Fatima_Al-juboory
إنني متعبه يااخي
ولقد بلغ بي التعب حد الإنهيار،
أتماسك وأتماسك ولكن
في لحظةٍ عابرة انهدم
....... ♡♡......
... هسسسسه تجووون هسسسه تجوووون تششووفوون البليه الي هناا البليه الي وديتوني الهنننن الكلل يجيي ياخذ بناته ويرجع واني الهنن هسه اني راح اطلع المستشفى ال* رهف ماعرف شبيهاااا ماكدر اعوفهن وحدهن هسه يتذابحنن هسه تجوون هسه كلمن تاخذوها لبيتها لا قسم بالله العب بيكم فلك
سد التلفون وباوع لرهف الي نايمه ع الارض بس تون من المها صاح بدانيا
... انتتتي ماتمشين الها جيبن شي الها خل اخذها بساع
ركضت دانيا جابت عباء مال امي ولبستها ضل صافن عليها محتار شلون يكومها ساعه يدنك عليها ساعه يكوم يباوع لنرجس اخر شي صاح عليهن
... ماتجن لاختجن تكومنهااا انييي اشيلهاا
نرجس: اييي انت شمالك قابل انيي اكدرلها لو جود الفاهيه
مهيب: يلعن بليسج ولجج شلون اشيلها اني متكليلي
رهف: اخخخخ حموووووت وانتتووو لسه تتعاركووون تعاااي ولجج دانيااا كووومييني وخرررو عنييي انتوووو الاثنين
ركضت عليها امي ودانيا كومنها امي كوه تمشي كمشتها منا ودانيا منا نرجس ومهيب واحد يباوع بوجه الثاني
مهيب: انتي شبيج نثولتي
نرجس: اني نثولت لو انت
مهيب: ولججج لسانج
دار وجها ع بنات عمي وعماتي الي واكفات ع صفحه وكل وحده كفشتها شكدها وملابسهن متشككه عليهن واكفات ويعوجن بحلوكهن معاجبهن الوضع
مهيب: سمعني كلش زين اني راح اروح قسم بالله اذا سويتن شي او تعاركتن اجيجن من ذانجنن فاهماات وانتي غديروووو سمعتييي
غدير: وشمعنه انييي
مهيب: كل البلا من جوه راسج
طلع وامي ودانيا اخذن رهف كوه يمشنها ويه ماطلعو لتفتت عمتي ام ابتهال عليه وضحكت مدت اديها لكدام وصرفنت ردانها وتحزمت بدشداشتها
ام ابتهال: يله يبنات شوفن شغلجن غاب القط العب يافار
ركضت غدير سدت باب المطبخ وتقدمت عليه خوف تملكني رعب سار بجسمي رجعت لوره تقدمت عليه عمتي ام ابتهال هيه ومروه ماحس غير نجريت من شعري سحلني ونيمني جواهن
اني ضعيفه وخايفه وهنه كل وحده شسمنها تكومن عليه بعد مااعرف الضربه والكرصه منين تجيني من الخوف الي مسيطر عليه ماتحركت ابد ولا دافعت عن نفسي
نرجس وجود كمشنهن فردوس والبنات يمنعنهن يتقربلي
حسيت بكل العذاب الي تعذبته بيد داعش مر عليه كل الضرب والعذاب الي عذبنيا ابو خنجر مر عليه دموعي ملن خدي
صارت جمان بين عيوني تذكرتها وتذكرت شلون جانت تدافع عن نفسها وعني وشلون اني هسه ضعيفه قهر مله صدري بالزايد
بعد كل الي مر عليه بهل دقائق وبعد ماتذكرت جمان هيهات اضعف ماعرف منين اجتني القوه دفعت عمتي ام ابتهال مني حيل طاحت بالكاع وركضت فتحت الجرار اريد اسحب شي
نجريت بقوه طحت ع الارض ونامت عليه غدير تريد تضربني رفعت رجلي ودفرتها ببطنها حيل وركضت سحبت جفجيه والبخت اثكل جفجير اجه بيدي ضربت مروه الي تحاول وياي تريد تسحبه مني صارت الضربه ع زندها كعدت بالكاع تبجي الفاهيه ركضت لفردوس سحبتها من شعرها
بذاك الوقت حسيت نفسي اريد اطلع عذاب داعش كله بيهن اريد اطلع ضيم كلبي كله بيهن اطلع قهري وحقدهن الي خلا عمامي يمشون وراهن بعمه عيون اريد اراويهن جزء كلش بسيط من عذابي الي تعذبته
ماعرف منين اجتني ذيج القوه اني الجبانه الي ارجف من الهوه بعد الي سوا داعش بيه منين اجتني ذيج القوه بوقتها ماعرف
سحبت فردوس من نرجس ونمت فوكها ملختها كمت اضرب من دون وعي اخر شي عضيتها بكتفها حسيت الحم صار بين سنوني بس ابد ولا تأثرت مثل الصل بعمري ماشايفه هيج صلافه
رجعت نرجس وجود تكابلن ع بنات عمي بس هل مره اني وياهن وهل مره اقوه من عركه مساعه الجهال بره كلها بس احنه بالمطبخ او بساحه الحرب ماتشوف شي ولا تسمع شي بس اليباااو والمكافش المطبخ نكلب ساحه قتال
كل هذا وعمتي ام ابتهال تركض وراي وين ماروح تركض وراي هيه حيل سمينه وتركض جنها بطريق وكل كرصه منها تشيل الحم لو تهلسني تشلع شعري
اخر شي عفت جنات وركضت الها وهيه من شافتني شردت تحامي روحها بفردوس الي صايره جوه نرجس
سحلتها من دشداشتها ونمت عليها ولا يكول شسمنها واني شضعفني طلعت قهري كله بيها وين مايوجعها اكرصها واعضها نفس ماهيه سوت بيه
بهل اثناء حسيت ركعه كلش قويه اجت ع راسي خلتني افقد توازني دفعتني عمتي ام ابتهال من عليها ونامت عليه خنكتني
طلعن الكدور ويتعاركن بيهن صارت العركه بالكدور كل كدر شكبره
كومي يانرجس سحبي نور من شعرها ونيميها ع الارض وطاحتلها كرص وراشديات بهل وضع اني صايره جوه ام ابتهال متكابله عليه هيه ومروه ملخني
