إلحقونا إحنا مخطوفين 🏃😅

ربنا يستر 😅

على جانب آخر.....
على سفرة جميلة فى ڤيلا جميلة يجلس أب وأم وابن لتناول طعام الغداء
توفيق بصوت واطى:فريدة الواد ده مالو
فريدة:والله ما أعرف مش انت اللى دخلته شرطة استحمل بقى 😂
توفيق ضرب بإيده على السفرة وزعق بصوت عالى:سيييف انت يا ولد
سيف بخضة:أيوة يا بابا فيه إيه البلد بتولع البيت بيتحرق أنا جاى
وطلع يجرى ويتنطط على الكنب وفى كل حتة (ما شاء الله مخلف قرد يا عمو)😂😂😂
فريدة وهى منهارة من الضحك 😂:جاى فين دا باباك بيصحيك بدل ما انت جاى تنام هنا على السفرة.
سيف: أنا قولت القيامة قامت طب سيبونى بقى أكمل نوم.
توفيق:مفيش نوم انت ناسي إن وراك لسه شغل وبالليل على العشا معزومين عند مى خطيبتك علشان نتكلم عن تفاصيل الفرح.
سيف:إيه يا والدى هما حتتين جاتوه وفستان وبدلة وخلص الموضوع.
توفيق:ولد اتعدل كل وقوم البس يالا
وسابه ومشى راح يلبس
فريدة:والله ما أنا عارفة هتتجوزك على إيه دى
سيف: والله يا ماما.........
ولسه مخلصش كلامه لقى باباه بيندهله وبيقول فى مصيبة كبيرة البس انت ومامتك وتعالوا
فريدة:فيه إيه
توفيق:فى تليفون جالى بيقولى أحمد خطيب ريم ابن محمد صاحبى عمل حادثة أو بمعنى أصح حد حاول يقتله
فريدة:يقتله
سيف:يقتله إزاى يا بابا
توفيق: إنتوا لسه هتسألوا إلبسوا وتعالوا يالا.
اما عند ريم دخلت البيت تسأل على لينا ومى وحدث مالم يكن فى الحسبان
ريم كانت داخلة أوضتها اللى جمب أوض إواختها سمعت صوت مى بتصوت بصوت عالى راحت تجرى عليها وكل اللى فى البيت راحوا يشوفوا فى إيه
ريم بتبص لقت مى منهارة على الأرض وبتعيط وفى إيديها رسالة ومنديل غرقان دم وبتترعش. أيمن:جرى على بنته وحضنها:مى مالك في إيه جرالك حاجة
مى:بابى أنا...أنااااا
ماجدة: خلاص خلاص متتكلميش دلوقتى يا مى
ريم لينا خدوها أوضتها وخلوا بالكم من بعض
لينا:حاضر يا مامى.
ريم فجأة لمحت اسم أحمد فى الرسالة اللى إيد باباها
ريم:أحمد
ماجدة:أحمد مالوا يا ريم
ريم:اسمه بالكامل موجود في الرسالة
وفجأة نتشت الورقة من إيد باباها وقعدت على الأرض وإنهارت هى كمان من العياط.
أيمن:ريم بصيلى
ريم:هما بيعملوا كده ليه يا بابى
لينا:أنا مش فاهمة هو إيه اللى بيحصل
مى:أنا هقولكوا كل حاجة أنا كنت داخلة أوضتى لقيت واحد ملثم معرفش دخل هنا إزاى كنت هصوت راح كاتم بقى وقالى لو اتحركتى أو عملتى صوت هموتك
وفجأة انهارت مى تانى نظرا لإنها حساسة جدا
ماجدة: خلاص كفاية يا مى خدوها أوضتها يا بنات
مى بإصرار:لأ هكمل يا مامى
ريم:كملى يا مى
مى:بعد كده لقيته حط في إيدى رسالة ومعاها المنديل دا اللى عليه الدم وفجأة زقنى على الارض وإختفى معرفش راح فين .
ماجدة:طب والرسالة دى فيها إيه
أيمن: مكتوب فيها إنهم عرفوا يوصلوا لأحمد وخطفوه وجرحوا مناطق فى جسمه ومرضوش يموتوه كتهويش بس منهم وبعدين سابوه علشان يورونا هما ممكن يعملوا معانا إيه وبعتوا مع الرسالة المنديل اللى فيه دمه.
ماجدة:إنتوا مستنيين إيه يالا نجرى على المستشفى ولا نشوفه فين.
ولبسوا كلهم وطلعوا على الطريق ووشوهم ماليها الخوف والقلق وريم فى عالم تانى خايفة يكون جراله حاجة أكتر من اللى اتكتبت فى الرسالة.
وفى عربية على الطريق فيها أب وأم وشابين زى الورد كلهم قلق وخوف
وفاء:يالا بسرعه يا صلاح أنا قلقانة على أحمد أوى
صلاح:وأنا كمان والله انتى عارفة معزتوا من معزته من معزة سامى وعلى
سامى: ربنا يجيب العواقب سليمة يارب
على:يا رب
وعلى باب المستشفى اتقابلوا العيليتين ودخلوا أوضة أحمد أحمد كانت دماغه فيها جرح صغير ودراعة فيها جرح برده وكتفه والدكتور أكد إنها حاجات خفيفة وهيكتبله على خروج النهاردة.
