Alam na ng buong pamilya ko ang nangyayari sa akin. Naiyak si mama noong nalaman ang kalagayan ko. I was diagnosed having Chronic Depression and PTSD.
“You look so happy tapos depressed ka na pala,” sabi ni Janine. Nandito kasi siya sa kwarto ko ngayon.
“Not everyone who looks happy are really happy.”
She sighed. “Sabagay. Grabe, nakaya mong itago ang nararamdaman mo.”
“Yeah and it just got worse.”
“Kahit ako na bestfriend mo, walang napansin sa'yo.”
“Depression is not always visible.”
“Hmm... Nga pala, gusto mo lumabas?”
“Saan naman tayo pupunta? May pasok ka pa ata mamayang hapon.”
“Mamayang hapon pa naman. Umaga pa ngayon e. Biyahe na tayo kasi sa sentro din naman ako nag-aaral.”
“Sige, tara. Ganito na suot ko. Kapapalit ko lang e.”
Nagpaalam ako kina mama na gagala kami ni Janine.
“Saan tayo?” tanong ko nang makasakay na kami ng jeep.
“Kahit saan. Pwede naman sa mga kainan na lang,” sagot niya saka tumawa.
“Makakaipon pa ba tayo niyan?” natatawang tanong ko.
“Ewan. Bahala na,” sabi naman niya saka tumawa ulit.
“Punta na lang tayo sa Baguio! Sa Burnham Park,” mayamaya'y sabi niya.
“Sige,” sang-ayon ko.
* * *
Naglakad-lakad nga kami sa Burnham Park habang may hawak na pagkain. Masarap sa pakiramdam ang hangin dito.
“Kumusta pala kayo ni Lucas?” biglaang tanong ko kay Janine.
“Okay naman kami. Nag-date nga kami kahapon e.”
“Wow naman. Sana all. Ba't 'di n'yo ako sinama? Kahit taga-picture lang.”
Natawa naman siya. “May klase ka kasi kahapon.”
“Ay oo nga pala.”
“Balita ko may photo booth daw sa barangay.”
“Kailan?” tanong ko at napahinto sa paglalakad. Napahinto rin si Janine kaya gumilid kami ng kaunti.
“Start nila sa February 13 tapos mag-end ng February 15. May mini event e.”
“Ano gagawin?”
“Sa 13 ay may mini program for couples na married in the morning tapos sa afternoon naman ay dating na dapat 18 years old and above. Tapos sa 14, showcasing of talents tapos ang tema more on love. Month of love na e. Tapos sa 15 naman ay may mini pageant for teens. Sali tayo!”
“Wow! Tayong dalawa sasali? Dapat isa lang.”
“Maganda 'pag dalawa tayo. Para you know, bestfriends goals.”
Marahan akong napatawa. “Okay. Saan mo naman nakalap ang impormasyon na 'yan?”
“Sa Facebook tapos sinabi rin ni ate Janina. May community selling din pala.”
Napatango ako. “Okay.”
“Yes! Ang mananalo ay manlilibre!”
“As if naman mananalo tayo.”
“Malay mo naman, 'di ba. Saka nanalo ka na before sa isang pageant, 'di ba?”
“Eh?”
Natawa siya. “Kaya naniniwala akong mananalo ka!”
BINABASA MO ANG
My Happiness
RomanceHappiness is a choice. If you want to be happy, do what makes you happy. She is Zenaida Alonzo who is addicted to poetry. Every poetry of her contains pieces of her life story... sooner or later, she will be crafting poems that contains pieces of h...
