စနေနေ့ရဲ့မနက်ခင်း ဒီလိုနေသာတဲ့ ပိတ်ရက်မျိုးဆို
နေ့လယ်လောက်မှာမှ အိပ်ရာကနေထလေ့ရှိတဲ့
ကျွန်တော့်လိုပျင်းရိတဲ့ လူငယ်လေးတစ်ယောက်အတွက်
များသောအားဖြင့်တော့ အမေကနှိုးမှသာ
ထလေ့ရှိတာပေါ့။ ဒါပေမယ့် ဒီနေ့မှာတော့ လက္ခဏာတွေက အရမ်းထူးခြားနေတယ်။ ခန္ဓာကိုယ် နာကျင်ကိုက်ခဲခြင်း ၊
ဝမ်းဗိုက်အောက်ပိုင်းတစ်ဝိုက်က အကျိတ်အခဲတွေနဲ့
မသက်မသာဖြစ်စေတဲ့ မရေရာတဲ့အကြောင်းရင်းတွေ
ကြောင့် အိပ်ရာထနေထရတော့မယ်လေ... ဒီတစ်ခါတော့
နေမင်းကြီးကကမ္ဘာကို နှုတ်ဆက်ဖို့အတွက်
မထသေးဘူးဆိုတာ သိနေပေမယ့်လည်း...
ပထမဆုံး အာရုံစူးစိုက်မှုကို ချိန်ညှိဖို့ရန်အတွက်
အကြိမ်ကြိမ် မျက်တောင်ခတ်လိုက်မိသည်။
ပြီးနောက် အံ့ဩသွားမိတာက ကျွန်တော့်ရဲ့ cerebellum
မှတ်ဉာဏ်စနစ်နှင့် ရင်းနှီးမှုမရှိသော အခန်းမျက်နှာကျက်ကို
မြင်လိုက်ရတဲ့အခါမှာပေါ့...
အခန်းနံရံတလျှောက်ကို မျက်လုံးနဲ့လိုက်ကြည့်ပြီးနောက်
တန်းစီနေတဲ့ပရိဘောဂတွေကိုမြင်လိုက်ရတဲ့အခါ ဒါက
ငါ့အခန်းမဟုတ်ဘူးဆိုတာ မီလီယမ်ရာခိုင်နှုန်းတောင်မက
သေချာနေသေးတယ်လေ.... ပြီးတော့ဒီထက်
အရေးအကြီးဆုံးကတော့ ငါ့သူငယ်ချင်းတွေရဲ့
အိပ်ခန်းတောင်မှမဟုတ်ဘူး...
What the fuck!
ပြီးတော့ ငါကအခုဘယ်မှာရောက်နေတာလဲ ?
မှတ်မိသလောက်ကတော့ မနေ့ညက ကျောင်းသားကောင်စီ
ဥက္ကဌနေရာအတွက် ယှဉ်ပြိုင်မှုမှာ ဝမ်းနည်းစရာ
ကောင်းလွန်းတဲ့ ငါ့ရဲ့ရှုံးနိမ့်မှုကို ဂုဏ်ပြုတဲ့အနေနဲ့
ငါ့အသင်းဖော်တွေနဲ့အတူတူသောက်ခဲ့တာလေ။
ငါဘီယာသောက်ခဲ့တယ်...ပြီးတော့ဒီလိုမရင်းနှီးတဲ့နေရာကြီးမှာရောက်နေတဲ့အထိ ဘာတွေဆက်ဖြစ်ခဲ့မှန်း
ငါမသိတော့ဘူး....
"အိုး..." ဘေးနားကနေ ညည်းညူသံလိုမျိုးအသံတစ်ခု
ထွက်ပေါ်လာတဲ့အခါမှာတော့ ငါ့ရဲ့ခေါင်းထဲမှာရှုပ်ထွေးနေတဲ့ အတွေးတွေအကုန်လုံးကရပ်တန့်သွားတော့သည်။
ကားဘရိတ်အုပ်သံလိုမျိုးတကျွိကျွိမြည်သံ
မပေါ်လာခင်အထိ အဲ့ဒီအသံကအချိန်ဆွဲနေသလိုမျိုး....
YOU ARE READING
The School President is My Boyfriend (Myanmar Translation)
RomanceGMM ကနေလက်ရှိထွက်ရှိထားတဲ့ My School President Series ရဲ့ Novel Myanmar Translation ဖြစ်ပါတယ်။ Just a fan translation! All credit goes to the original author of this novel.
