ကမ္ဘာမြေကြီးကပဲလုံးနေလို့လား ဒါမှမဟုတ် အရင်ဘ၀တုန်းကငါလုပ်ခဲ့တဲ့ကောင်းမှုကုသိုလ်ကပဲနည်းနေလို့လား? ဘယ်သူကသိမှာလဲ.....လူချောကောင်ကိုဒီမနက်မှာပဲထပ်တွေ့ရလိမ့်မယ်လို့! မာရသွန်ပြိုင်ပွဲမှာတုန်းကလည်းငါ့ကိုခြောက်လှန့်နေပြီးတော့ အခုအပန်းဖြေစခန်းတစ်ခုတည်းမှာပဲ ငါနဲ့တစ်ဖွဲ့တည်းအတူတူကျသေးတယ်လေ.....ဒါ့အပြင် တစ်ဖွဲ့ကိုအယောက်၂၀ပါတာဖြစ်ပြီး နှစ်ယောက်တစ်တွဲတွဲလိုက်တဲ့အခါမှာ လူချောကောင်နဲ့ထပ်ကျရသေးတယ်လို့!
ငါရူးချင်လာပြီ သည်းမခံနိုင်တော့ဘူး!
" သွားကြစို့! " လို့ နည်းပြကသူ့ခေါင်းကိုထောင်ပြီးကားထဲကအဖွဲ့၀င်တွေကိုသတိပေးကာ တံခါးကိုပိတ်ပြီးကားသမားဘေးမှာသွားထိုင်တော့တယ်လေ....ပြီးတာနဲ့ ငါတို့အားလုံးပန်းတိုင်ကိုခရီးဆက်ခဲ့ကြတော့တာပေါ့
ဘာပဲဖြစ်ဖြစ်ငါတို့အားလုံးပန်းတိုင်ကိုမရောက်ခင်မှာ ဒီမှာခဏလောက်တစ်ရေးအိပ်နေသင့်တယ်လို့ထင်တာပဲ
" မင်းခေါင်းကိုသတိထားအုံး " ဆိုပြီး ငါ့ပုခုံးပေါ်ကပညာရှိကြီးရဲ့ခေါင်းကိုအားကုန်သုံးပြီးတွန်းလိုက်တော့တယ်လေ
" အိပ်ချင်လို့ " လို့ လူချောကောင်ကအိပ်ငိုက်နေတဲ့မျက်လုံးတွေနဲ့ပြောကာ မျက်လုံးကိုမှိတ်ပြီးငါ့ပုခုံးပေါ်တစ်ချိန်လုံးမှီဖို့လှုပ်ရှားနေတယ်လေ
" ပြတင်းပေါက်ကိုမှီလိုက် "
" ရိုက်မိလိမ့်မယ် "
လူချောကောင်ရဲ့ကန့်ကွက်တဲ့အသံထဲမှာ မကျေနပ်မှုတွေပါနေတယ်လေ
" ကိစ္စမရှိဘူး "
နောက်တော့ရော? ငါဂရုမစိုက်ဘူးလေ! ရိုက်မိပြီးတော့ သူ့ဦးနှောက်ပျက်စီးသွားတာပဲဖြစ်ဖြစ် ဒါမှမဟုတ် နားရွက်ကနေသွေးတွေထွက်လာတာပဲဖြစ်ဖြစ်ပေါ့......ငါလမ်းဘေးနှစ်ဖက်လုံးမှာပေါက်ရောက်နေတဲ့ စိမ်းစိုနေတဲ့သစ်ပင်တွေနဲ့ရှူခင်းကိုကြည့်နေရင်း ငါ့ဘေးကသူကိုပြန်လှည့်ကြည့်လိုက်တော့......သူကပြတင်းပေါက်ကိုမှီပြီးအိပ်ပျော်နေကာ မညီညာတဲ့မြေပြင်ကြောင့် ခေါင်းကကားရဲ့စည်းချက်အတိုင်းလိုက်ပြီးတိုက်မိနေတော့တယ်လေ
YOU ARE READING
The School President is My Boyfriend (Myanmar Translation)
RomanceGMM ကနေလက်ရှိထွက်ရှိထားတဲ့ My School President Series ရဲ့ Novel Myanmar Translation ဖြစ်ပါတယ်။ Just a fan translation! All credit goes to the original author of this novel.
