نيجى فى البداية كده عند ماهر لما دخل عليهم هو وشذا ورجالتهم
ماهر:هاتوهم
شذا ناظرة بعدم اهتمام: يلا ورانا
ريم والحارس مقيدها: سيبونى عليها المقشفة دى
مى: إخرسى أما نشوف هيعملوا فينا إيه تانى
أحمد: متفوكنا كده يا عم ماهر وورينا نفسك
ماهر : أنا لولا الأوامر اللى عندى مكنتش هسيبك حى أصلا بس للأسف انتوا مدفوع فيكوا فلوس كتير
لينا:طيب يا أخويا بدام مدفوع فينا كتير كده كنتوا جيبولنا أكل نضيف ولبس كويس بدل الحاجات المقشفة اللى شبهكوا دى 😂
سامى: دا انتوا لو خاطفين فراخ مش هتعملوا فيهم كده
سيف:منك لله يا سامى كل ما بتتكلم بتجبلنا النحس
سامى: هو إيه اللى حصل بس علشان تقولوا إنى نحس الله
أحمد راكلا إياه بقدمه: وانت عاوز إيه يحصل أكتر من كده عشان تعرف إنك نحس
لينا: بومة
سامى: حتى انتى كمان
ريم: عمو الحارس.......عمو الحارس.......يوووووه انت يا بنى آدم
الحارس ممسكاً يديها: أيوة
ريم: واخدنا على فين كده
شذا: واخدنكوا يا حلوة على الجنينة اللى ورا هنتسلى شوية ههههههههه
ريم: وانتى مال أمك يا معفنة انتى هو أنا سألتك
مى: وبعدين إيه هتتسلوا دى
ريم: منك لله يا سامى
أحمد:حصل ربنا يهدك
سيف:أنا مش عارف هيعملوا فينا إيه تانى
سامى: هيعذبونا فى الجنينة باين
ماهر: شاطر عرفتها إزاى لوحدك........أول مرة أتفق معاكم على حاجة هو شؤم فعلا 😂
سيف:شوفت حتى قتالين القتلة اعترفوا إنك شؤم
لينا:استرها علينا يارب
وبعد مطلعوا الجنينة اللى كانت شمس وحر جدا على الساعة ٩ الضهر كده لقوا سجاجيد على الأرض وخراطيم ميه ومسحوق وفرش فاستغربوا جدا
شذا: إيه متنحين ليه ابدأوا الشغل يلا
مى: شغل إيه
ماهر:أفهمكوا إحنا قولنا نتسلى كده على ما تجيلنا الأوامر الجديدة من البوص
لينا: دى فقرة جديدة من عندكوا يعنى
ماهر:اه زى ما انتى شايفة
ريم:قد إيه انتوا واطيين وبتضيفوا للخطف علم جديد يا أخ ماهر
ماهر:توشكرى...... ابدأوا
أحمد بغضب: انت بتستعبط يا روح امك
شذا مقتربة منه: لا لا إهدى كده انتوا متحاصرين من كل حتة شوف دول كده دول قناصين وبص فوقك كده هتلاقي هيلكوبتر دا غير الجاردات اللى هناك دول
شذا لامسة لشفاه أحمد: فمتغلطش عشان متوديش نفسك فى داهية يا حلو
ريم فجأة جرت على شذا ووقعتها على الأرض وعضتها من خدها وقعدت على ضهرها وشدت شعرها: جرا إيه يا ولية متحترمى نفسك كله الا أحمد خط أحمر يا حبيبتي
ومقمتش غير لما اتنين حراس جم شالوها من عليها
ريم: سيبونى عليها بنت الفلطوس دى
أحمد مطبطبا عليها: جدعة يا قلبى أومال أنا بحبك ليه
ريم بغضب: انت تخرس خالص
مى: ليه كده يا بنتى هو عملك إيه
ريم: مستمتع انت أوى يا أخويا وهى بتمد إيدها عليك
أحمد:أنا. والله ما عملت حاجه
سيف: صعبان عليا يا ابنى والله 😂
لينا:مفترية ريم أوى مش كفاية اللى عملتوا فى الحرباية دى
سامى ناظرا لماهر اللذى يحاول مساعدة شذا: أهى الحرباية دى هتورينا الويل إحنا مخطوفين يا جدعان
