အရှက်ရစရာအဖြစ်အပျက်တစ်ခုကိုဖြတ်သန်းပြီးနောက်မှာတော့....လူချောကောင်ကစိတ်မပါစွာနဲ့ ရေချိုးခန်းထဲကနေဆွဲထုတ်ပေးတာကိုခံလိုက်ရတယ်လေ။ အထူးသဖြင့် ခေါင်းကနေခြေဖျားအထိကိုစိုရွှဲနေပြီးတော့ ထိုင်တဲ့အခါဆို တစ်ကိုယ်လုံးကိုကိုက်ခဲနေရောပဲ....
အမှန်ဆိုဒီစစ်ပွဲကိုဖြစ်လာစေဖို့အတွက်သူကငါ့ကိုအရင်စတာဆိုပေမဲ့လည်း ငါ့ကိုကူညီတဲ့အတွက်တော့ကျေးဇူးတင်ရမယ်လေ။ အကယ်၍ ငါသာမဆူငေါက်ဘူးဆိုရင် သူကတစ်စက္ကန့်တောင်မနားပဲရယ်နေတော့မှာပဲ....
" ဒါကရယ်စရာလား? " လို့ နှာချေပြီးတာနဲ့ သူ့ကိုစိုက်ကြည့်ကာမေးလိုက်တော့သည်။
" အင်း " လို့ သူကခေါင်းငြိမ့်ပြကာ ဆက်ရယ်နေတော့တယ်လေ...ငါသူ့ကိုမြင်တော့ ငါ့ခြေထောက်ကိုသူ့ပါးစပ်ထဲထည့်လိုက်ချင်ပေမဲ့လည်း ငါ့ရဲ့သနားဖို့ကောင်းလွန်းတဲ့အခြေအနေက ဒီလိုလုပ်ဖို့အတွက်တော့အဆင်မပြေဘူးလေ။ ခြေလှမ်းတစ်လှမ်းစီတိုင်းက ခက်ခဲလွန်းပြီးတော့ သေတော့မလိုပဲခံစားနေရတာ....
" မင်းရယ်တာမရပ်သေးရင် ငါမင်းနားရွက်ကိုကိုက်မှာနော် "
လို့ ပြောပြီး သူ့နားရွက်နားကိုတိုးသွားလိုက်တော့ ရယ်တာတကယ်ရပ်သွားတာက ငါ့ကိုတအားပျော်စေတာပဲ....ပြီးတာနဲ့သူကကျွန်တော့်ကိုဆိုဖာဆီခေါ်သွားပြီး ဆေးယူလာပေးတယ်လေ။
သူကတကယ်ကိုလူတိုင်းဖြစ်စေချင်ကြတဲ့လူကောင်းတစ်ယောက်ပါ....ဒါကအဆင်ပြေတယ်! အရာအားလုံးကအဆင်ပြေနေဆဲလေ သူဒီစကားမပြောခင်အထိပေါ့....
" ဘောင်းဘီချွတ်ပြီး ဒီဆေးလိမ်းလိုက် "
" Damn it! " ငါ့ပါးစပ်ကအလုပ်ထက်တောင်မြန်သေးတယ်။ အကိုက်အခဲပျောက်ဆေးကိုယူသောက်ပြီးတာနဲ့ လိမ်းဆေးကိုအိမ်မှာလိမ်းဖို့ရန်ယူမိတော့....လူချောကောင်က သူ့နှုတ်ခမ်းထောင့်စွန်းကိုတွန့်ကာ ဘေးမှာ၀င်ထိုင်တော့တယ်လေ။ မယုံကြည်နိုင်စွာနဲ့ပဲ မျက်လုံးစွေကြည့်နေရတယ်လေ တော်ကြာ ဘောင်းဘီအတင်းဆွဲချွတ်ပြီးဆေးလိမ်းခိုင်းနေအုံးမယ်...
" နာတယ်မလား "
မထင်မှတ်ထားစွာပဲ လူချောကောင်ကဟီးရိုးတစ်ယောက်လိုမျိုးဖြစ်လာခဲ့တယ်လေ။ သူ့အသံကနူးညံ့လွန်းပြီးလေးနက်ကာ ဂရုစိုက်မှုနဲ့စိုးရိမ်မှုတွေကရောထွေးနေပုံက ကျွန်တော့်ကိုချက်ချင်းကြီးကြက်သီးတောင်ထသွားစေတော့တာပဲ။
ŞİMDİ OKUDUĞUN
The School President is My Boyfriend (Myanmar Translation)
RomantizmGMM ကနေလက်ရှိထွက်ရှိထားတဲ့ My School President Series ရဲ့ Novel Myanmar Translation ဖြစ်ပါတယ်။ Just a fan translation! All credit goes to the original author of this novel.
