخل حقيبته:خدى دى
لينا:إلحقوا ده جايب بانيه.
شذا:وده كان هيحمره فين ده.
سارة: داهية ليكون جايب مكرونة معاه والله أزعل لو مجبهاش.
كريم: لا جبتها متخفيش بسwait wait
شذا:هطلعلنا الحبال امتى يا عم الساحر.
ليلى:أنا صعبانة عليا الشنطة دى جدا والله حسبى الله.
كريم حادفا باتيه فى وجه عمر:أهو لقيت الحبال.
عمر هاجما عليه:بتحدف عليا إيه كده ياض.
ليلى: خلاص بقى يا عمر خلينا نخلص.
عمر بزهق:حاضر.
كلهم ابتدوا يربطوا الجاردات بالحبال كويس جدا وكله كان ماشى تمام لحد أما............
...........................................................................................................
ياترى إيه اللى هيحصلهم؟
ويا ترى حصل إيه مع آسر والبقية؟
بنات خبر سار تقريبا لسالى بارتين وأخلص الرواية ونرتاح من كريم وعمايله 😂😂😂