နောက်တစ်ပတ်ရဲ့မနက်ခင်းတစ်ခုမှာတော့.....
ကန်ချနပူရီမှာလုပ်ခဲ့ရတဲ့အသေးစားမာရသွန်အပြင် ဆိုးရွားလှတဲ့လူချောကောင်နဲ့လည်းတိုက်ခိုက်ခဲ့ရတာ အစရှိတဲ့ပိတ်ရက်မှာလုပ်ခဲ့တဲ့အားသွန်ခွန်စိုက်ကြိုးပမ်းမှုတွေကြောင့် ငါပင်ပန်းပျင်းရိစွာနဲ့ပဲကျောင်းကိုရောက်ရှိလာခဲ့တော့တယ်လေ
" ဒီမှာ! ဒီမှာ! " ဆိုပြီးတော့ Po က တီဗွီစီးရီးတွေထဲမှာပါတဲ့လူဆိုးတစ်ယောက်လိုမျိုးလေသံနဲ့ အဝေးကနေလှမ်းခေါ်လာခဲ့တယ်လေ.....ကျန်တဲ့သူတွေကလည်းငါ့ကိုလှည့်ကြည့်လာကြပြီးတော့ တစ်ချို့ကကျလေချွန်လာကြသလို တစ်ချို့ကကျလက်ခုပ်တီးလာပြန်ရော!
ငါငှက်တွေနဲ့သူငယ်ချင်းဖြစ်နေမိတာလား? ဘာလား?
သူတို့ကနေ့တိုင်းပိုပြီထူးဆန်းလာကြတာပဲ!
" မင်းတို့ကောင်တွေဘာဖြစ်နေကြတာလဲ " ဆိုပြီး ငါစားပွဲဆီကိုရောက်တာနဲ့ မတ်တပ်ရပ်ရင်းအော်မေးလိုက်တော့.....သေချာတာပေါ့! သူတို့ကပြန်မဖြေပဲ အဲ့အစား ပြင်းပြင်းထန်ထန်ရယ်မောလာကြတယ်လေ
ဒါကိုမြင်လိုက်ရတော့ ငါတကယ်စိတ်ညစ်သွားပြီ!
" Damn it! "
" မင်းဘာလို့စိတ်ဆိုးရတာလဲ? Kantaphol က ခွေးနဲ့ပါရန်ဖြစ်ခဲ့တာနော် " ဆိုပြီး Pat ကငါ့မေးစေ့ကိုကိုင်ရင်းပြောလာခဲ့တာကြောင့်.....အမြန်ဖယ်ထုတ်လိုက်ရတော့တယ်လေ
" ဟားဟားဟား..... "
ကျန်တဲ့သူတွေကလည်းပျော်ရွှင်စွာနဲ့ရယ်မောနေကြတုန်းပဲ
" ဘာခွေးလဲ? " လို့ ငါအနားကသူတွေကိုမျက်မှောင်ကြုတ်ပြီးမေးလိုက်တော့.....Win က သူ့ဖုန်းစခရင်ကိုငါ့ကိုထိုးပြလာခဲ့တယ်လေ
" ဒီမှာပါ "
ငါ Win ရဲ့ဖုန်းကိုအနီးကပ်ယူကြည့်လိုက်တော့.... အရင်အပတ်စနေနေ့တုန်းက ကန်ချနပူရီမှာ ငါဒေသခံခွေးကိုဟောင်နေတဲ့ဓာတ်ပုံဖြစ်နေခဲ့တယ်လေ
" အိုးမိုင်ဂေါ့! "
" မင်းတို့ဒါကိုဘယ်ကရတာလဲ " ဆိုပြီး ငါအကုန်လုံးကိုမေးလိုက်တော့
" ကျောင်းကသူတွေရှဲထားကြတာ "
" ဘာ? "
Po ကသူ့ဖုန်းကိုပေးလာတာကြောင့်......ငါဖုန်းကိုအပေါ်အောက်ဆွဲကြည့်လိုက်တော့ ကျောင်းကသူတွေတော်တော်များများကရှဲထားကြတာကိုတွေ့လိုက်ရတော့တယ်လေ
DU LIEST GERADE
The School President is My Boyfriend (Myanmar Translation)
RomantikGMM ကနေလက်ရှိထွက်ရှိထားတဲ့ My School President Series ရဲ့ Novel Myanmar Translation ဖြစ်ပါတယ်။ Just a fan translation! All credit goes to the original author of this novel.