شذا متوجعة: صح الشئ ده بيتكلم صح أنا هوريكوا الويل
ريم: منك لله يا سامى يا ابن أم سامى مبنشوفش الويل إلا بسببك
أحمد ضاربا إياه على قفاه: أنا خايف ينطق كلمة كمان نتحرق وإحنا واقفين
مى: دا اللى ناقص والله
المهم كل واحد فيهم اترمالوا سجادة وفرشة ومسحوق وحواليهم خراطيم الميه وكل واحد موطى على سجادته ومشمر بطلونه وشغال تنضيف 😂وشذا وماهر قاعدين يتفرجوا ويضحكوا
ريم وهى بتدعك: أنا مش عاجبنى الفرشة دى أنا عاوزة فيشة بياط
راح احمد ضاربها على قفاها: اشتغلى يا ختى وانتى ساكتة
مى: سيف ساعدنى فى الحتة دى مش راضية تنضف
سيف:سيبينى فى حالى بدل ما أطلقك أنا فيا اللى مكفينى
مى واضعة يديها فى خصرها وهى مليئة بالصابون وشعرها أيضا: مخطوف يعنى لوحدك ما إحنا منيلين زيك ولو كنت فاكر إنك هتهددنى بالطلاق فأنا هخلعك يا ابن طنط فريدة
سيف راششا بوجهها الماء: انتى بتهددينى يا متوترة انتى
مى دلقت عليه صابون فاتزحلق: أيوة بهددك وأحسن ان انت اتزحلقت ها
سيف: معتيش تكلمينى أنا مخاصمك
مى: وأنا كمان خاصم خاصم
لينا: مخاصماك وابعد عني أنا مش طايقاك
سامى:وأنا مالى أنا يا لمبى
أحمد: دى الأغنية يا جاهل
سامى:اه افتكرتها مخاصمانى بجد
لينا: روقى بقى يا مى يعنى هيحصلنا إيه أكتر من كده
سامى: الله أعلم يمكن عاينين شوية مواعين على ستاير على حاجات من دى
لينا معرقلة إياه فوقع في الصابون: إرحم نفسك توقعات بقى أنا حاسة إنهم هيشنقونا المرة الجاية بسببك
سيف: ميوش متزعليش أنا بهزر معاكى إن شاءالله سامى يتزحلق يا رب لو مصالحتنيش
مى: ههههههههه خلاص مش زعلانة منك يا روحى.......بس خد دى
حدفت مى فى وشه ميه بصابون ضاحكة
سيف: ليه كده بس 😂
أحمد: علشان تبقوا خالصين
سامى:ارجعوا للشغل تانى البومة جاية
أحمد منظفا بالفرشة:جرحونى وقفلوا الأجزاخات لا قالولى إزيك ولا سلامات
لينا:حسبى الله إمتى هنخلص من الهم ده
مى: الله أعلم يا ختى
سامى: بصوا بصوا دول بيتخانقوا مع بعض الله أكبر
ريم:إلهى يولعوا إعملوا نفسكوا بتشتغلوا بس خاللوا بالكوا من اللى بيحصل
وعند شذا وماهر
ماهر ممسكا شعرها: انتى روحتى وقابلتيه مش قايلك قبل كده تقطعى علاقتك بيه نهائى
شذا:اه.....انت عرفت منين انت بتراقبنى
ماهر: طبعا انتى خلاص بقيتى كارت محروق ومعدلكيش لازمة
شذا: يعنى إيه....اه سيب شعرى
ماهر تركها: يعنى معدلكيش لازمة معايا وانسى انك كنتى تعرفينى بدام روحتيله وإخفى من قدامى بدل ما أخفيكى من الوجود كله
شذا: فلوسى يا ماهر وبعدين أمشى
ماهر: فلوس إيه يا أم فلوسى ابقى خدى فلوسك منه
شذا ضاربة إياه فى صدره: انت حقير ومعندكش قلب
ماهر ضاربا إياها كف: قلبى دا أنا حبيتك بيه بس انتى زبالة ورخيصة روحتى جريتى وراه
شذا: هتندم يا ماهر
ماهر: محدش هيندم غيرك انتى وهو صدقينى برا شيلوها ارموها بره
..........................................
