တက္ကသိုလ်ကျောင်းသားဘ၀ရဲ့ပထမဆုံးနေ့မှာတော့ ငါ ယူနီဖောင်းအနေနဲ့ အင်္ကျီလက်ရှည်၊ဘောင်းဘီရှည်၀တ်ရတာကိုအသားမကျသေးဘူးဖြစ်နေတယ်လေ.....ဒါ့အပြင် ပုံမှန်ထက်လူတွေဆယ်ဆမကများပြားနေတဲ့ လူပေါင်းရာချီတဲ့တက္ကသိုလ်၀င်းထဲကို သူနဲ့လက်ချင်းတွဲပြီးလျှောက်သွားနေရတာ
" မင်း ငါ့လက်ကိုကိုင်ထားစရာမလိုပါဘူး "
" မင်းလမ်းပျောက်သွားလိမ့်မယ် " ဆိုပြီး ဘာမှထပ်မပြောလာတော့ပဲ အဲ့အစား ပိုပြီးတောင်တင်းတင်းကြပ်ကြပ်ဆုပ်ကိုင်လာခဲ့တယ်လေ
ဟေး!
" ငါမျက်စိမမြင်တာမဟုတ်ပါဘူးနော်! " ဆိုပြီး အသံတိုးတိုးလေးနဲ့သာရေရွတ်လိုက်ရတော့တယ်လေ
" ဒါမှမဟုတ် ငါပွေ့ချီသွားပေးရမလား? "
" လက်ကိုင်ထားရုံနဲ့...လုံလောက်ပါတယ် "
မဟုတ်ရင် တက္ကသိုလ်ပထမနေ့ကတည်းကငါနာမည်ကြီးသွားလောက်မှာသေချာတယ်လေ....
" ရောက်ပြီ "
" အင်း "
" ငါ့လက်ကိုလွှတ်လို့ရပြီ " ဆိုပြီး ထေ့ငေါ့ပြောလိုက်တော့ သူ့လက်တွေကငါ့ကိုဖက်လာပြီး သူ့ခေါင်းကိုငါ့ပုခုံးပေါ်တင်ဖို့လုပ်တော့တယ်လေ.....သူ့နဖူးကိုပြင်းပြင်းလေးတောက်ပေးလိုက်မှသာ သူကအမြန်ခွာသွားတာ
ဒီထက်တောင်ဆိုးတယ်!
လူချောကောင်ကငါ့ဌာနအဆောင်အဦးအထိပါလိုက်ပို့ပေးခဲ့တာလေ.....အမှန်ဆို သူ့ဌာနကငါနဲ့အနည်းငယ်ဝေးတယ်ဆိုပေမယ့်ပေါ့
" နေ့လည်ကျဖုန်းဆက်လိုက် "
" အိုကေ " ဆိုပြီး ငါ၀မ်းနည်းနေတဲ့မျက်နှာနဲ့ပြောလိုက်တော့.... လူချောကောင်ကသူ့လက်နဲ့ငါ့ခေါင်းကိုပွတ်ပေးလာခဲ့တယ်လေ
" ၀မ်းမနည်းပါနဲ့ "
သူကအရာအားလုံးကိုကောင်းကောင်းသိနေတော့တာပဲ
" အရမ်းတိတ်ဆိတ်တာပဲ....Po, Win, Pat နဲ့ Yo ပါ ဒီမှာစာသင်သင့်တာကို "
ငါတို့သူငယ်ချင်းငါးယောက်အဖွဲ့အကြောင်းကိုမစဉ်းစားပဲမနေနိုင်ဘူးလေ.....သူတို့ရဲ့ကျယ်လောင်တဲ့အသံတွေ၊ စိတ်ကူးယဉ်ဆန်တဲ့အတွေးတွေကိုတအားလွမ်းတာပဲ.....ဒါပေမယ့် အခုတော့သူတို့ကနှစ်ယောက်တစ်တွဲစီနဲ့တက္ကသိုလ်တူတူတက်နေကြပြီလေ.....Po က ဆေးပညာဌာန၊ Win က တော့ ဆေးဝါးကျွမ်းကျင်နဲ့ M တက္ကသိုလ်မှာတက်ရောက်နေတာဖြစ်ပြီး.....Yo နဲ့ Pat ကတော့ K တက္ကသိုလ်ရဲ့ အင်ဂျင်နီယာဌာနမှာ တက်ရောက်နေကြတာပဲဖြစ်တယ်လေ......ငါကတော့ တစ်ယောက်တည်းပဲ
YOU ARE READING
The School President is My Boyfriend (Myanmar Translation)
RomanceGMM ကနေလက်ရှိထွက်ရှိထားတဲ့ My School President Series ရဲ့ Novel Myanmar Translation ဖြစ်ပါတယ်။ Just a fan translation! All credit goes to the original author of this novel.
