ဇီ၀ဗေဒက တခြားသော သင်္ချာ၊ရူပဗေဒနဲ့ ဓာတုဗေဒလိုမျိုး တွက်ချက်ဖို့မလိုပေမဲ့လည်း ငါ့အတွက်တော့ အလွန်ခက်ခဲတဲ့ဘာသာရပ်ပဲလေ။ ဒါကမှတ်ဉာဏ်ထဲထည့်ဖို့လိုတယ်ဆိုပေမဲ့လည်း ငါ့ဦးနှောက်ရဲ့တစ်၀က်လောက်ကိုဖုန်မှုန့်တွေကနေရာယူထားပြီးသားဖြစ်နေတဲ့အတွက် အကူအညီတော့မဖြစ်ပါဘူး....
ငါကအခန်းထဲကို၀င်လာတဲ့နောက်ဆုံးသောသူဖြစ်လုနီးပါးပဲလေ...ဒီနေ့တော့အရင်လိုမျိုး ဉာဏ်စမ်းမရှိတဲ့အတွက် တအားစိတ်ချမ်းသာတာပဲ။ ဒါပေမဲ့လည်း ကုလားထိုင်ကိုထိဖို့တင်ပါးကိုနှိမ့်ချလိုက်ချင်းမှာပဲ assignment က ရောက်လာတော့တယ်လေ...
" ဒီနေ့တော့ မျိုးရိုးဗီဇနဲ့ဆိုင်တဲ့လေ့ကျင့်ခန်းတွေလုပ်ဖို့ အုပ်စုလေးခုခွဲပေးမယ် အကုန်တူတူလုပ်ကြနော် "
ဆရာမ Wikanda ပြောပြီးပြီးချင်းမှာပဲ ငါကတိုက်ကရိုက်နဲ့ ငါ့ရဲ့ရဲဘော်ရဲဘက်တွေကိုဆင့်ခေါ်ဖို့အတွက် လှည့်ကြည့်လိုက်ရတော့တယ်လေ။ ငါ့အဖွဲ့မှာဆိုရင် Sound အပါအ၀င် လူခြောက်ယောက်ရှိတယ်။ ဒါကြောင့်မလို့ အုပ်စုနှစ်ခုခွဲပြီး လေးယောက်ကတစ်စု ကျန်တဲ့တစ်စုကတော့ တခြားအဖွဲ့၀င်တွေကိုလိုက်ရှာဖို့လိုမယ်။ အဲ့အတွက် ငါသူတို့ကိုလှည့်ကြည့်လိုက်တော့ သူတို့ကလည်း သဘောတူလိုက်တယ်လေ...
ဒါပေမယ့်လည်း...
" ငါ အုပ်စုတွေခွဲပြီးသွားပြီ "
ဆရာမ Wikanda ရဲ့ စကားတွေကတော့ ငါ့အစီအစဉ်ကိုရှုံးနိမ့်သွားစေပြီလေ...သူမက အုပ်စုတွေကိုသိရအောင်အတွက် အခန်းရှေ့ကပရိုဂျက်တာကိုကြည့်ဖို့ပြောလာခဲ့တော့သည်။
အုပ်စု ( ၅ )
1. Tinaphop Jirawatanakul M.6-1
2. Tanuphat Wuthiboriboon M.6-1
3. Kakanan Lertwaranon M.6-1
4. Kantaphol Wongwittaya M.6-2
ငါကျောင်းရှေ့ကဘုရားရုပ်တုကြီးကိုသာတိုင်တည်မိလိုက်တော့သည်...ငါအိပ်မက်မက်နေတာမဟုတ်ဘူး!
ဒီလူချောကောင်နဲ့တစ်ဖွဲ့တည်းလုပ်ရမှာ? ပြီးတော့ ကျန်တဲ့သူတွေကလည်း M.6-1 က...ငါသူတို့ကိုလည်းမသိဘူးလေ...တစ်ယောက်တည်း! ပြီးပြီပေါ့...
ငါ Pat နဲ့ Yo ကို အကူအညီတောင်းတဲ့မျက်လုံးကြီးတွေနဲ့ ကြည့်ပြီး သူတို့ကိုကျေးဇူးပြုပြီး အဖွဲ့ထဲကတစ်ယောက်ယောက်နဲ့ပြောင်းပေးဖို့တောင်းဆိုလိုက်တော့သည်...
YOU ARE READING
The School President is My Boyfriend (Myanmar Translation)
RomanceGMM ကနေလက်ရှိထွက်ရှိထားတဲ့ My School President Series ရဲ့ Novel Myanmar Translation ဖြစ်ပါတယ်။ Just a fan translation! All credit goes to the original author of this novel.