سامى: يا ترى قصدها على مين
لينا: باين آسر
مى:طيب دى حاجة حلوة أوى
ريم: حاجة حلوة إنها قابلته وعاوزة ترجعله
أحمد:لا يا فالحة دا معناه إن آسر بيدور علينا وعامل خطة على شذا وشاكك فيها
سيف: أنا حاسس إننا هنطلع من هنا قريب
سامى: وأنا حاسس إن نهاينا قربت
الكل بصيله بطريقة أقل ما يقال عنها إنهم عاوزين يقتلوه حرفيا 😂
............................................................................................................
بالليل فى المصنع القديم بتاع ماهر مكنش فيه حد هناك غير عزت وحسن رجالة ماهر وقرر توفيق إنه يقابل شذا هناك زى ماهى اتفقت معاه لإنه عرف إن البوليس بينخرب وراه ومراقب المخزن بتاعه
شذا: أهلا يا توفيق
توفيق بملل:أهلا.. .خير عاوزانى فى إيه
شذا: كل خير.....عزت. حسن سيبونا لوحدنا
توفيق: مشيتيهوهم ليه
شذا: عشان اللى هقولهولك دا مينفعش حد يسمعه غيرنا
توفيق: ويا ترى إيه هو
شذا: دلوقتى أنا ماهر غدر بيا وأكل عليا فلوسى وأخدنى لحم ورمانى عضم
توفيق: وبعدين
شذا: وأنا عارفة إن العملية الأخيرة دى محطلكش فلوسك فى حسابك وأكلهم برده عليك دا غير إن إحنا اللى طول الوقت اللى فى وش المدفع لكن هو فى الأمان دايما حتى الراجل اللى إحنا شغالين لصالحه وممكن نتسجن بسببه محناش عارفينه
توفيق: والمطلوب منى
شذا:نحط إيدينا فى إيدين بعض بذمتك مش عاوز تنتقم
توفيق:عاوز هى فرصتى وجت لحد عندى
شذا: تمام
توفيق: ثانية واحدة هو انتى بتقابلى الظابط اللى كنتى تعرفيه قبل كده ليه
شذا:خليك في حالك ومتسألش كتير وبعدين انت عرفت منين
توفيق: أنا توفيق مش أى حد وبعدين مفيش حاجه اسمها متسألش إحنا الوقتى متفقين مع بعض يبقى لازم أعرف كل حاجة
شذا: بعرفه علشان أطلع منه فلوس خصوصا أنا حاسة إنه شاكك فيا وبحاول أطمعه علشان أطلع منه فلوس
توفيق: يا خوفى
شذا:لا متخفش جمد قلبك
.............................................................................................................
فى الوقت ده عزت وحسن كانوا سامعين كل حاجة وقرروا إنهم يقولوا لماهر اللى سمعوه بس قبل كل ده الطمع أخدهم وقالوا يراقبوا شذا علشان لو أخدت من آسر أى فلوس يسرقوها وتكون من نصيبهم
...............................................................................
في الڤيلا الكل مجتمع بعد ما آسر كشفلهم عن اللى فى دماغه وقرروا يعملوا خطة عشان يوقعوا شذا وساعتها ممكن يوصلوا لحاجة لإنه اللى تجاه شذا مجرد شك لسه مش أكتر
أنت تقرأ
إلحقونا إحنا مخطوفين 🏃😅
Hài hướcالخطف هو من أبشع الجرائم اللى ممكن تحصل لأى حد بس فى قصتنا هنا الدنيا مختلفة خالص علشان الأبطال بتوعنا مش زى أى أبطال 😂😂 أهلا بيكم في روايتى (إلحقونا إحنا مخطوفين) وادخلوا برجليكم اليمين 😂😂😂😂