ريم أول مدخلت جريت عليه وكل الناس بيبصوا عليهم وفرحانين من كمية الحب اللى قلوبهم لبعض
على:سلامتك يا بغل
سامى:أنا قولت هاجى ألاقيك سايح فى دمك
أحمد:يا خسارة تربيتى فيكم يا كلاب مكنش عيش وشاورما ده حوشى ولادك عنى يا فوفه
وفاء جت من وراهم مسكتهم من قفاهم وابتدت تهزهأهم والكل فطسان على منظرهم
ماجدة:أهم حاجة إننا إطمنا عليك يا حمادة
أحمد:متحرمش منك أبدا يا طنط.
أيمن:دى أمك يا ولد
محمد (أبو أحمد): معلش بهيم مبيفهمش فى الأصول.
أحمد موجها كلامه لريم:عجبك كده يا ستى بطلطش من ساعة مجيتوا تزورونى.
ريم: هههههههه قوم بالسلامة بقى علشان تجيبلى بيتزا وأكمل تلطيش فيك.
سيف:ربنا يكون في عونك يا بنى.
ريم:لمى خطيبك يا مى.
سارة (أخت أحمد):هو فعلا ربنا يكون في عونك هههههه.
ريم:وانت يا معلم لم أختك
فريدة (مامة سيف):هى البت دى طالعة بلطجية لمين كده 😂
ريم بزعل طفولى:إخص عليكى يا فيرى وأنا اللى قولت إنك هتنصرينى.
توفيق (أبو سيف):ملكيش دعوة بيهم إعملى اللى انتى عاوزاه وأنا كمان اللى هروح أجبلك بيتزا 😂
ريم:حبيبى يا عمو والله انت اللي فيهم
سامى:شوف باعتك فى ثوانى يا معلم عند أول بيتزاية 😅
أحمد:مش عارف أنا اتهطلت وبحبها على إيه البت دى.
مى: إيه يا جماعة الهزار ده كله لأ بعد إذنكوا شوية دراما أومال العياط والتوتر اللى أنا فيه من الصبح ده هيبقى على الفاضى ولا إيه 😂
على:خليه لخطيبك وابعدى عننا وطلعلها لسانه 😜
مى لسيف:عجبك كده
سيف: هههههه بصراحة اه شكلك حلو وانتى متنرفزة كده
مى بكسوف:ميرسى
سيف:بحبك ♥️
مى:وأناكم.....
وفاء:قدام أبوها يا بغل يا فضحتى أنا معرفتش أربى والله
صلاح مسكه من ودانه:وأنا كمان بالنيابة عن نفسي كأبو البغل ده أنا كمان معرفتش أربيه.
على:حرام عليكى يا فوفة كده تعملوا كده فى الواد.
راح صلاح مسك على كمان من ودانه بطريقة تضحك 😂
صلاح:ولا دا كمان عرفت أربيه.
سارة أخت أحمد مقدرتش تمسك نفسها على منظرهم وضحكت بصوت عالى جدا خلت كل اللى الأوضة يسكتوا وفجأة كلهم إنفجروا من الضحك على ضحكتها.
توفيق:بما إن إحنا ملمومين اللمة السعيدة دى تحت حس الأستاذ أحمد فأنا محضرلكم مفاجأة
لينا: مفاجأة إيه يا عمو أنا بحب المفاجآت أوى
سامى:طب وأنا
لينا: وانت إيه 😂
سامى:مش بتحبينى
لينا بصتله ببرود:مش فاضية لمحنك دلوقتى
وفاء:جدعة يا لينا أيوة كده متريحيهوش
لينا أرسلت لها قبلة فى الهواء:قلبى يا فيرى 💗
سامى بغيظ:استنى بس أما نتجوز
لينا:ولا تقدر تعملى حاجة
جه أحمد ميل على سيف اللى قاعد جمبه وقاله:دى هتمشيك على الصراط المستقيم 😂
لينا:بتقوله إيه يا أحمد
أحمد:ملكيش دعوة
لينا لنجلاء (مامة أحمد):ابنك ده يا طنط
نجلاء:ولا أعرفه
لينا:يعنى لو قمت جبته من شعره عادى مش كده 😂
نجلاء:عندك أهو يا روحى إعملى فيه ما بدالك هو ناقص تربية أصلا 😂
ريم:سيبيهولى ده وأنا هربيه خليكى فى اللى معاكى 😂
ماجدة:مخلفة ريا وسكينة يا ربى
سيف: الحمدلله مى هادية وكيوت ملهاش فى الهبل ده
مى نظرت له بشرار:اتلم بدل ملمك
سيف:يالهوى يا مستهوى انتى اتعديتى منهم
نجلاء:بقوا ريا وسكينه وحسب الله 😂
سارة:يا جماعة الخير مش نشوف عمو توفيق كان هيقول إيه اتفضل يا عمو أصل مش هنخلص من الهبل دا النهاردة 😂
توفيق: ربنا ينصرك يا بنتى دا أنا يئست من حياتى من ساعة مجيت أزور الولا اللى متلقح على السرير ده 😂
أحمد طبب بإيده على صدره:مشكرين أعمو
توفيق بصله بقرف:المهم جاهزين
الكل: أيوة
توفيق:عدوا ١٢٣
الكل ابتدأ يعد وراه وفجأة الباب خبط.......