တောက်ပတဲ့မနက်ခင်းတစ်ခုမှာတော့ ငါအပြုံးတွေနဲ့အတူနိုးထလာခဲ့တော့တယ်လေ.....ဒီအပြုံးကသဘာ၀အတိုင်းဖြစ်ပေါ်နေတာလေ......တကယ်ကို မနေ့ညကအကြောင်းတွေးလိုက်မိတာနဲ့ ငါ့နှုတ်ခမ်းထောင့်တွေကအလိုလိုကြွတက်လာတော့တာပဲ
< အိပ်မက်လှလှမက်ပါစေ >
အိပ်မက်လှလှလေးတွေ မင်းရောပဲ.....ငါရေချိုးအ၀တ်စားလဲပြီးတာနဲ့ အရမ်းစိတ်လှုပ်ရှားနေတာကြောင့် မီးဖိုချောင်ထဲကိုပြေး၀င်လိုက်တော့တယ်လေ.....Mrs. Ratchanee က ကြက်ဥမွှေကြော်လုပ်နေတာပဲ.....ငါ့တံတွေးတွေက သတိမထားမိစွာနဲ့ပဲစီးကျလာတော့တယ်လေ
" ဗိုက်ဆာနေပြီ " လို့ပြောပြီးတာနဲ့ ထမင်းစားပွဲပေါ်မေးစေ့တင်ပြီး အိမ်ရှင်မလှလှလေးက ငါ့အတွက်မနက်စာပြင်ဆင်ပေးတာကိုထိုင်စောင့်နေလိုက်တော့တယ်လေ.....အနံ့ကမွှေးလိုက်တာ!
" ဒီမှာပါဆရာ "
Mrs. Ratchanee က ဦးညွှတ်ပြီးတော့ မွှေးပျံနေတဲ့အနံ့တွေနဲ့ဖျားယောင်းနေတဲ့ဟင်းပွဲပန်းကန်ကိုအရှေ့မှာလာချပေးလာခဲ့တယ်လေ
" ကျေးဇူးအများကြီးတင်ပါတယ် Mrs. Ratchanee "
လို့ပြောပြီးတာနဲ့ ငါခေါင်းငြိမ့်ပြလိုက်တော့သည်။ သူမကအလုပ်ကိုအပြစ်အနာအဆာမရှိအောင်လုပ်သွားနိုင်ခဲ့လို့တအား၀မ်းသာတာပဲ.....သူမရဲ့စိတ်အားထက်သန်မှုတွေအတွက်ဆုရသင့်နေပြီလေ
" ဟုတ်ကဲ့ပါဆရာ "
ငါအရှုံးမပေးမချင်းကို မင်းသားနဲ့မင်းသမီးလိုမျိုးလုပ်နေတဲ့ အမေ့ကိုငါကြည့်မိလိုက်တော့တယ်လေ.....ငါပြုံးနေတာတောင်မရပ်နိုင်တော့ဘူး.....အမေကလည်းငါ့လိုမျိုးရယ်မောလာတာပဲလေ.....ငါတို့သားအမိနှစ်ယောက်ကတော့ ဗိုက်ပြည့်သွားတဲ့အထိကိုထိုင်ရယ်နေကြတော့တာပေါ့
" မကြာခင်နောက်ဆုံးစာမေးပွဲဖြေရတော့မှာမလား "
အမေကချက်ချင်းပဲလေးနက်တဲ့စကားဝိုင်းဆီကိုပြောင်းသွားတော့တယ်လေ
" အင်း "
" စာတွေလုပ်ပြီးပြီလား "
" တစ်၀က်ကျော်လောက် " လို့ ငါဂုဏ်ယူစွာနဲ့ပြန်ဖြေလိုက်တော့တယ်လေ....အမေ့ရဲ့ချစ်လှစွာသောသားလေးကဒီလောက်တော်လိမ့်မယ်လို့မမျှော်လင့်ထားဘူးမလား?
DU LIEST GERADE
The School President is My Boyfriend (Myanmar Translation)
RomantikGMM ကနေလက်ရှိထွက်ရှိထားတဲ့ My School President Series ရဲ့ Novel Myanmar Translation ဖြစ်ပါတယ်။ Just a fan translation! All credit goes to the original author of this novel.
